ماشي بوسط البر لحالك والمكان خالي بالليل..ومصاب امامك يأشرلك..وش تسوي؟ (موضوع واقعي)

[أبا مجاهد]

بسم الله الرحمن الرحيم

كما في الموضوع

كنت ماشي بالبر..وصادف انك ذيك الليله لحاااالك..وسط منطقه خاااااليه من البشر وفي ظلام دامس..تمام

ثم وانت تمشي والمكان خالي والظلام دامس لقيت واحد مصاب حالته رثه يأشرلك امامك في الظلام الدامس

ويالله يوضح بنور السياره!!!


-فيه ناس بيقولوا جني

-فيه ناس بيقولوا قاطع طريق وحرامي

وفيه ناس يقولوا انسان عادي..مخطوف ظايع ..الخ


انت.. وش تبي تسوي تتماسك وتوقف وتكلمه..او تمشي وتكرشه ؟؟ باختصار :confused:

[أبو_خالد]

بصراحة إذا كنت لحالي فالسلامة ما يعدلها شيء ومن ذل سلم
لأنك ما تدري وش سالفته ووش وراه (ماهو كله خوف)




أما إذا كان معي أحد .. أو كنا حملة سيارات فالإحتمال إنا نوقف له




وجهة نظر

[رياح الشرق1]

فرررررررررررريكووووووووووووو

[ee150]

بصراحة إذا كنت لحالي فالسلامة ما يعدلها شيء ومن ذل سلم

لأنك ما تدري وش سالفته ووش وراه (ماهو كله خوف)


أما إذا كان معي أحد .. أو كنا حملة سيارات فالإحتما إنا نوقف له





وجه نظر

ولا ازود ولا كلمه

[الهدد1111]

والله يااخي الانسان صعبه يحكم الان لازم يكون وقت الحدث علشان تبين معالم الخوف والجرئه ---- وانا اتوقع اني ابدور حوله قبل الوقف علشان اشوف فيه شئ قريب يمه او لا وانا طبعن قاعد اقراء المعوذات

[H I T L E R]

كــــلام بــو خــالد عــين الصــواب

[رياح الشرق1]

لا يا خوك لاززم تتاكد قبل توقف عنده وتشوفه زين اذا والله كان مصاب ولا شي يعرف وبا الحاله ذي لازم توقف ..........بس يمكن يكون جنى اعوذ با الله من الشيطان متنكر ومتشكل انه رجل مصاب ..............تدري فريكوووووووووو خلص................تحياتي

[أبو_خالد]

فرررررررررررريكووووووووووووو

أضحك الله سنك :D :D

[كاسر الأمواج]

بالنسبه لي ابعد شوي وارجع واخلي النور عليه بعدها يبين ان كان سكران ام مضروب ام تايه

وابنقذه في كل الاحوال إلى إذا كان سكران (( ابي اخليه احسن له واحسن لي ))

[ارتست]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك

[كاشت وحداني]

اواجه مواقف كير زي كذا لكن مو في البر
على خطوط كطريق وادي الدواسر وطريق الطائف ابها وطريق بيشه مرورا بالخرمه ورنيه
واذا نويت اوقف له ما اوقف على طووول
طوفه ورح عنه مسافه حتى يحس انك غبت عنه ثم ديور وارجع علشان يحس انك موتر ثاني وشف وضعه .
ولاحظ التفاتاته هو يناظر خلفه ولا يمين ولا يسار لان اذا معاه اخويا تلاقيه يردد النظر لهم .ثم توطل على الله وافزع له باللي تقدر تخدمه فيه .
وكفاكم الله شر النفوس الخبيثه .

[رياح الشرق1]

ابو مجاهد هاه انت وقفت عنده وشوو هو وش سالفته ردلنا

[arrow]

بسم الله

هذي المواقف التصرف فيها يعتمد على مدى ارتياحك في تلك اللحظة....

قد يغلب عليك رحمته ,, وقد يغلب عليك الخوف منه,,,

في الاولى ساقف له بدون تردد,,,, والثانية فررررررييييييكو مثل ماقال اخوي دواس ضلماء

[راعي نت]

لكل حادت حدث

انا لو واحد يطلعي بالبر اقوله يالله حيك
وين ودك اركيب يا ا بو شنب

لان الايام دواره اليوم هو وانا راح الحقه بالقطعه
(( طبعن ذا كله بعد ماا اتاكد ان الديره خلوه مافيها احد ))

[المجمعه]

اكيد ابى اوقف واشوف وش عنده

بكل تاكيد الرجال ما طلب النجده الا وهو فى حاجه ماسه للمساعده

ويكون لعلمك اخى ان قطاع الطرق انتهو ولم نعد نسمع بهم

[تيس الحبله]

يازين حطت الرجل زيناااااااااااااااااااااه

[راعي الطلعات]

بصراحة إذا كنت لحالي فالسلامة ما يعدلها شيء ومن ذل سلم

لأنك ما تدري وش سالفته ووش وراه (ماهو كله خوف)




أما إذا كان معي أحد .. أو كنا حملة سيارات فالإحتمال إنا نوقف له





وجهة نظر


كلام جميل اتفق معه

[sasooo315]

الرجال اللى بقلبه ايمان ويعرف ان كل شئ مقدر ومكتوب عليه اكيد راح يوقف ويحتسب الاجر واللى مطمئن لهذه الدنيا ومرتاح لها اكيد راح يفضل السلامه
ولا ننسى ان رسولنا الكريم ارسل الصحابه مع وفود القبائل اللذين جائوا اليه يطلبون ان يرسل معهم من يعلمهم اصول الدين ثم لما خرجوا من اسوار مكه غدروا بالصحابه وقتلوهم

[قرناس صلا]

بصراح أوقف ,, البر ما فيه الا الكشاته واكثرهم من الغشامه يطيح بمشكله وغيرهم اهل الحلال وكلهم ناس ان شاء الله فيهم خير ,
واالمجرمين بالافلام فقط وما هم قاعده يخلونا نترك فعل الخير .


وما احد يأشر لك الا عطشان والا مقطوع والا مغرز ..حتى لو كان فى مصيبه الواجب انك تساعده


واذا كان الموقف فيه ريبه ,خذ حذرك وخلك جاهز لاي تصرف.


والله اما اخلى مقطوع يمكن شربه ماء تنقذ حياته ..


وبصراحه ما ادعي الشجاعه أو الخوف ولكن الاحتياط واجب ,, كل المواقف اللي وقفت فيها وانا لحالي واذا كان الوقت ليل ,
يد اسلم فيها واليد الاخرى على الزناد بمخباتي. ودايم تطلع الامور عوافي والحمد لله .


على فكره, مره انقطعنا وحنا اطفال بالبر ,, ولا انسى موقف اللي انقذنا جزاه الله خير .كنا عائله كامله
ولولا الله ثم بدوي مر علينا صدفه كان حلت بنا كارثه والعياذ بالله .
والله يجزاه كل خير وبيض الله وجهه, وصلنا للديره.




نصيحه لا تترك أحد يأشرلك فى البر ,, تاكد وحرص وساعد. تكسب أجر ويمكن تنقذ لك روح من الموت.


والله أعلم

[قاصد الصمان]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك


عين الصواب بارك الله فيك

[راجيي]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك


والله كلامك حكمه

[ابو باسل]

انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك[/quote]

كلام اخي (ارتس )عين الصواب هذا الكلام

[EFI.4500]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك

والله ماعقب كلامه شي هذي الحكمه بعينها 100%100لاغبار على كلامه ومابعده شي ابد

[راع الصقلاويه]

والله اوقف له واشوف وش وراه واللي عقد روس الحبال يحلها

وان وصلت للمس الخشوم على قولة المذكور مادون الحلق الا اليدين

والمقسوم ماعنه مطير , ولا تكلفون انفسكم :

اللي فيه بلا يبين من كلامه , وترى راعي النية الشينة لابد يرتبك لو كان

من ولدته متربي على الحرمنه والحنشله .

[رحال 6]

بصراح أوقف ,, البر ما فيه الا الكشاته واكثرهم من الغشامه يطيح بمشكله وغيرهم اهل الحلال وكلهم ناس ان شاء الله فيهم خير ,

واالمجرمين بالافلام فقط وما هم قاعده يخلونا نترك فعل الخير .


وما احد يأشر لك الا عطشان والا مقطوع والا مغرز ..حتى لو كان فى مصيبه الواجب انك تساعده


واذا كان الموقف فيه ريبه ,خذ حذرك وخلك جاهز لاي تصرف.


والله اما اخلى مقطوع يمكن شربه ماء تنقذ حياته ..



نصيحه لا تترك أحد يأشرلك فى البر ,, تاكد وحرص وساعد. تكسب أجر ويمكن تنقذ لك روح من الموت.



والله أعلم



أوافقك الرأي وأبادك المشاعر والأحاسيس بارك الله فيك

[هواوي]

بين الخرمه ورنيه كنت ماشي الساعه 3 الفجر
لقيت واحد منسدح جنب الطريق مسوي ميت

طبعا كنت ماشي 120 الي صار اني مشيت 180 ولا فكرت اني اوقف اساعده

لاني متاكد ان وراه بلى

[القرناس المهاجر]

كنت ذات مرة في طريق صحراوي ( تمهيد )والناس اللي يمشونه قليلين جداً لخطورته كانت الساعة تشير إلى الثانية والنصف ليلاً .. لاحضت على الطريق كرسيدا واقفه عكس .. وبعدها بكيلوا تقريبا لاحضت اصطبات وعواكس كخلفية الدينا بوسط الخط :confused: يوم قربتها حاولت اتجاوزها وفجئه والنور الكبير يولع بوجهي فاتجهت للخلا ورديت الموتر للثالث وسحبت الدبل وياروح مابعدك رووووح .. حاول يطردني لكن الشغله ماساعدت معاه :eek: والله يخوان شفت الموتر وماقدرت انساه وهو جمس حوض احمر له صدام تركيبه ضخم :j وثب علي مع الجنب ووجه الصدام لخلفية موتري يبي يقلبني .. لكن الله ستر :)

الشاهد في الموضوع اني تاكدت من ناس ثقات .. ان اصحابي لصوص ولهم قضايا جرت لأناس آخــرين .. والكرسيدا هي لتحديد نوعية الصيده .. والجمس لتنفيذ العملية الإجرامية .

فالحذر الحذر من قطاع الطرق وحيلهم التي يقومون بها .. ويجب التأكد من الوضع الذي أمامك ومن له فراسه يقدر يحدد نية الشخص إنكان هو محتاج أو محتال :rolleyes: من هيئته .. من كلامه .. من موقعه .. ومن الوضعيه إلتي هو عليها .. ولاتنسى تتلفت يمين شمال خلفك امامك خشية المداهمة :j

والمصيبة العضمى انك عندما تسعف محتاج أومصاب .. تدخل أنت اول واحد لغرفة التحقيق والمسائلة والتوقيف :mad:

[أبو درويش]

بوقف وبشوف وش عندهـ :d

[أبا مجاهد]

أشكر كل من رد على موضوعي كل باسمه

وجزاكم الله خير على ابداء الآراء

التي يستفيد منها حتما

الأعضاء والزوار

[escape_man]

صار قدامي حادث

مو من عادتي اوقف وخاصة باخر الليل

لكن الموتر الي جرى عليه الحادث ولعت فيه النار

حولت من موتري ونزلت اثنين اخوان بصعوبة لضخامة اجسامهم

يوم اسعفتهم قالو انه انا حادهم ومطلعهم عن الخط

طبعا وانا بالطريق اسمع واحد منهم يقول لاخوه قل للاسعاف اني ماكل حبوب الصرع

طلبت من الجهة الامنية يحللون دم المصابين قالو لازم اذن ؟!

يعني بغيت اروح بالرجلين لولا ان الله كتب ان ولد عمي وهو عسكري جاي يشيك على افراده بالمستشفى

والي ماسكين خفارة والي قال " افلح ياولد العم وبيض الله وجهك"

بعد هالتجربة .. اقول السلامة السلامة مادامت هذه هي الثقافة الطاغية في اوساط مجتمعنا الا من رحم

ربي وهم قليل

[الوعب]

السلام عليكم ورحمة الله و بركاتة

موضوعكم شيق و مهم في نفس الوقت والله يديم نعمة الامن و الايمان على بلاد المسلمين

هذي قصه جرت لاحد الاصدقاء اتمنى يكون فيها العبره

في منطقه من المناطق الي حول متالع ,, وكان الوقت مغرب يقول وقفت جمب الخط اصلي و يوم خلصت صلاه ولا هذا اثر الحبارا جديد يقول قصيته شوي و على راحتي بالموتر و الوقت اظلم المهم عيوني مع الجره يقول سبحان الله رفعت عيني ولا البلا قدامي
بني ادم اسود من راسه لي رجيله واقف بوجه موتر ,, على طول وقف وتعوذ من الشيطان وقام يقرا يقرا يقول انا اقرا و البلا قفا عني على ليت الموتر يقول خلصت القران الي اعرفه و هو واقف على طرف ليت الموتر
المهم تشجع و فتح باب الموتر و وقف على الدواسه .. قال انت انس ولا جن ,, محد رد نزل من الموتر الا هالسواده قعد و قام ينثر تراب على راسه !!
يقول تعوذت من الشيطان وتشجعت وجيته ولا هي بنت (انس يعني) وتبكي وتصرخ و تنثر رمل على راسها واكلمها من بعيد ولا ترد
خير تعوذي من الشيطان,, قالت انا مضيعه اهلي وقفنا قبل الصلاه و قلت بتمشى شوي ومانتبهت وضيعت مواتر اهلي..
قالها اركبي ندور اهلج قالت لا والله .(للعلم هي من احد دول الخليج غير السعوديه)
الحاصل سالها اذا تعرفين تسوقين اركبي الموتر و دوري اهلج و انا بنتظر هنا
عيت ولا تعرف تسوق قال لها ما اروح و اخليج بهالخلا ,, نزل لها ام خمس و شيكها زهب وهي تشوف و عطاها اياها و قالها اركبي ورى و مديها و انا بسوق
وفعلا وافقت .. يقول شغلت الفلشر (اشارات التماتيك) ولفيت شوي يقول ماخذيت الا هذي مواترهم محوله علي من كل صوب . وقف و نزل ولا اخوانها و ابوها .. نزلت البنت من الموتر وتجيها امها وصياح و يغمى على البنت ويرششونها ماء
ويتعلق الشايب في حلقه :no2:
قاله هذي بنتك وهذا سلاحها مافيها الا العافيه و انشدها.
المهم خلص موضوعهم و يستسمحون منه ويشكرونه و يتوكل على الله.

------------------------

فعلا احيانا الناس تطيح بمواقف ويسوقك لهم رب العالمين وانا ضد المثل الي يقول عيال الحرام ماخلو لعيال الحلال حاجه
حاول تساعد ولكن خلك حريص

[ابو تمام]

والله بوقف وشوف وش عنده كان محتاج ساعدته وكانه لص يا انا ياهو

الله يكفينا الشر والله الحين من كثر السوالف عن الحناشل صار الواحد يفكر 1000 مره قبل يوقف لكن توكل على الرحمن ووقف واللي الله كاتبه بيصير

دمت بود

[مخطط 2008]

وش تبي تسوي تتماسك وتوقف وتكلمه..او تمشي وتكرشه ؟؟ باختصار :confused:

والله الوقت هذا يقولك اكرشة وباختصار لا تاقف الا بالبيت عند ام العيال قولت خوافو الا قولت الله يرحمة


اذكر قبل 20 سنة كنت رايح الى حائل والساعة 12 بالليل وفي نفس الطريق واحد واقف في الاسفلت ماعلية الاسروال قصير وانا طبعاً معي اثنين من الزملاء وبقي حولي 10 متر على اني اصدمة وما وخر عن وحذفت السيارة يسار وحطيتة ب بنمرة ومادري وشى الي صار

سالفة ثانية
مرة كاشتين على طريق الخرج بالزويليات المهم وحنا نزل الاغراض والعفش على شان نجهز العشاء اثنين من الشباب قالو نشوف زول وراء الشجر
المهم حنا 5 اشخاص كبرنا للصلاة العشاءتقدم واحد من الزملاء وانا واحد وراة نصلي اثنين خايفين ويراقبون الوضع وبعد الركعة الاولى واحد من الاثنين يشغل السيارة اذكر كانت داتسون مودي 85نسيت
المهم بعد ماشغل السيارة وحنا نصلي نسمع صوت المكينة بقوة وجلس الوضع الى الركعة الثالثة
وبعد السلام من الصلاة راحات السيارة وجاء شخص وقال سمعتو صوت
قلنا لا وراح على الروحــــــــــــة ماندري جن اوانس
الحقيقة السالفة طويل مانتهت
ممكن نكمل بعدين

[الجيش BOY]

بصراحة إذا كنت لحالي فالسلامة ما يعدلها شيء ومن ذل سلم



لأنك ما تدري وش سالفته ووش وراه (ماهو كله خوف)




أما إذا كان معي أحد .. أو كنا حملة سيارات فالإحتمال إنا نوقف له





وجهة نظر

كلامك صحيح الف بالميه بس على حسب موقفك يمكن تكون خايف او عادي الخ

[شعيب فياض]

ياصعب الوقفة وياصعب الممشى
الله لايحطنا في هالمواقف توكل على الله وتوقع كل شيء
وإن شفت نفسك شجاعة ومرتاح للوضع فوقف وإن إستربت في شيء
فأنت خصيم نفسك إما تبعد وتترقب الحركات والسكنات وإن شفت لابد من الفزعة ففزع وتخيل إنه قريب لك
كيف تتركه ؟ بس الحذر مطلوب في كل الأحوال

[مطعوس]

كلام ابو خالد صحيح الا انت وش بتسوي؟؟!

[ta3b]

والله ياجماعه انا ما قد وقفت لاحد ابد الا مرتين مرة صار حادث قدامي انقلبت السياره على طريق الحفر ومعي الوالد والاخوان والاخوات وام العيال ووقفت اسعفت الرجال وخويه طلع مافيهم شيء والثانية وانا رايح للرياض لحالي لقيت شايب دون حايل يقول انه من اهل تربه المهم الرجال ركب معي تصدقون حقق معي في كل شيء مابقى الا يسالني عن اسم امي لانه استغرب كيف لابس ترنق ومعي دلة قهوه وتمر ...

منها قلت الا يا موقف لاحد بطلانا

[شباب شايب]

اذا انتم اثنين
الحلول كثيرة
اما اذا كنت وحيد فأفضل حل حفظ موقعه ومن ثم التبليغ

[فتى التويم]

انا قد صارت لي في الصمان

كان واحد متعطل ومبنشر الكفر ويبي يتفخه ولا معه منفاخ المهم درت حوله

وكان الارض الي حوله كلها منبسطه يعني تشوف البعيد والقريب

ونزلت وانا شايل سلاحي معي محزمي

وكان رجال بالفعل يبي مساعده وخايف

(لانه كان واضح من كلامه الخوف )

[هاوي البران33]

تبي السراحه اقفل الحبات واسكر الدرايش ثمنا اجيه وجه ابوجه واشغل العالي ان شفت انه انسان عادي اكيد ابي اجيه وافتح الدريشه ويصير الي يصير

[راعي انيسان]

ابصراحه كلام كا سر مضبوووووووووووووووووووط


ابعد شوي ووجه النور عليه كذا اعرف وش علته

[مرفــأ]

سأقف بكل تأكيد والتأكد منه من بعيد ثم من قرب ثم اخذ واعطي معه

فإذا عرفت انه محتاج لن اتردد في المساعدة فلربما اكون يوماً في موقفة

[هاي لكزز]

قطاع الطرق
الان موجودين بمفهوم ثاني وينكم عن الي يجون المخيمات بتالي الليل ويقول مضـــيع
وعينه تروح يمين وشمال يبي يعرف كم عددكم
وينكم عن الي يبتلونك في المحطات وياخذون ما حيلتك ودونك من فلوس وجوال ومفتاح سيارة وابلش انت

ونا اعرف اشخاص كانو بالعلا وكانت بتروح عليهم لولا ستـر الله
ثم ظلمة الليل الي ابعدتهم عن قاصدينهم بــشر

وعني اذا كنت بلحالي مراح اوقف في منطقة منيب من أهلها

واصلاً ليه تدخل البر بدون رفيق

انسب شي تتصل على امن الطرق وتقول السالفه كــيت وكيـــت

وفيه شي كثير منا غافلين عنا اذا اقبل عليك قوم وخشت من شرهم فقل
> اللهم اني اجلعك في نحرهم < وهذا ثابت في السنه

[أبا مجاهد]

جزاكم الله خير اخواني كل باسمه

ولا شك نستفيد من ردودكم وتجاربكم ويستفيد باقي الاعضاء

شكرا للجميع

[ابـwgـآ‘oـي™]

آ‘وٍقف له وٍ آ‘شله بس آ‘خآ‘ف لآ‘شآ‘فني ينحآ‘ش

[ابو وافي 444]

أما ان كانه جني عز الله العزيز اني بوقف :) مهو شجاعه ولكن بالعقل وش ذا الجني اللي بيقعد يسوي لك مسرحيه بايخه بوسط البر؟؟؟ اصلا الجني لو يبيك ما قعد يتسدح ويتبطح قدامك علشان يستجدي عاطفتك توقف له... لانه بالاصل بينط على مرتبه الراكب علطول... ولا!!! يمكن يغير الشريط اذا ماعجبه ذوقك... :j
المشكله هنا انه ادمي والحقيقه ان كان منظره مو طبيعي وانا ما معي سلاح والله ماني موقف
التمرجل ذا الايام يودي لبو زعبل :D هذا في حال انك سلمت منه :p

[السلوم 2005]

هه ياحليلك تبين اوقف ونا لحالي الحين لو معي احد ماوقفت

لا والله فكنا ...
وجهت نظري

[راعي بيشة]

لا بالله إلا بوقف يمكن الرجال متورط له في بلية والا ضايع والا ....

مع الحذر والاحتياط لا يكون قاطع طريق فلو وقفت بعيد وقلت لا تقرب خلك مكانك وسألته وش السالفة ونحو ذلك

أما جني فبنسمي ونذكر الله

طبعاً إذا معي عائلة فلن أقف طبعاً

[مقلع الرمث]

كد مره جاني واحد عقب ماغابت الشمس حول الخفس وانا معي الاهل وتفاجأت باالي يمشي وانا اركب لمبه عند الحريم مادريت الى راح للرجال المهم كل اللي معي من العشرين وتحت شباب يعني المهم جيت يمه قلت وش عندك قالي موتري مغرز وراء الشعيب قلتله طيب خل اخذ معي الواير قالي لا مايحتاج معي واير لكن انت يالله امش خن نسحب الموتر المهم يوم ركب معي الرجال والله شكله مريب وخفت انا وانا امتولم قلت اي حركه ابعطيه ضربه خطافيه مارااح ينساه وخر عنه يعلب تكوندو :D المهم غابت الشمس وقفنا بشعيب كله سدر ويوحش وقعد يتلفت قلتله وين سيارك انت قالي والله مدري شكلي ضيعتها المهم جاء ورقى على موتري قلت مو سهل يمون بس يالله خن نخلص المهم قالي توجه مع الجهه هذي يوم رحنا هناك قلت شكله معه ربع ويبي يغدر ولا يسوي حاجه قلت مافيه مشكله حركه خطافيه تاني انسيه اهل اهله ;) يوم جينا للسياره وش توقعون من هم ربعه

والله ماتصدقون معه الرجال زوجته وقاعده لحالها بالبر والمكاااان بعيدا مره يعني قاعد يمشي هو حول الساعه عنا وضيعنا محله اشوي وتاخرنا زياده وقلتله والله انك جزوم انك تروح وتخلي اعيالك قالي يالله نسحب الموتر قمت ونسمت لسيارته
طبعا معه جيب لاند من النوع الجديد 2006 او 2007 المهم ماعلينا من الموديل يوم طلع الواير ولاه كلك :no2: من النوع الردي قلت هذا ماينفع المهم جربت وانقطع وضرب باب الجيب ابتاعي وانعفط الباب اللي وراء
قلتله ابروح اجيب الواير من عند محلنا دقايق وانا جاي المهم جبت الواير وسحبت الرجال كانت زوجته وقت ماكنا نسحب ومدري ايش كانت جالسه بمكان فيه شجر يعني ماتشوفه متوزيه وخايفه المهم الرجال قلتله ابتفخلك كفراتك تفختله وبعد ماخلص جاء الرجال ويديور وشفت زوجته بالنور جالسه المهم هو ماشافها وراح شكله خايف مني وامواعدها بمحل بعيد عن السياره المهم رحت بالسياره عند زوجته وقعت اطنب عليه واطنب واكبس له الين رجع واركبت معه امرته وقلتله يالله قدامي للخط تراك هبلتبي الله يصلحك
اللي قهرني اني اول ماشفت موتره امغرز قلتله خن ودي حرمتك عند الحريمات بتوعنا ورفض وجلسنا نسحب في سيارته ونتفخ الكفرات حوالي ساعه او اكثر

واسف على طول الكلام لكن هذي قصه صارتلي وحبيت اشارك بالموضوع
لكن الصراحه الواحد تضيع مراجله خاصه لا صار معه احريماته وعرضه يعني ماالوم الرجال لان الوضع يحكمك وتعجز تصرف

والسلام عليكم

محبكم مقلع الرمث

[دلوع الهوى]

واللة اذا عندك احد في السيارة وقف وخذ العلم منة واذا محد عندك وعند سلاح صغير شف وش يبا من ولاتنا انك تكون مخلي ايدك علة قير واحد وجر الدبل اذا شف شي اشرد

[الصامل1111]

يعطيكم العافية ياجماعة على هذا العرض المتميز وماقصرتوا ..
الصراحة اشكر الذين شاركوا بقصص واقعيه لان من خلالها تستفاد الدروس..

والواحد لاينسى :
1/الأذكار خصوصاً أذكار الصباح والمساء.
2/ذكر نزول المنزل ((من نزل منزلاً فثقال أعوذ بكلما تالله التامات من شر ماخلق لم يضره شيء حتى يرحل من منزله ذلك)).
3/اللهم إكفنيهم بما شئت.
4/((وجعلنا من بين أيدهم سداً ومن خلفهم سداً فأغشيناهم فهم لايبصرون)).

وأعتذر للجميع عن الاطالة..

[السهم الراقي]

الموضوع جميل جدا:)

والوقت متأخر وان شاء الله برجع لكم بقصتين حصلت معي:(

طبعا دايم انا المتوهق :p ويجي من يساعدني الله لايحرمهم الاجر:good:

انتظروني :j

هذا اذا مانسيت الموضوع;)

[الضيغم]

محبكم مقلع الرمث : أحبك الله فيما أحببتنا فيه عزالله ذبحني الضحك من جد على قولتك : ضربه خطافيه هههههههههههههههههه الله يوفقك يالغالي ..


بصراحه موقف حصل لي انا والوالد الله يحفظه ويطول بعمره .. وكان وقتها مطر غزير بعض الشيء ..

كنا راجعين من المخيم والساعه تقريبا 11 ليلا ..

ويوم بقى على مدينتنا الجميله الخفجي 15 كيلو متر مربع إلا على كتف الطريق ذاك الشخص اللي لمحناه بصعوبه وذلك لأن المساحات مشغلينه على تسارع 3 والأمطار ما شاء الله ..

لمحناه على كتف الطريق طاح فجاه وهو يرفع يديه لنا وصحت الرجال الرجال طاح , قال الوالد : أعوذ بالله من الشيطان .. والله وحنا نديور ونرجع ونكبس الليت إلا الرجال يتلوى يمين الدرب ويوم جيناه إلا منطقة صدره وكتفه اللي يمين كلها دم ودم مو بسيط .. بصراحه منظر يخوف من جد ويربك , الوكاد ما يمديني طالعت يمين إلا الألتيما منقلب وصادم بفتحات الأمطار تحت الشارع الخرسانه صدمه قويه
و داخل الألتيما ثلاث شباب منصرعين , والسواق ضاغط على صدره الدركسون , ودمانهم تنزف ..
طبعا الطريق منحي نحو اليسار واللي مو من أهل الخفجي ينكب إذا كان مسرع
وهم شباب جايين من النعيريه للخفجي ..

والحمد لله على كل حال انقذناهم وجت الإسعاف وسلموا ..

ولو كنت لحالي كان من بعيد وأبلغ الدوريات .. إلا أن كنت بعيد عن المدينه لا انتبه واتلفت و أغلب الأحيان ما أوقف ..


عسا الله يعيين ..

[ضاري خان]

السلام عليكم ورحمه الله وبركاته

اثنين من الشباب طالعين على جيب شاص للصمان يشوفون ربيع1418ه بالصمان ومعهم عزبتهم واغراضهم و ابو عطفه ورى المرتبه وهم يتمشون بالنهار شافو اثنين ياشرون بوسط البر ولا عندهم سياره قال السواق الظاهر انهم متعطلين اومنقطعين خلنا نشوف وش يبون ونفزع لهم ويوم قرب السواق لهم ويسلمون عليهم ويطلع اللي يشر فرد ويحطه براس السواق ويدخل الثاني يده ويطفي السياره وقالو لهم حولو من السياره وبعد ماحولو اخذو جميع مامعهم حتى الملابس الخارجيه والداخليه وخلوهم جطل واخذ الحنشل السياره بالى به ووينك يالعقم
السواق مع خويه ابتلشو بارواحهم ودورولهم اكياس شعير مستعمله وفكوهن من تحت ولبسوهن تقل وزرات واتجهوا للخط.

في نفس السنه وبعد الحادثه بغينا نطلع مع خويانا للصمان وحنا نرتب الطلعه وكل واحد ويش يبي يجيب معه
قال واحد انا علي الخيمه والعده وبجيب سلاحي الشخصى (فرد)
قال الثاني انا بجيب خيمتي اوسع وادفى بدل خيمه ابو فلان واجيب مع رشاشي
قال الثالث وانا بجيب .... وبجيب.....
قال الرابع زيهم ومعهم الخامس

السادس قال انا علي اكياس الشعير علشان مانبتلش وحنا ندورهن

قالو الحذر مايرد القدر

وتقبلو تحياتي

[أبا مجاهد]

جزاكم الله خير يااخوان جميع

ولاشك نستفيد من تجاربكم,,

شكرا للجميع

[الفيحاء1]

تبون الوضع الطبيعي لكل الكشاته وقفه وتحت الله
اما المفروض النحشه خشم طيب

[ابوعابد2500]

انا الوالد حصل له مثل هالموقف بس كانت السياره متعطله

القصه حصلت منذ اكثر من 7 سنوات
كان الوالد وخال الوالد واخوي الكبير طالعين لغنم واحد من الجماعه في الدبدبه تقريبا 60 كيلو عن القار

وكان موترهم عراوي ددسن 85 غمارتين الزبده وهم بالطريق داخل البر تقريبا 20 الى 25 كيلو عن القار

قالت العراوي هذا مكاني عدلي بدلي قالت ما اتحرك الكلام هذا في مربعانية الشتاء وباتو شر ليله

الشاهد من القصه انهم شافو نور سياره جاي من بعيد الساعه 9 بالليل وهم من العصر متعطلين

وطلعو واشرو له لكن ما وقف الرجال غير اتجاهه ومشى

الزبده صباح اليوم الثاني قام اخوي وفك الكبليتر لان المشكله كانت منه كان مليان تراب وكان يدخل التراب

من الغطاء اللي فوق نظفه ونفخه وطبقه بمكانه مالكم اشتغلت السياره وكملو طريقهم عاد يوم اجتمعو بالليل

وقص الوالد السالفه على اللي كانو موجودين اتضح ان اللي اشرو له امس واحد من الجماعه اللي كان جالس بالمجلس

والرجال اعتذر قال يابو فلان انت بهالموقف وبالليل وما عرفتكم قاله الوالد والله ما تنلام

هذه القصه بالاختصار والشاهد منها لا توقف لاي احد متعطل بالبر الا في اقسى الضروف

عاد الواحد يقدرها بنفسه

والا حدد مكانه بالاحداثيات وبلغ اقرب مركز للشرطه او دق عليهم وعطهم الاحداثيات

والسلام عليكم

ابوعابد2500

[نيّاف]

بهالليل الواحد يمسك الأرض على شان ما يشوف شي

وتضيع المراجل وقتها :d

[المقلع 9]

قال صلى الله عليه وسلم( من فرج عن مسلم كربة من كرب الدنيا فرج الله عنه كربة من كرب الآخرة ) مع الحيطة والحذر طبعا ..

[viv999]

أما ان كانه جني عز الله العزيز اني بوقف :) مهو شجاعه ولكن بالعقل وش ذا الجني اللي بيقعد يسوي لك مسرحيه بايخه بوسط البر؟؟؟ اصلا الجني لو يبيك ما قعد يتسدح ويتبطح قدامك علشان يستجدي عاطفتك توقف له... لانه بالاصل بينط على مرتبه الراكب علطول... ولا!!! يمكن يغير الشريط اذا ماعجبه ذوقك... :j
المشكله هنا انه ادمي والحقيقه ان كان منظره مو طبيعي وانا ما معي سلاح والله ماني موقف
التمرجل ذا الايام يودي لبو زعبل :D هذا في حال انك سلمت منه :p

ههههههههههههههههههههههههههههههههههههه:D رد رائع ههههههه
والصراحه لابد من المساعده

[عبّار]

بالليل تو بالنهار اذا مجموعة سيارات بوقف و إلا فلا

[الربذي]

الله يسعدكم ويبعد عنكم اهل الشر خبرات استفدنا منها
ويااخوان ترا الان لازم الواحد ياخذ حذره
مره كنت بالبر المهم كنت مشغل المحول على البطاريه وفضت ول وانا لحالي واقعد اشر على الطريق ووقف لي واحد وقلت له السالفه قال وشلون موديل 93 قاضيه بطاريته مثل موديل 2009 الحين الله يادنيا مااسرعها قبل مده طويله ..طبعا هو قعد يسالني وش السياره وش موديلها قلتله قال ماهو معقوله موديل 93 يمديها تقضي البطاريه وينهي وهو يروح بنفسه لوصفي وانا واقف وبعدين تاكد ورجع واخذني وصحنا السياره شركناها
طبعا قبل الجولات ولا مانبلش اللهم لك الحمد والشكر على هذة نعمه ............
ومره معي اهلي جاي من نجران لرياض مقطعه يااخون مايمشي فيه الا انا تصدقون !!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ عااااااااام 1417 المهم ويطلع لي صومالي مدري سوداني جثه قدي خمس مرات وياشر لي كنا 8صباحا وتصدقون كان حر بالربع الخالي لانا مرينا مع جنب الربع الخالي كان حر ورمضا ههههه شطفنا شوي المهم كنت امشي 140 هو اخر ماجابه الجيب ياشر لي ياشر وشطفه قلت لواني خبل ماوقفت .طبعا طريق معروف بخطورته البالغه ............

[ضب العروبه]

اولا: ان كانه جني ان كانك حافظ اية الكرسي وقف ولا تخاف واساله

ثانيا:ان كانه قاطع طريق بامشي والعطه يا بطه

ثالثا: وان كانه واحد مصاب بوقف وبساله وبساعده.

[أبا مجاهد]

اشكر كل من رد عالموضوع كلا باسمه

ولاشك نستفيد م هل الخبره

شكر الله للجميع

[الربذي]

اشكر كل من رد عالموضوع كلا باسمه

ولاشك نستفيد م هل الخبره

شكر الله للجميع
طيب قل انت وش سويت ترانا نتحرى قصتك مع الرجاااااااااااال............

[راع الحبارى]

والله اذا معي سلاح اوقف اما بيدي الله يستر والله الخوف له دوره !

حدث لي موقف عند غروب الشمس بعدما نزلت من الحره على محطة المخلفي بعد المدينه المنوره 150 كم تقريبا وانا جاي على الطريق السريع آخذ عمره من مكه ، وهذا عند المحطه طبعا جاني رجل متلطم
وثيابه رثه شوي قال اذا رايح للمدينه ابروح معك قلت حياك الله طبعا اعبي بانزين الآن صراحه شفقت عليه
الرجال راح دخل البقاله اخذ تقريبا عشر دقايق وبعدين طلع وراء البقاله ورجع للبقاله عند ذلك ساورني الخوف والقلق ( واتمكن امشي واتركه ) لكن عطيت الرجال علم اركابه معي التزمت فيه ، ومن الحذر سحبت مسدسي الربع ووضعته بالمخبا قلت جاك المشلح ياولد ، المهم جا الرجال يحمل صره كبيره بيده
ركب معي تحركت السياره بنا وانا ابشوف نبض الرجال ، قلت من وين قال من بادية الشلالحه ! هههه قلت ايه هذا المشلح ! الرجال قليل كلامه ومتلطم وانا حذر بعدما اخذنا قربة الربع ساعه عرفت ان الرجال فقير
ولاعنده اي مشاكل والمهم سألني وقلت انا من منطقة حائل بعدها عرفني على قريتي اللي انا منها وقال جيناها وحنا بدو بصراحه اطمأنيت للرجال بل ارتحت لأنه اخذ عني بعض مسافة الطريق شرح لي وضعه بأن اولاده بعدما توضفوا لم يساعدوه وانه متوجه الى تبوك المهم نزلته عند ابيار على بالمدينه وعطيته مقسوم الله وتوادعنا وانا اود لو واصل الطريق معي

[أبوعبدالاله]

طبق هذا المثل (انحش عن الداب وشجرته) وبلغ عنه في أسرع وقت

[أبا مجاهد]

طيب قل انت وش سويت ترانا نتحرى قصتك مع الرجاااااااااااال............


يالربذي اي رجال؟؟

ومن قال ان سار معي موضوع مع الرجال :D

زوجك الله اربع قل امين :)

[العبقري 1]

...................................

[العبقري 1]

بقله أطلع على الكبوت عشان يصير قدام عيني لين أوصله محله ;)

[الربذي]

يالربذي اي رجال؟؟

ومن قال ان سار معي موضوع مع الرجال :D

زوجك الله اربع قل امين :)
ههههههاما انت قلت موضوع ةواقعي حسبته صاير معك لاني قريته على عجل واحسبتك تتكلم عن نفسك ..
طيب خذ هذي القصه البعيده القريبه ماعليش ................
يحكى أن تاجراًتعرض له قطاع الطرق وأخذوا ماله فلجأ إلى المأمون العباسي ليشكو إليه وأقام ببابه سنة فلم يؤذن له فأرتكب حيلة وصل بها إليه وهي أنه حضر يوم الجمعة ونادى ياأهل بغداد اشهدوا علي بما أقول وهو أن لي ماليس لله وعندي ماليس عند الله ومعي مالم يخلقه الله أحب الفتنة واكره الحق وأشهد بما لم أرَ وأصلي بغير وضوء !!!
فلم سمعه الناس حملوه الى المأمون فقال له:ماالذي بلغني عنك؟
فقال: صحيح
قال:فما حملك على هذا ؟
قال: قطع علي وأخذ مالي ولي ببابك سنة لم يؤذن لي.
ففعلت ماسمعت لأراك وأبلغك لترد علي مالي
قال: لك ذلك إن فسرت ما قلت
قال:نعمأما قولي :إن لي ماليس لله فلي زوجة وولد وليس ذلك لله
وقولي :عندي ماليس لله فعندي الغيبة والخديعة والله برئ من ذلك
قولي: معي مالم يخلقه الله فأنا أحفظ القرآن والقرأن غير مخلوق
وقولي: أحب الفتنة فإني أحب المال والولد لقوله تعالى (إنما أموالكم أولادكم فتنة)
وقولي: أكره الحق فأنا أكره الموت وهو حق
وقولي :أشهد بما لم أرِ فأنا أشهد أن محمد رسول الله ولم أره
وقولي: أصلي بغير وضوء فإني أصلي على النبي بغير وضوء
فأستحسن المأمون ذلك وعوضه عن ماله.

[وثاب]

المهم نزلته عند ابيار على بالمدينه وعطيته مقسوم الله وتوادعنا وانا اود لو واصل الطريق معي


كفوا بيض الله وجهك

وصدقني ما يضيع شي

الله لا يحرمك الاجر

[ابوفرايديز]

وشلون فريكوووووووووو وانت دواس الضلماء

[أبا مجاهد]

ههههههاما انت قلت موضوع ةواقعي حسبته صاير معك لاني قريته على عجل واحسبتك تتكلم عن نفسك ..
طيب خذ هذي القصه البعيده القريبه ماعليش ................
يحكى أن تاجراًتعرض له قطاع الطرق وأخذوا ماله فلجأ إلى المأمون العباسي ليشكو إليه وأقام ببابه سنة فلم يؤذن له فأرتكب حيلة وصل بها إليه وهي أنه حضر يوم الجمعة ونادى ياأهل بغداد اشهدوا علي بما أقول وهو أن لي ماليس لله وعندي ماليس عند الله ومعي مالم يخلقه الله أحب الفتنة واكره الحق وأشهد بما لم أرَ وأصلي بغير وضوء !!!
فلم سمعه الناس حملوه الى المأمون فقال له:ماالذي بلغني عنك؟
فقال: صحيح
قال:فما حملك على هذا ؟
قال: قطع علي وأخذ مالي ولي ببابك سنة لم يؤذن لي.
ففعلت ماسمعت لأراك وأبلغك لترد علي مالي
قال: لك ذلك إن فسرت ما قلت
قال:نعمأما قولي :إن لي ماليس لله فلي زوجة وولد وليس ذلك لله
وقولي :عندي ماليس لله فعندي الغيبة والخديعة والله برئ من ذلك
قولي: معي مالم يخلقه الله فأنا أحفظ القرآن والقرأن غير مخلوق
وقولي: أحب الفتنة فإني أحب المال والولد لقوله تعالى (إنما أموالكم أولادكم فتنة)
وقولي: أكره الحق فأنا أكره الموت وهو حق
وقولي :أشهد بما لم أرِ فأنا أشهد أن محمد رسول الله ولم أره
وقولي: أصلي بغير وضوء فإني أصلي على النبي بغير وضوء
فأستحسن المأمون ذلك وعوضه عن ماله.


قصه جميله يالربذي بارك الله فيك ياخوي

اما قولي واقعي فالمقصد انه شيء من الواقع وممكن يحصل عكس الخيال

شكرا لجميع الذين ردوا وشكرا خاص للربذي

[أبا مجاهد]

نتمنى الاستفاده من تجارب الشباب والشيبان

[الستانس]

السلام عليكم

هذا مقطع تمثيلي لقطاع الطرق

http://www.youtube.com/watch?v=VD-8isexges

وهذي قصه مقتبسه من منتدى السيارات ومن صاحب القصه نفسه للعضوgpr57

وللأسف الصور منتهيه صلاحيتها ولكن جبت القصه




حصل لي موقف غريب وعجيب وفيه عبرة وعظة !!


الموقف :


بينما كنت مسافر من مدينة إلى اخرى عن طريق البر انا وزوجتي وولدي الإثنين ,


ولا اريد ان احدد تلك المدينة لأسباب في نفسي .


كان الوقت ليلاً


والساعة التاسعة مساءً


سلكت طريق جديد يربط بين مدينتين المسافة بينهما 200 كيلو متر


وعندما وصلت إلى منتصف هذا الطريق ( يعني تبقي 100 كيلو متر على المدينة الأخرى )


حاولت ايقافي سيارة صغيرة عن طريق الإشارة بالأنوار الاماميه .


فلم اتوقف لعلمي بأن هذا الطريق خطر , ويوجد به قطاع طرق ( على حسب ما كنت اسمع من الناس )


فإزداد إصرار صاحب السيارة الصغيرة ايقافي محاولاً تجاوزي !!


فأضطررت إلى زيادة سرعة سيارتي إلى اقصى سرعة (( 200 كيلو في الساعة ))


فلما عجز عن ايقافي او تجاوزي قام صاحب السيارة الأخرى الذي كان يسير خلفنا مطفئ الأنوار


بإطلاق النار على سيارتي من رشاش كان يحمله معه !!!

قاصداً قتلي حتى تقف سيارتي ومن ثم الإستيلاء على ما في السيارة من اموال وذهب وغير ذلك !!


اخترقت تلك الرصاصة السيارة من الخلف بإتجاهي !!



مدخل الرصاصة الأولى






مخرج الرصاصه الأولى ( من داخل السيارة )




اثر الرصاصه من داخل السيارة









ولكن بإرادة الخالق عز وجل إنحرف مسارها لتصيب المقعد الخلفي الذي لمن يكن عليه احد !!


ومن ثم عرفت بأن الامر جد !!!


ومن فضل ربي انه كان معي مسدس (( مرخص ))


ومن هنا بدأت المعركة !!!


عندما قام صاحب السيارة الأخرى (( الذي يحمل الرشاش )) بمحاذاتي من ناحية اليمين لكي يطلق علي النار بكل سهوله


بادرته بإطلاق النار عليه من مسدسي , ولكن الله عز وجل لم يرد ان اقتله !!


اصابت السيارة المعتديه في الباب الذي خلف السائق ,


مما اضطره إلى التراجع مباشرة .

في هذه الاثناء حاول صاحب السيارة الصغيرة تجاوزي بينما كنت مشغولاً بالسيارة الأخرى !!!


وفعلاً تمكن من تجاوزي (( كانت سرعتنا جميعاً 200 كيلو - السرعة القصوى ))


وعندما تمكن من تجاوزي اجبرني على تهدئة سرعتي إلى 80 كيلو بالقوة مما كاد ان يتسبب هذا الوضع


في حادث مروري مروع !!!


في هذه الأثناء حاولت إطلاق النار على من المسدس ولكن اراد الله الا تخرج الرصاصه !!!


فقد إعرضت الرصاصه بداخل المسدس (( والسبب عدم تنظيف المسدس منذ اكثر من عام تقريباً ))


فلم استطيع ان افعل شيء إلا ان احاول ان اقوم بتجاوزه من جديد !!!


وسرعة سيارتي تنقص بشكل خطير (( ووقوف السيارة يعني الموت المحقق ))


فعملت حركة خطيرة جداً كادت ان تقضي علينا جميعاً , ولكن إستطعت من خلالها ان اتجاوزه وانطلق .


عندما رأى صاحب السيارة الأخرى تجاوزي لصاحبه وإنطلاقي قام بإطلاق النار علي بإتجاه خزان الوقود !!!


فأراد الله ان تخترق الرصاصه خزان الوقود ولكن دون ان ينفجر الخزان (( علماً بأن الخزان ممتلئ بالوقود ))


واستمرت المطارده بعنف اكثر !!!


قام صاحي السيارة الذي يحمل الرشاش بمحاذاتي مرة اخرى وقام بإطلاق النار مرة ثالثه


ولكن هذه المرة قصد كفر السيارة الأمامي الأيمن !!!


فأراد الله عز وجل الا تخترق هذه الرصاصه الكفر ,,


بل جاءت اعلى بقليل من الكفر وإستقرت في مقدمة الصدام الأمامي !!





اثر الرصاصة واضح في الصدام !!


بعد إطلاق هذه الرصاصه حاولت التضيق عليه ومحاولة صدمة مما حدى به إلى التراجع !!


واستمر إطلاق النار تقريباً 4 طلقات كلها جاءت اسفل واعلى السيارة ولم تصب السيارة ولله الحمد .


واستمرت المطارده إلى مدخل المدينة الأخرى !! (( تقريباً نصف ساعة ))


وعندها إضطر الصوص إلى الهرب قبل وصول رجال الأمن إليهم !!


الفوائد التي استفدتها من هذه الحادثه :


1) إن للأذكار والأوراد الصباحية المسائية اثر كبير في حماية المسلم من كل انواع الشرور .


2) إستجابة الله سبحانه وتعالى لدعوة المضظر .


3) عدم التساهل بخطورة بعض الأمور , مثل السفر ليلاً , وسلوك الطرق الجديده بدون توخي الحذر .


4) اهمية السلاح الشخصي في كل الحالات (( المصرح طبعاً )) .


5) الإهتمام بتنظيف السلاح كل فترة وعدم إهماله .


ملاحظة :


عندما يبتعد الإنسان عن الدين وينسى الخوف من الله جل وعلا


لا يقيم لأرواح الناس اية إعتبار !!


فقد يقتل من اجل الحصول على حفنة من المال !!



وقد لا يجد شيء بعدما يقوم بالقتل !!

[جمـر الـغـضـى 11]

والله قصص حلوه والواحد ياخذ العضه والعبره من هالقصص ..

عن ماعندي قصه اوردها لكم لكن لو حصل لي موقف وكنت لحالي بالبر وباليل ومعي سلاحي بوقف لطالب النجده اما لو كنت بوسط البر وبمقطعه وخطره والله ما اوقف لو يخر زيوت قصدي دم :d:

[ولد الدواسر]

اهم شي التحصن بالاذكار والتوكل على الله في كل الامور والحافظ الله ,,

[@السيف@]

اقول اللهم اني اجعلك في نحره واعوذ بك من شره واشوف ويش عنده واسعفه اذا محتاج

[مخاوي ذيب]

انا من ناحيتي اتاكد قبل ماوقف له وهذا الموقف حصل لي قبل كم سنه بالشتاء والمطر نازل قوي كنت رايح النعيريه الا اشوف ذاك الوانيت موقف على جنب رفرف وجنبه واحد المسيكين حاط فروه على راسه ومبلل وخويه نايم داخل السياره بصراحه انا من شفت المنظر وقفت على طول لانه كان الجوء ممطر وبرد وفزعت لهم وودتيهم الي مخيمهم والموتر طلع سير المكينه مقطوع والشباب من اهل عنك الله يذكرهم بالخير ناس اجاويد

[PATROL]

قبل الخروج الى السفر يجب التوكل على الله والفعل بالاسباب!

[Ss7]

ادبغه بحطبه , بعدها اساعده

[عرق رملان]

افزعو مع المسلمين وخلو عنكم الحرص الزايد
ولله الحمد ندخل البر 150 كيلو وحولها لم يضرنا شي ولا قاطع طريق ولا قاطع بر
والواحد يكون ذيب ما يدربي راسه على طول بالفزعة حتى يتاكد ان الامور زينه ويحتاج الفزعة وفي الموقف يبين لك امور واجده .
وانا لو اني في موقفك 95% راح فزع معه
لاني حصلت لي مواقف تقريباً مثل ما حصل لرجال ولكن لم نكن في حاله يرثاء لها كنا متعطلين في البر كم مره ونكون سيارة واحدة وفزعو معنا نشامى الله لا يحرمهم الاجر والمثوبه
واقسم بالله العظيم ومن خلال تجربه ان الفزعة للمسلمين دين لك وراح يرجع لك يوم من الايام تكون في امس الحاجة لهم (( من خلال تجربتي في الحياة ))
وعلى العموم فيه مقوله يعلق الناس عليها اعذارهم الواهية مثل من ذل سلم والنحشة وغيرها من هالكلام انت رجال ويجب انك قد المسئولية وبحذر لو الناس بتطبق هالمبدى كان تشوف الجثث مليانه في البر محد اسعفهم والواحد يتوكل على الله ويتعوذ وان شاء الله ما يصير ال الخير

[المشكل]

أشد بالموتر وأنشبه بالتمثال
ههههههههههه

امزح
أدور حلوه أذا تأكت ذيك الساعه أنزل لمة وأكون حريص ومنتبه جدا
وجيد لو يكون سلاحك حولك

[دكتور بر]

والله المسأل فيها نظر والمسألة حسب اللي بأشر هل معه عوايل يبي فزعة هل هو متعطل؟؟؟كل هالأمور تكون في الحسبان ....

[ابو شهااااب]

ابو مجاهد
اكيد تبي تكشف المكان الي موجود فيه الرجال اقل شي كيلو بكيلو
للحيطه فقط بعدين تقدر تساعده

[الربذي]

واللة اذا عندك احد في السيارة وقف وخذ العلم منة واذا محد عندك وعند سلاح صغير شف وش يبا من ولاتنا انك تكون مخلي ايدك علة قير واحد وجر الدبل اذا شف شي اشرد
يااخي الله يرحم الي جابوك للفظ الجلالة الله سبحانه لايوضع على الهاء نقط يكتب هكذا الله الله الله بالقران الكريم مكتوبه الاف المرات ؟؟؟

لااله الا الله العلي العظيم معقوله اهل اللغه يكتبونها خطاء وليته عادي بل خطاء فادح وشنيع بعد.. حد .......

[ABO_KALED]

أمشي بطريقي أحسنلي لأن الوقت هذا ماينظمنون الناس

[فايز العامر]

السلام عليكم ورحمه الله وبركاته

اثنين من الشباب طالعين على جيب شاص للصمان يشوفون ربيع1418ه بالصمان ومعهم عزبتهم واغراضهم و ابو عطفه ورى المرتبه وهم يتمشون بالنهار شافو اثنين ياشرون بوسط البر ولا عندهم سياره قال السواق الظاهر انهم متعطلين اومنقطعين خلنا نشوف وش يبون ونفزع لهم ويوم قرب السواق لهم ويسلمون عليهم ويطلع اللي يشر فرد ويحطه براس السواق ويدخل الثاني يده ويطفي السياره وقالو لهم حولو من السياره وبعد ماحولو اخذو جميع مامعهم حتى الملابس الخارجيه والداخليه وخلوهم جطل واخذ الحنشل السياره بالى به ووينك يالعقم
السواق مع خويه ابتلشو بارواحهم ودورولهم اكياس شعير مستعمله وفكوهن من تحت ولبسوهن تقل وزرات واتجهوا للخط.

في نفس السنه وبعد الحادثه بغينا نطلع مع خويانا للصمان وحنا نرتب الطلعه وكل واحد ويش يبي يجيب معه
قال واحد انا علي الخيمه والعده وبجيب سلاحي الشخصى (فرد)
قال الثاني انا بجيب خيمتي اوسع وادفى بدل خيمه ابو فلان واجيب مع رشاشي
قال الثالث وانا بجيب .... وبجيب.....
قال الرابع زيهم ومعهم الخامس

السادس قال انا علي اكياس الشعير علشان مانبتلش وحنا ندورهن

قالو الحذر مايرد القدر

وتقبلو تحياتي

هههههههههههههههههههههههه

أقسم بالله ضحكت وأنا طفشان ههههههههه

مرتين أقرأ الرد واضحك ،، أضحك الله سنك :D



مثل السالفة هذي صارت مع واحد من الجماعة (بدوي بالشمال) وواحد من اللي يجون من العراق (الحرامية) ولكن يسر الله أمره بعد مضاربة بالعصي والسكاكين أنتهت بتفقيع وجه العراقي وتكسير بعض أطرافه وكسر في يد اللي من الجماعة، وتم تسليمه للشرطة، وانتهى الموضوع..

مرة كنت رايح للهفوف ومعي واحد من الزملاء، وكان الوقت ليلاً، (طريق الهفوف الرياض السريع)، وقبل كبري خريص لقينا واحد يأشر على جنب الطريق مولع أنوار التحذير (الفلشر) وقفنا عند الرجال وكان معي نور على جنب السيارة ولعته وانا في السيارة ومعشق السيارة بالأول، المهم سلامات وش فيه؟ قال متعطل بنزين بس، قلنا طيب اركب نعبي لك بنزين وركب معنا قدام (بجنبي) وهي نقطة مهمة لأنه إذا كان فيه بلا راح يركب بالخلف، والرجال طلع قرم، ورحنا وعبينا بنزين من المحطة اللي على طريق خريص القديم، وكان يبي يشتري لنا عصيرات وغيرها، بس كان معنا القهوة والشاهي وأقنعناه بأننا ماحنا مشتهين شي، المهم رجعنا للسيارة وعبيناها بنزين وحلف إلا نواعده، وهو شغال بأحد القطاعات العسكرية، المهم أخذ أرقامنا وبعد كم يوم اتصل وواعدنا (بالقوة) بس اشترطنا نجيه العصر لأن شكله ناوي مفاطيح، جينا الرجال إلا عازم كل جيرانه، ومقدم أنواع الحلويات والفواكه، وقدام الضيوف قال يالربع هذولا سووا معي جميل ماأنساه طول عمري وأن اشهد بفضلهم علي بعد الله، وحاولت فيهم بالعشاء ولكن رفضوا .. بصراحة أحرجنا .. وردينا عليه أننا ماسوينا شي، وهذا العمل يسويه أي واحد غيرنا.

[khaled99]

كنا مجموعة نتمشى في رمال الدهناء الشتاء الماضي...

ومن بعيد لمحت رجال يأشر ...قلت خل نوقف نشوف وش عنده...

قال واحد من الشباب اللي على طريقة من خاف سلم...خل نمشي وش علينا منه

قلت ياخي ترانا مجموعة...ولا راح يقدر يسوي لنا شيء...خل نوقف له

وفعلا وقفنا...طلع شايب مسكين مغرز تغريزه قوية لحاله...ولا حوله احد ابد

يقول لي يوم وليله في هالمكان...والحمد لله اني شفته...الا يمكن ما حد درا عنه...

لأن المكان اللي كنا فيه مقطعة... مافيه ابراج جوال ...والرجال كبير في السن ...والسيارة لا يمكن تتحرك بدون مساعده...

الله يرحم الحال بس

[a7md al-q9em]

مشكور على الموضوع يالغآلي

موضوع جميل وان شالله تعم الفآيده من هاذه المواقف والقصص

الحمدلله لم يحصل لي مثل هاذي المواقف الا من يكون معه عائله

سياره واقفه بالنهار والعائله تشوفها دون السياره .. هاذي اكثار المواقف

اما عن سؤالك.

بالليل ومامعي احد ولا سلآح وبعيد عن الديره ورجآل يآشر ..؟

سلملي عليه بس ههههههههههههه ولاكنك شفته

تقبل مروري

[ساحووق]

ههههههههههههههه الله يرجكم بعض السواالف تموت من الضحك

[الشقردي 205]

الواحد لازم ما يطلع من الديرة الا ومعة داير11 ابو عكفة كلاش . . . ؟؟؟ !!!


ولالا ياشباب . . . ؟؟؟

[ساحووق]

صدقت ياحمودي

والله يكفينا من كان به شر

ولايطرنا للسلاح ولا حتى التاشير فيه على المسلم

[الشقردي 205]

صدقت ياحمودي

والله يكفينا من كان به شر

ولايطرنا للسلاح ولا حتى التاشير فيه على المسلم


بس الواحد يلزمة السلاح حتى وقت السلم . . .

[MjNo0oN]

عن نفسي فيني عاده اعتبرها سيئة لابعد الحدود

اي واحد يطلب الفزعه مني ما ارده ولو اني ما اعرفه و ما انشده ولا اتحقق منه

ودايم ااذا كان المحتاج يبي توصيله وركب معي اقول بيني وبين نفسي السلامه السلامه انا وش انشبني معه

طبعاً من المشاكل الي تواجهني معهم اني اوقف عن التفكير و احاول افزع له واذا جيت ابفزع او حاولت افزعله تبدى دمجتي تدهر وانواع الاسئلة

ولله الحمد مابعد واجهتني اي مشاكل منهم الا من واحد ياجعل الله يجازيه

ركب معي وترك في المرتبه الخلفيه حبوب ((وبعد الاستفسار و السؤال عنها وعن شكلها صارت كبتقون او بمسما اوصاط الشباب شدد))
والحمد لله رب العالمين اني انتبهت وفطنت لها قبل مايشوفها معي عسكري

و الصراحه راحه عن نفسي ارتاح للخواجه خصوصاً اذا كان حضري اكثر من اهل الديره لانه سبق وصارت معي سالفه مع واحد برطاني قبل تقريباً 8 سنوات وما اقول الا بيض الله وجهه وهداه لدين الاسلام مع انه خواجه ومهوب من اهل الديره وما يعرف طبع اهلها لاكن يعرف يرد الجميل

[مشعل العيسى]

ياصعب الوقفة وياصعب الممشى
الله لايحطنا في هالمواقف توكل على الله وتوقع كل شيء
وإن شفت نفسك شجاعة ومرتاح للوضع فوقف وإن إستربت في شيء
فأنت خصيم نفسك إما تبعد وتترقب الحركات والسكنات وإن شفت لابد من الفزعة ففزع وتخيل إنه قريب لك
كيف تتركه ؟ بس الحذر مطلوب في كل الأحوال

كلامك عين العقل وصحيح 100%

[عرق الأرطى]

اخوي والله وجهت نظري اني ابقعد ادور عليه وارقب الي حوله وذا شفت مهنا احد عنده ابوقف له
هذا احسن حل عندي من وجهة نظري
ولك تحياتي ...,

[alatwoi]

بصراحه صارت معي قبل كم سنه حصلت شخص على طريق صحراوي باليل وقفت ونزلت شوي من القزاز وكلني طلع الشخص مقطوع والحمد لله اسعفته فعلاً موقف صعب لكن قدرنا الله عليه .. والحمد لله

[عاشق الماركيز]

والله ياخوان اقرا المعوذات والادعيه وخل حولك عجرا والاا حديده احتياط اذا كان جني سم بالله وبيختفي ان شالله وان كان ادمي اعرف سالفته من الى واشوف مكان الاصابه واشوف سكران والى لا وبعدين مو كل واحد توقفله يمكن مسويله بلاا وتاكلها معه لكن المصاب تعرف انه مصاب من بعيد وكل شي يبين وربك الحافض

[-ظل الجزيرة-]

ياخوي مالي ومال المشاكل الهجـــــــــــــــــــــــــــــــــــــــــــه وبس

[ẤℓqηαṣṤ ««•]

عشق بالخامس ههههه

[1من الناس]

حيالله الذيابه الموضوع جميل جدا بس صدقوني طقطقت لوحة مفاتيح ماظن تحكم علينا:type: والله من شخص يقول ابوقف ورجله عند الاديتر وشخص عكسه يقول النحشه ويثبت مثل الاسد...كيف الحاااااال

[رحال الصمان]

يااخوان الله هو الرحمن الرحيم ونبينا نبي الرحمه
واعلموا ان ماأصابكم لم يكن ليخطئكم ومأخطأكم لم يكن ليصيبكم الالالالالالالالاباذن الله
ومن تحصن بالاوراد لاخوف عليه باذن الله
ومن رأى من قوم ريبه فليقول اللهم انا نجعلك في نحورهم فقنا يالله شرورهم
ومن اراد المجابهة اوابتلي بها فليقول اللهم انت عضدي وناصري وبك احارب وليتوكل على الله ولن يرى مكروها باذن الله
ولاتقطعوا المعروف بين الله والناس
وهذا لايمنع الحذر واعلموا ان الله معكم بقدر نياتكم
حمانا الله واياكم من كل مكروه
هذا وتقبلوا مروري وتمعنوافيها بارك الله في الجميع

[القرشه]

ربي يحفظك مو فيه ناس بيقولوا الا صدق جني حتى لو انه ادمي تدري ليه لانه بالليل لو انه مأشر بالنهار كان فزعتله لو حتى بالطفايه

[الجمــــــــــــــل]

لو أشر لي أحد لازم أوقف مهما كان الوضع ولو ما وقفت بيجيني تأنيب ضمير لفترة طويلة
وأبأقول لو أنا بمكانة ومتورط ومر من عندي واحد ولا وقف اكيد موقف صعب

اقرأ الاذكار وتوكل على الله ولن يضرك شيئ باذن الواحد الأحد

[أبا مجاهد]

يعطيكم العافيه اخواني على الردود والقصص الواقعيه


اللي لاشك الواحد يتعلم منها

[مكشاتي الجبيل]

سلام اخي ابا مجاهد واشكرك على موضوعك الهادف والبناء
اما عني فاذا كان معي عائلة فزي ماقال بعض الشباب اهج
اما اني لحالي يمكن ان اقراء المعوذات واية الكرسي ووجه نور السيارة عليه للتأكد من وضعه

وتقبل تحياتي

[مشاري الجوف]

فرررررررررررريكووووووووووووو
هههههههههههههههههههههههههههههههههههه انشهد انك صادق ذبحني من الضحك هههههههههههههههههههههههههههههههههههههههههههههههههه ه للابد لا كن يمكن الرجال مصاب ومحتاجلك

[نايف 1996]

حط رجلك ____

[بريداوي اصليm]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك


:good2::good2::good2:
كلام سليم 100%
:good2::good2::good2:

[محمد-الرس]

موضوع شيق ...قعدت يمكن نص ساعة اقرا الصفحات .... واستنتجت أن ...

1- الطرق السريعة خطرة ويجب الانتباة واتخاذ الاجراء المناسب في حال الخطر أو الاعتداء....
2-الاذكار والأدعية هي الحصن الواقي باذن الله من كل الشرور
3-حمل مسدس أو رشاش أو بندقية مليانة ذخيرة أمر مهم مهم جدا ...(شرط أن يكون مرخص ويعرف استخدام السلاح)
4-الله يستر على المسلمين

[الصقر الحربي]

حط رجلك.............................................
لأن واحد من اخوياي صارله نفس الموقف يقول حصله شايب يشر عند وادي أبا الدود يقول خفت منه وما وقفتله ويوم بديت أطلع مع طريق الفقرة إلا نفس الشايب الأول يشر ويقول بيده طيب طيب انا أوريك طبعا لا تسألون عن حاله وقف شعر راسه
طلع الشايب جني

[مسافر خان]

كنت في البر في شمال المملكة على سيارتي ومعي 4 شباب
نبغى مكان معين
وراح النهار وحنا ندور ما دليناه
إلا وشوف ذاك الهايلكس غمارتين إللي مناطحنا
وقوم أكبس له
ناوي أسأله عن المكان عله يعرفه
قام ووقف ونزل وسلم
وقال الحقني
مشيت وراه حوالي 10كم ثم نزل وقام يوصف لي
جزاه الله خير دلينا المكان بفضل الله ثم وصف الأجودي
الشاهد
راعي الهايلكس لوحده معه 4 حريم
بدوي من أهل المنطقة
الشباب اللي معي قالوا هذا مهوب صاحي يوقف لشباب وهو لوحده وذا الحريم
قلت ممكن ما هو صاحي وإلا ماعدكم شئ (خكاريه) :D

[سعد الاحمد]

اولا اشكرك على الموضوع الهام جداً للكثير ممن يرتادون الطرقات الطويلة او الكشاته في داخل البر وخاصة في الليل ابو الاسرار ...

انا بالنسبة لي اذا كان معي عائلة مستحيل اني اوقف حتى لو الشخص اللي اشوفه يأشر هو واحد من أخواني ..
ولا أفكر مجرد تفكير أني أوقف وخاصة بالليل ... أما اذا في النهار والوضع واضح قدامي وشفت مع الرجال اللي يأشر عائلة .. أوقف وأساعدهم وأنا على حذر من أن يكون مقلب .. لأن سمعنا قصص مثل كذا .. رجال يلبسون زي نسائي وعبايات ويصيدون ضحاياهم بهذه الطريقة ...

أما في حالة أني لوحدي أو معي شباب وفي الليل ويأشر واحد .. فأنا أكيد بوقف له وأساعده بعد الإتكال على الله وقراءة الأدعية والأذكار ... وقوي قلبك وما صاير شي الا كاتبه لك ...

انا قبل كم سنة حصل لي موقف على طريق الحجاز وانا متجه الى مدينة الطائف وكانت الساعة تشير الى 2.30 ليلاً وقبل الوصول الى مدينة الطائف بحولي 150 كيلو وجدت شخصين يأشرون لي وكانت سيارتهم مثل سيارتي بالضبط نفس النوع (كراون فكتوريا) وباين أنه لديهم بنشر وذلك واضح من وضع السيارة وايضاً انهم لهم فترة طويلة لم يقف لهم أحد ولم يساعدهم أحد ... وكنت أمشي على سرعة عالية (طبعا قبل نظام ساهر) فقررت الوقوف لهم ومساعدتهم فلم استطع الوقوف الا بعدهم بمسافة طويلة بسبب سرعتي .. ورجعت لهم الى ان وصلت لهم وكان احدهم قادم الى وهو يجري .. فلما توقفت بدا عليه التعب والارهاق واخبرني بأن لديهم بنشر والاستبنة خربانه ولهم أكثر من اربع ساعات لم يقف لهم أحد ليساعدهم وأتصلوا بأمن الطرق ووعدوهم بإرسال فرقة ولم يرسلوا لهم أي فرقة ... فطلب مني الاستبنة الخاصة بسيارتي لتركيبها بسيارتهم للوصول إلى أقرب محطة .. ووافقت على الفور ... وكأني قلت له أنك سوف تدخل الجنة الليلة .. حيث انه فرح فرحاً شديدا هو وزميله بمساعدتي لهم .. المهم مشينا ورا بعض للبحث عن محطة لإصلاح الأستبنه ولكن دون جدوى .. فالمحطات التي مررنا بها ... كانت البناشر مغلقة لتأخر الوقت وايضاً بعضهم لا يوجد لديه اطارات مناسبة لسيارة الرجال ... فقلت لهم الوعد الطائف وهذا رقم جوالي .. اذا وصلتوا بالسلامة وريحتوا واصلحتم سيارتكم دقوا علي .. وان ما دقيتوا فترى الاستبنة فداكم ... وبالفعل ثاني يوم دقوا علي وتواعدت معهم عند مكان معين داخل الطائف واخذت الاستبنة منهم وهم يتشكرون لي كثيراً ولزموا علي كثيراً للغداء او العشاء ولكن تعذرت منهم لضيق الوقت ورجوعي الى الرياض مرة ثانية ..

قصة احببت ان اذكرها لكم بمناسبة هذا الموضوع ... لكم شكري وامتناني ...

[عوااا الذيب]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك
اخوي كلامك طيب بس ألي براسه شر ماهو معطيك فرصه تاخذ علومه وتتأكد من الجره وعددها على طول بينفذ ألي في راسه ويحسم الموقف لصالحه

[عوااا الذيب]

احصلت لي قصه ما أنساها أبدآ مره مسافر للمنطقه الشرقيه عن طريق الجو وستجرت سياره من مطار الظهران الكلام هاذا قبل خمسة عشرسنه متجه اللاحسا اخطيت الطريق ومسكت طريق ابوحدريه الله لايعيده من طريق ومعي المدام ولامعي سلاح لئني جاي عن طريق الطيران ومدرعم مع الطريق حاطن نفسي ادل ومشي مع الخط قالت المدام الظاهر انك مضيع قلت معندك سالفه والله يوم اخذت يوم جتني لوحت ابوحدريه دوروجهي ولاتلقاه من الفشيله قدام المدام تونا عرسان ورازن نفسي رجال وادل الطريق وقفنا عند محطه وسألتهم وقالو اقرب مخرج عشركيلو فلاكن فيه مخرج الحيونات على بعد واحدكيلو اخذت المخرج وكان الوقت الساعه الثانيه ليلان ومن دلاختي طلعت مع المخرج السياره كورلا ترسل ويوم اني نزلت من الكبري متجه لطريق وطيحلي بطريقن ترابي حافرته الشاحنات صايرن عمقه حوالي المتروالله يوم جمد دمي من هولت المنظر السياره صغيره ومسرع وخايف لليلن مضلم ومقطعه ومعي مره ولامعي تلفون ولاسلاح ويمرن الله وحط الكفارات على اطراف الحفر مع الوصط وطرف الخط لان مافيه مفر عقم ايمين وشمال وتمشي السياره المسافت نصف كيلو متر حتا وصلت للزفلت ويوم وصلت الطريق السريع شف وجهي والله تتفل فيه ممسحه من هولت المنظرورعب واتخيل قطاع الطرق وعقبها توبه اني اجازف ومعي عائله

[أبا مجاهد]

احصلت لي قصه ما أنساها أبدآ مره مسافر للمنطقه الشرقيه عن طريق الجو وستجرت سياره من مطار الظهران الكلام هاذا قبل خمسة عشرسنه متجه اللاحسا اخطيت الطريق ومسكت طريق ابوحدريه الله لايعيده من طريق ومعي المدام ولامعي سلاح لئني جاي عن طريق الطيران ومدرعم مع الطريق حاطن نفسي ادل ومشي مع الخط قالت المدام الظاهر انك مضيع قلت معندك سالفه والله يوم اخذت يوم جتني لوحت ابوحدريه دوروجهي ولاتلقاه من الفشيله قدام المدام تونا عرسان ورازن نفسي رجال وادل الطريق وقفنا عند محطه وسألتهم وقالو اقرب مخرج عشركيلو فلاكن فيه مخرج الحيونات على بعد واحدكيلو اخذت المخرج وكان الوقت الساعه الثانيه ليلان ومن دلاختي طلعت مع المخرج السياره كورلا ترسل ويوم اني نزلت من الكبري متجه لطريق وطيحلي بطريقن ترابي حافرته الشاحنات صايرن عمقه حوالي المتروالله يوم جمد دمي من هولت المنظر السياره صغيره ومسرع وخايف لليلن مضلم ومقطعه ومعي مره ولامعي تلفون ولاسلاح ويمرن الله وحط الكفارات على اطراف الحفر مع الوصط وطرف الخط لان مافيه مفر عقم ايمين وشمال وتمشي السياره المسافت نصف كيلو متر حتا وصلت للزفلت ويوم وصلت الطريق السريع شف وجهي والله تتفل فيه ممسحه من هولت المنظرورعب واتخيل قطاع الطرق وعقبها توبه اني اجازف ومعي عائله



يارجال الحمدلله عالسلامه

وتكرم والله ياعوا الذيب


وبالنسبه لاظهار القدرات امام المدام تراهي موجوده عند كل الناااس :D

[برق الشرقية]

ماشي لحالك والمكان خالي بالليل ومصاب امامك ياشر لك وش تسوي ؟؟؟

شييييييييييييييييييييييييييييل عليــــــــــــــــــــــــــه هيييييييييييييييييييييييييلب النجددددددددددددددده هذي الشجاعة الحين

هذي ظروف واوقات ماتحتمل مفاجأأأأأأأأأأأأت

[السيف نجدي]

طيب وذا جاك مثل هذا وش تسوي؟؟
_xsV7e91Wm8

والله اني لا ادعسه ونا ماشي 200:D

[الحربي1111]

كــــلام بــو خــالد عــين الصــواب

[الحربي206]

صارت لي حول الخفس الجهه الشماليه كنت طالع ومعي واحد من الشباب ونشوف ذاك اللي واقف حول الجبال ويلوح بالشماغ يوم نوينا نحرك جانا يركض فقربت منه وموتري على الdمن باب الحيطة سألته من وين وليش ووش جابك هنا لحد ماتأكدت انه من اهل رويغب وموتره ناشب يم خشم الطوقي كان يبي ييقطع بر اقرب له لاكن السيل حده على الحزوم ونشب وخذناه وطلعنا موترة

فمن تجربتي عليك انك تاخذ علومه وانت في الموتر قبل تنزل
وتشييك على مكان موتره إذا كان فيه جره غير جرة موترة يمكن احد متربص لك غيرة
ولا قربت من موتره تناظر مواطي النعال اعزكم الله عشان تتأكد ان مامعه احد وهو كاذب
ذيك الساعة وكل الله وانزل
لان بيني وبينكم ماودك تتجاهل احد يمكن تكون مكانه يوم من الايام وتشوف هالعالم تمر ولا ترد لك
وفي نفس الوقت لاتكون احمق وتجي ساحب الجلنط ونازل مسوي مراجل وتجي على راسك


عين الصوووووووووووووواب

[طير المحبه]

بالحالي .. و بالبر .. وبالليل ؟

الهرووب على قوله ابوسهتل

[G.M.C]

والله الذي لا اله الا هو حصل معي ذا الموقف انا شخصيا
طبعا مو مع شخص متعطل بس حبيت اذكره لكم
الكلام ذا قبل اقل من سنه كنت مسافر للديره طبعا مشت تقريبا اقل من 150 على طريق سريع ثم 300 على طرق سيد واحد مالكم بالطويله يوم مسكت ذاك الطريق الاقشر ماكان بالخط الا انا لحالي من مسكت الخط ذا كنت انا وراعي فورد بدايت الخط شوي تعديته ورحت وجلست تقريبا امشي 150 ماقابلت ولا سياره يوم بقى على الديره حول ال 140 فجاءة لقيت هايلكس وراي كابس العالي خليته على راحته شوي جا يمشي جنبي ويناظر فيني كانوا الي بالهايلكس 4 اشخاص انا خفت شوي المهم وجلس يمشي جنبي تقريبا 5 دقايق عرفت وش يبي يبي يشوف معي احد ولا لا انا طبعا مسافر لحالي شغلت نور السياره الداخلي واناظر فيه وابتسم في وجهه شوي الرجال تعداني وجاء قدامي شوي حسيت اننا نخفف السرعه جيت بسقط عليه من اليمين ويجي قدامي قلت لحول ذا وش يبي طبعا انا خايف ومهب خايف لاني قربت من الديره ااناا موتري كابرس طبعا الموتر مشاء الله عليه ريشه 8 سلندر موديل 2008 جيت من يساره وادعس للموتر والحمدالله تعديته مشيت شوي طفى نوره وصار ملحم وراي فتحت الدريشه وكان معي قاروة ماء وارميها عليه وصقعت قزازه لانه ملحم وراي وعلى طول طارت على قزاز وكان كل مايقرب مني ادعس زياده لين وصلت سرعتي لل 200 فتحت الدرشه واطلع يدي واشرله اقول وش تبي والاخ جالس يكبس يبيني اصفط طبعا دعست للموتر على اخر شي امشي حدود 243 على حسب العداد الالكتروني والله اني خايف بس مو منه من الخط لايطلع علي بعير واصدمه 5 دقايق والله العظيم قطع الامل وديور وعقبها صرت امشي 160 لين وصلت ولله الحمد بس للحين ماتبت مامشي الا اخر اليل
الي مسستغرب منه ليه ماطلق علي بسلاح هذا الي محيرني مع ان اشكالهم توحي بانهم قطاعين طرق كل واحد جسمه مثل البعير

[محمد الظاهري]

صراحه قبل يومين
كنا كا شتين للدهنا
المهم يوم طلعنا من الرياض مع طريق الجنادريه
عند محطه جرش
لقينا رجال طايح في نص الخط
الحمد لله ربك ستر كا دعسنها
كان واحد دعسه

[هاوي بر25]

ابدا مااوقف له لوكان ماكان ماتدري وش يصير مثل ماقلت
خله بحاله وش يجيبه بالبراري والليل حالك

[ملك الفكتوريا]

والله الذي لا اله الا هو حصل معي ذا الموقف انا شخصيا
طبعا مو مع شخص متعطل بس حبيت اذكره لكم
الكلام ذا قبل اقل من سنه كنت مسافر للديره طبعا مشت تقريبا اقل من 150 على طريق سريع ثم 300 على طرق سيد واحد مالكم بالطويله يوم مسكت ذاك الطريق الاقشر ماكان بالخط الا انا لحالي من مسكت الخط ذا كنت انا وراعي فورد بدايت الخط شوي تعديته ورحت وجلست تقريبا امشي 150 ماقابلت ولا سياره يوم بقى على الديره حول ال 140 فجاءة لقيت هايلكس وراي كابس العالي خليته على راحته شوي جا يمشي جنبي ويناظر فيني كانوا الي بالهايلكس 4 اشخاص انا خفت شوي المهم وجلس يمشي جنبي تقريبا 5 دقايق عرفت وش يبي يبي يشوف معي احد ولا لا انا طبعا مسافر لحالي شغلت نور السياره الداخلي واناظر فيه وابتسم في وجهه شوي الرجال تعداني وجاء قدامي شوي حسيت اننا نخفف السرعه جيت بسقط عليه من اليمين ويجي قدامي قلت لحول ذا وش يبي طبعا انا خايف ومهب خايف لاني قربت من الديره ااناا موتري كابرس طبعا الموتر مشاء الله عليه ريشه 8 سلندر موديل 2008 جيت من يساره وادعس للموتر والحمدالله تعديته مشيت شوي طفى نوره وصار ملحم وراي فتحت الدريشه وكان معي قاروة ماء وارميها عليه وصقعت قزازه لانه ملحم وراي وعلى طول طارت على قزاز وكان كل مايقرب مني ادعس زياده لين وصلت سرعتي لل 200 فتحت الدرشه واطلع يدي واشرله اقول وش تبي والاخ جالس يكبس يبيني اصفط طبعا دعست للموتر على اخر شي امشي حدود 243 على حسب العداد الالكتروني والله اني خايف بس مو منه من الخط لايطلع علي بعير واصدمه 5 دقايق والله العظيم قطع الامل وديور وعقبها صرت امشي 160 لين وصلت ولله الحمد بس للحين ماتبت مامشي الا اخر اليل
الي مسستغرب منه ليه ماطلق علي بسلاح هذا الي محيرني مع ان اشكالهم توحي بانهم قطاعين طرق كل واحد جسمه مثل البعير

الحمد لله على السلامة


بس كان يوم جاء بجنبك كان فتحت الدرج وكنك مسكت مسدس وتجهزه


والحمدلله معك كابريس


وبصراحة افكر افك فصلة الفورد اخليه يطق 250 بالراحة لا هايلوكس ولا غيره بسبب الطرق ام سيد وبالليول

[سديراوي 503]

والله لافرك مهبول انا الا اذا كان معي احد اساعدة وان كان جني اقرا آية الكرسي واذا راح فانة جني واذا ماراح فهو انسان هههههههههه

[الصاعقة99]

والله احاول اني اكون حذر جداا واوقف ويمكن اكلمة والقزاز مفتوح شوي وبعدين اقرر واحلل اقف ولا فررررريككو واهم شي لاتنسوا دعاء السفر وسلاامتكم

[عاصفة نجد]

الموضوع شيق وبيدخل فيه 1000 فكره وفكره ولاكن وين اللي بتجيه الدبرة وقت هالموقف
انا لحالي ولقيت الرجال مصاب مع الاسف لأن أخدمه ( ليس بخوف ) ولاكن الاعمار بيد الله
لانه لاقدر الله مات معاك بالسيارة التقرير الطبي بيحملك المسئوليه
وقتها انت برحمة الله ورحمة اهل المتوفي
اما اذا كانت اصابته بسيطه ببلغ عن الموقع وحالة الشخص
لأنه ممكن يكون يمثل عليك وانت مو نازل تفتش جسمه لأنه انت بكل الاحوال في خطر وابن الحرام ماخلى لأبن الحلال شي وممكن يشهر عليك المسدس وقتها تلعن اليوم اللي طلعت في البر
نصيحه لك رحال
1- يكون معه خوي زكرت
2- جهاز قارمن تحديد المواقع
3- كنود
4- سلاح للأحتياط لااكثر
5- ماء يكفي اسبوع
انا بصفتي الشخصية اعتبر كل هاللي ذكرته مهم وكل وحده اهم من الثانيه
واللي لايملك هالاشياء انصحه بكشته بالساحه اللي قدام البيت
وتقبلو تحياتي

[جومانشي]

واليعاذ بالله من كلمة انا حصل معي نفس الموقف

كنا كاشتين حول الصرار ورجعنا باليل كل واحد راح لبيته وكان معي زميل في نفس السياره

وكنا نمشي لى خط مزفلت وكنت امشي فوق 140 اخر الليل

ولفت انتباهي شي على الطريق اناظر في خووي اثر شاف اللي انا شفته

قلت يا ولد شفت اللي شفته قال اجل انت زيي شفت اللي انا شفته قلت ايه

قال يا ولد الطقيق لا توقف قلت لا والله اللي ابي ارجع له قال يا ولد تراها مهو ادمي اللي شفته شكله اشعث

ولا هو طويل قلت ما ليه بنرج على الخط الثاني وبنشغل الكبس ونشوف وش يطلع لنا


الا والله ذاك الرجال القصير والضعيف من التغريزه والحفر والدفن صار مغبر

المهم قربنا حواله ونسلم عليه الا يطل واحد من الربع ولي معرفه فيه وش فيك يا فلان

قالت طلعت البر وغرزت ولا قدارت اطلع ورحنا واسعفناها

ولي قصه ثانيه بس تراها تخوف مره اللي يبي يقراها يرد علي

[ملك الفكتوريا]

جومانشي عطنا ياها

[إخت أخوهآ]

طيب والله قد صار لنا نفس الموقف
بتالي اليل ولمن قربو منه اعمامي
لقوووووووهـ مجنــــــون حالته حاله
اسعفوه وشرب ماء وبعدها ودوهـ للمستشفى قريب من مكان
كشتتناااااااا وبــــــــــــــــــس

[شايب السبيت]

واليعاذ بالله من كلمة انا حصل معي نفس الموقف




كنا كاشتين حول الصرار ورجعنا باليل كل واحد راح لبيته وكان معي زميل في نفس السياره


وكنا نمشي لى خط مزفلت وكنت امشي فوق 140 اخر الليل


ولفت انتباهي شي على الطريق اناظر في خووي اثر شاف اللي انا شفته


قلت يا ولد شفت اللي شفته قال اجل انت زيي شفت اللي انا شفته قلت ايه


قال يا ولد الطقيق لا توقف قلت لا والله اللي ابي ارجع له قال يا ولد تراها مهو ادمي اللي شفته شكله اشعث


ولا هو طويل قلت ما ليه بنرج على الخط الثاني وبنشغل الكبس ونشوف وش يطلع لنا



الا والله ذاك الرجال القصير والضعيف من التغريزه والحفر والدفن صار مغبر


المهم قربنا حواله ونسلم عليه الا يطل واحد من الربع ولي معرفه فيه وش فيك يا فلان


قالت طلعت البر وغرزت ولا قدارت اطلع ورحنا واسعفناها



ولي قصه ثانيه بس تراها تخوف مره اللي يبي يقراها يرد علي



عطنى القصه ......... والله الله .نبيها بالتفصيل الممل
ولا يهون الاكشن ولا يمنع انك تظيف قليل من الملح والبهارات:D

[ابن هادي502]

الا والله انزل وافزع الله وحفظي على الله سبحانه لاني نويت الخير وما راح الله يظيعني

[الفهد7]

ما دامي مصلي الفجر جماعة وقارين وردي ومتوكل على الله
اخذ احتياطي ( ارسال رسالة قصيره الى جوالي بالبيت بالي اشوفه لو حصل ما حصل اكون مرسل جزاء من الحادثة على الجوال وان كان ما فيه ارسال ...عاد اخذ قدر الامكان اقصى درجات الحذر واتوكل على الله واشوف وش عنده)
والمقدر مكتوب

[saqer-aljazera]

يكون في ذاك الموقف القرار ، إما الفزعة أو الفرار الفرار

[ظل الغيث99]

السالفة هذي صارت مع واحد من ارحامي قبل فترة قديمة كان طالع للجماعة عند الابل وكان لوحدة المهم يقول اذكر لما تعديت الازفلت كان فيةناس على طرف الخط يقول وهو ماشي في الصحراءغرزت السيارة وتعلقت الكلام هذا بعد صلاة العشاء المشكلة ان المنطقة هذي قبل اسبوع واحد من الجماعة هجم علية ذيب والله فكة تنوم في المستشفى
المهم خوينا هذا فكر وفكر وتذكر اللى على طرف الخط العايلة اخذها مشي لين ماوصل لعند الناس في البدية رفضوا لكن مع توسل خوينا وافق الرجال المقصود ان الفزعة مطلوبة

[الليث الذهبي]

يارجال توكل على الله والي بيصيبك ماكان بيخطيك
وبعدين مهوب جايك شي بعد التوكل على الله
ولا تخاف واذا شفت نفسك خايف فالهروب لان توكلك هالي تقول عنه توكل كلام بالسان ماهو صحيح

[هيبه ملك]

انا تعرضت لموقف تعطلت سيارتي على طريق الساحل للاسف ماوقفلي واسعفني الا اجنبي والسعودي اذا شافني

يدعس ولاكنه يشوف احد والاجنبي الي اسعفني يقول والله لو جلست محلك سنه مايوقفلك اي سعودي ماادري

خوف او شي ثاني ؟ من كثر مايسمع من القصص الغير واقعيه ذابحه الخوف اعذروني على الصراحه انا والله

لو تعرضت وشفت شخص في موقف يحتاج لمساعده والله لوقف واشوف اش عنده الموت واحد والرب واحد

[~ Abo Rashed ~]

سبحان الله الشخص يبين من شكله إذا كان سكران ولا تايه ولا حرامي :D

بالنسبه لي أنا شخصياً والله أبقعد أدور حوله أشوف وش وضعه

[مكشاتي تربة]

اذا كنت نهار ومعك اقل شي
اثنين لا باله وقف ولاكن كن
على حذر وانتبه من الرجال
والرجال يعرف من شكله

[إلقناصه]

السلام عليكم
والله اذا شفته يبي المساعده ا كيد بساعده بس بحذر اولا اقفل البيبان والدرايش بس افتح شوي من دريشتي
واساله وشوف وضعه وطبعا اكون مجهز سلاحي واا

[الطمره]

السلام عليكم ..
جدي إذا شافني بكشت يقول لو تشوفني أشرلك لاتوقف :D

[**محمد الجبرتي**]

أشكرك على الموضوع الرائع
هاذي تحصل كثير مع الاغلبيه
الحل
إذا صارلي زي ذا الموقف
أول شيء
قبل لا أوقف عنده أامن بيبان السياره وتفتح القزاز على قد الجلده
وبعدها أشوفه محتاج شيء لازم تكون متابع حركاته وبالاخص عيونه والواحد ينعرف من عيونه
إذا كان حرامي ولا واحد مخطوف إذا عرفت انه حرامي سلم عليه امش لان الهرجة فيها تشليح وإذا كان واحد مخطوف ركبه ولا تفك فمك بحرف واحد لين توصل للخط ونزله

[bloodomen]

واليعاذ بالله من كلمة انا حصل معي نفس الموقف



كنا كاشتين حول الصرار ورجعنا باليل كل واحد راح لبيته وكان معي زميل في نفس السياره


وكنا نمشي لى خط مزفلت وكنت امشي فوق 140 اخر الليل


ولفت انتباهي شي على الطريق اناظر في خووي اثر شاف اللي انا شفته


قلت يا ولد شفت اللي شفته قال اجل انت زيي شفت اللي انا شفته قلت ايه


قال يا ولد الطقيق لا توقف قلت لا والله اللي ابي ارجع له قال يا ولد تراها مهو ادمي اللي شفته شكله اشعث


ولا هو طويل قلت ما ليه بنرج على الخط الثاني وبنشغل الكبس ونشوف وش يطلع لنا



الا والله ذاك الرجال القصير والضعيف من التغريزه والحفر والدفن صار مغبر


المهم قربنا حواله ونسلم عليه الا يطل واحد من الربع ولي معرفه فيه وش فيك يا فلان


قالت طلعت البر وغرزت ولا قدارت اطلع ورحنا واسعفناها



ولي قصه ثانيه بس تراها تخوف مره اللي يبي يقراها يرد علي



ياريت تفاصيل القصة الثانية لا هنت

[عـــــزام]

لا تــعـــلــيـق

[سفاري فتك2009]

السلام عليكم ..
جدي إذا شافني بكشت يقول لو تشوفني أشرلك لاتوقف :D
:D:D:D:D
:D:D:D:D

[رسمال]

انا اعتقد ان هذا هو الاختبار الحقيقي للرجال فكثير من الناس يدعي الشجاعة والمرجلة و الشهامة لكنه غير مستعد للمساعدة او إغاثة ملهوف او مصاب ويحب ان يقنع نفسة او يبرر لنفسة بأن طالب العون هذا انما هو مجرم يخطط للسطو علية !!!
انا ارى وجوب تقديم المساعدة مع اتخاذ الحيطة والحذر واحتساب الأجر وعلى الأقل الاتصال بالجهات الأمنية

[* ابو باسل *]

ان كنت لحالي لازم اخذ حذري وابي اوقف عنده وانا على حذر وان كان معي سلاح يدي على سلاحي وسيارتي بنمرتها ويمكن الرجال مصاب معه عايله وصاير له حادث وروح واتركه ويموت احد منهم وانا كنت مستطيع انقاذه بعد الله سبحانه اما ان كان معي ربعي وسيارات ثنتين ثلاث لاوالله نبي نوقف ونشوف وش عنده ان كان يبي الفزعه فزعنا وان كان سكران والا غيره ربطناه بقفى الموتر الين يصحى هههههههههه
امزح امزح نبي نروح ونتركه وبكيفه بعمر بس ان كان محتاجنا ماحنا بمخلينه .

[قدر مكتوب]

بصراحة إذا كنت لحالي فالسلامة ما يعدلها شيء ومن ذل سلم

لأنك ما تدري وش سالفته ووش وراه (ماهو كله خوف)




أما إذا كان معي أحد .. أو كنا حملة سيارات فالإحتمال إنا نوقف له





وجهة نظر



هذا كلام العقل , وماعلى الاخ زود

[الارطئ]

والله لصرت لحالي ولا معي عائلة اوقف الموت واحد والرب واحد

[أبو.عبدالعزيز]

1- اول شي وش هولة تطلع للبر لحالك
2- الي يقولون ادور حولة اشوف وضعة . وراه بتقلبة
3- الي كاتبة لك ربي بيسير
4- اوقف عندة وانزل وسلاحي جاهز
5- تكون فيه قصص واقعية اغلبها 90% منها محتاجين يمكن انه مغرز ومشى ومشى الين تعب وطاح << ياشينها من موقف
6- ساعدة وصدقني تكتب في موازين حسناتك وصدقني ماراح ينساك طول حياتة
موضوع رائع مع ان له اكثر من ثلاث سناوين << خخخخخ قصدي ثلاث سنوات دعابة لاخواننا النصراويين وانا منهم

تحياتي واشواقي لهذا المنتدى الرائع

[ليل السناف]

اوقف لاسعافه . مع اخذ الحذر

[دخنآوي]

صارت عندنآ وعلى خط بعد
وآحد طلع بوجهه أبل بالليل الله يهدي صاحبهآ وهو يلف وتزحف به لمين طلعت بعيد عن الخط وانقلبت به وبعد نص ساعه طلع للخط ويالله وبالله الناس وقفت له لآن مستغربين رجال وبدون سيارة وعلى الخط يعني وش ..
هههآي حط رجلك بس :)

الحمد لله على كل حال الرجال سلم ومابه الا العافيه

[GMC 111]

بصراحة إذا كنت لحالي فالسلامة ما يعدلها شيء ومن ذل سلم

لأنك ما تدري وش سالفته ووش وراه (ماهو كله خوف)

أما إذا كان معي أحد .. أو كنا حملة سيارات فالإحتما إنا نوقف له




وجه نظر

[فرهود1]

انا عن نفسي

رجلك والجبل خخ

والله يكفينا المشاكل

[عساف الضاري]

السلام عليكم ورحمه الله وبركاته

اثنين من الشباب طالعين على جيب شاص للصمان يشوفون ربيع1418ه بالصمان ومعهم عزبتهم واغراضهم و ابو عطفه ورى المرتبه وهم يتمشون بالنهار شافو اثنين ياشرون بوسط البر ولا عندهم سياره قال السواق الظاهر انهم متعطلين اومنقطعين خلنا نشوف وش يبون ونفزع لهم ويوم قرب السواق لهم ويسلمون عليهم ويطلع اللي يشر فرد ويحطه براس السواق ويدخل الثاني يده ويطفي السياره وقالو لهم حولو من السياره وبعد ماحولو اخذو جميع مامعهم حتى الملابس الخارجيه والداخليه وخلوهم جطل واخذ الحنشل السياره بالى به ووينك يالعقم
السواق مع خويه ابتلشو بارواحهم ودورولهم اكياس شعير مستعمله وفكوهن من تحت ولبسوهن تقل وزرات واتجهوا للخط.

في نفس السنه وبعد الحادثه بغينا نطلع مع خويانا للصمان وحنا نرتب الطلعه وكل واحد ويش يبي يجيب معه
قال واحد انا علي الخيمه والعده وبجيب سلاحي الشخصى (فرد)
قال الثاني انا بجيب خيمتي اوسع وادفى بدل خيمه ابو فلان واجيب مع رشاشي
قال الثالث وانا بجيب .... وبجيب.....
قال الرابع زيهم ومعهم الخامس

السادس قال انا علي اكياس الشعير علشان مانبتلش وحنا ندورهن

قالو الحذر مايرد القدر

وتقبلو تحياتي
:D الله يعين تبي ترتفع اسعار اكياس الشعير وتصير اساسية مع عدة السياره:D:good2:

[omar911]

ابي اقف والحذر موجود اما اني ابي اروح لا والله
وما طرقت للمكان ذا اللي خالي ولافيه الاوادم ومقطعه غير معي مايزبني
لاوصل العلم علم..

[أبو هزاع911]

ماشاء الله

موضوع من عام 2008 الى اليوم وهو عامر بالردود والمتابعة

قريت الردود كلها وما قصرت ياراعي الموضوع

ومنكم نستفيد

[ابوليان2009]

ادعسسسسسسسسسس ولا تلتفت للخلف

[Makaveli]

الصراحة إعمل خيراً شراً تلقى

لقيت مره واحد على الأرض ممدد على وجهه وماعرفت مكانه إلا بسبب الطيور الجارحة تحلق بكميات رهيبة حوالي 50 طير , وماعرفت ليش مركزين على هاذي المنطقة وأدقق على الأرض قلت يمكن كلب ميت , إلا وألقالك واحد ممدد على وجهه جلست أراقب من بعيد إلين جات الدورية وأول ماجات قام الرجال وجلس على الأرض وهو ماسك قلبه والطيور راحت , تعرف ليش لأنها لا تأكل إلا الجيف , تنتظره يموت مثل الصورة حق النسر إللي ينتظر الطفل يموت من الجوع عشان يتغذى عليه

[دل البحار]

كلها اغلب الردود فيها شجاعه وأقدام مع خوف
اأولا الموضوع يقلك الكاتب في ليل - ثانيا في أرض مقفره ولو هي قريبه من البلده لكن مقفره -ثالثا ليل مظلم
باألله أسأل نفسك قبل لاتسوي فيها فطره دينيه أش الي حاد هذا الشخص في الليل ومخليه بذ القفار وعلى الطرق
أكيد انه شيطان خبيث ، تقلي أوقف وأنزل أسوي فيها نخوه عربيه ولا كبتشينو
الا بزيد على دوسة البنزين ووينك يادرب العافيه
أفرض معاه سلاح وأنت حاط السياره على ال d وقتها بيحط على البريك ممكن يصوبك من غير ما يقتلك لاسمح الله
يقول الرسول الكريم (من خاف أدلج ومن أدلج بلغ المنزل )
أدلج يعني قاطع طريق وبعيده عن دياره أش بيسوي يكون خائف من الليل لايحل عليه وهوه بالطريق فمن الطبيعي ان يعمل حساب اظلام فيسرع في مشييه لكي يبلغ المنزل
نصيحه توقف وتوكل على الله الا اذا فيه بنشر سياره على جنب الطريق او انقطع البانزين أوقف لو الشخص ألي يطلب النجده باين من هيئته أنه أنسان عاقل من لبسه وهيئته طيبه ، والافضل عدم التوقف
عن نفسي لو ينزرع طلح على االطريق ماله الا الصباح ،او يتصل بالدوريات الجوالات توفي بالغرض

[ام الدجيجات]

عن نفسي فيني عاده اعتبرها سيئة لابعد الحدود

اي واحد يطلب الفزعه مني ما ارده ولو اني ما اعرفه و ما انشده ولا اتحقق منه

ودايم ااذا كان المحتاج يبي توصيله وركب معي اقول بيني وبين نفسي السلامه السلامه انا وش انشبني معه

طبعاً من المشاكل الي تواجهني معهم اني اوقف عن التفكير و احاول افزع له واذا جيت ابفزع او حاولت افزعله تبدى دمجتي تدهر وانواع الاسئلة

ولله الحمد مابعد واجهتني اي مشاكل منهم الا من واحد ياجعل الله يجازيه

ركب معي وترك في المرتبه الخلفيه حبوب ((وبعد الاستفسار و السؤال عنها وعن شكلها صارت كبتقون او بمسما اوصاط الشباب شدد))
والحمد لله رب العالمين اني انتبهت وفطنت لها قبل مايشوفها معي عسكري

و الصراحه راحه عن نفسي ارتاح للخواجه خصوصاً اذا كان حضري اكثر من اهل الديره لانه سبق وصارت معي سالفه مع واحد برطاني قبل تقريباً 8 سنوات وما اقول الا بيض الله وجهه وهداه لدين الاسلام مع انه خواجه ومهوب من اهل الديره وما يعرف طبع اهلها لاكن يعرف يرد الجميل
ضحكت على برطانى لين بغيت أفطسسسسسسسسسس
هههههههههههههههههه

[برق العتيبي]

ابجدع عليه ماء وكثر الله خيري هالايام الواحد يخاف من المصايب رغم طيبة نواياه

[الحربي حاتم]

الله يلطف بالمسلمين . ويرد كيد من به كيد في راسه

[faisal 506]

موضوع شيق وجميل
والقصص كثيره بهذا الموضوع اذكر منها على سبيل المثال
من يمكن حوالي 7 سنوات كنا راجعين من الامارات مع اخواني ليلاً. تقريباً 12 او 1
وماسكين طريق حرض المهم حصلنا ناس تاشر وعددهم 4 هياتهم اماراتيين
ووجهيههم مافيها ريبه ابد
وموترهم منقلب في النفوذ بسبت السافي الي بالخط ووقفت لهم واسعفتهم
ويقولي من 5عصراً منقلبين ولا وقف لنا احد وفيه وصله هناك مايشتغل بها الجوال
وناس اجاويد والى الان علاقتنا معهم اذا جو للرياض مرونا واذا رحنا للامارات عزمونا

ومره بالصمان من حول 5سنين او 6 ناسي جانا واحد باخر الليل وحنا رقود يبي الفزعه مضيع طريقه
وشكله مريب جداً وعيونه تتلاقط يمين ويسار وتحسه يبي يشوف كلش ويخويي يوصفله وتحسه ماهو يمه باله بشي ثاني
المهم خويي لمح بموتر ذا قارمن وقاله ليش ماشغلته وكنه ارتبك وقال ماعرف اشغله وشغله له خويي وحددله الوجهه
وقاله امش مع السهم وبيوديك لين الزفلت ولاشكر ولاشي وجالس يتمقل بالمحل والمواتر زين
وبعدها مشى الرجال بطريق عكس التوصيف تماماً
وقلت للشباب هالمحل مالنا به رقود ابد سرينا هذا بيعود علينا وبيبلانا بشي
وفعلن مشينا وغيرنا مكاننا لمكان ابعد بواجد وماصار شي

ومره كاشتين بالبر وحنى طالعين من محلنا ليلاً لقيت شايب يأشر تقريبا حول 11 بالليل على الخط
وحسيت شكله مالوف لن هذي ديارنا وقلتله سم ياعم قالي موتري مايشتغل وودني لبيتي بالديره واجي للموتر بكره
على راحتي واول ماركب معي
قالي بنصحك اي احد تشوفه بالليل لاتوقفله حتى لو تشوفه يموت لان بعضهم يمثلون ويسرقون الناس
وقد صارت لولدي وسرقوا سيارته بهالطريقه عشان كذا حبيت انصحك وجزاك الله خير

ومره على طريق ابها 11 ليلا واحد على الخط يأشر ووقف له اخوي وقالي وصلوني قدام
اول ماشفت وجهه ونظرات عيونه لنا وحسيت كن معه شي مخبيه ورى ظهره قلت لخوي امش وفجر الموتر اخوي
بواحد وخليناه وبعدها ب 25متر واحد رجمنا بحصى كبيره الله لايوفقه اثرت ببدي الموتر من ربع هالخسيس
وفكنا الله منهم وبلغنا الامن عنهم ولا ادري وش صار بعدها

فالحقيقه قد تكون بفزعتك هذي انقذت رجل من موت وكذلك بفزعتك هذي قد تكون سقت نفسك للموت
فاذا عزمت على المساعده بمجرد ماترتاب من الشخص امش وخله لايهمك وبلغ الامن عن موقعه
اما اذا ارتحت له فاسعفه واكسب اجره مع الاخذ بوسائل الحذر من سلاح ونحوه وتكون مستعد
لكل طاري لاقدر الله فالردي مع الاسف خرب على الطيب
وأخيراً لاتنس اذكارك فهي لك حصن حصين من شروور كثيره

[اليامي قطر]

السنوات الاخيره تخوف كثير ياشباب كل واحد يتوكل على الله حق التوكل

ولاتوقف لاحد اخر الليل هذا اقرب الاحتمالات قاطع طريق او ارهابي

اذا كان في جيبه سلاح مسدس او سكين وانت شايله بكل رحمه وشفغه

ثم لاغدر الله يفتعل في فاعل الخير هذا وكثير منا ماسمع قصص محزنه ومؤلمه

على مواقع التواصل الاجتماعي واسأل الله ان يحفظ حكامنا ويديم علينا الامن والامان

[بربنجي]

صراحة شي يحير لكن ابلغ الامن افضل شي
حسبنا الله ونعم الوكيل بعض رديين النفس وقطاع الطرق كرهوا الشخص في مساعدة المحتاجين
لانه ما عاد تعرف من المحتاج والنصاب

الله يخسف فيهم ويشلهم