بدون تعصب لتويوتا

[ابوعمر م]

انا متردد بين سيارتين
الاولى فورتشنر من تويوتا
والثاني باجيرو من متسوبيشى
وش رايكم مع ذكر المميزات والعيوب

[لن أمل من العطاء]

بالنسبة لي
باجيرو غني بالمواصفات واوسع وشكلا افضل وارسى على الطريق

بس سعره مرتفع شوي
ولكن سمعت عنه عروض

[speed 557]

تويوتا افضل من مستوبيشي

[ابو شهد جدة]

الباجيو افضل وعليه عروض اتصل بالشركة 026202000

[شقردي سبيعي]

كانك ناوي به بر خذ باجيرو
وكانك داخل المدينه تيوتا افضل>>6 سلندر<<

[Magellan]

أعتقد إن الباجيرو غني بالمواصفات والإكسسوارات
لو شاورت نفسي فسأختار باجيرو
لكن وش رايك لو تسأل عنه في الكويت حسب ماسمعت الفل عندهم بحدود 107000 ريال

[قرناس صلا]

الاختيار الاول

واصبر شوي

الاسعار ان شاء الله تنزل

[hmadh]

تويوتا فورشنر افضل
خذهذالرابط http://www.toyota4arab.com/forum/t46028.html

تحياتي ...

[متعب الخليفه]

من ناحية الميستوبيشي
فهو اقوي وارسي ولكن من ناحية المشاكل والخرابات
هنا الفرق
الفور نيتشر اصبر انا عندي
والميستوبيشي اقوي
ولكن الميستوبيشي
فريول وراء مو دفرنس
والفورنتشر دفرنس وراء
ومن ناحية الاعمل اكيد الفور نتس\شر
ولكن الجديد الميستوبيشي افضل في الشكل والنصبه
واعتقد ان كلاهن قريب من بعض من ناحية تمييز المواصفات
ونصيحه لاتاخذ توماتيك لاصرت راعي بر وطلعات ونفود لانه مايفنعك ولا بريال في البر
العادي افضل كنشاط وكقوه وكا أقل خرابات
بلأخر
استخر والله يوفقكك ويبارك لك في شريتك

[الحسن القاضي]

فورتشنر وانت مغمض ليس لأنه سيارتي .
لكن لايوجد مقارنة بين التويوتا والمستوبيشي.
هذا رأيي ووجهة نظري.

إذا بغيت الفورتشنر عليم بالستة 6 سلندر ولاتقرب الأربعة.

وموديل 2009 وحش ..

[shaheenshah]

انا اقول لا تستعجل بالشراء اصبر شوي كود تنزل الاسعار ما تدري
الميتسوبيشي قوي ولكن شعبيته عندنا في السعودية قليلة
التويوتا شعبيته كبيره عندنا
وكمتانه اعتقد ان الميتسوبيشي اكثر متانة من الفورتشنر
واهم شي قارن بين قطع الغيار والصيانة
ولا تنسى مثل ما قال اخوي متعب الخليفة الاول فليور والثاني دفرنس
والله يوفقنا واياك لما يحب ويرضى

[اسهيل]

الباجيرو رخيص في الكويت لا تشتري من هنا انا شاري من الكويت قبل ثلاث اسابيع
رخيص الرخص من هنا بي 16 الف اذا تبي رقم راعي المعرض راسليني على الخاص

[بوعبدالله Q8]

آنا مجرب الباجيرو وهو بصراحة مظلوم بسمعته
وقطع الغيار أرخص ومشاكله قليله وسعر الباجيرو عندنا بالكويت ممتاز
وعند البيع أيضا ممتاز

والله يوفقك

[BIOS]

الباجيرو ياباني حتى النخاع بس مكينته يالله تشيله ووكيله تعبان.

الفورشنر ال4 سلندر مايتعدى 140 Km\h صناعه تايلندي بالعربي هايلكس بس مصندق والتويوتا ماعليه كلام وبدون تعصب ههههههههه

[الكونترولCONTROL]

تبي تحافظ على فلوسك بجيبك عليك بسيارات تويوتا من أي موديل

[الربع الغالي]

غير الباجيرو لاتاخذ
بس الماكينة3.8

[بو خليفه]

ان كان تبي الاستخدام و الوسع باجيرو

ان كان تبي سيارة ثلاث أو خمس سنوات وتبيع اشتر تويوتا لأن موجود اللي يحلم بامتلاك تويوتا

[khalidmib]

انظروا دعاية توتا بالغرب كيف

لكل ناس جابين لهم اللي يصلح لهم

http://faltu.tv/commercials-ads/9-commercials/315-best-car-ad-ever.html

[مقلع الرمث]

والله ياخي حرام عليك تقارن الولاده المتعسره الفورشنر بالباجيروا ياخي لا شفت انا الفورشنر اقول هذا تقل سيب يعني سرداب والله مافيه وجه مقارنه وانا وامغمض اطلقلي باجيروا ورخيص برضوا بالكويت الفل بنفس سعر الفورشنر يعني مواصفات صراحه ولااااروع وتوكل على الله ثم استخر

[حقوق المطر]

معليش اسمحلي لو شطحت شوي ..


رايي مادام انك واصل هالقيمه على باجيرو او فورتنشر

الافضل تاخذ لك جي اكس لاند كروزر او سفاري فتك
هاذي هي سيارات البر والديره واوسع واقوى ومضمونه ان شاء الله ودارجه مع الناس اكثر

وموفق ان شاء الله

[إعصار]

حط مقارنة وحدد المعاير ..

السعر .. اثناء الشراء .. وعند البيع ..

القطع .. من حيث التواجد والسعر ..

الوكيل .. مع ان اغلب الوكلاء حرامية لا أن فيه بعضهم احسن من بعض ..


واخر شي لاتنسى التجربة .. ولعلك تسـتأجر السيارتين وتقوم بتجربتها .. في المدينة .. وفي النفود .. وفي الضلعان ..

واهم نقطة لاتنسى الاستخارة ..

ولوتبي شوري خذ الفورشنر .. فل كامل .. عادي ..عزمه جبااااار وهباااال ..

[بو خليفه]

khalidmib (http://mekshat.com/vb/member.php?u=54345) ذكرتني بسيارتي دركسون يمين

[alamri111]

السلام عليكم

أنا اقول من يوم صارت تويوتا تصنع في تايلند والصين واندونيسيا تراها دحدرت
لا وبعد تلزيقات ابوجميل الله يحفضه بها الجيوب وغيرها صارت مهيب تويوتا الي عرفناها

على الأقل متسوبيشى ما بعد طلعت خارج اليابان
ولا تنسون رالي باريس داكار الي (تسع سنوات متتاليه)فيايز فيه الباجيرو والتايوتا مالها حس

[ابوعمر م]

اشكركم جميعاً واخص بشكر كل من اثرانى بمعلومه مفيدة انتظر المزيد