التنهات وما أدراك مالتنهات

[فيصل 25]

ممكن أحد يفيدني من الأخوان ..

التنهات يمكن الذهاب لها هالايام .. وألا ممنوع الدخول لها ..

خصوصاً وأن الملك موجود في مخيمه .

أفيدوني جزاكم الله خيراً

[الخَـجَـمْ]

نصيحتي لك ابعد عنها,,
ياخوي اي فيضة (التنهات او غيرها)
يخيم فيها امير مايخلونك تقرب لها,,
وش تتوقع اذا الملك مخيم فيها,,

هذي وحده:

والثانية
حط ببالك وانا اخوك الاحداث الامنية الاخيرة
يعني بالتاكيد يبي يصير فيه تغيير من ناحية تشديد
الاجراءت الامنية حول التنهات,,

هذا توقع ,,

لكن من تجارب سابقه
اذا خيم فيها الملك مايخلون احد يخيم حولها
ماهوب فيها وبس,,,

[فيصل 25]

أشكرك أخي الخجم على تجاوبك .. وصدقت والله

[مخاوي الليل]

ياخوي انا توي جاي من التنهات ونصيحه لا تروح في الا في وسط الأسبوع

ياخوي زحمة الخلق هناك تكرهك للربيع وبعدين اصبر لين يطلع منها الحبيب وتراه ماهو مطول

[اخو نورة]

السلام عليكم ورحمة الله وبركاته

الاخ فيصل 25

التنهات محميه على مدار السنه ومحاطه بمواصير حديد والسبب في ذلك عبث اهل النفوس الدنيئه في العشب والخير واكبر دليل على ذلك الفياض الغير محميه تلقاها لاتذكر بالربيع الطيب وذلك لكثرة دخول السيارات لها
التنهات يا عزيزي من الجهه الشماليه والشرقيه والغربيه يرتادها الجميع ولكن تقف سيارتك عند الاسياج وتنعم بلمناظر الخلابه لان قدمي الانسان لاتضر العشب بمقدار ما تضره السيارات والمنطقه محميه من دخول البهايم الى انجلاء وقت الربيع لسببين الاول ليتمتع المواطن بها والثاني الى ان يجف العشب وتكون افضل لبطون البهائم اما بالنسبه لكثرة المكاشيت فنعم هناك اعداد هائله والسبب في ذلك انها الفيضه القريبه هي وخريم من جنب الرياض ويرتادها الكثره لتوفر الخدمات مثل :
1- مركز اسعاف
2- مركز للمجاهدين لايتعرض سوا المخالفين من اهل الحلال
3- تغطيه لشبكة الجوال
4- محطة بنزين قريبه جداًً 16 كم
5- كثير من الشعبان بجوارها بحيث يمكنك وضع خيمتك والتنزه الى الشوكي او محارق او الطيري او الترابيع
وابعد منطقه منك 35 كم فقط