رابطة ملاك (اليوكون , دينالي , تاهو , السوبربان ,z71)

[يوكون2004]

انا سجلوني معكم
ولكم شكري

[وسام الغضب]

تسلم اخووووووووووي راعي المجهم
على النصايح
بس بالله وش عيوبة ومميزاته

[راعي المجهم]

تسلم اخووووووووووي راعي المجهم
على النصايح
بس بالله وش عيوبة ومميزاته

والله وأنا أخوك معي واحد تاهو دبل له 4 سنوات

ماخليت ولا مكان الا ووصلت له حتى الربع الخالي وصلته

وسافرت عليه سوريا لبنان الأمارات الكويت

تطعيس وبر ماشفت منه الا كل خير ماشاء الله عليه

راحة فخامة قوة رخص قطع غياره صيانته بسيطة أي مهندس يسويه

عيبه وعيب كل سيارة كبيرة أرتفاعه عن الأرض وخطر الأنقلاب في حال ضرب الكفر

وهذا عيب في كل الجيوب والجموس لكن السرعة الطيبة 120 أو 140 طيبة

بإذن الله يستر الله عليك

[ضامي الدلم]

..



يوكن وارد امريكي

http://images.cars.com/supersized/DMI/194542/45614.18.jpg

لبرمجة درجة الحراة الي في المرايه كما في الصوره
من f فرهنهيتي الى c او العكس
اتبع التعليمات التاليه
استمر على الضغط على الزر الايمن الي في المرايه خمس ثواني بعدين تجيك تبي fاو c
حرفي c اهو درجة حراره السعودية

اتمنى اني افتكم

[يوكون الجبيل]

السلام عليكم ورحمة الله وبركاته
عندي يوكون 2004 وكاله , سوف أقوم بعرض بعض مشاكله وبعض الحلول التي قمت بها أو التي لم أجد لها حل.
المشكلة الأولى: فجأه وعند الضغط على الهاند بريك إنقطع السلك :( ماذا أعمل؟؟
الحل المؤقت : يوجد في أعلى مكان فوق دعاسة الفرامل القطعة التي تحرر الفرامل, ما عليك إلا أن تسحبها للآعلى :D .

الحل الدائم : أن تشتري من الوكالة السلك كمجموعه كاملة وتستطيع أن تركبها من غير أن تذهب للورشة وتخسر خمسون ريالا.


سوف أحاول أن أصور هذه الطريقه , باقي المشاكل في مشاركة أخرى

[طالب الكلية]

ما أحد رد علي يا جماعة

[ابوفروحه]

ياجماعة الخير افزعولناوابحثولناعن يوكن من موديل2002الى2006بشرط يكون نضيف ولي يحصل الشي الزين يبشربسعيه وتراني جادوياليت يكون استخدام شخصي
وينكم يالربع شكلكم ماتبون السعي

[هاوي حائل]

اتمنى منكم زيارة موضوعي على هذا الرابط لأني اليوم بغيت اكتب رد

بهذا الموضوع وما لقيت احد ابد هذا الرابط / http://www.mekshat.com/vb/showthread.php?t=206174

[ابو حسناء]

السلام عليكم

يا جماعة الخير ..... اللي يعرف عن برمجة اليوكن و التاهو لا يبخل علينا بالفايدة

واذا تفتحون موضوع خاص بالبرمجة يكون احسن...

مأجورين غير مأمورين.

لا تخلونا يا بعد حي.

[ابو نعمه]

سجلو عندكم تاهووووووووو
Lt 2009 4×4 (http://www.mekshat.com/vb/showthread.php?t=205799)

[راعي المجهم]

البرمجة طال عمرك فقط أفصل أصبع البطارية السالب لمدة 15 دقيقة

بعدها رجعه وشغل السيارة بكذا تكون السيارة تبرمجت ورجعت لضبط المصنع

وسلامتك

[هاوي حائل]

تاهو L T 2009 4 × 4

[ابو حسناء]

تسلم يا راعي المجهم على سرعة الرد ... لا خلا و لاعدم

بس انا بغيت الاشياء اللي الخفيه مثل فصل تحديد السرعة او زيادة عزم الموتر

ومثل هالاشياء...

[راعي المجهم]

نصيحة هذا الأشياء ضررها أكثر من نفعها

هذه يسويها واحد رصيده في البنك فوق 10 مليووون ريال

والألف عنده زي الريال يوم يلعب باسيارة و10 أيام في الورشة ماعنده مشكلة

[عزيز النفسس]

يسرني الانضمام لهذه الرابطة الكبيرة

كما يسرني اكثر ان تجدوا حل لمشكلتي



عندي تاهو 97 خرب علي الكمبروسر وجبت واحد اصلي وغيرت الفلتر والقارورة

ما قعد له شهرين الا ولقي حتفه .. غيرت واحد مجدد طبعا ومعه فلتر وقاروره برضوه

وله الان ستة اشهر وبدا يطلع صوت ..

سؤالي الله لا يهينكم .. هل ممكن اولف عليه اي كمبروسر ثاني .؟؟ لو صحراوي اهم

شي يبرد زي الناس ويريحنا


ولكم خالص المودة والتقدير

[ضامي الدلم]

عجل سجل
سبربان 2008 lt
ولاتأجل
تراحيب للشباب
ادور المرتبة الثالثة يفضل اللون الرصاصي الفاتح طبعا مخمل
ما استغني عن فزعتكم
ولاتقولو مر الوكالة..
مريت وقالو مافي..وتشليح الحاير يبي المطافي..واسعارة يااااكااافي..
الي عنده اويخبر لي يراسلني على الخاص.. سلام


السلام عليكم ورحمه وبركاته
انا مثلك ابحث عن وحدة تكون جلد سكري

دورت ما لقيت
شفت لي واحد معة z71 مفصله وحده زي شد البد بس ماهي مفصول نفس طريقه الصوالين القديمه سهله التركيب والفك و ديكورها نفس مراتب اليوكن

فصلها في صناعيه في جدة وسعر التفصيل كما ذكر لي 1300 ريال

با انك رحال خذك عمرة اخر الاسبوع ورح لصناعيه جدة

[راعي المجهم]

يسرني الانضمام لهذه الرابطة الكبيرة

كما يسرني اكثر ان تجدوا حل لمشكلتي



عندي تاهو 97 خرب علي الكمبروسر وجبت واحد اصلي وغيرت الفلتر والقارورة

ما قعد له شهرين الا ولقي حتفه .. غيرت واحد مجدد طبعا ومعه فلتر وقاروره برضوه

وله الان ستة اشهر وبدا يطلع صوت ..

سؤالي الله لا يهينكم .. هل ممكن اولف عليه اي كمبروسر ثاني .؟؟ لو صحراوي اهم

شي يبرد زي الناس ويريحنا


ولكم خالص المودة والتقدير

المشكلة عندك من تعبئة الفريون الصيني يعدم الكمبرسر على طول

حاول تعبي فريون أمريكي أصلي

[بدوي الحجاز]

يااهل الخبره عندي يوكون 2008 محررررررررررررررررص عليه بالحيل ولااستخدمه _ موقفه في البدروم ولا اطلعه الا في المشاوير الطويلة كل شهر او شهرين تقريبا . السؤال هل كثرة وقوف الموتر يضره ؟ ثانيا عن كيفية وضع شنط السفر فوق السقف . يعني ماتمخش بوية السقف ؟ وتقبلوا كلكم تحياتي من ام القرى

[عساف الخربوش]

السلام عليكم انا عندي سلفرادو ونيت شفر 2003 يحتاج الى رفرف وكبوت وشبك وصدام ولم اجد له شيئا لا في الصناعيه ولا حتى في الجميح والعيسى وبالبيد وش الحل يا ربعي

[بدوي الحجاز]

عليك بتشليح النهدي في جده

[المتهم]

..





لو تكرمتم مين يعرف الزر الاسود اللي في الصورة على اليسار..


وش وضيفته ،،


وكيف نشغله // او نبرمجه ؟


يوكن وارد امريكي


http://images.cars.com/supersized/DMI/194542/45614.18.jpg




اعتقد انه مايك للزر الطوارى الي يجي جنب المسجل ويستخدم في حاله العطل او الطوارى يتصل بك مع الشركة طبعا هذا في الموتر الامريكي فقط ويستخدم الخدمة هناك فقط

[المتهم]

..



عذرا كثرت الاسئلة ،،


الصندوق الاسود الصغير الى فوق المرايه الامامية على اليمين ..


وش وضيفته // وكيف نستخدمه او نبرمجة ؟


يوكن وارد امريكي ،


http://images.cars.com/supersized/DMI/93150/B19689.19.jpg



نفس الكلام تابع زر الطورى وهذا الاسلكي تبع الجهاز

[حبيب ربعه]

هل نستفيد من سماعة الطوارئ الموجودة بقرب المرايه لستخدام البلوتوث للجوال أو اي فائدة أخرى
وتحياتي للجميع,,,,,,,,

[المتهم]

.
مع العلم أن عزم السيارة قد ضعف نوعا ما كذلك صرفية البنزين زادت ايضا ً .
السيارة يوكن 2004 دبل فل كامل


مع الشكر مقدما ً لكل من سيشارك ويعطر الصفحة



انا كان عندي نفس المشكله بس بسيارة فورد ورحت ورشه امدحوها الشباب وقلت ابجرب قالي 100 ريال قلت اوكي على الشرط
فك فلتر الهواء ومجرى الهواى ومنظم الهواء والبنزين الي يجي في فوق الماكينه ونظفها لي ببخاخ اسي دليكو وبنزين وقالي غير فلتر الهواى والحمدالله راحت المشاكل على طول وبصراحه طلع فيها وسخ كثير وقالي هذا سبب ارتفاع صوت الماكينه وضعف عزم الموتر ويزيد استهلاك البنزين وسببه الغبار ولاتربه
وبصراحه تغير الموتر الى الاحسن
سالته عن اليوكن والتاهو قال لازم ينظف ويجي الالكتروني

المحل اعتقد انه معروف وهو في صناعيه السلي بالرياض

[عزيز النفسس]

المشكلة عندك من تعبئة الفريون الصيني يعدم الكمبرسر على طول

حاول تعبي فريون أمريكي أصلي

تسلم يا راعي المجهم

والله الفريون اصلي والشغل كله عند شخص اعرفه تماما

هل من سبيل لتوليف كمبروسر اخر .؟

[تبريزة]

السلام عليكم ورحمة الله وبركاته

مع يوكن 2003دبل قصير امريكي الله يطعمني من خيره ويكفيني شره :)

ورحت امس للجابري عشان اغير الكومبرسير لأنه مجيم وقالي شغل يد 800 ريال بس
الصراحه تكيثرته ،، المهم قلت طيب ابي الشاشه حقت الطبلون عربي قال بـ 250 ريال ،، قلت مهيب مشكله وبرمجها لي الحمدلله وصارت عربي

ورحت شريت كومبرسر من محل النهدي وتقريبا طلع علي بـ 1050 ريال ،، وقالي وين تبي تركبه قلت له تعرف ورشه قال ايه ووصف لي واحد ورحت لمه وركبه لي مع تنظيف مواصير مع فريون امريكي بـ 450 ،، عاد اليوم مطلعه ،، وراح اجربه واذا هو كويس حطيت اسم محله ورقمه

ومن ناحية اللي يسئل عن الريموت فيه محل بمخرج 15 شمال مسجد الراجحي حق مفاتيح عنده حل لمشكله الريموت

ومن ناحية الطبلون اللي عنده امبيرات معلقه ،، الجابري قالي امس 800 ريال على امبيرين ،، واليوم بروح للسوري اللي بالشفاء يقولون الامبيرين عنده بـ 350

وان شاء الله اكون افدت لو بالشيء القليل

وفقكم الله اخواني

[ظريفو]

شباب تكفو ردو عليي انا توني ماخذ يوكن 2003 وارد امريكا وانتبهت ان السيارة بس اوفق ترتفع الحرارة فوق النص بشرطة فهل هذا طبيعي او لا لان الحرارة عندي على طول تحت النصة بشرطة ولكن هالايام لما اشتدت الحرارة صارت كذه لكن بس امشي او ارفع الريس يعني احنها ترجع الحرارة طبيعية وعندي سؤال كيف التبريد فياليوكن لاني احسه مو بداك الزود لكن اذا مشيت مشاء الله عليه فلج وادري كثرت كلام بس الدبل كيف استخدامه ومااعني تشغيله يعني ابي اعرف كيف احافظ عليه وانا غشيم بحاجة سمها طعوس وانا مو ناوي اطعس فيه لكنيبين فترة وفترة احب اتمشى في الرمل فيعني وش نصايحكم وانا مركب عليه كفرات ميشلان اعرض شي حصلته ونقشتهم عادية لكن مهيي حقت رمل هذي تنفع ولا اتمنى اجابتي على اسئلتي وخاصة الحرارة وعندي سؤال انا شفت في سيارة صاحبي تريل بليزر انا الحبات الي فوق جهة اليسار يقدر يتحكم بالمكيف الهو المروحة انا الي عندي يتحكمو بالمسجل الهو اذا بغيت احوله الى السيدي او الراديو والثانية اتنقل بيتن السيديات والاخيرة حق نظام اون ستار الي يشتغل في امريكا سؤالي هل توجد حركة اتخليني اتحكم بالمكيف ولا هو كده بس وارجو الرد على استفساراتي وخاصة الحرارة

[المرسومي]

السلام عليم ورحمة الله وبركاته


أخوكم ابو عبد الله المرسومي الهاشمي توني شاري تاهو موديل 2002 وارد الغانم عندنا في الكويت

السيارة تبارك الرحمن نظيفة جدا لكن صادفتني نفس مشكلة الأخ ظريفو
وهي ان الحرارة في عز الظهر والسيارة واقفة ترتف واتعدا النص بشرطة وهذا الشي ظيق خلقي

فيدونا هل هذا الشي طبيعي ولا في سبب لهذا الارتفاع يمكن معالجته

وعندي المكيف إذا وقفت تبريدة يخف وسالت قالوا بدل الكمبريسر هل تبريدة عادي ولا كلام الفني صحيح

وتقبلوا مروري وشكرا لكم

سجلوني في الرابطة :)

[معدم الظلام]

عندي2002z71ابي اركب له مراوح وش تنصحوني فيه جزاكم الله خير تعرفون السنه هذي شكل الصيف بيسوي سوايا غير شكل الله يحرم وجيهم عن النار آمين يارب

[الرحال050]

اخواني الاعزاء السلام عليكم ورحمة الله وبركاته
اخوكم ناوي يشتري يوكن xl2500 2009
بس ابي شوركم هل السيارة فيها عيوب مصنعيه
اوسريعة الخراب اخوكم ماجرب السيارات الامريكيه
وننتضر شوركم ياجماعت الخير لانكم عارفين السيارة وخابرينها

[كبسولة2]

شباب تكفو ردو عليي انا توني ماخذ يوكن 2003 وارد امريكا وانتبهت ان السيارة بس اوفق ترتفع الحرارة فوق النص بشرطة فهل هذا طبيعي او لا لان الحرارة عندي على طول تحت النصة بشرطة ولكن هالايام لما اشتدت الحرارة صارت كذه لكن بس امشي او ارفع الريس يعني احنها ترجع الحرارة طبيعية وعندي سؤال كيف التبريد فياليوكن لاني احسه مو بداك الزود لكن اذا مشيت مشاء الله عليه فلج وادري كثرت كلام بس الدبل كيف استخدامه ومااعني تشغيله يعني ابي اعرف كيف احافظ عليه وانا غشيم بحاجة سمها طعوس وانا مو ناوي اطعس فيه لكنيبين فترة وفترة احب اتمشى في الرمل فيعني وش نصايحكم وانا مركب عليه كفرات ميشلان اعرض شي حصلته ونقشتهم عادية لكن مهيي حقت رمل هذي تنفع ولا اتمنى اجابتي على اسئلتي وخاصة الحرارة وعندي سؤال انا شفت في سيارة صاحبي تريل بليزر انا الحبات الي فوق جهة اليسار يقدر يتحكم بالمكيف الهو المروحة انا الي عندي يتحكمو بالمسجل الهو اذا بغيت احوله الى السيدي او الراديو والثانية اتنقل بيتن السيديات والاخيرة حق نظام اون ستار الي يشتغل في امريكا سؤالي هل توجد حركة اتخليني اتحكم بالمكيف ولا هو كده بس وارجو الرد على استفساراتي وخاصة الحرارة

بالنسبة للحرارة أعتقد أن المناخ بدأ يتغير وبدأت ترتفع حرارة الجو

لنا أكثر من سنوات وأعتقد طبيعي جداً على النص أو فوقه بشرطتين

لكن هناك بعض الشباب مركبين مروحة مكيف جمس99 كهربائية

فائدتها تحسن تبريد المكيف أثناء الوقوف لأن كل الجمسات تبريدها يضعف

أثناء الوقوف

[sts888]

آمل قبولي كعضو لديكم علماً بأن لدي يوكون دينالي 2004 ولدي مشكله في عداد السرعة احيان ما يتحرك واحيان يعطي سرعة اقل من سرعة اسيارة الحقيقية

[كبسولة2]

آمل قبولي كعضو لديكم علماً بأن لدي يوكون دينالي 2004 ولدي مشكله في عداد السرعة احيان ما يتحرك واحيان يعطي سرعة اقل من سرعة اسيارة الحقيقية

أفصل أصبع البطارية السالب نص ساعة وركبه مرة ثانية

حتى تسوي برمجة للسيارة وبإذن يضبط

[sts888]

أخوي ترى عادي انا عندي نفس الشيء حلها تركيب مراوح كهرب امام الراديتر مع حساس كابرس او لومينا بحيث تشتغل المروحه اذا وصلت الحرارة النصف

[sts888]

أخوي المرسومي ترى عادي انا عندي نفس الشيء حلها تركيب مراوح كهرب امام الراديتر مع حساس كابرس او لومينا بحيث تشتغل المروحه اذا وصلت الحرارة النصف

[المرسومي]

أخوي المرسومي ترى عادي انا عندي نفس الشيء حلها تركيب مراوح كهرب امام الراديتر مع حساس كابرس او لومينا بحيث تشتغل المروحه اذا وصلت الحرارة النصف



جزاك الله خير وماقصرت صراحة طمنتني
لأني ما خذ السيارة على الثقة وما فحصتها
فدخل علي الشيطان وقالي صاحبها غشك يا خبل

[ظريفو]

مشكورين وماقصرتو بس المشكلة ان المكان ضيق طيب انا من القطيف وين احصل هذي المروحة ووين اركبها سواء في القطيف او الدمام في الخضرية وعندي سؤال وين يسوو نظام السيارة عربي

[سعد الليالي]

بسم الله ابدأ في الاجابه على اسألتكم واستفساراتكم من خلال تجربتي مع جي ام سي سوبربان 2005 وارد الجميح

اولا .. كثير من الاخوان يتسألون عن الحرارة وارتفاعها اذا وقف السيارة .. وهذا نظام في سيارات شركة جي ام .. ولا راح تنفعك المراوح لو تركبها .. .. وسألت احد المتخصصين في صيانة سيارات جي ام .. وقالي هذا الشيء طبيعي وعادي وهو نظام في السيارة اذا غيرت فيه اقرأ على الجمس السلام.. وهذا الرجال هو مشرف مركز اي سي دلكو للصيانة على طريق ديراب في حي الشفا بالرياض .. فلا توجس خيفه من هذا..

وثانياً.. بخصوص الامبيرات اللي في العداد .. فهذا خراب في المغناطيس اللي يحرك الامبير .. وما ينفع تفصل البطارية كما قال احد الاخوان .. والمشكلة هذي عندي في امبير ظغط الزيت والحرارة والسرعة والار بي ام .. وسألت ودورت عن الحل وقالي مشرف الصيانة ان تصليحها في الوكالة بـ 2000 ريال عند الجميح .. الجميح ما يصلحها عنده .. يرسلها لدبي عند الوكيل هناك .. ويصلحها ويجيبها لك في خلال اسبوعين تقربيا .. واذا تبي تروح لدبي عشان تصلحها .. راح تكون تكلفه التصليح 250 درهم = ريال .. فقط .. يعني الوكالة الجميحية تاخذ 1750 حق المشوار .. او تشتري جديد بـ 1000 ريال بس مشكلته انه انجليزي للموديلات اللي فيها شاشة في الطبلون .. وفيه ورشة في صناعية الشفا تصلحها لك بـ 300 ريال تقريبا ماني متأكد بس انه يجيب القطع من امريكا مخصوص للورشة .. وثمنها هناك 49 دولار .. وكانت عندي صور للمغناطيسات اللي وراء الامبيرات .. لكن الهاردسك اللي فيه الصور .. مايشتغل .. والقطع كبر حجم قرص الكيرم تقريبا وتشبه له ..وكل امبير له قطعة خاصة به..

وثالثا .. الاخوان اللي يتسألون عن الجمس وهل هو عملي وكفء .. انا من واقع تجربتي .. اشوف انه افضل سيارة مرت على تاريخ البشرية .. وهي معجزة الصناعات .. بصراحة الجمس ما مثلة في الراحة والفخامة .. يمشي على الأرض ملكاً .. وهو يفرق عن السيارات اليابانية في كل شي .. اللاند اذا ركبته تحس انك راكب كورلا ولا كامري .. والباترول رغم عشقي الكبير له الا انه ما يرتقي الى مستوى الجمس..

والموضوع مطروح لتبادل الخبرات .. يعني لا تسأل ثم تتركنا .. عطنا اي شي .. اي تجربة لك .. اي سعر للقطع .. اي موقف .. اي .. اي .. اي ..


واعتذر لبقية الاخوان اذا ما قدرت اجاوب على اسألتهم وذلك لانشغالي هالايام ..على العموم اذا عندكم اي استفسار لا تترددون في طرحه ..

تحياتي لكم .. ملك الجمس .. سعد الليالي

[تبريزة]

الله يعطيكم العافية جميعا

في الامس القريب ذهبت الى السوري اللي في الشفاء علشان اصلح الطبلون حقي وكانت 3 امبيرات ماتشتغل اللي هي حقت الزيت والسرعه والار بي ام كان على وشك وقلت اغيره يعني المجموع 3

المهم فك الطبلون وجاب الكاويه وفك القطع الالكترونيه من خلف الطبلون وهي كما ذكر اخوي سعد كبر حبة الكيرم بس اعرض ولونها ابيض
واستبدلها لي وغير لي 3 لمبات بالطبلون محترقه بعد

وكانت التكلفة بعد المكاسر 600 ريال

ماشاء الله والحمدلله الى اليوم شغالات كويس وعطاني ضمان سنه شفهي :)

وان شاء الله اي تجارب اعلمكم فيها اول بأول

[MR.SAEED]

أخر سؤال :



وش الفرق بين //


GMC Yukon XL C1500 (http://autos.yahoo.com/used-cars/gmc-yukon_xl-cars137243591;_ylt=AugWNNA0Aud_KPzqiFfPNbHoWI54;_y lv=3?sortcol=mm&page=100&start=101&modelyearub=2001&modelyearlb=2000&askpriceub=any&askpricelb=any&deliverymileageub=any&deliverymileagelb=any&sortdir=up&listingtype=used&model=yukon_xl&make=gmc&distance=any)


و



GMC Yukon XL K1500 (http://autos.yahoo.com/used-cars/gmc-yukon_xl-cars137354221;_ylt=At71XmJ.KQ.rp1zHe.JAonjoWI54;_y lv=3?sortcol=mm&page=100&start=1&modelyearub=2001&modelyearlb=2000&askpriceub=any&askpricelb=any&deliverymileageub=any&deliverymileagelb=any&sortdir=up&listingtype=used&model=yukon_xl&make=gmc&distance=any)



هل احد عنده فكره ،،

[سعد الليالي]

ما شاء الله .. على البركة اخوي تبريزة (http://www.mekshat.com/vb/member.php?u=8565) .. بصراحة انا كنت خايف اني ما القى السوري اللي في الشفا لان اللي قالي عنه .. ما يخبره الا من سنتين ويقول يمكن انه عزل .. لكن الحمد لله .. ما زال عزال على قيد الحياة .. وانا ماني رايح له الا اذا تسدحن كل الامبيرات .. لان فيه بعضهن يشتغلن ويخربن ولا تدري تغيرة ولا لا ..

على العموم ..
تحياتي لكم .. والله يوفق الجميع

[تبريزة]

ما شاء الله .. على البركة اخوي تبريزة (http://www.mekshat.com/vb/member.php?u=8565) .. بصراحة انا كنت خايف اني ما القى السوري اللي في الشفا لان اللي قالي عنه .. ما يخبره الا من سنتين ويقول يمكن انه عزل .. لكن الحمد لله .. ما زال عزال على قيد الحياة .. وانا ماني رايح له الا اذا تسدحن كل الامبيرات .. لان فيه بعضهن يشتغلن ويخربن ولا تدري تغيرة ولا لا ..

على العموم ..
تحياتي لكم .. والله يوفق الجميع


يا هلا وغلا اخوي سعد

الله يبارك بعمرك ،، ايه ابشرك انه موجود ،، وتراه يعلمك اذا كان الامبير على وشك خراب ولا كويس

الله يعطيك العافية

موفق خير

[mohd26]

ياشباب الله يرحم والديكم اللي يعرف جوال السوري اللي يصلح طبلون الجمس يقوله لنا
ويحط لنا وين محله بالضبط في الشفا او اي مكان وياليت موقعه على جوجل
وعساكم على القوة

[تبريزة]

تم ارساله على الايميل اللي ارسلته لي على الخاص

عموما رقمه موجود بالصفحات من 10 الى 19 في هذا الموضوع ماني ذاكر بالضبط

[بو فزاع]

السلام عليكم ورحمة الله وبركاتة

عندي انفوي Xl موديل 2003 وارد امريكي Slt وناوي اسافر به بس الحرارة عندي على النص

وهالأيام مع الحر زادت الى ثلاثة ارباع يعني باقي الربع وتوصل لمرحلة الخطر او الخط الأحمر

ومع الحرارة يضعف اداء المكيف واحيانا اثناء الوقوف

فحصت مروحة التبريد بس ما فيها شي

ابي شوركم يا جماعة الخير ويا اصحاب الخبرة

الله يجزاكم خير

[تبريزة]

من وجهة نظري ان الرديتر جاي على مواصفات امريكا يعني مو متوقع هالحر اللي عندنا

لو تقارنه بواحد سعودي يمكن تلقى الفرق بالرديتر

[mohd26]

السلام عليكم بوادي Ngk لبليزر 2007 حد يعرف كم رقمها و وين المحل
اللي يبيعها
وعساكم على القوة

[اسطورة الصمت]

سجلوني معاكم الله لا يهينكم
يوكن 2000 xl

[ابو نواف99]

السلام عليكم

اخواني موتري يوكون دبل 2008 , الصيف اللي فات كنت طالع من مكه وماشي فوق 160 وفجاه ارتفعت الحراره حتى وصلت الربع الل بعد النصف وظلت تقريبا حوالي الربع ساعه علماً اني هديت الى 120 وبعدها رجعت الحراره طبيعيه وصارت معي نفس الحركه بعدها بفتره وانا طالع من الدمام للرياض وكلها كانت وقت عز الصيف ... راجعت الوكاله قالوا تشيل الشبك الامامي ( انا مركب شبك دينالي على الشبك الاساسي ) طبعاً ماعاد رحت عليه مشاوير بعد كذا ... والان مقبل الصيف فهل تتوقعون ان هذا السبب كافي لارتفاع الحراره او ان هناك اسباب اخرى

[برق لينا]

السلام عليكم ورحمه الله وبركاته


يشرفني الانضمام معكم ياخوان بالرابطه اللي اتمنى من العلي القدير ان تكون موسوعه للملاك

يوكون 2002

عندي كذا مشكله ابي اعرضها للخبراء واكيد انهم ماراح يقصرون في الاجابه

1- عندي امبير البنزين على الصفر لو التانكي فل ولمبه لو فيول مولعه على طول

2- اذا شغلت السياره في الصباح عندي امبير الزيت يرتفع وينزل على كيفه مع العلم اني اسمع صوت المكينه يتغير

3- المكيف عندي مايبرد الا اذا مشيت وبسرعه عاليه يعني اذا وقفت عند الاشاره الله يعين بس

لا تبخلون علي بالاجابه واتمنى انكم تقبلوني معكم اخ لكم صغير

[كبسولة2]

السلام عليكم

اخواني موتري يوكون دبل 2008 , الصيف اللي فات كنت طالع من مكه وماشي فوق 160 وفجاه ارتفعت الحراره حتى وصلت الربع الل بعد النصف وظلت تقريبا حوالي الربع ساعه علماً اني هديت الى 120 وبعدها رجعت الحراره طبيعيه وصارت معي نفس الحركه بعدها بفتره وانا طالع من الدمام للرياض وكلها كانت وقت عز الصيف ... راجعت الوكاله قالوا تشيل الشبك الامامي ( انا مركب شبك دينالي على الشبك الاساسي ) طبعاً ماعاد رحت عليه مشاوير بعد كذا ... والان مقبل الصيف فهل تتوقعون ان هذا السبب كافي لارتفاع الحراره او ان هناك اسباب اخرى

الحمد للخ بأنك عرفت سبب المشكلو بنفسك

أي سيارة تغير شبكها راح ترتفع معك الحرارة حتى لو شئ بسيط

[تبريزة]

السلام عليكم

اخواني موتري يوكون دبل 2008 , الصيف اللي فات كنت طالع من مكه وماشي فوق 160 وفجاه ارتفعت الحراره حتى وصلت الربع الل بعد النصف وظلت تقريبا حوالي الربع ساعه علماً اني هديت الى 120 وبعدها رجعت الحراره طبيعيه وصارت معي نفس الحركه بعدها بفتره وانا طالع من الدمام للرياض وكلها كانت وقت عز الصيف ... راجعت الوكاله قالوا تشيل الشبك الامامي ( انا مركب شبك دينالي على الشبك الاساسي ) طبعاً ماعاد رحت عليه مشاوير بعد كذا ... والان مقبل الصيف فهل تتوقعون ان هذا السبب كافي لارتفاع الحراره او ان هناك اسباب اخرى


من وجهة نظري انها سبب كافي لارتفاع درجة الحراره

كل ما تهوى الرديتر اكثر برد اكثر

انت مالك الا تفكه وتشوف الفرق

بالتوفيق اخوي

[تبريزة]

السلام عليكم ورحمه الله وبركاته


يشرفني الانضمام معكم ياخوان بالرابطه اللي اتمنى من العلي القدير ان تكون موسوعه للملاك

يوكون 2002

عندي كذا مشكله ابي اعرضها للخبراء واكيد انهم ماراح يقصرون في الاجابه

1- عندي امبير البنزين على الصفر لو التانكي فل ولمبه لو فيول مولعه على طول

2- اذا شغلت السياره في الصباح عندي امبير الزيت يرتفع وينزل على كيفه مع العلم اني اسمع صوت المكينه يتغير

3- المكيف عندي مايبرد الا اذا مشيت وبسرعه عاليه يعني اذا وقفت عند الاشاره الله يعين بس

لا تبخلون علي بالاجابه واتمنى انكم تقبلوني معكم اخ لكم صغير


وعليكم السلام ورحمة الله وبركاته

من ناحية امبير البنزين اذا كان يتحرك وقت ماتعبي بنزين فهي المشكله من العوامه
اما اذا كان مايتحرك اتوقع المشكله من الدوائر الالكترونيه حقت الطبلون وهذي حلها عند الجابري ولا عند السوري اللي بالشفاء

من ناحية امبير الزيت صعبه افتيك بشيء مااعرفه :)

المكيف ابدء بالحلول السهله والرخيصه ،، اول شيء صيخ المكيف تصييخ كامل تلقاه عند حق الرديترات جهاز يشبك لك الرديتر ويحط بوسطه ماده تطلع البراده اللي جوا الرديتر ويغسل لك راسك المكينه بعد

بالتوفيق اخوي

[مانع عبدالله]

السلام عليكم ورحمة الله وبركاته
الحمدالله تم شراء يوكن 2005 كامل الموصفات امريكي
وفي الفحص قال المهندس انه يبله تصفيه مكينة وتغير فلتر القير وتنظيف حساس البنزين وتغير السيور المكينة والمكيف والحمدالله سويتها كله بس بعد ما نظفت حساس البنزين واستبدلت السيور ولعت في الطبلون لنبه المكينة ولنبه ثانيه زي حذوه الحصان مادري وشهي اشاهد انه ركب على السيارة جهاز من تحت الدركسون وصلحها ما ادري فصلها

وانا اسال هل طريقته صحيحة ولا على السياره مضره

[الجامح66]

المقصود
تردد موجات الراديو (الف ام) يمشي على ارقام فرديه مثل 93.1 - 93.3 - 93.5
وما يلقط التردد الزوجي

وشكله زي اللي في الصورة
http://images.cars.com/supersized/DMI/184652/YG225627.29.jpg
:j ايش الحل ... ارجو الافادة :j



..






السلام عليكم

الأخوان اللي يسألون عن مشكلة Fm في الراديو الأمريكي

المشكلة بسيطة جداً

كان عندي جمس2000 استخدام امريكي ورحت عند محلات اصلاح المسجلات بشارع خالد بن الوليد بالرياض أمام صالة تويوتا بعد البلاد مول باتجاه الشمال

اللي سواه المهندس بسيط وهو ازالة الغراء الموجود حول بعض الأسلاك داخل اللوحة الرئيسية لجهاز الراديو

وصارت الإذاعة صافية جداً لكن الرقم لم يتغير

وسلامتكم

[ALGHAZL]

سجلوني معاكم الله لا يهينكم
تاهـــــــــ 2008ـــــــــــــو
Lt1 الون سلفر 4x4

[النايف2020]

شباب الله يسعدكم عندي مشكله في التاهو2008 وهي كلات دعسة عليه ونا ماشي بسرعة 135 وبدل وارتفع صوته .وبعد ماوصلت طلعت بعد نصف ساعه ولاحظت في التغييره الثانيه ونه مع مسكه مع ان تبديل السياره عادي جدا لكن هالصوت في التغييره الثانيه .مدري اللي عنده خلفيه عن الموضوع يفيدنا مشكور.

[ظريفو]

يشباب انا يشرفني اني انضميت الى رابطتكم وحبيت افيد زي مااستفدت منكم انا توني ماخذ يوكن 2003 وارد امريكا وطبعا شي اكيد ان السيارة مستعملة وتحتاج الى شغل فانا الي سويته لحد الان اني غيرت زيت القير والمكينة وفلتر القير طيب والسيارة من احلى مايكون بس لاحظت عليها حرارة المكيف تكييفه مو داك الزود رحت شيكت عليه طلع الفريون ناقص عبيته مافرق قلت يولد انا توني صارف ديك الحسبة خليها لبعدين المهم امس اشتريت ليها ثرمستات وعلبة موية احمر موتر كرافت وبدلتهم ب 50 ريال ركبو الي الثرمستات لكن لما نزلو الماي طلعت ريحته اعوذ باالله كنه صار اله عشر سنين كلن يوم بدلت الماي بدون تسييخ ولا شي اليوم حسيت ان المكيف فلج مع ان السيارة واقفة وهو كان مايبرد ابد اذا السيارة واقفة والشي الثاني كانت الحرارة اذا السيارة واقفة على طول ترتفع الى فوق النص بشرطة واذا طولت ترتفع اكثر بس الحمدالله بعد مابدلت الماي فرقت وياي السيارة وقفت الحرارة في النص غير ان المكيف صار ابرد بكثير ماشاالله ف وش رياكم تعتقدو ان الموية سبب في حرارة المكيف وطيب وش تنصحوني ابدل غير الي بدلته طبعا البريكات والهبات وبريك الهند بريك كله اتبدل لان راعيها الاولي خارط الهبات لين قالت بس والهند قام يتكسر في العامل من قدامته وكلفتني تقربا 1250 مع العلم ان الهبات امريكي مش اصلي لاني كنت مفلس ومحتاج السيارة ضروري والقماشات اخذتهم قدام وورا ب 300 ريال قالي الي اخذتهم منه انهم اصلي بسبعدين شافهم هندي يشتغل في محل قطع غيار اعرفه انا كان في الورشة بالصدقة قال هذا مو اصلي قال ان الاصلي يكلف اله تقريبا 700 ريال بس الله يعيني على السيارة وصراحة احس انها حساسة بزيادة لان لما بدلو الماي القديم طاح على المكينة قامت اول ماتشتغل اتطلع اصوات في السيور واتطلع اصوات غريب وتنتفظ بس بعدين رجعت مثل اول واحس واسف على الاطالة

[ظريفو]

والثرمستات مع الماي الاحمر تقريبا كلفوني 140 ريال او 130 تقريبا ان الثرمستات اخذته ب 80 ريال والماي ب 50 بس حبيت احط الاسعار بس ماني متاكد لاني القطع اخذتها يوم الاربعاء الي فات والفاتورة رميتها بس والله الشغلة سهلة وماتستاهل يعني اي واحد يقدر يبدله كل الي عليك اتخلي السيارة تبرد واتشيل الهوز الي من الفلتر الى الثروتل ب سكروب عادي تفتح الكلبسات واتشيل الكاور ب صبانة مانا متاكد من رقمها تقريبا عشرة وخلاص يبين الك يكون على يسارك اذا انت قبال السيارة بس ان المروحة بتاديك شوي لكن اذا عندك حبات بوكس وفيها المطول يعني اتصير طويلة يعني خلاص ماعندك مشكلة والله الشغلة ماتستاهل حتى عشرين ريال طبعا الثرمستات يجي مع الكوع فشغلته سهلة كثيرانا المرة الجاية يعني بعد سنة ولا سنتين انا الى راح ابدله والماي راح احاول كل بين فترة وفترة كل كم شهر ابدله لان صراحة السيارة حرارتها مي طبيعي واتخلي الماي يغلي يعني الماي بعد فترة خلاص تتغير تركيبته هذا الي اسمعته ادري من الحماس غثيتكم بس حبيت اسولف وياكم واشوف رايكم واسمع نصايحكم

[sts888]

أخوي سعد الليالي انا اتفق معاك في كل شيء ما عدا موضوع الحرارة المرواح الكهرب تفيد اكثر من اللي على سير المكينه وانا جربت هذا الشيء على الترل بليزر وعلى الجمس اليوكون الموديل 98 وكانت افضل من شد البلد يعني الترل بليزر شلت المروحة حقته وركبت له مرواح كدلك 93 على حساس كابرس 96 ومشى معي الحال وكانت من ابدع ما يكون لحد ما بعتها وراح اجرب نفس الطريقة ان شاء الله بعد ما افضى على الدينالي 2004 واقول لكم نتيجة التجربة وتقبلوا تحياتي
أس تي أس 888

[sts888]

وياليت يا اخوان رقم السوري اللي بصناعية الشفا عشان اصلح عداد السرعه حق موتري ومشكورين

[تبريزة]

رقم السوري
اسمه نضال
0503463431

انا غيرت 3 عدادات مع 3 لمبات بـ 600 ريال

ان قدرت على ارخص يكون احسن لك ^^

[أول واحد]

الله يوفق للجميع

[العزوم]

المفروض رابطة ملاك
اليوكون
التاهو
السوبربان
اليوكون اكس ال
والدينالي بنوعيه
وz71

كلهم في رابطه واحده

وسجلني معاكم
عضو خامس


اسجل اعجابي بقلمك اخي الكريم في الامور الفنيه ماشاء الله

تصحيح البيت في التوقيع وهو للشاعر بن جدلان//
الله على اللي صممته الولايات === اللي امريكا بالمصانع تصبه

[sts888]

مشكور أخوي تبريزة لا خلا ولا عدم يا الغالي

[H5N1]

السلام عليكم ورحمة الله وبركاته
الحمدالله تم شراء يوكن 2005 كامل الموصفات امريكي
وفي الفحص قال المهندس انه يبله تصفيه مكينة وتغير فلتر القير وتنظيف حساس البنزين وتغير السيور المكينة والمكيف والحمدالله سويتها كله بس بعد ما نظفت حساس البنزين واستبدلت السيور ولعت في الطبلون لنبه المكينة ولنبه ثانيه زي حذوه الحصان مادري وشهي اشاهد انه ركب على السيارة جهاز من تحت الدركسون وصلحها ما ادري فصلها

وانا اسال هل طريقته صحيحة ولا على السياره مضره
اللمبات اللي تولع لازم تسوي لها Reset عن طريق الكمبيوتر التشخيصي اللي في الورش وهذا يشبك عن طريق الفيش اللي يسار الدركسيون تحت بجوار مفتاح الفرامل اليدوية Hand Break
أوعن طريق فصل البطارية لمدة 10 دقائق تقريبا وإعادة توصيلها .
أو عن طريق وضع المفتاح على وضعية التشغيل Acc بدون تشغيل السيارة ومن ثم الضغط على دواسة التسارع ( البنزين ) إلى الآخر عدة مرات وهذه الطريقة تنفع مع ظهور رسالة Change Engine Oil
أما بخصوص حدوة الحصان المذكورة فهى تدل على انخفاض ضغط الهواء في أحد الإطارات .
هذا ما أردت الإسهام به وتقبلوا تحياتي .

[طحنون]

داخل عرض

معي تاهو 2005 دبل
طبعا امريكي والحمدلله مرتاح جدا منه ويؤدي الغرض في البر والخطوط
لاكن السؤال هل اقدراعمله شويت تزويد على خفيف
يعني اسلاك بواجي وفلتر وهدرز وهل وشويته برمجه خفيفه لانه يفصل على سرعه 160
وهل الوصفه اللي كتبتها مجديه وراح يحصل فرق واضح للعزم


او مجرد خساره دراهم لان العزم القوي ينفع للحالات الطارئه
في المطاعس او الخطوط السريعه واحد يتحرش فيك تطلع عليه وتدق بريك في وجهه تكسروجهيته وتغبر عليه وتتكل على الله
لاني مااستغني عن العزم القوي للمواتر اللي اسوقها
تراني مسالم لاكن لاتتحرش فيني علشان مااتحرش فيك:cool:

[ابو حسناء]

داخل عرض




معي تاهو 2005 دبل
طبعا امريكي والحمدلله مرتاح جدا منه ويؤدي الغرض في البر والخطوط
لاكن السؤال هل اقدراعمله شويت تزويد على خفيف
يعني اسلاك بواجي وفلتر وهدرز وهل وشويته برمجه خفيفه لانه يفصل على سرعه 160
وهل الوصفه اللي كتبتها مجديه وراح يحصل فرق واضح للعزم



او مجرد خساره دراهم لان العزم القوي ينفع للحالات الطارئه
في المطاعس او الخطوط السريعه واحد يتحرش فيك تطلع عليه وتدق بريك في وجهه تكسروجهيته وتغبر عليه وتتكل على الله
لاني مااستغني عن العزم القوي للمواتر اللي اسوقها


تراني مسالم لاكن لاتتحرش فيني علشان مااتحرش فيك:cool:







وانا معك يا طحنون
عندي نفس الاسئلة وان شاء الله نلقى من يفيدنا

[مانع عبدالله]

اللمبات اللي تولع لازم تسوي لها Reset عن طريق الكمبيوتر التشخيصي اللي في الورش وهذا يشبك عن طريق الفيش اللي يسار الدركسيون تحت بجوار مفتاح الفرامل اليدوية Hand Break
أوعن طريق فصل البطارية لمدة 10 دقائق تقريبا وإعادة توصيلها .
أو عن طريق وضع المفتاح على وضعية التشغيل Acc بدون تشغيل السيارة ومن ثم الضغط على دواسة التسارع ( البنزين ) إلى الآخر عدة مرات وهذه الطريقة تنفع مع ظهور رسالة Change Engine Oil
أما بخصوص حدوة الحصان المذكورة فهى تدل على انخفاض ضغط الهواء في أحد الإطارات .
هذا ما أردت الإسهام به وتقبلوا تحياتي .


الله يجزاك خير وبارك الله فيك ما قصرات

[sts888]

بالنسبه لسؤال طحنون أبو حسناء طبعا لما تعيد برمجة الكمبيوتر للمكينه حيفرق معاك لأن التحكم في السرعة في اليوكون أو التاهو متحكم فيها آليا وتركيب الفلتر وأسلاك البواجي والبواجي الرياضية والهدرز والأم أس دي وإعادة برمجة غيارات القير كل هاذي حتفرق معاك في القوة لانها حتضيف قوة للمكينه وبرمجة القير حيفرق معاك في العزم ومسك النمر يعني يصير القير ما يغير النمرة بسرعة زي الوضع الرياضي في بعض القيرات الأتوماتيك أتمنى اني اكون افدتكم وتقبلوا تحياتي

[ابرااااهام]

السلام عليكم جميعا

معي يوكون 2004

امريكي

مشكلتة الحراره وهو واقف فقط بالمكيف

وش السواة يالربع تكفون هل دبة التلوث هي السبب مع العلم اني غيرت بلف الحراره وما نفع


سلام

[عاشق z71]

داخل عرض



معي تاهو 2005 دبل
طبعا امريكي والحمدلله مرتاح جدا منه ويؤدي الغرض في البر والخطوط
لاكن السؤال هل اقدراعمله شويت تزويد على خفيف
يعني اسلاك بواجي وفلتر وهدرز وهل وشويته برمجه خفيفه لانه يفصل على سرعه 160
وهل الوصفه اللي كتبتها مجديه وراح يحصل فرق واضح للعزم



او مجرد خساره دراهم لان العزم القوي ينفع للحالات الطارئه
في المطاعس او الخطوط السريعه واحد يتحرش فيك تطلع عليه وتدق بريك في وجهه تكسروجهيته وتغبر عليه وتتكل على الله
لاني مااستغني عن العزم القوي للمواتر اللي اسوقها

تراني مسالم لاكن لاتتحرش فيني علشان مااتحرش فيك:cool:


اخوي اكيد بيفرق
انا ركبت قلتر على موتري وفرق

لاتركب بواجي واسلاك ماتفيدك الا بعد الشغلو القوي

ركب فلتر انتيك كامل
هدرز
شكمانين ورى
فرغ دبات البئه

بعد هذا كله برمج وادعيلي


بس انتبه تبرمج قبل ماتخلص شغلك كله

الله يوفقك

[ابو حسناء]

اخوي اكيد بيفرق
انا ركبت قلتر على موتري وفرق

لاتركب بواجي واسلاك ماتفيدك الا بعد الشغلو القوي

ركب فلتر انتيك كامل
هدرز
شكمانين ورى
فرغ دبات البئه

بعد هذا كله برمج وادعيلي


بس انتبه تبرمج قبل ماتخلص شغلك كله

الله يوفقك

السلام عليكم

يا عاشق z71
مساك الله بالخير ... نورنا الله ينور عليك ... ترانا شوي عليميه بهالسوالف ... وين نركب الفلتر و الشكمانين اللي تقول عليهن ... بعدين هذول يركبون على الافلانج 2002 مثل التاهو واليوكن. ؟؟؟
وهل الموتر فرق معك واجد...؟؟؟
بعدين كيف طريقة البرمجة اللي تقول عليها و وين نقدر نسويها.؟؟؟

اخاف كثرنا عليك بالنشدة
ياليت تفيدنا ..

وسلمت لغاليك

[طحنون]

عطونا العلم
احسن نوع للهدرز
افضل نوع للفلتر
افضل ورشه تشتغل في تركيب الامور التزويد
والبرمجه مين يظبطها
طبعا موقعي الدمام

[الرقيبه]

السلام عليكم
.
اولا سجلو خوي


ثانيا : للي قد مرت عليهم هالمشكلة او الفاهمين باليوكنات


يوكن 2003 سعودي
صرت اشم ريحة بنزين لما اوقف السيارة شغاله
ورحت لمركز فحص وفتش لين داخ
اخيرا لقى واحد من ليات الكونستر مكسور اللي هو حق البنزين الزايد
قالي لازم تغير الكونستر كامل لانه ما يتصلح
_________
الكونستر علبه سودا تجي جنب تانكي البنزين في حجم علبة الفاين
___________
سؤالي كم سعر هذا الكونستر لان ماعندنا فرع جميح ولا غيره
هل يمكن تصليحه
ابي ورشه فاهمين وثقه بالامريكي في الرياض
لاني بجي الخميس والوقت ضيق ومابي اتخبط بين العليميه.
______________

[ابو حسناء]

عطونا العلم
احسن نوع للهدرز
افضل نوع للفلتر
افضل ورشه تشتغل في تركيب الامور التزويد
والبرمجه مين يظبطها
طبعا موقعي الدمام


ليت الله يجيب لنا من يعلمنا بورشة زينة تسنع مواترنا

:o
وما زلنا انا و طحنون ننتظر الفزعة

[ابومشاري99]

السلام عليكم يالاخوان الكرام

انا ابشركم شريت يوكن اليوم 2003 فل كامل امريكي

والله مدري انا هو موتر عليه العلم والا توهقت والله يبعد التوهق

لكن فيه لمبة الشييك مولعه والطبلون مره يشتغل ومره لا

وش احسن ورشه بالقصيم اللتشييك ؟؟

واخبار قطع الغيار هو رخيص والا غالي ؟


وياليت تقبلوني معكم عضو

ولكم خالص الشكر والتقدير ودعواتكم لي بالتوفيق .....

[عاشق z71]

السلام عليكم

يا عاشق z71
مساك الله بالخير ... نورنا الله ينور عليك ... ترانا شوي عليميه بهالسوالف ... وين نركب الفلتر و الشكمانين اللي تقول عليهن ... بعدين هذول يركبون على الافلانج 2002 مثل التاهو واليوكن. ؟؟؟
وهل الموتر فرق معك واجد...؟؟؟
بعدين كيف طريقة البرمجة اللي تقول عليها و وين نقدر نسويها.؟؟؟

اخاف كثرنا عليك بالنشدة
ياليت تفيدنا ..

وسلمت لغاليك


شف يالغالي

اخاف ادلك على الامور ذي ثم تتولع وتحطها براسي خخخخ

اول شي يركبون على اي سياره موب شرط افلانش


ثانيا : كانك تبي القوه والشغل النظيف اشتر القطع من برا يعني امريكيه

او انك اشتريها من هنا مو مشكله بس قصدي انه امريكيه وليس صنع محلي

لان اصلا اذا جبتها امريكيه بتجي مخصصه تماما لموترك ومافي داعي خرابيط ولحام وقروشه

الفلتر سلمك الله تشيل الفلتر الي عندك مع قربته مع ماصورته وتركب هذا الجديد وهو زي الب بالصوره قيمته مع الشحن واصل الى عندك بحدود 1400 ريال جديد

هذا هو راكب على موتري

ماشالله تبارك الله

http://www.cars-club.com/up/8-2-1/carsclub_44292655.jpg

طبعا فايدته يدخل هو اكثر من الفلتر القديم المكتوم .
وبكذا السياره خفت عليك وصارت اقوى

والشكامين سلمك الله اسمها كت باك يعني تجي الدبه ومن بعدها الى نهاية السياره يعني الدبه مع الشكامين اسمها كت باك

وللمعلوميه الكت باك ببداية الامر مايعطي قوه الا بعد الشغل الكثير مثل فلتر هدرز ثروتل يعني شغلات كثيره
لاكن اذا بتركبه مع فلتر وبرمجه بس ماراح تحصل قوه . الي بتحصله صوت حلو وليس ازعاج طبعا

مع تنفس حلو للموتر . وقيمته على حسب النوع ولاكن تبدا من 2000 ريال جديد

وهذي صوره له جانبي وفي طبعا اذا تبي شكامين على ورى يعني تطلع من تحت باب الحوض


http://www.cars-club.com/up/8-2-1/carsclub_83062444.bmp


في عندك الهدرز او الاقزوز

وهو المواصير او الشعب الي طالعه من المكينه

بحيث ا حقت االبلد تجي اربعه مواصير مجتمعه بماصوره وحده

اما الهدرز تجي كل مخرج من المكينه بماصوره لحاله وماتجتمع بماصوره وحده الا قبل الدبه بشوي يعني بالعربي تصريف الهوا افضل من الوكاله
وهذي صوره له

http://www.cars-club.com/up/8-2-1/carsclub_59413083.jpg




اما البرمجه سلمك الله فمعدودين على الاصابع الي يسوونها للموتر

لان شغلتها شغله

يشبك جهاو كمبيوتر على السياره ويطلع معك وانت تمشي ويقعد يبرمج

طبعا من ظمن الاشياء الي يسويها بكمبيوتر السياره
يزود ظخ البنزيزن <<< بحكم انك دخلت هوا كثير بالفلتر الي ركبيته يحتاج حرق اكثر

ايظا يزيد الشراره على البوجي وهذي لحالها تعطيك قوه ملحوظه

وفي اشياء ماتحظرني يسويها ايضا
ايضا فتح عداد السرعه يصير الموتر مايفصل

طبعا قيمت البرمجه اذا بس تبيه يبرمجها بس ب600 ريال

اما اذ تبي بعد مايبرمجه يدخلها على الداينو وهو جهاز يقيس احصنة السياره بعد تعديلك وبعد البرمجه يصير مجموعها 1200 ريال

وللمعلوميه انا اجتهدت بالاجايه لان القطع المذكوره اعلاه مامنها ظرر على الموتر بل بالعكس تريح تنفسه بشكل غير طبيعي


طبعا نقطه مهمه اذا قدرت فرغ دبات البيئه ولاكن تحمل اللمبه عاد


للمعلوميه اذا معك افلانش ليش ماتسجل بموقعنا حق الجموس الحوض فقط في اجتماعات شهريه تعجبك واي سؤال تساله راح يتطامرون عليك لاجابه

وكله






طبعا بالرياض افضل من يسويها عبدالعزيز الرشيد بالصناعية مخرج 18


واي سؤال حاظر يالغالي

[عاشق z71]

عطونا العلم
احسن نوع للهدرز
افضل نوع للفلتر
افضل ورشه تشتغل في تركيب الامور التزويد
والبرمجه مين يظبطها
طبعا موقعي الدمام


احن نوع هدرز هو السيراميك ماده عازله وماتحتر وهو افضل ماصنع الا الان
والشركات عندك ايدل بروك جديه جدا

افضل نوع للفلتر هو من شركة كي اند ان < k&n

افضل ورشه اذا انت بالشرقيه عندك ورشة هشام الملا براس تنوره يجون له من انحاء الخليج

وهو ايضا يبرمج ومن افضل المبرمجين بعد

[ابو حسناء]

شف يالغالي

اخاف ادلك على الامور ذي ثم تتولع وتحطها براسي خخخخ

اول شي يركبون على اي سياره موب شرط افلانش


ثانيا : كانك تبي القوه والشغل النظيف اشتر القطع من برا يعني امريكيه

او انك اشتريها من هنا مو مشكله بس قصدي انه امريكيه وليس صنع محلي

لان اصلا اذا جبتها امريكيه بتجي مخصصه تماما لموترك ومافي داعي خرابيط ولحام وقروشه

الفلتر سلمك الله تشيل الفلتر الي عندك مع قربته مع ماصورته وتركب هذا الجديد وهو زي الب بالصوره قيمته مع الشحن واصل الى عندك بحدود 1400 ريال جديد

هذا هو راكب على موتري

ماشالله تبارك الله

http://www.cars-club.com/up/8-2-1/carsclub_44292655.jpg

طبعا فايدته يدخل هو اكثر من الفلتر القديم المكتوم .
وبكذا السياره خفت عليك وصارت اقوى

والشكامين سلمك الله اسمها كت باك يعني تجي الدبه ومن بعدها الى نهاية السياره يعني الدبه مع الشكامين اسمها كت باك

وللمعلوميه الكت باك ببداية الامر مايعطي قوه الا بعد الشغل الكثير مثل فلتر هدرز ثروتل يعني شغلات كثيره
لاكن اذا بتركبه مع فلتر وبرمجه بس ماراح تحصل قوه . الي بتحصله صوت حلو وليس ازعاج طبعا

مع تنفس حلو للموتر . وقيمته على حسب النوع ولاكن تبدا من 2000 ريال جديد

وهذي صوره له جانبي وفي طبعا اذا تبي شكامين على ورى يعني تطلع من تحت باب الحوض


http://www.cars-club.com/up/8-2-1/carsclub_83062444.bmp


في عندك الهدرز او الاقزوز

وهو المواصير او الشعب الي طالعه من المكينه

بحيث ا حقت االبلد تجي اربعه مواصير مجتمعه بماصوره وحده

اما الهدرز تجي كل مخرج من المكينه بماصوره لحاله وماتجتمع بماصوره وحده الا قبل الدبه بشوي يعني بالعربي تصريف الهوا افضل من الوكاله
وهذي صوره له

http://www.cars-club.com/up/8-2-1/carsclub_59413083.jpg




اما البرمجه سلمك الله فمعدودين على الاصابع الي يسوونها للموتر

لان شغلتها شغله

يشبك جهاو كمبيوتر على السياره ويطلع معك وانت تمشي ويقعد يبرمج

طبعا من ظمن الاشياء الي يسويها بكمبيوتر السياره
يزود ظخ البنزيزن <<< بحكم انك دخلت هوا كثير بالفلتر الي ركبيته يحتاج حرق اكثر

ايظا يزيد الشراره على البوجي وهذي لحالها تعطيك قوه ملحوظه

وفي اشياء ماتحظرني يسويها ايضا
ايضا فتح عداد السرعه يصير الموتر مايفصل

طبعا قيمت البرمجه اذا بس تبيه يبرمجها بس ب600 ريال

اما اذ تبي بعد مايبرمجه يدخلها على الداينو وهو جهاز يقيس احصنة السياره بعد تعديلك وبعد البرمجه يصير مجموعها 1200 ريال

وللمعلوميه انا اجتهدت بالاجايه لان القطع المذكوره اعلاه مامنها ظرر على الموتر بل بالعكس تريح تنفسه بشكل غير طبيعي


طبعا نقطه مهمه اذا قدرت فرغ دبات البيئه ولاكن تحمل اللمبه عاد


للمعلوميه اذا معك افلانش ليش ماتسجل بموقعنا حق الجموس الحوض فقط في اجتماعات شهريه تعجبك واي سؤال تساله راح يتطامرون عليك لاجابه

وكله






طبعا بالرياض افضل من يسويها عبدالعزيز الرشيد بالصناعية مخرج 18


واي سؤال حاظر يالغالي



السلام عليكم

تسلم يالقرم يا Z71

لاهنت يا بعدي على هالرد الشافي :good:

بس وين مكانكم يا رابطة الجموس الحوض؟
هنا بالمنتدى والا وين؟

وسلمت لغاليك.

[ابوي انت]

انا معي يوكون 2005
اسمع فيه اصوات مع المطبات والبطانيج ( صرصره )تز تز تز تز وعجزت اعرف السبب
- يصير فيه اصوات وحركات واروح واصلحه الا هذي مستمره واتوقع ان حلها بسيط بس من يعرفه
هل هي من داخل الغماره ( حلوه الغماره ) والا من برا وينها منه ووشلون تصلح
اللي يعرف ينورنا بمعلوماته وله جزيل الشكر

[ف99]

السلام عليكم : سجل سوبربان 2009
وباسأل عن الإسطب الإمامي في السوبربان فيه لمبات ماتشتغل ؟ كيف أشغلها ؟

[naser66]

مرحبا يا جماعة
سجلوني معاكم
سوبربان جمس 1994 حجم 454 دبل جير 2500cc

[أبو إياد]

السلام عليكم

عندي تاهو 2001 وابستشيركم في اشياء

-الكفرات اي نوع افضل لاني ناوي اغيرها وودي بنوعيه كويسه وفي نفس الوقت سعرها طيب

-بعد ماغيرت البواجي واسلاك البواجي صار فيه صوت في المكينه غريب وقت ماتكون السياره واقفه >> صوت خفيف كان شي فالت<< الصوت هذا كنت الاحظه في سيارتي الاولى الفورد

- وابغى اركب شاشه للاطفال لقيت نوعين الاول 9 والثاني 11 انش وما ادري اي واحد الانسب للسياره لان الفني نصحني بالاصغر

الله يعطيكم العافيه

[غاوي مقناص]

السلام عليكم ورحمة الله وبركاته
اخواني اسعد الله اوقاتكم بالخير والمحبه

عندي يوكن 2000
طلع فيه مشكله الي هي
وديته المغسله بعد المغرب وبعد ماطلعته اذا شغلت السوتش (البطارية) تولع الانوار وهو قبل كانت تولع بعد تشغيل السيار وبعد التعشيق الان مع فتح الاسوتش تشتغل على طول ؟؟

[humod]

السلام عليكم

عندي تاهو 2001 وابستشيركم في اشياء

-الكفرات اي نوع افضل لاني ناوي اغيرها وودي بنوعيه كويسه وفي نفس الوقت سعرها طيب

-بعد ماغيرت البواجي واسلاك البواجي صار فيه صوت في المكينه غريب وقت ماتكون السياره واقفه >> صوت خفيف كان شي فالت<< الصوت هذا كنت الاحظه في سيارتي الاولى الفورد

- وابغى اركب شاشه للاطفال لقيت نوعين الاول 9 والثاني 11 انش وما ادري اي واحد الانسب للسياره لان الفني نصحني بالاصغر

الله يعطيكم العافيه


بالنسبة للكفرات

أنا غيرت بكفرات (ماكسس) مواصفات ألمانيه وتصنع في تايلند لرخص اليد العاملة

الصراحه إنها لينه بالرغم إني معبي الهواء 40 ولين وأنا عادة كفراتي سابقا اخلي فيها 30
اسعر مناسب جدا جدا
مقاس 16/70/255 بـ330 وهذا إلى أنا مركبة إذا كان مشيك في المدينه أكثر فهذا مناسب جدا
مقاس16/75/265 ب340 كنت أتمنى إني مركبه لأني راعي بر فهو مرتفع شوي عن الأرض
مقاس16/70/275 ب370تقريا وهذا هو المقاس المستخدم عند الجميع

ولكن يميز العرض255 إنه يكون أقل صرف بالبزين لقلة التماس مع الأرض ويكون الموتر أخف كذلك

[عاشق z71]

السلام عليكم ورحمة الله وبركاته
اخواني اسعد الله اوقاتكم بالخير والمحبه

عندي يوكن 2000
طلع فيه مشكله الي هي
وديته المغسله بعد المغرب وبعد ماطلعته اذا شغلت السوتش (البطارية) تولع الانوار وهو قبل كانت تولع بعد تشغيل السيار وبعد التعشيق الان مع فتح الاسوتش تشتغل على طول ؟؟

طيب اظغط الزر الي احا تغشي النور اظغطه عدة مرات ويطفى

[طالب الكلية]

ياجمعة وش سالفة الصوت اللي في الدركسون
مع المطبات
شيكت على السيارة من تحت
كل شي تمام

بس قال لي المكانيكي غسل السياة وشحمها يمكن يروح الصوت


الصوت انا متاكد منه في الدركسون بس
مو من تحت


الله المستعان

[مرووووق]

السلام عليكم ورحمة الله وبركاته

من خلال تصفحي للموضوع لاحظت المشاكل اي في موديل 2000 الى موديل 2006 هي
(1) الحراره اثناء الوقوف ..
(2) تبريد المكيف يقل اثناء الوقوف ..
ـــــــ وتنتهي هذي المشكله اثناء المشي على الخط يعني الشغله يبغالهل دخول كمية هواء اكثر وتنتهي المشكله ..
واعتقد ان الحل تركيب مراوح او تغير المروحه
بلنسبه للاخوان الي ركبو مراوح ياريت يفيدونا عن افضل نوع وكم يكلف
(3) عدادات الطبلون ..
بلنسبه لاهل الرياض الكل يقول ورشة السوري هو افضل واحد يصلح الطبلون
طيب في احد يعرف ورش في باقي المناطق , الرجاء من الي صلح طبلون موتره خارج الرياض يذكر اسم الورشه ,,
على فكره نسيت اقولكم



z71 2003 موتري موديل
وعندي نفس المشاكل ++++++++ ونه في الدفرنش الخلفي خخخخخخخخخ :D :D



وسلاااااااامتكم






الله على الجمس لولا وارد الستين
ياليت مابدلو روده وسكانه

ياليت شالو مقصاته مع الجنبين
خلوه سسته على الدنقل كما اخوانه

ربحان يامن شراء من اربعه وستين
ما يشتكي نفضة البطناج ربانة

الله واكبر على من ضبط التيمين
وزن بلوفه وبَرينقه وذرعانه

لولا السلنسر وسيع ودبته مترين
كان انفجر من لهيب النار شكمانه

بين السلندر وبين الهيتله وجهين
أطرنبة الماي تقلب بين قمصانه

اما الشنابر مع البستن بوزنبين
على الكرنكات في بوشات مليانه

اكويل والديلكو مايحرق ابليتين
اسلاك في الكوب وافهم حق ميزانه

واحد وخمسه وثلاثه وسته قبل اثنين
الاربعه حطها في آخر الخانه

الدينما والكتاوت شغلها تموين
بتريه للسلك والليتات بطرانه

السير والمروحه في وسط الكاور تلحين
تشبه ربابة ابومحمود والحانه

باور استيرنق في السكان له بيبين
يعجبك تصفير سفتي بلف خزانه

اما الغماره بلاسلكي بكشافين
طبلون ورشه عليه اسمه وعنوانه

[أبو إياد]

الله يعطيك العافيه ويجزيك الجنه اخوي humod

[عاشق z71]

السلام عليكم

تسلم يالقرم يا Z71

لاهنت يا بعدي على هالرد الشافي :good:

بس وين مكانكم يا رابطة الجموس الحوض؟
هنا بالمنتدى والا وين؟

وسلمت لغاليك.


لك راسله ع الخاص بالمنتدى
حياك معنا يالغالي

[أبوأديب]

السلام عليكم ورحمة الله وبركاته ....
أرجو قبولي عضواً في هذه الرابطة .... لعلي أستفيد أوأفيد ..
السيارة يوكون 2005
المشكلة التي عندي .. مشغل السيدي . الولد الله يصلحة أدخل سيدي ثاني في الجهاز !! ومارضي يطلع ؟ الجهاز يحاول إخراج الإسطوانة ثم يفشل ..
أرجو الإفادة في حل هذه المشكلة ..
للمعلومية مررت بعض مصلحي مسجلات السيارات وأشاروا لي بالوكالة .

[المدني]

... اللهم اجعلنا من المتحابين فيك ...
.. سجلوني معكم .. شفر .. سوبربان 2003 .. شريناه قبل يومين .. استخدام أمريكي ..
... استفساري إلى خبراء الرابطة : ماهي الأشياء التي توصوني بها ناحية السيارة .. أقصد هل فيه أشياء لازم تغيرمن السيارة ؟! مثل الكفرات .. أخبروني ضروري الله يجزاكم خير لأني ناوي أسافر بعائلتي عليه .. ولم أكشف عليه عند أحد .. لكن بعض الأخوة جربه لي عند المعرض وقال لي ما فيه شيء !
... وأيضاً هل يمكن تغيير شاشة الطبلون من الانجليزي إلى العربي ؟ لأن الرسائل مكتوبة بالانجليزي وأنا ما أعرف .

[اواكس707]

اخواني اسعد الله اوقاتكم

وش الحل في الانوار الاماميه والزجاج الامامي كله مرمل من السفوف اكرمكم الله وش الحل والدبره لا هنتم.تاهو م 2007

[طحنون]

ياجمعة وش سالفة الصوت اللي في الدركسون
مع المطبات
شيكت على السيارة من تحت
كل شي تمام

بس قال لي المكانيكي غسل السياة وشحمها يمكن يروح الصوت


الصوت انا متاكد منه في الدركسون بس
مو من تحت


الله المستعان


نفس المشكله عندي
لان الصوت سببه صليب الدركسون وهو حسب كلام بعض الورش بالدمام بانه لوغيرته راح يرجع الصور في اقل من 3شهور
الحل انك تشحمه وتسوي نفسك انك ماتسمعه

[وسام الغضب]

ممكن انظم اليكم
ناوي اشتري يوكن 2002 وارد امريكا

[نور الصباح]

اقبلو انظمامي معكم وحاليا لااملك احدى هذه السيارات يوكون ......الخ ولكني اعشقها كل العشق ومن يريد النصيحه والاستشاره فأنى في الخدمه لان لدي بعض الخبره والله المستعان

[الرقيبه]

شباب مشكلتي لاتنسونها





السلام عليكم



.
اولا سجلو خوي


ثانيا : للي قد مرت عليهم هالمشكلة او الفاهمين باليوكنات


يوكن 2003 سعودي
صرت اشم ريحة بنزين لما اوقف السيارة شغاله
ورحت لمركز فحص وفتش لين داخ
اخيرا لقى واحد من ليات الكونستر مكسور اللي هو حق البنزين الزايد
قالي لازم تغير الكونستر كامل لانه ما يتصلح
_________
الكونستر علبه سودا تجي جنب تانكي البنزين في حجم علبة الفاين
___________
سؤالي كم سعر هذا الكونستر لان ماعندنا فرع جميح ولا غيره
هل يمكن تصليحه
ابي ورشه فاهمين وثقه بالامريكي في الرياض
لاني بجي الخميس والوقت ضيق ومابي اتخبط بين العليميه.


______________

[الرقيبه]

Where is


everyone

[تبريزة]

حياكم الله جميعا

بالنسبة للي يسئل عن الطبلون هل يتغير الى عربي ، ايه عندك الجابري وترايستار يضبطونها

انا صلحتها عند الجابري بـ 250 ريال
\



انا عندي استفسار بسيط، للي مبرمج كمبيوتره وفاك القطعه ومعدل بالتغييرات هل يحتاج انه يعبي بنزين 95 ولا عايدي 91

وشكرا

[just 4 u]

... اللهم اجعلنا من المتحابين فيك ...
.. سجلوني معكم .. شفر .. سوبربان 2003 .. شريناه قبل يومين .. استخدام أمريكي ..
... استفساري إلى خبراء الرابطة : ماهي الأشياء التي توصوني بها ناحية السيارة .. أقصد هل فيه أشياء لازم تغيرمن السيارة ؟! مثل الكفرات .. أخبروني ضروري الله يجزاكم خير لأني ناوي أسافر بعائلتي عليه .. ولم أكشف عليه عند أحد .. لكن بعض الأخوة جربه لي عند المعرض وقال لي ما فيه شيء !
... وأيضاً هل يمكن تغيير شاشة الطبلون من الانجليزي إلى العربي ؟ لأن الرسائل مكتوبة بالانجليزي وأنا ما أعرف .

غير الأتي :
البواجي وأسلاك البواجي
الفحمات كلها وشد الجلنط لان بعضها يجي مرتخي
زيت المكينة مع الفلتر وزيت القير مع الفلتر
فلتر البنزين فلتر الهواء
الكفرات
ويا حبذا تشيك على ضعط الطرمبة البنزين وفية مواضيع في المنتدي عن طريقه
وشيك على زيت الدبل وزيت الدفرنس أذا يحتاجون زيادة زدها وأيضا موية الرديتر

أنا تغير اللغة إلى العربية لازم برمجة اظن أحد الأخوان سواها عند الجابري 250 ريال

[عاشق GM]

بخصوص الزيوت نبي اللي يفيدنا موتري يوكن دينالي 2001 مكينته 6.0 واغيرله زيت اسي ديلكو
20 :50w ونفس الزيت استعمله لسيارات البيت جمس2005 سوبربان ونيسان التيما 2006و
وانيت شفر باتريوت s10 اربعه سلندر وش رايكم هل هو مناسب هالزيت واللي مايصلحله من هالسيارت على فكره جربت الكاسترول 10 /30 للدينالي وبدا ينقص معي فغيرت الى 20 /50 وهم نقص ولاكن مع الوقت فجائه بدا ماينقص ماني عارف شسبب

[المدني]

غير الأتي :
البواجي وأسلاك البواجي
الفحمات كلها وشد الجلنط لان بعضها يجي مرتخي
زيت المكينة مع الفلتر وزيت القير مع الفلتر
فلتر البنزين فلتر الهواء
الكفرات
ويا حبذا تشيك على ضعط الطرمبة البنزين وفية مواضيع في المنتدي عن طريقه
وشيك على زيت الدبل وزيت الدفرنس أذا يحتاجون زيادة زدها وأيضا موية الرديتر

أنا تغير اللغة إلى العربية لازم برمجة اظن أحد الأخوان سواها عند الجابري 250 ريال
... مشكووور على الافادة .. وبارك الله فيك ..ويسرالله أمورك في الدني والآخرة ...وساقوم بتغييرها إن شاء الله ..
... لكن بالنسبة للطبلون أنا في المدينة ! وأظن المحل اللي تقول في الرياض .... يا ليت أحد يفيدني من يحول لي الطبلون إلى العربي في المدينة .. ضروري قبل السفر !

[المدني]

غير الأتي :
البواجي وأسلاك البواجي
الفحمات كلها وشد الجلنط لان بعضها يجي مرتخي
زيت المكينة مع الفلتر وزيت القير مع الفلتر
فلتر البنزين فلتر الهواء
الكفرات
ويا حبذا تشيك على ضعط الطرمبة البنزين وفية مواضيع في المنتدي عن طريقه
وشيك على زيت الدبل وزيت الدفرنس أذا يحتاجون زيادة زدها وأيضا موية الرديتر

أنا تغير اللغة إلى العربية لازم برمجة اظن أحد الأخوان سواها عند الجابري 250 ريال

... مشكووور على الرد ... وبارك الله فيك ..
... لكن أنا في المدينة ! وأظن المحل الذي ذكرته في الرياض ..ويا ليت أحد يذكر لي من يبرمج الطبلون إلى العربي في المدينة .. ضروري قبل السفر ..

[فارس نت]

سجلنا يوكن 2005
ياشباب ماهي افضل شاشة نفجيشن تركن على اليوكن 2005 اللي تشبه شاشة اليوكن 2008

[الرقيبه]

ثالث مره اطلب النصيحة ولا احد ينصح
..
.


.
للي قد مرت عليهم هالمشكلة او الفاهمين باليوكنات


يوكن 2003 سعودي
صرت اشم ريحة بنزين لما اوقف السيارة شغاله
ورحت لمركز فحص وفتش لين داخ
اخيرا لقى واحد من ليات الكونستر مكسور اللي هو حق البنزين الزايد
قالي لازم تغير الكونستر كامل لانه ما يتصلح
_________
الكونستر علبه سودا تجي جنب تانكي البنزين في حجم علبة الفاين
___________
سؤالي كم سعر هذا الكونستر لان ماعندنا فرع جميح ولا غيره
هل يمكن تصليحه
ابي ورشه فاهمين وثقه بالامريكي في الرياض
لاني بجي الخميس والوقت ضيق ومابي اتخبط بين العليميه.

[ظريفو]

اخوي الرقيبه (http://www.mekshat.com/vb/member.php?u=14084) الله يعينك انشاالله الاعضاء يردو عليك لان انا ماعندي خبرة فيها صراحة لاني توني مكمل شهر من دخلت في الرابطة وتوني شهر من اخذت اليوكن 2003 بس انشاالله الشباب يفيدوك واتوقع ان الشغلة سهلة بس يمكن في الرياض روح الصناعية هناك(انا ماعرف شي في الرياض بس كل الورش في اماكن صناعية هههههههه) ودور لك ورشة تكثر فيها الجموس والسيارات الامريكية ووقف هناك وشوف افحصها عند اكثر من واحد وبالنسبة الى القطعة روح التوكيلات ارخص من الجميح بشوي عندنا في الدمام واحيانا العكس انشاالله تنحل مشكلتك

[ظريفو]

شباب ابي اطلب منكم طلب خاصة الي انكليزيتهم قوية ابي منكم لو تكرمتو تعطوني منتديات امريكية متخصصة في السيارات انا بحث وحصلت كم واحد بس مهمب المستوى المطلوب فياليت الي عنده لايبخل علينا خاصة المتخصصة في الرابطة وشكرا

[أبو فهد 2020]

السلام عليكم يا شباب ...أريد أسألكم يا أهل اليوكن أنا أفكر أشتري يوكن2003 ـ أو 004 فهل تنصحوني فيه وهل السيارة عملية وأعطالها قليلة وقطعها معقولة في السعر طبعا أنا اسأل عن الدبل ..رعاكم الله جميعا

[ضامي الدلم]

اخواني انا اشم ريحة مع تشغيل المكيف تزيد وتنقص

ريحة مثل ريحة الشراب الله يكرمكم
هذا لتوضيح 2000 جمس يوكن
ابي اعرف السبب ارجوكم افيدووووووووووووووووووووني

[العبدلي 999]

http://up100.arabsh.com/files/pw7rovcpnedqg7qtev2n.gif
اعضاء رابطة ملاك (اليوكون , دينالي , تاهو , السوبربان ,z71) الأعزاء عندي استفسار واستشارة في نفس الوقت





عندي صوت طقطقة في المكينة عند تشغيلها وهي باردة , وكذالك عند انزال السيارة من الكراج تكون في وضع مائل وينزل مؤشر الزيت على الصفر واذا صارت السيارة مستوية يرجع على ظغط 40 مع ان الوضع الطبيعي يكون المؤشر على80 . :burnout2:



http://img185.imageshack.us/img185/8906/tajmeel1yh6ps2.gif


بعد عرض هذه المشكلة على بعض الورش منهم من قال :

1- يجب تغيير المضخة (الزيت الموجودة في المكاينة ) ولازم تطلع المكينة وطلب تقريباٌ 1200 ريال شغل يد :hot:

2- تغييرها بدون تطليع المكينة يعني يغيرها وهي راكبة المكينة بحوالي 800 ريال . :looney:



http://img185.imageshack.us/img185/8906/tajmeel1yh6ps2.gif



ارجوا منكم الي عنده معلومة لايبخل علينا سواء بمراكز متخصصة واسعار شغل اليد

وتقبلوا خالص تحياتي ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،



http://www.ar-tr.com/vb/uploaded/11720_01226695181.gif

[faris2006]

الاخ العبدلي
شيك على طرنبة الزيت
والله اعلم

[faris2006]

السلام عليكم
الحرارة:-فيه مشاركه للاخ (طريفو)رقم المشاركة559
غاوي مقناص:- اوقف السيارة في الشمس لفترة وفصل اصابع البطارية (ممكن جايها مويه من الرش)
ابو اياد :-فك السير وشغل لثواني قليلة ممكن يكون احد البكرات او الشداد
طالب كلية:- وسام الغضب له مشاركة 597
المدني:-تبريزة له مشاركة601 بالرياض الورشه
اواكس656 فيه محلات في الغرابي للانوار 50 ريال
عاشق :-السيارات الجديدة يغير لها زيت 30w10 الزيت 20-50 يخرب الطرنبة
ضريفو :-فية مترجم قوقل لترجمة المواقع

[أبو إياد]

لو استخدم بنزين 91 للتاهو 2001 فيه ضرر على السياره مع اني الحين استخدم 95

[faris2006]

الاخ ابو اياد
اغلب السيارات الامريكية تعمل او تستخدم 91 بس تحس بثقل وتقطيع بالسياره(واصوت صرقعه بالبلوف)
الافضل للسيارة 95لو الفرق بسيط

[أبو إياد]

اخوي فارس الله يجمل حالك و يرحم والديك

[مدري علامي]

سجلوني معكم يالربع يوكن 2001


استخدم لموتري سوبر جي تي مدري فيه مشاكل والا عادي ؟؟
اما البنزين كنت استخدم 91 بس احسه ما يطول اصفر العداد الصغير واحسب 225 ويبقى فيه الربع
ومن اسبوعين نصحني جاري وحولت على 95 بصراحه احس فيه فرق والموتر هادي صوته والحمد لله

[يوكن 2003]

بيض الله وجه راعي الفكرة ... عز الله انها تنحسب لحسابه

[yukon 2003]

أنضم اليكم يوكن 2003

مملكة البحرين
:D

[ban444]

السلام علكم............

عندي استفسار مهم جدآ وخصوصآ للي يبي يشتري يوكن !!!!!!!!!!!!!!

ماهو الفرق ياشباب بين موديل 2003___ 2004___ 2005 طبعآ من جميع النواحي انا ما اقصد الفرق بين اليوكن والدينالي والتاهو لالالا المقارنه بين الموديلات الثلاثه في اليوكن ....
كنت ناوي اخذ اكسبلورر بس النفس طابة قلت مالها الى ج م س اليوكن اطيب ..... الدنالي الدبل بتاعه اتوماتيك ماينفع لسحب والتاهو ماهو وسيم شين وجهيته باقي اليوكن وباقي الفرق بين الموديلات الثلاثه . ياليت نحصل اجابه شافيه وتقبلو مروري وشكرآآآآ

[ظريفو]

شوف ياخوك انا عندي 2003 فل كامل Slt الفرق بينه وبين 2004 و 2005 بس المراوح في 2003 تكون كلتش ويا المكينة مروحة وحدة يعني في 2004 وفوق اتكون مراوح كهرب تقريبا هذا الفرق المكانيكي وتقريبا الجنوط تفرق بعد لاني وانا ادور شفت 2005 و 2004 من داخل نفس سيارتي بالزبط واتمنى الشباب يفيدونك اكثر

[ban444]

شوف ياخوك انا عندي 2003 فل كامل Slt الفرق بينه وبين 2004 و 2005 بس المراوح في 2003 تكون كلتش ويا المكينة مروحة وحدة يعني في 2004 وفوق اتكون مراوح كهرب تقريبا هذا الفرق المكانيكي وتقريبا الجنوط تفرق بعد لاني وانا ادور شفت 2005 و 2004 من داخل نفس سيارتي بالزبط واتمنى الشباب يفيدونك اكثر


الله يعطيك العافيه .......... وتسلم على سرعة الرد والمعلومات الاطيب

[just 4 u]

الرفق بين 2003 +2004 و2005+2006
هو المراوح كهرب في 2005 فمافوق ذكر أخوي ظريفو
الفرق الثاني هو وجود التراكشن كنترول2005
الفرق الثالث هو حساس الهواء حق الكفرات 2005
الرفرق الرابع في طرمبة البنزين والفلتر حق البنزين 2005أفضل و الفلتر موجود داخل التانكي
الفرق الخامس شكل الجنوط وحجمها أكبر في 2005

[طالب الكلية]

طيب يا جماعة وين الأفضل

البنزين الأحمر 95

ولا الأخضر 91

يوكون قصير 2001

[عاشق z71]

الرفق بين 2003 +2004 و2005+2006
هو المراوح كهرب في 2005 فمافوق ذكر أخوي ظريفو
الفرق الثاني هو وجود التراكشن كنترول2005
الفرق الثالث هو حساس الهواء حق الكفرات 2005
الرفرق الرابع في طرمبة البنزين والفلتر حق البنزين 2005أفضل و الفلتر موجود داخل التانكي
الفرق الخامس شكل الجنوط وحجمها أكبر في 2005


اخوي ايش هو نظام التراكشن كنترول هل قصدك حق الدبل

[just 4 u]

لا, يختلف هذا النظام الزر حقه يجي تحت فتحة المكيف الامامية الوسطي ووظفته مايخلي الكفرات تدرو والسيارة واقفه يعني أذا دعست بقوة ماتفحط السيارة

[ظريفو]

لكن هذا النظام موجود في كل السيارات قصدي الجديدة من 2000 وطالع وبالنسبة الى الحبة انا شفتها في السيارات الي بدون دبل ومرة شفتها في واحد كامل المواصفات دفع رباعي مستمر لكن مو دينالي مكينته 5.3 لكن الفرق بينه وبين الدينالي ان هذا فيه دبل فقيل و دفع رباعي مستمر وحساس الهواء موجود في سيارتي وانا خوك وانا سيارتي 2003 بس عن طرمبة البنزين وغيره انا ماعندي علم بس مرة كنت قاعد اسولف مع واحد عنده دينالي 2001 حوله من كلتش الى مراوح كهرب قال ان الفرق الوحيد الي لاحظه هو ان السيارة صارت صرفية البنزين اقل واتوقع انها بتصير اخف وبالنسبة الي المكيف شباب كثير يعانو من مشكلة عدم التبريد والسيارة واقفة طيب هو هذا نفسه راعي الدينالي قالي الي انه وداها الى واحد من الي يبرمجو السيارة وخلا الريس يرتفع مع تشغيل المكيف وانا انشاالله بعد الاختبارات رح اسوي سيارتي مثله لان بس اوقف في اشارة اوغيره يصير الهوا حار وجربت اني ارفع الريس من نص الى واحد والله فرق كثير فانا اقتنعت بالحركة لانها اصلا موجودة في السيارات الثانية ويمكن هالحركة اتحل مشكلة الي عندهم ان النور يضعف واسف على الاطالة واتمنى الي عندهم خبرة يصححولي اذا غلطت

[ا بو سعود]

السلام عليكم ورحمة الله وبركاته


اخواني عندي استفسار عن الاضواء اليوكن 2008 من التوكيلات تكون شغاله حتى وقت الظهيره والحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[my own]

يا ابو سعود ايش حاط على الطبلون ؟
فيه حساس على الطبلون حق النور ..

[معدم الظلام]

سجل عندك Z712002أسود قصير نتشرف بالجميع]

[ا بو سعود]

يا ابو سعود ايش حاط على الطبلون ؟
فيه حساس على الطبلون حق النور ..


السلام عليكم ورحمة الله وبركاته

شكرااااااااااااااااااااااااااااااااااااااااااااااا لك اخي العزيز بالفعل كنت واضع غطاء على الكبلون للحمايه من الشمس وشكراااااااااااااااااااااااااااااااااااا

[طالب الكلية]

اللي يستخدمون اليوكن
ليه ما تردون وش دعوة:(


وشهو البنزين المخصص للسيارة

91 أو 95

[ban444]

الرفق بين 2003 +2004 و2005+2006
هو المراوح كهرب في 2005 فمافوق ذكر أخوي ظريفو
الفرق الثاني هو وجود التراكشن كنترول2005
الفرق الثالث هو حساس الهواء حق الكفرات 2005
الرفرق الرابع في طرمبة البنزين والفلتر حق البنزين 2005أفضل و الفلتر موجود داخل التانكي
الفرق الخامس شكل الجنوط وحجمها أكبر في 2005

شكرآ على المعلومات الطيبه والله يعطيك العافيه........

[a1p7]

يوكون 2002 اكس ال

[MR.SAEED]

اخوي ايش هو نظام التراكشن كنترول هل قصدك حق الدبل

منقول ،،



السلام عليكم ورحمة الله


قبل البدأ في حيثيات الموضوع، سأنقل لكم أحد ردودي في أحد المواضيع بخصوص آلية التراكشن كنترول:


يعمل التراكشن كنترول على كبح حركة الإطار الذي تزيد سرعة دورانه عن سرعة باقي الإطارات لأي سبب كان.


فمثلا عند قيامك بالضغط على دواسة البنزين بشكل كامل من نقطة الانطلاق -عند السرعة صفر- فستقوم السيارة بالتفحيط (أي دوران الإطارات التي تدفع السيارة بسرعة كبيرة). ولكن عند وجود خاصية التراكشن كونترول سيكون ذلك غير ممكن لأن النظام يرصد سرعة الإطارات بحيث تكون متساوية وإن زاد أحد الإطارات (أوإثنين) السرعة فسيعمل النظام على تقليل السرعة الزائدة وذلك بشكل سريع جدا حيث سيصدر صوت متقطع عبارة عن عملية كبح السرعة في الإطار المشاغب


وقياسا على ماذكر أعلاه.. فالنظام مفيد في الالتفافات على الطرق وخصوصا الزلقة منها حيث يمنح تحكما اكبرعندما تبدأ السيارة في الخروج عن مسارها الأصلي بسبب التهور في القيادة أو السرعة على المنحنيات، حيث يكون تسارع أحد جانبي السيارة أكثر من الآخر وعليه ينشط هذا النظام ليعدل المسار.


وبالنسبة للدفع الرباعي وبالإضافة إلى ما ذكر أعلاه، فهو مفيد في الطرق الزلقة والمنحدرات الصخرية حيث من الطبيعي ان لاتكون حركة الإطارات بسرعة متوازية فأحيانا يرتفع أحد الإطارات عن سطح الأرض ويبدأ في الدوران بشكل سريع،وعندها تفقد السيارة القوة اللازمة لتعدي تلك المرحلة من الطريق بسبب ان القوة ذهبت إلى الإطار المتحرك. ولكن عند وجود خاصية التراكشن كنترول فسينشط النظام وسيعمل على كبح الحركة في الإطار المتحرك وستتحول تلك القوة إلى الإطارات الملتصقة بسطح الأرض وعليه تبدأ السيارة في التحرك دون خسارة في القوة.


ولكن، له سلبيات ايضا، ويكون ذلك عند القيادة على المرتفعات الرملية، حيث يشتغل النظام وينشط بسبب عدم تكافؤ حركة الإطارات على الرمال الناعمة وغير الصلبة وعليه لا تعمل الخاصية كما ينبغي لها وينتج من ذلك تقليل العزم الضروري للسيارة لاجتياز المرتفع الرملي أو الطعس.


يحذر صانعي السيارات دائما من عدم الاعتماد على هذه الخاصية وبالتالي القيادة بشكل متهور على المنحدرات حيث أنها غير مضمونة دائما.


جدير بالذكر أن هذا سرعة هذا النظام وكفاءته تختلف من مُصنِّع إلى آخر.


أتمنى أن يكون شرحي مفهوم اوان أخطأت فأتمنى التصحيح.








ملاحظ هامة جدا،


التراكشن كنترول ليس عديم الفائدة في الرمال... بل مفيد جداً!


لقد ذكر لي مدير الصيانة أنه مفيد جدا عندما تعلق السيارة أو تغرز، أي أنه يعمل كالدف لوك تماماً، وعليه فهو ضروري جدا، بمعنى آخر، لو كان مفصول وحصل انك غرزت فأعد تشغيله وسيساعدك بإذن الله.

[ظريفو]

مشكور على الشرح الوافي يا سيد سعيد ماقصرت

[عاشق z71]

الف الف الف الف شكر لك مستر سعيد

الله يجزاك خير ويخليك لعين ترجيك يالغالي

[faiz-111]

اللي يستخدمون اليوكن
ليه ما تردون وش دعوة:(


وشهو البنزين المخصص للسيارة

91 أو 95

مساكم الله بالخير جميع
معاي يوكن 2003 امريكي مكتوب على غطا البنزين اقل اوكتين للاستخدام 85 واللي عندنا 91 وبصراحه ماااعبي الا 91 والحمدلله ماشيه الامور تمام

[ابوفارس 2005]

سجل عضو جديد
تاهو 2003 z71
وشكرا لكم .....

[jasem]

عضو جديد معاكم

يوكن دينالي 2005

[المخبر]

شباب عندي مشكله باليوكن 2001

اول ماشغل السيارة وهي باردة اسمع صوت طقطقه بالتكايات

ونص دقيقه ويروح ماهي المشكله وماهو الحل

لاني غيرت الزيت ومازلت المشكله وقالي المهندس غير الزيت مره ثانيه ويروح

بصراحه انا كنت اشغل السيارة الصباح واروح قبل لاتحتمي يعني من 4 الى 5 دقائق واحرك

وشكرااااا

[يوكن 2003]

يسعدني ويشرفني ويزيدني فخرا الانضمام الى الرابطة
يوكن 2003

[faris2006]

اللي يستخدمون اليوكن
ليه ما تردون وش دعوة:(


وشهو البنزين المخصص للسيارة

91 أو 95

من المصنع 91
الافضل 95

[يوكن 2003]

بعد اذن الاخوة المشرفين الاعزاء لو كل شخص يذكر منطقته الموجود بها والورشة الممتازة بها وبهذا نعرف افضل الورش بمناطق المملكة وبسهل علينا التوجة لها في حالة وجود عطل بالمركبة لاسمح الله اينما كنا .

[ابووشمي1]

السلام عليكم
سجل عندك افلانش 2004 ابيض

[ابووشمي1]

الفرق بين 2003 و 2004 انا الدعسه في ال2004 تجي كهرب

[ابووشمي1]

فيه ولرشه في الرياض اتعامل معهم من 13 سنه جيدين في الرياض اسمها دار السلام في الصناعيه القديمه شارع الجمعيه مقابل باقادر

[يوكن 2003]

اول الغيث
بارك الله فيك ابو وشمي 1

[يوكن 2003]

الاخوه الاعضاء مسكم الله بالخير جميعا بعد اذنكم نريد التفاعل مع موضوع افضل الورش بمناطق المملكة .

[kalel88]

الله يعطيكم العافية على الموضوع

أنا عندي مشكلة في التاهو ( 2003 أمريكي مستورد ) إذا ممكن أطرحها لعلي ألاقي عندكم حل لها وهي في القير

عند التغيير من نمرة لنمرة أحس إن التغييرة تاخذ وقت طويل وبعض المرات يفوت القير تفويتة بسيطة زي الفاضي يعني عداد سرعة المكينة يزيد والسيارة ما عشقت

طبعا رحت لأكثر من ميكانيكي وكل واحد يجيب من راسه صوت

واحد يقول يبي تغيير فلتر قير والثاني يقول يبي توضيب والثالث يقول المشكلة في الكلتش

وش رايكم

مع خالص شكري لكم

[aboeyade]

^^^^^^^^^^^^^^^^^^^^^
الأخ خليل أول شي تسويه غير الزيت مع الفلتر

ولاتنسى تشتري الأصلي أو تغيره بالوكالة أضمن لك

[kalel88]

شكرا لك أخي aboeyada على الرد

وهذا اللي أنا نوي أسويه

والتوفيق بيد الله

شكرا لك

[وسام الغضب]

السلام عليكم
حبيت اسال سؤال وابي الرد يكون دقيق عشان قبل ما اشتري
السؤال
هل تركب واجهية اليوكن على التاهو من نفس الموديل؟
مثل التاهو 2003 هل تركب علية واجهية اليوكن2003
واذا تختلف ما العمل لتتشابة او لترهيم
لان التاهو ارخص من اليوكن ووجهية اليوكن احلا ولو من دون الشعار لو اركب وجهية الدنالي من دون شعار الجمس

[just 4 u]

لاماتركب الأختلاف في الرفارف الأثنين و الكبوت (التقويسه تختلف ) لكن القواعد الداخلية تقريبا نفسها

[ابوفارس 2005]

مساكم الله بالخير ياجماعة
سؤال وش اعبي بنزين للتاهو 2003
وشكرا لكم ....

[ابوعزوالهلالي]

السلام عليكم يسعدني يا اخواني ان انضم لكم يوكن 2004
وعندي تجربه حبيت اني اقولها ليستفيد منها الجميع بنسبه للتربيط واصحاب الامريكي يعانون من مشكله القرقعه وخصوصا في اليوكن انا كان عندي اصوات قرقعه داخل السياره ورحت للورشه ( مشعل العتيبي ) في الصناعية القديمه وربطو السيارة من الداخل والله ان الاصوات اختفت تماما وسعرالتربيط الداخلي 350 و كامل السياره 700 ريال وهذا رقم
الورشه للفائده ( 4489918__ 0503247584) وخلك من بعض الورش الى اسعارهم مبالغ فيها

[العبدلي 999]

شباب عندي مشكله باليوكن 2001

اول ماشغل السيارة وهي باردة اسمع صوت طقطقه بالتكايات

ونص دقيقه ويروح ماهي المشكله وماهو الحل

لاني غيرت الزيت ومازلت المشكله وقالي المهندس غير الزيت مره ثانيه ويروح

بصراحه انا كنت اشغل السيارة الصباح واروح قبل لاتحتمي يعني من 4 الى 5 دقائق واحرك

وشكرااااا




السلام عليكم
اخوي العزيز انا عندي يوكن 2000 كانت عندي نفس المشكلة وكان عندي عداد الزيت على الربع وهو في الوضع الطبيعي على النص , بعدين تم تغيير طرمبة الزيت والحمد لله المشكلة انحلت

[درب الصحراء]

سجل يوكون 99 بابين GT

[faris2006]

مساكم الله بالخير ياجماعة
سؤال وش اعبي بنزين للتاهو 2003
وشكرا لكم ....

هذا ربط بمكشات على خيمة السيارات وتجهيزتها ان شاء الله ستجد مرادك
انا عندي سيارتين وكلهن اعبي95 لان 91 تتفه وضعف في المكينه
المصنع كتبوا على الكتيب الصيانه اكتين 85الى87
http://www.mekshat.com/vb/showthread.php?t=208116

دائما ارجع للكتيب الصيانه

[abuode]

وتقريبا الجنوط تفرق بعد لاني وانا ادور شفت 2005 و 2004 من داخل نفس سيارتي بالزبط واتمنى الشباب يفيدونك اكثر


تقريبآ تفرق الجنـو ط ..؟؟ هههههههههههه


فرق شآآآآسع بينهم يآلغآلي ..


ومن الدآخل .. هل في تحكم بالطآره عندك ..؟ :D :D :D

[ظريفو]

ايه موجود ياخوك كل مواصفات 2004 2005 2006 موجودة عندي من نحكم وغيره الي يفرق من داخل هو 2000 و 2002 و 2001 اما الي عندي كل شي موجود اذكر الي اي شي واقولك موجود او لا بس الي مو موجود عندي زر التحكم بالتراكشن وهذا شفته في الموديلات الي مافيها دبل اما الي فيها دبل ماشفت فيها هذا الزر

[amrimh]

السلام عليكم جميعا,,,,وأسعد الله أوقاتكم
موتري يوكون دينالي 1999 دفع رباعي
وموتر نظيف بالحيل أنا جايبه من اليابان ماشي 62000كم
بعد أكثر من سنه إستخدام طلع لي فيه مشكله أزعجتني كثير وهي إن الدبل تولع لمبته (4WD Service) من وقت إلى آخر وإذا ولعت اللمبه مايشتغل الدبل.
مريت أكثر من ورشه وشيكنا شغلات واجد وفي الأخير قالي ميكانيكي في ورشة كبيره بالدمام إن المشكله في كمبيوتر الدبل اللي يجي تحت الطبلون من جهة اليسار.وفعلا فيه صوت في نفس الجهه اللي فيها الكمبيوتر (تك تك تك تك).
دورت الكمبيوتر طلع غير متوفر ولازم طلبيه وسعره حول 1800ريال:(
وش رايكم يالربع أطلبه أو إذا فيه أحد يعرف وين ممكن ألقاه,,,,الله يجزاكم خير جميعا.

[ابومشاري99]

السلام عليكم ورحمة الله وبركاته


عندي مشكله باليوكن 2003 امريكي

ترتفع حرارته وتوصل تقريبا الثلاث ارباع اذا كان شغال المكيف


مدري وشو الحل ؟

هل اسوي تصيخ للرديتر او غسيل للمكينه او اركب مراوح او ماذااااااا ؟

ولكم من صاحب اليوكن 2003 خالص الشكر والتقدير

واشكر القايمين على الموقع

[just 4 u]

شيك على كلتش المروحة أذا فيه مشكلة غيرة , أذا المروحة عندك خمس شفرات ركب أم سبع شفرات

[طالب الكلية]

بو مشاري 99

مشكلتك سهلة جداً

افتح الكبوت وناظر في الجربة حقت الراديتر من جهة السائق وخل واحد يشغل السيارة
اذا شفت الموية تتحرك بسرعة اذاً الراديتر ممتاز
في نفس الوقت تحسس هواء المروحة اللي يدخل للسيارة
علشان نتأكد من اتوماتيك المروحة

نقطة مهمة
اذا ارتفعت الحرارة الموية تفور وهي داخل الجربة
اذا كانت تفور يعني الراديتر فيه أوساخ ويبغى له تسييخ

اذا سويت تسييخ للراديتر ركب موية اي سي ديلكو الأصلية اللزجة وزيد الباقي بموية مقطرة

وبالتوفيق ان شاء الله

[ظريفو]

يشباب وين في ورشة في الدمام اتربط اليوكن من داخل ومن برة مزبوط

[amrimh]

إفزعوا لنا يالنشاما....المشكله ذكرتها في الرد رقم 663
وش الحل في مشكلة الدبل!!!

[ابوديما]

سجل واحد تاهو
والملاحظه على اليوكن وكذلك التاهو هي الربله السفلى الأماميه وخاصة اذا طلعت للبر ( نازله شوي ) واقترح ازالتها وهذا ماسوف أفعله ان شاء الله ولكن هل لفكها أي تأثير ؟.

[ابووشمي1]

ياشباب امس ظربت عندي طرنبه الماء وش اركب لقيت اكثر من نوع
الاصلي 650
ال ac ب 330 صناعه صيني
ولقيت امريكي 285

[طرد الهوى]

ياشباب

مانع الانزلاق عندي لما ادوس فرمله فجائي يطلع صوت طقطقه . هل هي عايديه ولا الابي اس عندي فيه مشكله

وبعدين المساحه الخلفيه ما ترش مويه ايش مشكلتها

تحياتي لكم

[ban444]

السلام عليكم

شرينا اليوكن 2003 فل كامل استخدام الله يرحم والديه الى باعه لي ويجزاه خير الجزاء .
سافرة عليه من الرياض الى الطائف :.
عبية بنزين 91 بقيمة 19ريال من محطة الحجاز التانكي فيه قبل بنزين التعبيه الثانيه كانت في محطة الغامدي بقيمة 34ريال الوقوف لاداء صلاة المغرب والعشاء جمع وقصر.
السياره في الخط روعه لايعلا عليه حقيقه فخامه راحه وللمعلوميه سيارتي قبلها كانت فورد .
صوت الهواء شوي بس انا متوعد على الفورد مافيه اشكال ازعاج الهوى عادي.
الحرارهههههه مش كويسه واقف عند المحطه والمكيف شغال وتتعدى النص بشوي يوم نزلت من طلعة الزديه بعد التفتيش (( السياره مع النزله لا مسكة فرامل ولا دعست بنزين خليتها لين اخر النزله وناظر الحراره الى وهي راجعه على الربع )) !!!!!!!!!!!!!!!.
جينا للجد وقفة عشر دقايق تقريبآ حركة ولعة لمبة الجلنط البريك الحمراء ولمبة الابي سي البرتقاليه قلت لايكون الجلط مسحوب اجي افكه الى هو مفكوك دعست فرامل مافيه فايده واصل لين الطائف وهي والعه .

فضلا وليس امر من الي عنده خبره في :
- ازرار المسجل
- ازرار المكيف
- ازرار الدبل
- زر الي في القير
وش وظائفه وطريقة استخدامه لا يبخل علينا لو فيه صور يكون احسن الاجابه يا إخوان راح تكون مرجع للي يحتاج معلومه

ولكم جزيل الشكر

[غالي]

السلام عليكم


الله لايهينكم الي عنده صور مكان فلتر المكيف في اليوكون 2000 وطريقة الفك

ابي الصور اليوم قبل بكره للي يقدر


دورت بالموضوع ووصلت صفحة تقريبا 23 ولاحصلت للاسف

ولضيق وقتي الآن طلبت هالطلب


وشاكر لكم مقدما

[غالي]

ابشركم خلال هالساعه فككت وحست لين حصلته

ولقيته اسود مثل سواد الليل وكله شجر قلت لايطلع لي عصفور بس :D

واتصلت على التقوى في صناعية ام الحمام وقالوا سعره 60 ريال

واتصلت على ورشة في صناعية العروبه يقاله صديقي هالحين البلا دايم اصلح عنده سياراتي جنسيته هندي
وقال شغل اليد ب50 ريال (((قلت طيب )))

ثم قلت خلني انظف هذا واغسله واستنى ينشف واركبه


اذا ماضبط وتحسنت حالته رحت وشريت جديد

وهذي صور وأسف أذا ماكانت واضحه

لكن للي مايعرف مكانه مثلي

http://www.gulfup.com/do.php?img=1896345 (http://www.gulfup.com/)

http://www.gulfup.com/do.php?img=1896346 (http://www.gulfup.com/)

http://www.gulfup.com/do.php?img=1896347 (http://www.gulfup.com/)


تحيتي لكم

وأتمنى لي ولكم التوفيق والسداد

أخوكم/ غالي:good:

[سعد الليالي]

السلام عليكم..

يا اخوان .. لاحظت ان اكثر الاخوان يسألون اسألة غريبة .. او بمعنى اخر غير معقولة .. فيه اشياء بديهية
حتى السواقين يعرفونها .. فما لها داعي تسأل وبس .. لازم تكون لك مشاركة .. او ملاحظة .. المهم انك تشارك
ولا تكون مجرد طارح للاسئلة .. واتمنى ان تعم الفائدة على الجميع

وبالنسبة للاخ الفاضل ban 444
ازرار المكيف تتحكم بالمكيف
وازرار المسجل تتحكم بالمسجل
وازرار الدبل تتحكم بالدبل.. وبس

اما الزر اللي في القير .. هذا عشان تحن على النمرة وما يغير بسرعة .. الاول الى ان يوصل الار بي ام الى 4 وهكذا ..
وما تشغلة الا اذا كنت تتمشى على سرعة بين الـ 10 و الـ30 عشان ما تغير الى النمرة الثانية ثم ترجع للاول .. وتستخدمة اذا جيت تسحب سيارة او اي مقطورة ..

[ban444]

الاخ سعد الليالي شكرآ على سرعة الرد

والحمد لله إني ماتوهقة وشغلة المكيف بأزرار المسجل !!!!!!!!!! والدبل بأزرار المكيف !!!!!!!!

كثير من الاخوان كانت اسئلتهم عن طريقة تشغيل الدبل ؟؟؟؟؟ يعني ماجبنى شي جديد
فيه سيارات المسجل ماهو تحط محمد عبده وتمشي لا لا فيه اكثر من استخدام او اكثر من وظيفه !!! ورجع لرابطة الاكسبلورراشهدبالله انهم طحاطيح والله ماتلقى كبيره ولا صغيره الى وكاتبين عنها. ودليل اني هونة عنه لان عرفة عذاريبه وماناسبني.
انا مااطلب منك انك تكون عالم وتجيب على اسئلتي ... لو اني اعرف اجوبه شافيه لاجبة اجابه مدعومه بصور وضحة وظيفة جميع الازرار لسبيبن اولها لكي تكون مرجع لمن لايعرف وثانيه لكي تحسب خطوه إجابيه لرابطه .
وبعدين اذا مافيه اسئله معنها مافيه موضوع اصلآ !!!!!!!!!!!!!!!!!!!!!!!!!!!!!!

سعد الليالي اذا لاترغب في الرد على بتوع الاسئله الغريبه فلا ترد ... اكيد فيه من بيرد ويجيب على اسئلتنا
وعندي إستفسار بلاش اقول سعال ؟؟؟؟؟؟
كيف اوقت الساعه ؟؟؟؟؟؟ وكيف ارجع كتابة الإرباق على وضع on

وشكرآآآآآآآآآآآآآآ للجميع

[طالب الكلية]

اليوكن 2000 له فلترين فلتر أمامي وفلتر خلفي في نفس الصندوق
ولا يحتاج لهم تغيير
الا اذا شفتهم متشققين ويابسين

أول حاجه غسل الفلترين بماء ضغطة قوي ولكن حاسب لايتمزقون

بعدها جيب سطل ونقع الفلترين واذا تبغى ريحه شيف معاه كمفورد لريحة الملابس وراح تدعي لي واللي تعلمت منه الطريقة
10 دقايق وبعدين طلعهم ونشفهم في الظل مو في الشمس وركب بعدين تمتع بريحة تكاد تصل الى 3 شهور


ودمتم بالف خير

[غالي]

أخوي طالب الكليه

الله يجزاك خير على هالمعلومات

ممكن تزودني بمكان الفلتر الخلفي ولاعليك امر (((وياحبئذ لو كانت هناك صور لموقعه)))

إما الرائحه العطره الله يجزاك خير على المعلومه

لكن انا عندي حساسيه حتى ملابسي مااحط فيها اي ريحه :)

تسلم وانا بإنتظار المعلومات عن الفلتر الخلفي

تحيتي

[اواكس707]

للمرة الثانيه لاني ع وشك سفر ولم اجد اجابه

اخواني اسعد الله اوقاتكم

وش الحل في الانوار الاماميه والزجاج الامامي كله مرمل من السفوف اكرمكم الله وش الحل والدبره لا هنتم.تاهو م 2007
http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=2775468)

http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=2775468)

[غالي]

أخوي اواكس

مالي خبره كافيه لكن علي افيدك لو بشيء قليل

اذا كانت الانوار بلاستيك وليس قزاز

فيه ناس بالغرابي وعند حقين الزينه وبعض حقين الزجاج

يصنفرونها ويلمعونها وتطلع اصفاء

انا صراحه ماجربت لكن شفت وانا رايح

اصحاب لومينا وغيرهم يصنفرونها على مااضن الشمعتين ب60 ريال تقريبا

وانا ماانصحك بهم لان فيه اغلبهم كذاب ولا يتقنها (((واضح على اشكالهم)))

ولكن رح محلات التلميع

حتى لو كان الشمعات قزاز اتوقع في محلات التلميع المعروفه حل للمشكله

اتمنى لك التوفيق وتروح وترجع بالسلامه

تحيتي

[اواكس707]

الاخ غالي شاكر لك اهتمامك وبارك الله فيك ونصيحتك ع العين والراس...

[معدم الظلام]

اللي عنده خلفيه من الاخوه المكشاتيين ولا تهون الاداره ابي اعرف طرقة تنظيف ثلاجة التاهو 2002 المكيف ضعيف الهوا والكمبرسور جديد والدبه حقة الغاز جديده والفلاتر بعد

[المتهم]

تاهو 2001

عندي لمبه الفرامل ومانع الانزالق تولع شوي وشوي تطفى

وش المشكله بالضبط

[طالب الكلية]

الفلتر الخلفي خلف الفلتر الأمامي مباشرة

وطبعاً بعد التنظيف راح تلاحظ ان الدفع راح يتغيير وراح تكتفي في الظهر برقم 2 ان شاء الله


وموفق ان شاء الله


معدم الظلام نفس الطريقة ارجع للردود وراح تعرف كيف تنظف الثلاجة اللي تحت الراكب الأمامي

المتهم اذا كان الهند بريك عندك تعبان تشتغل هذي اللمبات وتطفي

[المتهم]

المتهم اذا كان الهند بريك عندك تعبان تشتغل هذي اللمبات وتطفي[/quote]

الهاند بريك ممتاز والفحمات الاماميه جديدة بس سمعت انه فيه حساسات وش رايك

[طالب الكلية]

طيب يا عزيزي

افصل اصبع البطارية السالب لمدة عشر دقايق وزود
وبعدها شغل السيارة

اذا طفت اللمبات هذي

اسرع بالسيارة شوي وبعدين دعس بريك قوي
اذا اشتغلت اللمبات هذي يعني الحسسات اوكية

وطبعاً غالباً بعد ما تفصل اصبع البطارية السيارة تبرمج نفسها من جديد
ويمكن ما تشتغل بعد كذا

:good:

[ابووشمي1]

تاهو 2008 z71فيه صوت عند الدوران بالسياره في الدفرنس الخلفي
السياره امريكيه بدون ضمان

[جاسر2009]

لون الشكمان اسود وفيه رائحة كربون وش الحل سوبربان 2003ممكن يكون من البواجي؟

[المتهم]

يعطيك العافيه ابجربها واشوف

[الوافي2009]

الى الاخوة اصحاب الخبررررة
اخوكم توه داخل عالم الامريكي
شريت تاهو 2004 دبل
كل شئ تمام ولله الحمد
بس فيه مشكلة انه اذا شغلت الدبل الثقيل اسمع صوت طقه قويه من تحت السيارة ولما افصله ايضا
يطلع نفس الصوت
بينما الدبل الصغير لما اعشقه عادي ما به صوت يذكر
ارجو الافادة
ولمن يجاوب عن تساؤلي اقول له الله يوفقك ويغفر ذنبك ويزيل همك ويفرج عنك كرب الدنيا والاخرة .
وفق الله الجميع

[عاشق z71]

اخوي الوافي

هذا طبيعي جدا جدا

بس الي مو طبعيي اذا طلع هذا الصوت بالدبل الخفيف


لذالك بنصحك نصيحه امشي عليها وصدقني بتنسى اعطال الدبل الين تبيع موترك

الدبل الخفيف لاتشغله الا وانت واقف وقووووووف تام

الدبل الثقيل اذا جيت تشغله طف الموتر
ودق سلف بس بودن تشغيل

يعني الين تولع لمبات الطبلون كلها

وكذا اظغط زر الدبل الثقيل


ايضا بالحركه هذي ماراح تسمع صوت الطقه الي تقول عليها

والله يطرح بموترك االبركه

[علي2010]

السلام عليكم جميعا

أحب أنظم للرابطه

السياره هي دينالي 2006 أسود

من الخفجي

إن شاء الله راح أفيد وأستفيد منكم ...

أول الفايده هي أن معظم المشاكل اللي عند الشباب يكون حلها بسيط بس يبيله خبره بسيطه في الأمريكي ..
أهم شي بعد شراءك للأمريكي خذ دفتر التعليمات تبع السياره وذاكره زين لين تطلع عيونك ..

لأنك راح تحل معظم مشاكلك بنفسك .. هذا شيء

الشيء الثاني هو فصل اصبع البطاريه لمدة ربع ساعة ثم راح يرجع زي أول .

وبالتوفيق للجميع ....

[الأرض الطيبة]

استفسار اخواني عن الصوت اللي في اليوكن 2006 بعد ممشى 120 كانه صفير عند باب السائق وفقكم الله يا شباب

[ابووشمي1]

استفسار اخواني عن الصوت اللي في اليوكن 2006 بعد ممشى 120 كانه صفير عند باب السائق وفقكم الله يا شباب
اذا انت في الرياض رح لذا الورشه فيها حضرمي اسمه مبارك جيد ماشأ الله عليه في ذا الشغلات من وزن ابواب وتربيط اسف السياره وداخ السياره وشغله رخيص وعنده ترفيع وترهيم امس كانت سيارتي عنده رهم لها الونش الي يرفع الاستبنه خرب علي وورهم لي حق لندكروزر ارخص وعملي اكثر وشغل نظيف
واذا تبي رق جواله 0506436883:good: :good: :good: :good:

[الوافي2009]

اخوي الوافي

هذا طبيعي جدا جدا

بس الي مو طبعيي اذا طلع هذا الصوت بالدبل الخفيف


لذالك بنصحك نصيحه امشي عليها وصدقني بتنسى اعطال الدبل الين تبيع موترك

الدبل الخفيف لاتشغله الا وانت واقف وقووووووف تام

الدبل الثقيل اذا جيت تشغله طف الموتر
ودق سلف بس بودن تشغيل

يعني الين تولع لمبات الطبلون كلها

وكذا اظغط زر الدبل الثقيل


ايضا بالحركه هذي ماراح تسمع صوت الطقه الي تقول عليها

والله يطرح بموترك االبركه

الله يجزاك خير ويرزقك من حيث لاتحتسب ويجعلك ممن يدخلون الجنه بغير حساب وينور قلبك بنور الايمان :)
وبيض الله وجهك

[الأرض الطيبة]

ابو وشمي الله يجزاك الجنه آآآمين يارب

[يوكن 2003]

<?xml version="1.0" encoding="windows-1256"?>
<message>السلام عليكم مساء الخير ع الجميع
سؤال مهم جدا لاهنتوا انا عندي جمس يوكن قصير 2003 فيه صوت ( طقة ) في التغييرة الثانية وهذا الصوت مقلقني
وسؤالي الثانيي بخصوص الدبل بعد كل مشوار اقطعه يعني تقريبا 300 كيلو متر يكتب لي شيك على الدبل وجميع هذه الامور مقلقتني ,,,, وتحياتي للجميع

[ابووشمي1]

<?xml version="1.0" encoding="windows-1256"?>
<message>السلام عليكم مساء الخير ع الجميع
سؤال مهم جدا لاهنتوا انا عندي جمس يوكن قصير 2003 فيه صوت ( طقة ) في التغييرة الثانية وهذا الصوت مقلقني
وسؤالي الثانيي بخصوص الدبل بعد كل مشوار اقطعه يعني تقريبا 300 كيلو متر يكتب لي شيك على الدبل وجميع هذه الامور مقلقتني ,,,, وتحياتي للجميع
اذا الطقه مع المشي الطبيعي يعني السياره ماشيه بالراحه هذا والله اعلم طبيعي من واقع خبره
عندي افلانش و سوبربان و سييرا و اسكليد وكلها من موديل 2000 الى 2005 وكلها فيه نفس الصوت مع العلم ان فيها سيارات معي من الوكاله
لكن اذا الصوت مع الدعسه اكيد فيه مشكله بس فيه ورشه اتعامل معها اكثر من 14 سنه جيدين وهذا رقم الهندي خبير قيور 0557411331 اسمه سليم قله انك من طرف عبدالرحمن:j الي هو انا:good:

[jasem]

أخواني الكرام

السلام عليكم ورحمة الله وبركاتة

عازم بإذن الله أشتري كفرات لسيارة
وأبي نصيحتكم في أفضل كفرات لسيارتي
وكم سعر الكفر الواحد لأن بصراحة شاد العزم
لسفر الى صلالة هذه العطلة إن شاءالله تعالى
سيارتي يوكن دينالي 2005 وارد أمريكا
والله يعطيكم العافية

[محمد البخات]

أخواني الكرام

السلام عليكم ورحمة الله وبركاتة

عازم بإذن الله أشتري كفرات لسيارة
وأبي نصيحتكم في أفضل كفرات لسيارتي
وكم سعر الكفر الواحد لأن بصراحة شاد العزم
لسفر الى صلالة هذه العطلة إن شاءالله تعالى
سيارتي يوكن دينالي 2005 وارد أمريكا
والله يعطيكم العافية

أخي الكريم جاسم

السلام عليكم و رحمة الله

الكثير يمدحون كفرات برجستون .

السعر لا أعلم و اسم وكالة برجستون اذا ما ني غلطان (الطلائع) و أحسن لك تأخذ من الوكالة بضمان و تاريخ انتاج جديد .

أتمنى لك التوفيق .

كذلك أخي لدي استفسار عن موضوع لك عارض فيه جارمن للبيع اذا لا يزال موجود ارسل رقم جوالك على الخاص لو تكرمت لأنني لا أستطيع الارسال لأنني جديد في المنتدى و عدد مشاركاتي لا يسمح.

و شكراً .

[jasem]

أخي الكريم جاسم

السلام عليكم و رحمة الله

الكثير يمدحون كفرات برجستون .

السعر لا أعلم و اسم وكالة برجستون اذا ما ني غلطان (الطلائع) و أحسن لك تأخذ من الوكالة بضمان و تاريخ انتاج جديد .

أتمنى لك التوفيق .

كذلك أخي لدي استفسار عن موضوع لك عارض فيه جارمن للبيع اذا لا يزال موجود ارسل رقم جوالك على الخاص لو تكرمت لأنني لا أستطيع الارسال لأنني جديد في المنتدى و عدد مشاركاتي لا يسمح.

و شكراً .


حياك الله أخي محمد البخات وأسعدني ردك على سؤالي وفي الواقع أن الشباب

يمدحون بكفرات ( ميشلان ) بس ســـعره غالي اليوم سألت عن السعر وصل الى

700 ريال للكفر الواحد وارد الجفالي .

أما بالنسبة لجهاز الجارمين للأسف أخي تم بيع الجهاز لأحد الأخوان . كذلك أخي

أنا مثلك لا أستطيع إرسال رسالة خاصة لأن مشاركاتي لم تتجاوز 50 مشاركة

تمنياتي لك أخي العزيز بالتوفيق والنجاح . تقبل تحياتي

[محمد البخات]

حياك الله أخي محمد البخات وأسعدني ردك على سؤالي وفي الواقع أن الشباب

يمدحون بكفرات ( ميشلان ) بس ســـعره غالي اليوم سألت عن السعر وصل الى

700 ريال للكفر الواحد وارد الجفالي .

أما بالنسبة لجهاز الجارمين للأسف أخي تم بيع الجهاز لأحد الأخوان . كذلك أخي

أنا مثلك لا أستطيع إرسال رسالة خاصة لأن مشاركاتي لم تتجاوز 50 مشاركة

تمنياتي لك أخي العزيز بالتوفيق والنجاح . تقبل تحياتي


أخي جاسم شكراً على الرد بخصوص الجارمن.

الله يبارك لك و يبارك للي شراه .

تقبل تحياتي

[abu saud30]

السلام عليكم ورحمة الله وبركاته

اسعد الله اوقاتكم بكل خير

اتشرف ان انضم الى هذه الرابطه واكون احد اعضائها الفاعلين

وان شاء الله افيد واستفيد من خبراتكم

خاصه واني جديد على السيارات الامريكي

سيارتي يوكن دينالي 2002



http://www12.0zz0.com/2009/06/29/14/865870138.jpg (http://www.0zz0.com)


اخوكم ابو سعود

[يوكن 2003]

الاخ ابو وشمي 1 الله يجزاك الجنة ويرحم والديك وولدينا وجميع المسلمين وما قصرت بيض الله وجهك يالغالي .

[يوكن 2003]

مساء الخير ع الجميع بخصوص الدبل ادا مشيت مسافة معينة تقريبا 300 كيلو متر يكتب لي شيك على الدبل
مدري وش المشكلة لا هنتوا .

[يوكون2004]

قبل ماتنزله ابي منك دعوة طيبة :rolleyes: :rolleyes: :rolleyes: :rolleyes: :rolleyes:

http://up1.m5zn.com/download-2008-12-16-09-ahq6a12oe.rar (http://up1.m5zn.com/download-2008-12-16-09-ahq6a12oe.rar)

دليل المستخدم (كتالوج)اليوكن والتاهو من 2000 الى 2006 بالعربية

[jasem]

قبل ماتنزله ابي منك دعوة طيبة :rolleyes: :rolleyes: :rolleyes: :rolleyes: :rolleyes:

http://up1.m5zn.com/download-2008-12-16-09-ahq6a12oe.rar (http://up1.m5zn.com/download-2008-12-16-09-ahq6a12oe.rar)

دليل المستخدم (كتالوج)اليوكن والتاهو من 2000 الى 2006 بالعربية


جزاك الله خير ورحم الله والديك

[الوافي2009]

جزاك الله خير وبيض الله وجهك ماقصرت يا يوكن 2004

[مانع عبدالله]

السلام عليكم ورحمة الله وبركاته
يا إخوان انا عندي استفسار بسيط جدا
عندي يوكن قصير أبي أشيل الكرسي الثالث واستفيد من سعه المكان
وش ممكن أنى اركبه من اجل الاستفادة القصوى من المساحة

[ظريفو]

جزاك الله خير ماقصرت مشكور على الكتيب

[الفال]

السلام عليكم ورحمة الله وبركاته
يا إخوان انا عندي استفسار بسيط جدا
عندي يوكن قصير أبي أشيل الكرسي الثالث واستفيد من سعه المكان
وش ممكن أنى اركبه من اجل الاستفادة القصوى من المساحة

http://www.mekshat.com/vb/http://www.mekshat.com/pix/upload03/images117/mk2881_mk30441_fisalalmansoura2.jpg
اسعد الله مساءك
يمكنك ان تركب عليه طبق
يكون الاعلى للجلوس او النوم
والاسفل للاغراض
ويمكنك التحكم بالارتفاع او الانخفاض
سعره من 250 و300 عند( برق الحياء )
http://www.mekshat.com/vb/showthread.php?t=160616

[يزن2000]

اخواني ياهل التاهو .. هل ازارير الدركسون موجوده بكل السيارات او لا ... ؟؟ لان سيارتي لايوجد بالدركسون ازارير .. معقوله يكون الدركسون مغير من الصاله .. وهل استطيع اغيره بدركسون فيه ازارير .. علما ان السياره موديلها 2004 والايادي الخارجيه للابواب لونها اسود .. وهل من طريقه اعرف فيها ان الدركسون بدون ازارير من مصنعه ..

[مانع عبدالله]

يمال السلامه يا اخ الفال وانت لك من اسمك نصيب فال طيب
الله يجزاك خير ويبارك فيك ومشكور على الرد السريع

[يزن2000]

ماحد رد على وينكم ؟؟

[ظريفو]

ياخوي يا يزن هذا معناها ان سيارتك مهي كاملة المواصفات او ان مافيها هذي الميزة لان اتجي في بس في فئة lt و z71 يمكن اما الي عندك فهو ls وماتجي فيه هذي الميزة مع الاسف .

[alqadi2002]

شكرا لكم ويعطيكم الف عافية على الموضوع ...

عموماً : انا لدي يوكن 2001 4*4
والحمد لله كل الأمر زينة .. :good:

[هب ريح]

السلام عليكم جميعا يااخوان
بداية اتشرف ان اكون احد الاعضاء المنضمين حديثا لرابطة ملاك اليوكن
سيارتي يوكن 2005sltسعودي
اتمنى من الاخوه الخبراء افادتي عن كيفية فك وتنظيف فلاتر المكيف مع العلم انني بحثت في المنتدى كثيرا ولم اجد الجواب الكافي..وجزاكم الله كل خير.

[الرقيبه]

السلام عليكم


يوكن 2003 سعودي


شغلت السيارة الصباح بروح اداوم صارت المكينه تقطع او تهز كنه ددسن مفصول بوجيه


وطلع في الطلبون ((طاقة المحرك منخفظة))


ولا انسى الدعسة ما تتعدا واحد ونص


اللي يعرف مشكلتي ولا يدلني على كهربائي جنوب الرياض
له دعوه طيبه

[يزن2000]

ياخوي يا يزن هذا معناها ان سيارتك مهي كاملة المواصفات او ان مافيها هذي الميزة لان اتجي في بس في فئة lt و z71 يمكن اما الي عندك فهو ls وماتجي فيه هذي الميزة مع الاسف .



اشكرك اخوي الكريم لكن لا يوجد رمز اخوي الكريم .. لكن انا شفت واحد 2005 تاهو آيادي الابواب الخارجيه لونها اسود وبالدركسون ازارير .. والله اشغلني الله المستعان

[ظريفو]

والله شوف يازن انا حسب الي لاحظته ان اذا جيت الى وارد امريكا غير عنا احنا عندنا خلاص ls اله مواصفات lt اله مواصفات وهكذا واتكون ثابته اما هم حسب الي اشوفه انك تقدر تطلب اي شي يعني احيانا يجيك واحد اقل مواصفات والكراسي جلد او واحد فل والكراسي قماش واحيانا يكون فتحة وهو حق شركات يعني بدون مواصفات وبالنسبة الى سيارتك اتوقع انها كذا راعيها الاول طلب فيها مواصفات ومابغى الثانية وانشاالله الشباب يفيدونك اكثر وبالنسبة الى اذا انك بتي اتركبهم يبيلك اتشيك على الظفيرة اذا وايراتهم موجودة او لا لان انا كان عندي بليزر وكنت امبا اسوي هذي الحركات اركب الازرار طلعت الشغلة طويلة ومهي سهلة فما حاولت لان البليزر كون العداد شاشته صغيرة فمايكون فيه كمبيوتر الي يعلمك كم باقي في الخزان وغيره دي الحاجات فاذا انت الشاشة كبيرة طويلة يعني يمكن كل الي اتسويه تاخذ السكان (الدركسون)من التشليح وباقي الشغلة تشبيك ويارات مثل الجديد والله المعين واسف على الاطالة.

[ظريفو]

شوف ياخوي يالرقيبة انا هذي طلعت عندي من قبلها وليها حل مؤقت وهو انك اتجنب واتطفي السيارة ووبالريموت سكر وافتح الابواب طيب وبعدها السيارة اصير طبيعية بس اتكون اللمبة مولعة حقت المكينة وبس اتوصل على طول سوي الحل الثاني والشبه دائم يدوم وياك ممكن من اسبوع الي مثلي صار ليها اكثر من شهرين والحمدالله مارجعت كل الي عليك انك تفصل اصابع البطارية وروح داخل شغل السويش وطفيه وخليها مفصولة فترة يعني من ربع الى نص ساعة وبعدين ارجع اشبك الاصابع وبكذ السيارة برمجت تفسها وانشاالله تزبط وبالنسبة الى اسباب المشكلة انا حسب الي دورته من المواقع الاجنبية وتقريبا كلهم مثلي ومثلك 2003 ان حتى الوكالة عندهم ماعرفت وش المشكلة لكن في اكثر من واحد قال ان التسليك حق الارضي الهو الجراوند الظاهر فيها اكثر من سيلك جراوند بس كان يبيلهم شبك كويس واتروح المشكلة والله اعلم لاني لسة مشيكت عليهم والصراحة ماعرفهم هم في وين فاذا احد من الشباب يتكرم ويعرفنا وين اماكنهم بالظبط وانشد عليهم او شوف ورشة فاهمة وخليه يشيك عليهم وقول لينا وش يصير وياك

[هب ريح]

السلام عليكم جميعا يااخوان
بداية اتشرف ان اكون احد الاعضاء المنضمين حديثا لرابطة ملاك اليوكن
سيارتي يوكن 2005sltسعودي
اتمنى من الاخوه الخبراء افادتي عن كيفية فك وتنظيف فلاتر المكيف مع العلم انني بحثت في المنتدى كثيرا ولم اجد الجواب الكافي..وجزاكم الله كل خير.
ياليت احد الاخوان يفيدني مشكورا

[يزن2000]

والله شوف يازن انا حسب الي لاحظته ان اذا جيت الى وارد امريكا غير عنا احنا عندنا خلاص ls اله مواصفات lt اله مواصفات وهكذا واتكون ثابته اما هم حسب الي اشوفه انك تقدر تطلب اي شي يعني احيانا يجيك واحد اقل مواصفات والكراسي جلد او واحد فل والكراسي قماش واحيانا يكون فتحة وهو حق شركات يعني بدون مواصفات وبالنسبة الى سيارتك اتوقع انها كذا راعيها الاول طلب فيها مواصفات ومابغى الثانية وانشاالله الشباب يفيدونك اكثر وبالنسبة الى اذا انك بتي اتركبهم يبيلك اتشيك على الظفيرة اذا وايراتهم موجودة او لا لان انا كان عندي بليزر وكنت امبا اسوي هذي الحركات اركب الازرار طلعت الشغلة طويلة ومهي سهلة فما حاولت لان البليزر كون العداد شاشته صغيرة فمايكون فيه كمبيوتر الي يعلمك كم باقي في الخزان وغيره دي الحاجات فاذا انت الشاشة كبيرة طويلة يعني يمكن كل الي اتسويه تاخذ السكان (الدركسون)من التشليح وباقي الشغلة تشبيك ويارات مثل الجديد والله المعين واسف على الاطالة.


اخوي الكريم ظريفو بارك الله فيك ورحم والديك ..
اخوي والله اني كنت راضي بالسياره لكن اثنين من الشباب قالوا مستحيل الدركسون مافيه ازارير ولازم تشيك عليها وتشوف لكن كيف و اين وماهي الطريقه ؟؟؟!!! وعلي فكره السياره بطاقه جمركيه وبالخارج لاتوجد lt او ls ... وانا شفت سياره 2005 مثل سيارتي ماشاء الله لكن موجوده ازارير يالدركسون وجعلني اشك انهم مغيرين الدركسون عندي والله اعلم .. ومشكور اخوي واسف على الاطاله ..

[ظريفو]

والله ياخوك الاعضاء حطو من قبل مواضيع ان المكيف من 2000 الى 2002 يكون الفلتر تحت الدرج بس فيه ناس دورت ومواترها من 2003 زيي وطالع وماحصلو الفلتر تحت الدرج فكان التوقع انهو يكون مافيه فلتر والتنظيف يكون تنظيف الفلاجة بس انا مادري وبصراحة مادورت كويس لاني الحمدالله ماعانيت من مشاكل في الدفع ولا غيره ماحاولت بس الظاهر انه زي ماقالو بعض الاعضاء ان التنظيف يكون الى الفلاجة والفلتر انلغى في الموديلات الي اجدد من 2002 والله العالم وانشاالله الخبراء يفيدونك اكثر بس في اكثر من منتدى يكون نفس الكلام يجوك الاعضاء يدورو الله يجيزهم خير ومايحصلوه وانشاء الشباب يفيدونك

[رجاس]

السلام عليكم
ناوي غير كفرات سيارتي تاهو جنط 20
وابي نصايحكم
الموقع الارخص
النوع الزين
الاسعار
لاهنتو ياربع

[تاهو 2001]

السلام عليكم ورحمة الله وبركاته

يسعدني ويشرفني ان انضم اليكم وإن شاء الله نفيد ونستفيد

تاهو 2001 4×4

تقبلوا تحياتي

[nor99]

السلام عليكم
نبي الفزعة يا شباب
عندي يوكن 2003
مسجل السيارة فجأة الصوت لا يعمل وحاولت كل الطرق ولم يعمل
فحسب معلوماتي ان افصل اصبع البطارية السالب لمدة 3 دقائق
نجحة الخطة السماعة اشتغلة بسسسسسسسسسسسسسسسسسسسسسسس
للأسف السيارة صارة مو صافية يعن سرعة الماكينة يادوب تشتغل ومن اشغل الكمبروسور تطفي الما كينة
والي عندة الحل لا يبخل علينا

[mkr ابو خالد]

الله يوفق الجميع

[مبارك بن لندن]

يا شباب أرغب في شراء يوكون أو تاهو أمريكي من 99 ونازل وبغيت أعرف بعض المعلومات

أسعارها، ومميزاتها من ناحية القوة وتوفر قطع غيارها وملائمتها لبيئتنا وهل هي كثيرة أعطال

الله يجزاكم خير

[طالب الكلية]

يا اخوان وش اسعار اليوكونات الحين
انا عندي 2001 يوكن قصير

وودي أغير وأشتري 2005 أو 2006

طبعاً فل كامل مو دينالي وارد امريكا
الدينالي مو زين


ارجو من له خبره في هذا المجال انه يفيدني

[يزن2000]

السلام عليكم

[أبو زياد_100]

وعليكم السلام

[ظريفو]

شباب للي عنده العلم اليوم وانا امشي في السيارة في الهايوي نزلت مخرج وصارت السيارة كلما جتها هزة في الطريق يطلع صوت الجرس نفسه الي اذا كان الباب مفتوح وصارت كل ما هزت السيارة طلع هالصوت الين فجاة لمبة Abs اتولع واتطفي لين صارت والعة وبعدين نزلت يمكن ساعة ورجعت ونفس الشي مع كل مطبة صوت الي تولع اللمبة واتضل والعة يشباب الموتر يوكن 2003 وش الحل مع العلم اني دخلت المخرج بسرعة وبقوة لانه تعرفو شوارعنا مشاالله عليه تصميمها كويس

[ابوحمد1403]

حصلت معي نفس المشكله واتمنى من الاخوه الافــــــــاده مشــكـــــــــــــــورين تاهو 2003

[aboteef]

شباب للي عنده العلم اليوم وانا امشي في السيارة في الهايوي نزلت مخرج وصارت السيارة كلما جتها هزة في الطريق يطلع صوت الجرس نفسه الي اذا كان الباب مفتوح وصارت كل ما هزت السيارة طلع هالصوت الين فجاة لمبة Abs اتولع واتطفي لين صارت والعة وبعدين نزلت يمكن ساعة ورجعت ونفس الشي مع كل مطبة صوت الي تولع اللمبة واتضل والعة يشباب الموتر يوكن 2003 وش الحل مع العلم اني دخلت المخرج بسرعة وبقوة لانه تعرفو شوارعنا مشاالله عليه تصميمها كويس



سبق وحصلت لي نفس المشكلة وكان سببها حفرة في لفة اخذتها وانا مسرع

المهم اللي حصل لي ثلاثة اشياء هي
الصوت اللي ذكرت + لمبة abs + لمبة الايرباك

وحلها كان جدا تاااافه

الحل طال عمرك شيك على المساحة الخلفية لأني مع الحفرة نقزت من مجراها
وبعد ما رجعتها اختفت جميع المشاكل الثلاث


انا قلت لك اللي حصل معي وان شاء الله تنحل مشكلتك

[ظريفو]

مشكور ياخوي وانشاالله بكرة اشيك عليها انشاالله ييصير الحل زي ماقلت لان انا المساحات الي ورا عندي فيها مشكلة ان لما اشغل الغوازي المساحات تشتغل يعني ترتفع شوي وتنزل ولما اولع العالي اصير ان الغوازي تطفي يطلع عندي نفس المشكلة تشتغل المساحة الي ورى وقلت بما اتنهم قريبين من بعض فشكيت انه فيها التماس في السويتش والصراحة لسة ماشيكت عليه فشكلي باروح اشيك عليه وانشاالله يطلع حلها سهل مشكور وماقصرت اخوي

[مانع عبدالله]

يا أهل الخبرة في اليوكن القصير وشأ فضل شي ممكن اركبه لليوكن لحمل الاغراض السلة الخليفة ولا تركيب طربال فوق التنداء

[يوكون2666]

السلام عليكم
ناوي غير كفرات سيارتي تاهو جنط 20
وابي نصايحكم
الموقع الارخص
النوع الزين
الاسعار
لاهنتو ياربع


هلا اخوي رجاس

انا ركبت كفرات قودير الوكاله افضل شئ

بسعر 750 ريال

لاكن للمعلوميه انتبه من الكفرات الخليجيه المعاد تصنيعها

وطريقة معرفة ذلك

السعودي يكون تاريخ الانتاج من الجهتين

والخليجي يكون تاريخ الانتاج من جهة واحده فقط

والله يكتب لك الخير

يوكون2666

[يوكون2666]

يا أهل الخبرة في اليوكن القصير وشأ فضل شي ممكن اركبه لليوكن لحمل الاغراض السلة الخليفة ولا تركيب طربال فوق التنداء


افضل شئ السلة الى فوق السياره

لان السلة الخلفيه فيها عيوب

اولا ماتقدر تفتح باب الشنطه الخلفى

ثانيا يكون الحساس معلق عندك

هذا الي صار معي

وموفق ان شاء الله

يوكون 2666

[ابوحمد1403]

شباب للي عنده العلم اليوم وانا امشي في السيارة في الهايوي نزلت مخرج وصارت السيارة كلما جتها هزة في الطريق يطلع صوت الجرس نفسه الي اذا كان الباب مفتوح وصارت كل ما هزت السيارة طلع هالصوت الين فجاة لمبة Abs اتولع واتطفي لين صارت والعة وبعدين نزلت يمكن ساعة ورجعت ونفس الشي مع كل مطبة صوت الي تولع اللمبة واتضل والعة يشباب الموتر يوكن 2003 وش الحل مع العلم اني دخلت المخرج بسرعة وبقوة لانه تعرفو شوارعنا مشاالله عليه تصميمها كويس

حصلت نفس المشكله معي ووجدة الحل في احد اسلاك الحساسات التي على المقصات متحرك فقط عن مكانه دون ان ينفصل فقمت بوضعه في مكانه وذهب الصوت وانطفت اللمبه (abs)
فعليك تفحص الاسلاك والتأكد من تثبيتها 0

[ظريفو]

والله ياخوك انا كنت مفكر كده بس رحت اليوم اول شي فحصتها كمبيوتر عشان اعرف اي جهة خربانة بالزبط قالي عندك الجهة الاماامية يسار رحت لورشة ثانية وفحص عليه وقال انه مشبوك كويس يعني مهو فالت قال الي انت احين لازم اتبدل البرينق كامل (فيه ناس اتسميه الفلنجة) قلت اله طيب هو جديد ماكمل شهرين كيف ابدله وهو مافيه صوت ولا شي قام يقول مايجي ومادري ايش رحت اكثر من محل وكلهم قالو نفس الكلام انا ماصدقت رحت محلات قطع غيار قالو الي نفس الكلام تالي قلت مالي الا عالم القطع في الدمام رحت اله والحمدالله حصلت الحساس واير كامل طويل شوية وموجودة معه الكلبسات وكل شي يعني عليي اركبه بس وعطاني وياه بسعر احسه انه غالي ومارضا ينزل فيه ولا ريال مستغل الوضع يقول انا وفرت عليك 500 وشوي لان داك الجديد كامل ب 700 وشوي الهو البرينق كامل منيه مناك عطاني وياه ب 250 ريال معني شبه متاكد انه ناصب عليي بس وش انسوي هذا الحظ وبكرة انشاالله راح اروح ورشة وابدله بس عندي سؤال يشباب انا عندي صطاب الاشارة الي يجي تحت النور ابي ابدله لان عاج اخذت واحد رحت الى كهربائي الا قام يقول لازم يشيل الشبك ومادري ايش انا خفت ومابدلته عنده بس ابي اعرف الشباب الي بدلوه من قبل كيف طريقة التبديل لاني مابي الهندي الخايس يلعب عليي انا شفت النور ولا اسهل بس هذا كيف طريقته واسف على الاطالة الحساس انشاالله بكرة راح اصوره عشان الي مايعرف شكله واحطه في المنتدى

[مانع عبدالله]

افضل شئ السلة الى فوق السياره

لان السلة الخلفيه فيها عيوب

اولا ماتقدر تفتح باب الشنطه الخلفى

ثانيا يكون الحساس معلق عندك

هذا الي صار معي

وموفق ان شاء الله

يوكون 2666

مشكور يا الغالي وافيت وكفيت وابيض وجة على الرد

[aboteef]

عندي سؤال يشباب انا عندي صطاب الاشارة الي يجي تحت النور ابي ابدله لان عاج اخذت واحد رحت الى كهربائي الا قام يقول لازم يشيل الشبك ومادري ايش ........................... انا شفت النور ولا اسهل بس


انا بجاوبك على هذه الجزئية فقط

ولكن اجابتي بالنسبة ليوكون 2002 واتوقع انه مثل 2003 والله اعلم

اذا فكيت النور وخرجته برا تماما
تلقى للاصطب مثل الكلبسات تمسك في الطرفين
كل ما عليك ان تدفع برفق الاصطب من الداخل الى الخارج

ثم تفك اللمبة لف الى اليمين او اليسار <<< ماني متأكد من الاتجاه

وسلامتك


ادري ان فاشل بالشرح بس ان شاء الله يفيدك

[ظريفو]

مشكور ياخوي وماقصرت وانشاالله بكرة من الصبح بس اخلص الحساس اركبه لانها مي مستاهلة صراحة اركبها عن هندي ومشكور وماقصرت وشرحك كافي وافي

[معدم الظلام]

الله يجزاك خير ويحرم وجهك
:good: عن النار ويرحم والديك

[معدم الظلام]

الله يجزاك كل خير ويرحم والديك

[تمساح نجدي]

شباب معليش كنت راقد وتوني صاحي سجل عندك يوكون2001 دبل وكالة وتراه كذا:good: وانا اشهد انه مووووووووووووتر

[السديم 2]

شباب انا عندي يوكن 2008 واحس ان النور عندي ضعيف ونصحني صديق بتغيير الكيتاوت بآخر صناعة فرنسي ايش تنصحوني به0000000000

[abu saud30]

السلام عليكم

ياخواني عندي دينالي 2002 امريكي

طلعت عندي مشكلة من شهر تقريبا

وهي ان احط السيارة في d

وامشي يطلع صوت ضغط البنزين مرتفع حتى احيانا اشك ان البريك ماسك

ورحت للصناعيه عطوني مليون سبب

كل واحد يقول لي مشكلة

مساعدة تكفون

[تاهو 2001]

السلام عليكم ورحمة الله وبركاته

يا شباب عندي سؤال صاحبي معاه يوكن 2005 سعودي غير زيت الماكينة والفلتر من كم يوم وما زالة لمبة تغيير الزيت شغالة وش الحل فيها ؟؟؟؟؟؟؟؟؟؟

ولك الف شكر

[aboteef]

السلام عليكم ورحمة الله وبركاته

يا شباب عندي سؤال صاحبي معاه يوكن 2005 سعودي غير زيت الماكينة والفلتر من كم يوم وما زالة لمبة تغيير الزيت شغالة وش الحل فيها ؟؟؟؟؟؟؟؟؟؟

ولك الف شكر

هذي الله يحفظك يبغى لها اعادة برمجة كما يلي
افتح السويتش حتى تولع لمبات الطبلون ولكن بدون تشغيل السيارة
ادعس على دواسة البنزين الى الاخر ثلاث مرات تقريبا في حدود 5 ثواني
ثم طف السويتش الى الاخير ثم شغل السيارة وان شاء الله تختفي اللمبة