استفتاء ما هو افضل انواع الخيوط البحريه

[( برى بحرى)]

انا اقول البيق جييم او الترلييون امريكى الصنع
انتوا شنوا رايكم انا مجربه من سنين والله انه يملخ السمكه ويلعن ابو خامس السبيطى
بس شويه غالى بالنسبه الى باقى الخيوط
والخيط اللى بعد انا ارشح خيط الرباله ( ماركه ميارير وقفاش) ماركه مشهوره جدا


ممكن تشاركون يمكن انا غلطان حتى تعم الفائده للكل ودمتم سالمين

[skyq8]

افضل الخيوط عندي بق قيم
big Game
وهو من النتوع اذا انسمت ماينقطع علي طول يتمطط
ونوعيته ممتازة
بس الي اعرفه عنه اكبر رقم له بسوق 80

[( برى بحرى)]

انا عندى 125 اخر بكره شريتها من مركز سلطان وانقطع هذا الرقم من السوق كله والله دورت عليه كل المحلات ما حصلته
نعم هذا افضل خيط كلامك 100% صح يا بن عيدان

[skyq8]

شوف انا اخذهم من المحلات الي ورا البنك المركزي عندهم خوش شغلات
والخيط الثاني يجي الايطالي بعد البق قيم
والله اعلم

[( برى بحرى)]

عدل محل القطامى يعتبر افضلهم وهناك صح عندهم خوش شغلات
اما اللى بالسالميه امتداد مركز سلطان شويه غاليين

[Bo Rashed]

مساكم الله بالخير

بالنسبه لي افضل خيط هو الايطالي وهو يتمغط وما ينقطع بسرعه واكثر شي اسمع يمدحونه هو " الايطالي "
وبالمره احسن الميداير واللي ما تصدي بسرعه وخصوصا حق خيط المد هو " النرويجي "

وفقكم الله
تحياتي

[( برى بحرى)]

تسلم يا بوراشد ونحن بأنتظار المزيد من خبرتك معانا انت ويا الشباب

[Dr_daase]

بسم الله الرحمن الرحيم

بخبرتي البسيطة انا توني مغير إلى الخيوط الجديدة polyethylene fiber الياف النايلون و الحقيقة يا اخوان تستحق التجربة من جهتي انا ارتحت منها جداً فهي لا يوجد فيها عامل التمدد تقريباً صفر و حجم الخيط بالنسبة للتحمل تقريباً نصف حجم الخيوط العايدية السعر مرتفع جداً في السعودية في الأمرات أرخص بكثير اخر مره اشتريت من محل الدوسري الحجم 65 باوند 200 متر ب 165 ريال لاكن يا اخوان نصيحة جربوة مرة واحدة منتوا خسرانين انشاء الله




حجم الخيط القديم------------------ حجم الخيط الجديد بس بنفس وزن الخيط القديم
10 ------------------------------------------ 2 lb.
15 ------------------------------------------ 4 lb.
20 ------------------------------------------ 5 lb.
30 ------------------------------------------ 8 lb.
40 ------------------------------------------lb10.
50 -----------------------------------------12 lb.
80 -----------------------------------------20 lb.
120----------------------------------------30 lb.



.

[( برى بحرى)]

مشكور وما قصرت راح اسال عنه بالكويت

[gulfhunter]

السلام عليكم ورحمة الله وبركاته:-

بالنسبه لي أنا استعمل البيق جييم او الترلييون امريكى الصنع
Bo Rashed
جربه على مسؤليتي... وميزته انه يتمدد(يتمغط) أكثر من الايطالي... بس حار على اليد....


70 و 80 الهامور
60 و 70 الشعري الكبير
50 السبيطي
40 الشعم

على فكره ماتلاقيه في الدمام والخبر....

[( برى بحرى)]

شكرا على الرد يا صياد الخليج

[Dr_daase]

بسم الله الرحمن الرحيم


اخوني احب الفت انتباهكم إلى شيئ مهم في الخيوط التي تباع في السوق الخاص منها الذي يتمدد عندما يتمدد الخيط العادي لايمكن انه يرجع لحالتة الطبيعية فكل مرة يتمدد فيها الخيط تضعف مقاومتة ولا يوجد مؤشر يعلمك ان الخيط وصل حدة و المشكلة الأساسية ماتدري متى ينقطع و الخسار الكبيرة إذا انقطع عند الصيدة العدلة وكما يقولون( رمحاً تطعن به و لا رمحاً توعد بة ) اما ينقطع الخيط الآن و اعف انة يجب تغييرة ولا ينقطع عند صيدة عدلة تكدر خاطري ذاك اليوم كلة عموماً هذا رئيي الخاص ولكم جزيل الشكر لقرئته













.

[gulfhunter]

السلام عليكم ورحمة الله وبركاته:-

أسمحلي يأخوي Dr_daase

أي أنواع ماراح ينقطع من والطريق وراح يبين اذا متهالك او فيه اي شي.

والفايده من التمدد : لم تسحب على الخيط وتلاقي مقاومه كبيره. بتلاقي في مرونه(تحتاج التجربه للاحساس)


وللفايده .... لازم تغسل الخيط بالماء الحلو ياحلو.

وتسلم على الرد

[أبو نشمي]

بالنسبه لي يا إخوان أنا أستخدم ( تربل فيش ) ومافشلني ولا خيب ظني

ولا مره الحمدالله طبعاً ماننسى ياجماعه المسايسه والأخذ والعطى

بالخيط لأنه لو كان ويش وانت ماتاخذ وتعطي صدقني ينقطع من الغشامه

ثم نحط العيب بالخيط.. الزبده : دام الخيك يقبل المطه - مرن - مع شويه

حركات من فك للهلال وفتح وقفل للساعه بإذن الله تطلع لو السناره

خامشتها مع ظهرها .... :D ضحكت لأن هلحركه صارت معي وبقرش

بعد بس ماهو ذاك الشي أبو 120 سم لكن طلع وهو طيب بإرادة الله.

تحياتي للجميع .

[( برى بحرى)]

تسلمون على مروركم الكريم وليستفيد من هم قليلى الخبره وتسلمون والله

[الـبــدووووي]

مشكور وماقصرت

والله يعطيك العافيه

[( برى بحرى)]

انا اقول البج جيم افضلهم لشده مقاومته بالماء
ويجب بعدالانتهاء من الصيد غسل جميع الخيوط بالماء الحلو حتى لا تخترب

[بوعبدالعزيز]

السلام عليكم ورحمة الله
هلا بالشباب والله
انا اشوف يالربع الخيط الالماني جيد وممتاز يتل الهامور تل حرام بالله انه يجيك فاتح حلجه لك ومستسلم يعني مودع ربعه إلي بالفشت روحه بلا رجعه بس من كم سنه وقف من السوق ماعاد يجيبونه وطبعا الشركات بينها التنافس ولابد من الجيد والردي وانت عليك بخبرتك ,,, .
والسلام عليكم ورحمة الله