المساعد الشخصي الرقمي

مشاهدة النسخة كاملة : ياشباب تكفون الفزعه في اللي له خبره بالشيروكي 2003 كلاسيك ليبرتي .


أبوسعد999
27/11/2008, 10:04 AM
السلام عليكم . ياشباب توني شاري جيب شيروكي كلاسيك (ليبرتي)2003
ورحت به مره من المرات للبر ومشيت به مع مناطق الونيت يمشي معها مايحك وهذا ياشباب يحك ورحت به لأكثر من ورشه وبعضهم يقول اليايات (السبرنق) وبعضهم يقول ركب كعكعات ولا أدري ياشاب وش أسوي صراحه والله إني محتار وورطان بالحيل . فياشاب اللي عنده مشكله تكفلا لايخل علينا والله يعطيه العافيه .
عاشق z71
27/11/2008, 11:11 AM
اذا ميزانيتك تمام

ركب ياايات اطول وعليك باليايات الاستراليه

واذا الميزانيه وسط ركب كعكات وترفعلك الموتر
أبوسعد999
27/11/2008, 11:24 AM
طيب اليايات الاسترالية وين أحصلها . بعدين هل طول الموتر بيطلع طويل يعني مثل السيارت المتوحشه معليش ماتصلح لي .
بالنسبه للكعكعات يقال ترى بتطلع لك صوت وش رايكم ياجماعه .
عاشق z71
27/11/2008, 11:53 AM
في عندك محلات مخصصه بالصناعيه لليايات

وفي عندك الرمايه متخصص بايايات الاستراليه
وماراح تعطي الارتفاع الي ببالك انت اذا جيت تطلب اطلب ارتفاع بسيط
أبوسعد999
27/11/2008, 11:56 AM
ترى انها الأفضل أني أركب اليايات الاسترالية . طيب ممكن تعرف محل معين بالصناعية متخصص باليايات .
المميـز
27/11/2008, 12:10 PM
هلابك ابو سعد هد الأمور ترا كل شيء وله حل

واحد من الشباب معه اخو موترك ورفعه بكل سهوله

عندك قدام المساعد يجي وسط الياي

الرجال اللي أعرفه طلب مساعد أطول من حق الوكاله من أمريكا

طبعا يجي مساعد مع الياي

والتكلفه كامله 1000 ريال

وبعد ماركب المساعد الجديد راح لأبو وليد الصمعاني بتشليح بريده

ورهم مساعد مرسيدس قدام مع مساعد الوكاله ورفعه أكثر وأكثر

هذا من قدام وخلصنا منه

نجي من وراء

ركب له من ورا مساعدات طويله اللي يجي فيها فرار يثقلها ويخففها عند الحاجه
وعلى حسب الحموله اللي معك

وغير الجنوط حقته إلى جنوط جراند شروكي 2000

وركب كفرات كبيــــره ارتفاع 75 وعرض 245 وجنط 16

والموتر الحين ماشاء الله تبارك الله ماتقدر تركبه بسبب ارتفاعه

والحين ركب له دعاسات جانبيه تساعد على الركوب

( ماشاء الله عليه تبارك الله الله لايضره )



إذا ماعندك خلفيه بطريقة طلب القطع من الخارج

انا اخليه يطلبها لك ونتقابل وتستلم القطعه ...
أبوسعد999
28/11/2008, 12:44 PM
الله يعطيك العافيه ياخوي وبيض الله وجهك ولاهو كثير منك هالتوجيه المبارك . لكن انا ترى ماودي والله أرفعه بالحيل مره أنا ودي يكون تقريبا في حدود جيب الاند كروزر بس علشان كذا احترت مابين الكعكعات او اني أغير اليايات . مع إن فيه واحد اكد لي إن اليايات ترى ماهي بطاله تراها شغاله كويس .