ما يجبها الا اهل مكشات ..؟

[abo shagran]

السلام عليكم ورحمة لله وبركاته ..


اخواني .. ابي فزعتكم ..


الله لايهينكم اللي يعرف محلات او ناس ياجرون خيام مع التركيب وكل العده التابعه .. من ماطور الى اصغر شي ..

وابي افضل محل للتخيم للعائلات الكبيره



تكفووون اللي يعرف احد لايبخل علي وله الدعااء





دمتم بخير

[راعي نت]

حدد مدينتك وابشر بالمعلومات الكافيه باذن الله من الاخوان

[abo shagran]

ياهلا اخوي راعي نت .. انا من الرياض .. واخر مااوصله في التخيم للمجمعه

[شقير]

في تمير محلين يأجرون الخيام ولو تبيهم يطقون لك مخيم متكامل ماقصروا والدراهم تخدم والبر حول تمير منااااسب جدا للعوايل

[راعي نت]

لو عندي بتبوك ابشر بالي يخدمك

لاكن ان شاء الله يخدمونك الاخوان

[abo shagran]

اخوي شقير .. تمير بالنسبه لي مناسبه .. ياليت لو كان عندك رقم المحل .. ترسله لي الله لايهينك

[abo shagran]

راعي نت .. ما تقصر يالغالي .. ومشكور على اهتمامك

[شقير]

ابو راشد لتأجير الخيام 0555230669_0553288800/ ابوناصرللخيام0555453832

[ابو منصور2000]

في شارع عبدالله بن عباس في حي الروابي يوجد اكثر من 10 محلات
متخصصين في طلبك
وشكرا

[abo shagran]

تسلم يالغالي .. اتعبتك معي ..

[abo shagran]

ابو منصور .. مشكور يالغالي .. وباذن الله راح امرهم .. بس عندي استفسار .. هل هم يسوون لي المخيم كامل والكامل وجه الله.؟

[مراسل شقراء]

والله عندك شقراء لاتفوتك تصلح للعوائل ان بغيت النفود موجود وان بغيت الماء عندك الحماده واهلها طيبين وبرها قريب منها وعندك محلات صالح المقرن للرحلات يوجد عنده خيام فخمه للتأجير ويقومون بتجهيز المخيم بجميع متطلباته وفي المكان الذي تريد ، بس عجل احجز ترى الكشاته واااااااجد مع هذا الربيع ، وان بغيت مساعده في تحديد المكان او شي بخصوص شقراء وبرها انا مستعد .
تحياتي .....

[abo shagran]

مراسل شقراء



مشكوووووووووور اخوي بس والله ان اهل شقرا ونعم بس ياخوك اللي معي يبون شي قريب من الرياض او المجمعه ..


وماتقصر ..

[مراسل شقراء]

شقراء اقرب من المجمعه
شقراء تبعد عن الرياض 180 كم من عند حريملا
المجمعه تبعد على مااظن 240كم

[abo shagran]

اخوي مراسل شقراء .. لا مالك لوى .. المجمعه مع الطريق السريع حق القصيم ..174 كيلو .. وشقرا نفس البعد .. بس انا قلت المجمعه عشان لنا بيوت هناك ..

[مراسل شقراء]

ربي يوفقكم وين ماحليتو واتمنى لكم اجازه سعيده وممتعه ...... ودامت ايامكم سعيده

[abo shagran]

اخووووي مراسل شقراء


تسلم يالغالي .. على اهتمامك ودعوتك .. الله يكثر من امثالك ..

[مراسل شقراء]

والله اخجلتني ياراعي المجمعه

[abo shagran]

والله يالغالي .. الحق يقال .. ما قصرت

[ابو الشباب3]

اخوي فيه واحد سبق انا استاجرت منه مخيم في الارطاويه والمحل في نفس المجمعه لاكن رقمه يبغله بحث شوي ياليت تعطيني وقت اليوم او بكره بالكثير لعلي احصله ارسله لك على الخاص او في المنتدى ورحله موفقه اخوي لكم ,,,,,,,

[abo shagran]

اخوي جمس 888 .. مشكووووووور ..


وان شاء تلقى الرقم ... واذا ما لقيت الرقم ليتك تقولي اسم المحل وانا ارسله احد الزملاء من المجمعه


شاكر لك..

[هوى البال]

والله اشوف ان رماح والرمحية مناسبة لك

وطلبك موجود هناك

[abo shagran]

اشكر كل من اهتم بالموضوع ..



ولاكن الى الان لم اتفق مع احد واتمنى اللي عنده طلبي .. ما يبخل علي

[ابو الشباب3]

اخوي ابشر بعزك لقيت الرقم 064323434 المجمعه شارع الاربعين الافراح للتاجير
ابوناصر لتجهيز المخيمات في ام رقيبه وام عشر جوال 0555453832 او0555553863 ان شاء الله اكون افتك اخوي انت وغيرك الله يوفق الجميع والعذر والسموحه اذا كان في الارقام تغيير لاني من زمان ماكلمتهم الله يجزاكم خيرلا تنسوني من صالح دعاكم الله يحفظكم ويرعاكم :good:

[نديم القرينة]

ابو شقران
السلام عليكم ورحمة الله وبركاته
يوجد عدة محلات في ام الحمام ( شارع الاربعين) بالرياض مختصة بذلك ..

تحياتي لك وللوالد حفظه الله وللجميع حفظهم الله بحفظه ..

محبك ابو عبد الاله ..

[الخبوبي]

أبو شقران أبشر بعزك وأنا خوك


طلبك عندي ,, من غير قصور في حق الشباب بيض الله وجيههم اللي والله ما بخلوا عليك بالمعلومه


شوف حبيب قلبي أنا من 5 سنوات أسوي مخيم للعائله في التنهات


ومتعامل مع محل أسمه الجمعه لتأجير الخيام مخرج 10 بعد إشارة جرير على اليسار ,,


المسؤول أسمه أبو بشير ج/ 0502806554


عز الله إنه أجودي وأسعاره ممتازه جدآ وخدوم ,, لا يفوتك


تراني أمس موقع العقد معه ,, قله من طرف أبو حمد إذا بغيت


بالنسبة لحقين الروابي لا يهمونك تراهم أكبر نصابين ,, والله أمس من باب التأكد من الأسعار


ذهبت لأكثر من 3 محلات طلع الفرق في السعر أكثر من 2000 ريال :confused: في المخيم


والله قمة النصب ,, لا واحد من أبو يمن يقول أخذ على التركيب والتوصيل للتنهات 2000 ريال


ثم مع التخفيض وصل إلى 1000 يعني تخفيضات 100% :mad:


عمومآ سوف أذكر لك الأسعار لليوم الواحد على حده حتى تقارن :



طبعآ هذي أسعار أبو بشير


خيمه عمودين 5*8 = 130 ريال مع فرشها ومراكيها


خيمه عمود 4*4 = 50 ريال


دورة مياه فيبر قلاس = 100


ماطور كهرب 3500 وات = 100 مع العقود


قلص ماء = 100 , مع الماء :D


كشافين كبار + 3 رواقات طول 10م بأرتفاع 2م مجانيه فوق البيعه :good:


التوصيل للتنهات مع التركيب والفك 400 ريال ,, يعني تستلم مخيم جاهز



أتمنى لك التوفيق , وإجازه سعيده إن شاء الله


دعواتك يالغالي



محبك أبو حمد

[المجمعه]

الله يعطيكم العافيه

ما قصرتو مع الرجال

والموضوع استفاد منه الجميع

بصراحه اثبت مكشات انه شامل على اسمه

[abo shagran]

جمس 888 .. نديم القرينه .. الخبوبي .



مشكووووووووووووورين على التفاعل ..

[abo shagran]

يا شباب .. توووهقت .. الحقوني ..



اقولكم كيف توهقت .. { اتفقت مع واحد ياجر مخيمات .. المهم اني قلت له انا برا الديره وبجي اوقع العقد معك الجمعه العصر .. وقالي بالحرف الواحد ... بحجزها لك ليوم الجمعه .. وبعد ذالك الوجه من الوجه ابيض .. قلت تم .. المهم دقيت عليه اليوم بعد ما جمعت القطه وهالخرابيط.. على ان الاتفاق تمام .. المهم اني دقيت عليه .. وقلت بزود خيمتين .. قالي .. الخيام اللي في المحل كلها ماجره .. قلت له طيب والاتفاق اللي بينا .. مارد علي .. قلت يعني الخيام اللي كنت حاجزها وينها قال اجرتها .. ...



شووفو لي حل بالذات اني الان مالقيت محل ..{ ياليت تساعدوني <<<<اخوكم عنده اختبارات في الجامعه السبت والاحد وهالسالفه مشغلتني ..