التريبي؟

[جمره]

اين يقع ضلع التريبي بالضبط وصف لو سمحتوا ماهو احداثيه

[ابوالجازي]

هلابك يا جمره
ظلع التريبي ما اعرفه زين لكن فيه دكاكة التريبي ودحل التريبي
اما الدكاكه فهي شمال معقلا(الشملول) بـ 40 كيليو تقريبا وشرق البويبيه بـ 25 كيلو وجنوب
وجنوب شرق ام الهوشات (مشلّه) بـ 18 كيلو
واحداثية الدكاكه

26.53.200
047.22.800

واحداثيات الدحل

26.54.290
047.19.580

واعتقد ان ظلع التريبي ماهوب بعيد عن الدحل قريب لمه

وافضل طريق تروح من الرياض لخط الدمام وتفرق مع مفرق رماح الين توصل رماح وتطلع من رماح على خط شويه وتعدا شويه رايح لم الرفيعه ومن الرفيعه تطلع شرق لم ام الهوشات (مشله) كل الطريق مزفلت وبعد مشله تدخل الاحداثيات وتوجه على التريبي
ارحو ان اكون افدتك

[جمره]

بارك الله فيك وماقصرت وردت الماء رحم الله والديك

[الزعيم 15]

مشكور وما قصرت

[سفير الشمال]

واعتقد ان ظلع التريبي ماهوب بعيد عن الدحل قريب لمه




السلام عليكم ورحمة الله وبركاته
حياك الله اخوي الغالي
جمره
أخوي الحبيب أبو الجازي ماقصر كفى ووفى بارك الله فيه
لكن حبيت أن أضيف إلى رده الجميل بأنه يوجد في نفس الموقع ضلع التريبي كما أسلفت ولكنه يسمى ضليع التريبي حسب ماورد في كتاب روائع الإحداثيات للمؤلف محمد الشلاش وهذه إحداثية ضليع التريبي الوارده في الكتاب وهي مقاربه لإحداثية الدحل
N 26 54 293
E 47 19 590
تقبل تحياتي

[khaled29619]

فيه ردميه بين الرفيعه وام الهوشات وانت طالع من الرفيعه لام الهوشات علي الفار تشوفها علي يمينك الردميه تفطع التريبي وتكمل الي الشملول تراه افضل طريق للتريبي
ارجو ان افتدك