من لدية معلومات حول طرق الصيد الرجاء المشاركة

[skyq8]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يعطيكم العافية علي المنتدا المتخصص ،،،
شباب نبي نعرف انواع وطرق الصيد وانسب وقت لستخدامها وانسب الايام لصيد

مـــــــــــــثــــــــــــأل :-

1)رمي الغزل
متا احسن وقت لرمية
a) (حمل اوفسادة)
b) ( وقت اعلا مد ولا ادنا جزر ،، ومتا نرمية )



2) صيد بطريقة القرقور
( طريقه الربط بين اكثر من قرقور والمسافة الجيدة بينهما وطيفيه الاستدلال عليهم من غير وضع علامه فوق الماء)


3) الصيد بطريقه المشبك (خيط يحتوي علي اكثر من 100 ميدار )



وشكرا لكم
ورجاء المشاركه بالردود التي سوف نستفيد منها في تنميه هواياتنا

[skyq8]

شالسالفه شباب يعني معقوله متعرفون ولا باخلانين علينا بالرد

[( برى بحرى)]

العده او الغزل ترميه والمايه فساد افضل وقت مع جره السجى ويعتمد على مكانك وهل انت على السيف ولا بالطراد


الاقراقير اكثر من واحد يسمى البيطه ( ب ي ط ة ) ولازم يكون عندك نوخذه وبلاّ د
خوفك من عيال الحرام لا يبوقون صيدك او يبوقون كل القراقيرط


المشبك الحين اكوا شىء اسمه مشنّه 1000 ميدار وانا انصح للمشبك تعرف لك مكان نظيف على الشاطىئ مده والماء جزر وانطر دوره المد وترق الله افضل من الطراد لان خوفك يظرب عليك هامه (سمكه جدا كبيره ) تعفسك وتعورك باقى الميادير


سامحنى على التقصير

[skyq8]

( برى بحرى) يعطيك العافية
والله انك نوخذا وصياد كبير
بنسبة لغزل
اقطه اول السجي ولا قبل الوقفة المايه بجم من الوقت،،، ومتا اشيله بعد جم من الوقت
ارجو الافاده بكافه المعلومات لاني ناوي استخدم غزل وماعندي معلومات عنه
وعموما انا استخدم طراد

[skyq8]

عفوا نسيت اذكر شي
الي اعرفة ان المايه حمل احسن شي لان التيارات المائيه حاميه 100% للغزل
الرجو الافادة
وياريت الاخوا يشاركون برائهم لان الرئي يفيدنا حيل ونحترم رئي كل شخص

[( برى بحرى)]

اذا بالطراد تبى تمده هيال يعنى تمده بخط مستقيم
او تمده تسكير يعنى تعمل دائره وتسكر على السمك
شوف بالحمل ترى العده تزحف وتمشى خوفك تشير بالصخر وتتنتف
انصحك بالفساد تكون الماييه راكده
اما اذا تبى تسكر يعنى دائره ما يهم حمل او فساد بس لازم تعرف نوع السمك ونوع الارض لا تقطه بارض كلها صخر وشير انتبه ترى يضيق خلقك

[skyq8]

الغزل
مسموت بالبحر (هيال)
اقطه اول السجي ولا قبل الوقفة المايه بجم من الوقت،،، ومتا اشيله بعد جم من الوقت
ارجو الافاده بكافه المعلومات لاني ناوي استخدم غزل وماعندي معلومات عنه

[( برى بحرى)]

افضل وقت هو اخر السجى بدايه الوقفه او اخر الثبر بدايه السجى
يعنى بالوقفه حتى لا تزحف وتشير بالصخر الا اذا كانت الارض رمل او طين فماكوا مشكله

[gulfhunter]

السلام عليكم ورحمة الله وبركاته

اخوي skyq8 الأخ ( برى بحرى) ماقصر ... كل الي تبيه عنده..

بس الأهم عندك لازم تعرف المكان الي بتنزل الغزل فيه. . . وأبعد عن التيارات المائيه الا اذا المايه واقفه بس لايطول.

.

[أبو نشمي]

يا جماعه حنا نرسل مجارير للقطع الكبيره بوسط البحر طبعاً هذا

اذا كان الصياد ماعنده بوت أو هوري .. لكن الطريقه روعه ومونسه

ونادر ما ترسل المجرور ويرجعلك فاظي .. والنوع اللي نستخدمه بالمجرور

هو السلماني لأني يبلص من بعيد :)

تحياتي للجميع .

[gulfhunter]

السلام عليكم ورحمة الله وبركاته

حياك الله يا أبو نشمي.....

لو تكرمت تعطينا فكره عن ( مجارير ) لأني ماني عارف وشي ......

وتسلم.........

[أبو نشمي]

يابعد حيي ..

هذي الطريقه / هي طريقة إرسال اللعف على فلين ممكن يالترولينج

أو بالمكره والمكره أفضل عشان اذا كان فيه رد أو تصخير أو لبخ

ونخلي اللعفه لين ترسي على القاع ثم نلم اللبخ وقبل ماينتهي بعشره

متر نحط فليك - قطع صغيره - والسبب / عشان لايغرق الجلب ويلحج

ثم نحط المكره على صيخ مدقوق وفوقها علبه تبين أقل سحب للجلب

وبكذا تصبر شوي والله يعينك على اللي بتسحبه ... :D

طبعاً اخوي هذا كلامي مختصر جداً بإعتبار إنك فاهم إرسال الفلين,

واذا ما عندك خبر عنه أبشر انشاالله أنزل موضوع بالصور صايدين فيه

قرش حول مترين ... بنفس هذي الطريقه لأنها ماتصيد الى الأحجام الكبيره

اللي وزنها من 30 كم - 100 كم أو أكثر بعد اذا كنت مسايس.



تحياتي للجميع .

[gulfhunter]

تسلم يالنشمي.....

بس ياريات تنزل الموضوع بالصور أفضل.


مشكوار ماقصرت......:good:

[أبو نشمي]

حبيبي والله كتبت الطريقه كامله بالشرح الممل والتفصيل المفصل :D

لكن للأسف يوم جيت أنزل الموضوع طلعت الصوره حجمها أكبر من

70 وتم رفض تحميلها .... الزبده اذا تبي الطريقه وصورة القرش قابلني

على الماسنجر ونتواعد في وقت محدد وأرسلها لك :)


بس انت علمني على الوقت اللي يريحك وانا بكون متواجد عشان خاطرك

إيميلي / alganna961@hotmail.com


تحياتي للجميع .

[الـبــدووووي]

مشكور وماقصرت

والله يعطيك العافيه

[هوي الشرقية]

يسلمووووووووووووووووووو
انا عندي طريقة حلة وبسيطة على شكل حرف T