رحلة وكفشات خاصه وصور حلوه

[نواف الردعي]

انطلقنا الى روضة الخفس في رحله خاطفه استمرت 24تخللتها كبسة سوبر ستار من يد ....عبد الله الارفل وتعتبر هذة الكبسه التي سجلت له خلال سنتين من اصراره على .. او اقناعنا انه تحسن في الطبخ..
سر طبخة عبيد يرجع الى تعليمات ابو سمري الطمل ... طمل في نظر عبد الله الجنتل وسنافي في نظر الباقين
عبيد خكيري شوي يتظايق من ذبان الرمث يصاب بتشنج عصبي عندما يؤذيه الذباب
كانت الفكره ان نتغدى في الخفس ونتعشى في غرب الروضه كانت الاجواء في الغداء والعصريه جيده ومنعشه تخللتها الكبسه المذكوره وقهوة تصك في الراس وبراد يحبه قلبكم .....
هذا ابو سمري(الطمل) خليته ابيض واسود لانه من مواليد الستينيات الميلاديه خريج تريلات ثقافته ثقافه سواقين تكاسي ستيشن الحجاز وستيشن الطايف ...رب اسره يحمل الزماله في قصف الظبان بشراسه شرس في سحب المكانس من الظبان .. تعرض لاكثر من خمس لدغات وتموت العقرب بالحال طبعا

اسف لعدم طلوع اوبروز ابو سمري لوجود خلل في التحميل والي تحت ذا عبودي واوعدكم بنشر صورة ابو سمري بالكرفته والزبيريات والجنز في عمان ...

http://www.mekshat.com/pix/upload02/images89/mk3239_200811271205.jpg






هذا عبد الله الانيق صاحب الكبسه الصدفه يخاف من الحشرات ... مايرقد الا على سرير لو تطير
نظيف اكثر من اللازم .. يستهلك الثوم بشراهه لاعتقاده انه مصاب بالكليسترول وهو اصح من ؟؟؟؟
يشخص دايم حتى لوصار عليه حادث ممكن يزته السياره 200متر يقوم ويشخص ويعيد ترتيب نفسه منجديد لاحظو سبحته وشياكته http://www.mekshat.com/pix/upload02/images89/mk3239_200811271205.jpg











http://www.mekshat.com/pix/upload02/images89/mk3239_200811271207.jpg


حل الظلام وهبت شرقيه صلفه اقلقتنا ...دوجنا بحثا عن ذرى واستمر البحث الى الساع التاسعه دون فائده لعدم امتلاكنا تيزار.... خطاء فادح
قلبت الجوال الامعي رقم راعي مخيمات مخزن معي له ثلاث سنوات ايام التنهات .. زهمت عليه ولحسن الحظ وجدته في الخفس .. دق لنا خيمه واستانسنا وسوينا عشانا وانبسطنا مع بعض لسافي
نمنا تحت صفير وشواخيف البرد والهوى ولاكن بلذه
اصبحنا واصبح الملك لله سبحانه افطرنا على المقسوم حملنا قشنا مشيناوكانت المفاجئه
هذا ماوجدناه الساعة العاشره صباحا

http://www.mekshat.com/pix/upload02/images89/mk3239_200811281213.jpg




وقربت شوي من لقافتي

http://www.mekshat.com/pix/upload02/images89/mk3239_200811281214.jpg
وكمان شويه قربت على شان اشوف الجثه
http://www.mekshat.com/pix/upload02/images89/mk3239_200811281215.jpg




قلت ياساتر مع هالعج وصجة السيارات والعالم رايحه وجايه ماصحى ابن الحلال
http://www.mekshat.com/pix/upload02/images89/mk3239_200811281216.jpg
اخيرا قلت يالله صور ازود على شان نوسع حاطر الاخوة في مكشات واحس بالذنب شوي اقتحام خصوصيه لاكن اللقافه ماتخلي راعها

http://www.mekshat.com/pix/upload02/images89/mk3239_200811281217.jpg[/img


رجعنا للرياض وبنشر علينا الجيب وحصلت يماني متاخر شوي لايصك للصلاه واعجبني منظرقطو بنشري ساكن تحت خمس كنداسات مستخدمه جوالين الزيت وقلت يالله مسكين هالقطو وشلون لو كان في حي السفارات وجنب حاويه احد السفارات او القصور شمال الرياض
لاكن حظه نطله عند البنشري واخذ من ملامح بيئته اخليكم مع القطو
[IMG]http://www.mekshat.com/pix/upload02/images89/mk3239_200811281220.jpg





http://www.mekshat.com/pix/upload02/images89/mk3239_200811281221.jpg




قلت اطلع بكم عن المالوف والتقارير المتحفظه والمتشنجه يالله يااخوان الي اعجبه الموضوع يرد والي ما اعجبه لايعلق تعاليقطفشانين ترا الدعوى وسعة صدر

[ابو بوران]

عساك نظفت المكان ماخليته وسخ لان اشوف كشتك حوسه

[الفياض الوهبي]

هههههههههههههههههههههه يااخي قسم بالله تقريرك فله ووسعت صدري عسى الله يوسع صدرك بطاعته

بالله أحرص على الطلعات مع ربعك ذولاء عشان تكتب لنا تقارير زي هذا ههههههههههه

[الخادم]

الله يهديك ازعجت النائم
و كملتها بالقطو
لكن لاتفرط بربعك صدقني

[ابو الفهدة]

مشكوووووووووووووووووووووووور يعطيك العافية

[نواف الردعي]

http://www.mekshat.com/pix/upload02/images89/mk3239_20080722337.jpg
واعدتكم بصورة ابو سمري بالكرفته والصندل والجنز واحلى لوك طبعا ابو سمري اول مره يطلع المملكه قصينا له جواز غصب .. العجيب في امر ابو سمري انا في ارقى شارع في عمان نمشي حنا واياه ويقول تصدقون ان الناس يطالعون في واني اشيك منكم .... قلنالهصح يابو سمري السر في الكرفته ... ويقول وحنا نمشي ياناس انا مستغرب قلنا ليش قال العالم ذي كلها ماعليها كرفته الا انا هههههههههههههههه




http://www.mekshat.com/pix/upload02/images89/mk3239_20080728396.jpg
ذايم ابو سمري يحب الهياط شوفو درجةالهياط او نشوة الفرحه والموعد مع الارانب في الليل ابو سمري يسار

[راعي الحزم]

ههههههههههههههه
موضوع رائع بالفعل خرجت به عن المالوف تعليقات حلوة وصحبة باذن الله طيبة وروح مرحة ونفس زينه
اما صور اللي نائم بالعجاج شي تراي اباخذ صورته لأطرحها بمواضيع خيمة الاحوال الجوية :d

[أبوخالد1]

رحلة موفقة

[خن بط]

والله الارفل هو الفظيخ اللي نايم في الشمس ودافنه السافي .. يالله لك الحمد على نعمه العقل

اما خويكم عبيد فهو بري من تهمه الرفاله ومشكور على روحك المرحه
ياحليل ابو كرفته مسوي زحمه

[سيف1420]

الله يرجك والله يكثر من امثال ابوسمري النشمي شكله نظيف مره واما طباخكم الشيف عبيد اللي تقولون انه جنتل الله يستر لايكبس على قطو الكنداسات شكله مايوفر شيء على انه عصل بس بتطلع كبسة قطاوه بنكهة الثوم والكنداسات
تحياتي

[نواف الردعي]

هههههههههههههههههههههه يااخي قسم بالله تقريرك فله ووسعت صدري عسى الله يوسع صدرك بطاعته

بالله أحرص على الطلعات مع ربعك ذولاء عشان تكتب لنا تقارير زي هذا ههههههههههه



ابشر ولك تقرير قادم يفقع الكبود

[هامورشخيب]

ههههههههههههههههههه
رائع يا فتي

[نواف الردعي]

الله يهديك ازعجت النائم

و كملتها بالقطو

لكن لاتفرط بربعك صدقني


اما ازعجت النايم ؟؟؟؟؟؟؟؟؟؟؟ هاذا مندفن ابن االحلال
اما ربعي الله لايفرقنا ويجمعنا على طاعته
شكرا لمرورك

[نواف الردعي]

مشكوووووووووووووووووووووووور يعطيك العافية

شكرا على المرور

[سديراوي...]

يعطيك العايه

[اول 111]

مشكووووووووووووووووووووووووووووور

[محب البرية]

موضوع رائع بالفعل خرجت به عن المالوف تعليقات حلوة وصحبة باذن الله طيبة وروح مرحة ونفس زينه

[سلمان88]

هههههههههههههههههههههههههههههههههههههههههههههههههه هه
ههههههههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههه
ههههههههههههه
:D
الله يقطع شرك

حلوه

[كهلان]

خروج عن المألوف فى غاية الروعه
دايم اخرج واتحفنا بفنياتك الرائعه
اما ابوسمري شخصيه ولا بالخيال وتشخيصه معتبره أكيد انكم منقهرين من تشخصيته
ويكفى تناسق الالوان من الكرفته للقميص
تقبلوا دعابتنا
ولكم تحيه ومشكور وما قصرت

[المجمعه]

كرفته ونعال

ما تجى

http://www.mekshat.com/pix/upload02/images89/mk3239_20080722337.jpg

[نجم حفرالباطن]

مشكور على الرحله الموفقه

[نواف الردعي]

للرفع بعد سنتين

[عاشق الشتاء]

الله يوسع صدرك مثل ماوسعت صدري

صدق ان الموضوع قديم بس فله وسعت صدر

تشكر من القلب وبأنتظار جديدك

[abdulrhmank]

ههههههههههههههههه تقرير خارج عن النص لكن جميل ونوعي !!!

[صقرحايل]

ماشاءالله تبارك الله
وشلونك اخى نواف ماشاءالله صاير نحيف
ويش انت تسوى منت على خبرى عام1414و15
وتقبل مرورى اخوك من حايل ابو صالح

[رحال نجد1111]

:good2: الله يعطيك العافيه

[القنـاص2008]

رحلة موفقة بس ان شاءالله نظفت مكانك بيض الله وجهك

[وليدجده]

ههههههههههههههههههههههههه
الله يسعدكم ولايفرق بينكم
اما القطو الله يسامح راعي البنشري يوم انه مايكرمه هههههههه

[شعيب حرم]

http://www.mekshat.com/pix/upload02/images89/mk3239_200811281215.jpg




قلت ياساتر مع هالعج وصجة السيارات والعالم رايحه وجايه ماصحى ابن الحلال
http://www.mekshat.com/pix/upload02/images89/mk3239_200811281216.jpg
مشششششششششششكككككرررررررر

[لمع السحاب]

شكرا على الصور واهمها صورة القطو اللي رماه حضه عند البنشري ما هو عند احد بيوت عيال النعمة مسكين
تسلم الانامل

[arabia]

رحله ممتعه الله يعافيك

[مروي الظامي]

بارك الله فيك وماقصرت
تقرير رائع
تقبل مروري