يااهل الباث شريت مسااعدات جبرين خلفيه ولاركبن موديلها 98 وش الحل وش هو رقم المساعدات

[الربذي]

السلام عليكم
يااخوه شريت مساعدات خلفيه نوع قبريل بس ماركبن ممكن تدلوني وش اقوى المساعدات الخلفية الي تركب للباث خلفي 0
رجاء الادلاء باي شي بخصوص المساعدات
طبعا طلع ان الفتحه العلويه اكبر مدري السفليه المهم طلع عكس المساعد حقها 0

[ثاقب]

الاسترالي اكثر من مثالي للباث ...غالي لكن يستاهل والله.

http://www.mekshat.com/pix/upload02/images88/mk90118_hero_nitro.jpg



http://www.arb.com.au/products/old-man-emu-suspension/nitrochargers-shocks/

[صالح 707]

مساعدات جبرين خذهن من مخرج17خلف البنك الأهلي عند محل السبت ( الشايب)
لونهن أبيض ويركبن بدون ترهيم أنا مجربهن ممتازات.......... السعر 160
لكن إذا تبغى قوي مرة رهم مساعدات vxr قويات مرة مرة

( أنت واستخدامك) أتمنى أني أفدتك لا تركب مونرو يتفقعن طول

[الربذي]

ثاقب وصالح 707


الله يعطيكم العافية على الرد وجزاكم الله خير


بس مساعدات vxr يركبن على الباث فايندر ولا لا

[صالح 707]

الله يعافيك
مساعدات vxr يركبن لكن لازم ترهم ( تقص المسمار وتركب حلقه)

[الربذي]

والله غريبه فعلا انا شريت الجبرئال لونهن ابيض المهم يقول الفنني ان هذولي الفتحه العلويه اصغر من حق الوكاله والي تحت اكبر يعني العكس قلت اقلبه وقعد يضحك وقال مايجي لكن يااخوان يتحمل الترهيم لو مثلا اقصه وارهم الحلقه حقته اقص الي فوق واركبها تحت والعكس وبعدين الحمهن تهقون يتحمل اللحام وماينكسر مع المطاب00

[الربذي]

مساعدات جبرين خذهن من مخرج17خلف البنك الأهلي عند محل السبت ( الشايب)
لونهن أبيض ويركبن بدون ترهيم أنا مجربهن ممتازات.......... السعر 160
لكن إذا تبغى قوي مرة رهم مساعدات vxr قويات مرة مرة

( أنت واستخدامك) أتمنى أني أفدتك لا تركب مونرو يتفقعن طول
160للواحد ولا الاثنين انا شريتهن ب230ريال مانزل ولا ريال طبعا لاثنين الواحد 115ريال

[إعصار]

بأدلك على واحد شغلته المساعدات فنان مرررة ..

يرهم قواعد للمساعد .. ويعلمك وش المساعد المناسب لموترك ..

ورشة مبارك اليمني ..

وصفها .. الصناعية القديمة تعد أشارة السالم للزجاج وخل السالم على يمينك يجيك مستوصف على اليمين خذ بعده يمين .. يجيك تقاطع امش قدام يجيك محله على اليمين محل صغيررر مرررة ..

يمكن ما تنبه له حتى اللوحة صغيرة .. لوحة بيضاء مكتوب عليها تدبيل مساعدات او شي زي كذا ..

فيه علامة واضحة قبل الورشة .. بوفيه (تسالي ) جنب الورشة مباشرة لوحتها برتقالية ..

[أبوناصر]

ابوي أنا مريت على السبت الي في الصناعية الكبيرة


وقالي عنده وتركب بدون ترهيم الواحد 80 ريال


زيت وغاز


رجع الي عندك ورح للسبت ويعطيك الي تركب بدون ترهيم



واحذر من الترهيم في المساعدات ممكن ينكسر اللحام

[الربذي]

اعصار ماقصرت وانا بحائل لو تعطيني اسمه افضل

[الربذي]

ابوي أنا مريت على السبت الي في الصناعية الكبيرة


وقالي عنده وتركب بدون ترهيم الواحد 80 ريال


زيت وغاز


رجع الي عندك ورح للسبت ويعطيك الي تركب بدون ترهيم



واحذر من الترهيم في المساعدات ممكن ينكسر اللحام
لاهنت ياابوناصر وجهك ابيض0