من لديه خبرة في علاج البياضه بعين الطير..

[حادي العيس]

السلام عليكم ورحمه الله وبركاته
صبحكم الله بالخير ..
- لدي مشكله في طيري وهو بمقيضة طلق تشابط هو وطير وأضر بعينه .. مما سبب له وضحه ( بياضه ) في مقدمه عينه .. طبعاً أستخدمت قطره مضاد حيوي لمدة 7 أيام ومن بعدها قطره بورزنيل .. ولم يتغير شيء مع العلم انه اذ راب على اليد يغضي عينه المريضه .. وكان فيه صوغه ( ميله ) راس قويه .. لكن بعد القطرات عدل راسه واصبحت الصوغه خفيفه جداً مع العلم ان نظره بالعين خفيف ..
وحصل اني وديته للعويدي وقالي ماينفع علاج ..لكن الطير كن نظره متحسن وراسه عدله والبياضه اصبحت واضحه وصغيره بعد ماكانت شفافه وكبيره ..
- أتمنى الاستزاده من ذوي الخبرة أو من مر بحاله مثل حاله طيري ..

[..@القناص@..]

مقول الا الله يشفيه

[هواي داورد]

أخوي أنا عندي الخبرة

إذا جات الساعه 2 بالليل رح توضا وصل الشفع والوتر وعقبهن إدع إن الله يشفيه


والله يشفي طيرك وطيور المسلمين اجمعين

[أبو رداد]

وعليكم السلام ورحمة الله وبركاته

العين من المناطق الحساسه جدا ولاتحط مرهم الا بوصف طبيب
لان بسبب بعض المراهم ممكن لاقدر الله يفقد الطير بصره ..
وحتما توجد مراهم علاج لهذه الحاله بعد ان يكشف عليه الطبيب المختص
واذا كنت بعيد عن العيادات والاطباء
فعليك (بالسكر) فهو ماده حافظه وفيه علاج للعين وقد جربتها اكثر من مره
السكر العادي اطحنه واجعله مثل الطحين (ناعم) وانفثه في عين الطير بواسطه قمع ورقي
مرتين او ثلاث في اليوم فهو ينفع ولايضر باذن الله
او اذبه في الماء وبواسطة بخاخ رشه في عينه
والسلام

[أخو وضحة]

اعطاك الحل ابو رداد
الله يعطيه العافيه

[حادي العيس]

سلطان القناص /
- الله يجزاك الجنة .. آمين
...................................
bustard /
- الله لا يحرمك الاجر آمين .
..................................
مشرفنا الغالي أبو رداد /
- جزيت الخير كله .. لكن هل أنتهت الوضحه والبياض من عين طيرك ؟؟ وهل رجع نظره كما كان ..؟
وياليت يابورداد لو تشرح لنا طبيعه البياضه اللي تجي الطيور هل هي التهاب والا تمزق في العين ( بحكم خبرتك ) ؟
.................................
أخو وضحة /
- شرفني مروك .
**************

[زرياب 15]

مساك الله بالخير اخوي اذا شافه العويدي فالعويدي رجال راعي صنف ولا بعد رايه راي بدون قصور في اخواني وردودهم فخالد العويدي من اهل الخبرة وباعه طويل في علاج الطيور ،،،

[البراء آل عثمان]

ورني صوره الطير وبأحاول أفيك على قدر علمي إن شاء الله

[ربع خالي]

اخوي حادي العيس ,,, عسى الله يشفي طيرك ويرتاح بالك اللهم آمين ,,

العين من المناطق الحساسه جدا ولاتحط مرهم الا بوصف طبيب
لان بسبب بعض المراهم ممكن لاقدر الله يفقد الطير بصره ..
وحتما توجد مراهم علاج لهذه الحاله بعد ان يكشف عليه الطبيب المختص
واذا كنت بعيد عن العيادات والاطباء
فعليك (بالسكر) فهو ماده حافظه وفيه علاج للعين وقد جربتها اكثر من مره
السكر العادي اطحنه واجعله مثل الطحين (ناعم) وانفثه في عين الطير بواسطه قمع ورقي
مرتين او ثلاث في اليوم فهو ينفع ولايضر باذن الله
او اذبه في الماء وبواسطة بخاخ رشه في عينه
والسلام
هذا رد اخوي ومشرفنا العزيز ( ابو رداد )
وفعلا هذا هو العلاج الحالي لطيرك ..
اما بخصوص البياض اللي في العين , انت تقول انه كان تقريبا شامل العين وبعده اصبح حجمه صغير وبان البياض,, وهذا يا اخوي لأنه من اول كان الماي متوزع على العين ومع الوقت تجمع مكان واحد وهذا شي طيب
وتأكد بأن طيرك اصبح نظره احسن عن يوم كان الشفافه ماليه العين ...
والان اذا جت القنيصه في وسط البياض فالعين الثانيه تدله على صيدته , واذا اجت القنيصه في اطراف العين (اطراف البياض اللي في العين ) فتأكد انه يشوفها بكل وضوح ,,, وهذا والعلم عند الله ,,,
تقبل مروري
تحياتي لك

[المغامر6]

السلام عليكم عندي حل مجرب من شخص ذكر لي الطريقه عن بياضة العين الا وهي اليمون ابو زهيره تعصره على العين لمده ثلاث ايام ونشاء الله ينفع
تقبلو تحياتي

[عنـاد]

هلا اخوي
اللي في عين طيرك من كلامك انها قرحة في العين وهذي اخطر شي على العين , تجي من حدوث خدش في العين ودخول البكتيريا داخل الجرح او الخدش , واذا ما لحقتها بسرعة الله يخلف عليك وعلى طيرك ويعوضك ابرك منه .

ياليت ترسل لي رسالة خاصة تحط فيها صور عيون الطير بشكل واضح جدا جدا جدا وانت مسلط عليها ضوء كشاف , وان شاء الله يبي يصير كل خير يا رب

الحالة هذي مرت علي في الخيول اكثر من 30 مرة

تحياتي عنـــاد
طبيب متخصص في الخيول :)

[غريم الحباري]

شوف يابو صااااحب انا نعطيك العلاج وينفع ميه فى الميه الا فى حاله وحده تكون عين الطير خاسره يعنى انقبت العين وفرغت الميه يعنى طير عور ..
فى حالة انه التهاب بس من الخدش عليك وعالميه والملح خلط اميه وملح واااااجد وبخ على عين الطير كل يوم ورح تشوووف انه البياااض راح وعلى مسؤليتى الخاصه متخاااف من شى
والله يشفيه والعرب يقولو اللى عنده مريض كأنه مريض

[حمد الظبياني]

الله يشفيه