يا اهل الشروكي ارجو الافاده

[GMC 78]

السلام عليكم ورحمه الله وبركاته

ابشركم شريت امس جيب شروكي باب 99 غرنوق

وطلع فيه مقصات اماميه ومساعدات اماميه وخلفيه

والصوفه الخلفيه يعني لازم ينزل القير

ابي ورشه متخصصه في الدمام

ولكم الشكر

[GMC 78]

تكفون افيدوني

وعلبه الباور كم قيمتها يقول المهندس بادي فيها التهريب

[GMC 78]

للرفع الله يرفع قدركم

[* تميم الجبل *]

صباح الخير اخوي


افيدك بالشيروكي اذا بتجيبه للقصيم اعرفلك ورشة بعنيزة مايحتاج :cool:


اما بالدمام ماعرف والله :(

[شاص2007]

الله يعينك على ما بلاك

[بوفايز]

السلام عليكم

في الدمام: ورشة واحد هندي اسمه شكيل كان يشتغل في الوكالة اسعاره غالية. الموقع في الخضرية شوف العمارة اللي فيها محلات قطع الغيار اللي مقابلة لمحل خشيم من الجهة الثانية من الشارع. الورشة في ظهر هذي المحلات. أو في ظهر محل عالم القطع (قطع غيار Gm) فرع الخضرية.

في سيهات: ورشة سيهات ريس فيها واحد سعودي اسمه مسلم كان شغال في الوكالة أيضاً سعره مناسب وشاطر لكنه مزاجي. الموقع في الطريق المتجه الى عنك أو القطيف الممتد من داخل سيهات اللي عليه ورشة المعلم (مرسيدس) أو ورشة ابوالسعود (فورد) قريب من المشتل.

في تاروت: ورشة السباع وصاحبها مؤيد السباع كأن أيضاً شغال في الوكالة وهو الأفضل في نظري أخلاق وتعامل ورجل أمين ويخاف الله وشاطر وخبرة وورشة كبيرة ومتمكنة أيضاً وسعر جداً معقول ويوفر لك القطع من عنده بسعر معقول جداً. الموقع صناعية تركية على البحر جنب مصنع الطابوق. اذا دخلت القطيف من الكورنيش اتجه الى آخره الين تصل جسر تاروت القديم وبعدها لف يمين (اجباري) وامشي الين تجيك اول اشارة خذها يسار وكمل الى نهاية الشارع الين يصير قدامك البحر وبعدين لف يمين وامشي شوي تشوفه على يمينك.

اذا كان فيه وصف ماهو واضح سامحنا على القصور وانا على اتم الاستعداد على اعادته وحتى لو تبي على التلفون. ارسل لي على الخاص.

كل التوفيق

بوفايز

[alsarem]

حياك الله اخوي
- بالنسبة للصوفة إذا كانت حقت المكينة الخلفية مايحتاج فك القير لأنها نصف دائرة يفك الكرتيرحق المكينة وتغير
- أما المقصات فهي تكبس دون الحاجة الى التغيير
- والمساعدات فا احسن شي حق البلد

إذاتقدر تصلحهم في القصيم احسن :good:

وبالتوفيق إن شاء الله

[GMC 78]

الله يجزاكم خير

ويبيض وجيهكم