استشارة بخصوص تانكي الماء يااخوان لاهنتوا

[majed111]

انا املك باترول باب واحد 97
ياليت ترشدوني وش افضل تانكي وكيفية التركيب واحسن تانكي وان امكن بدون تخريم لبدي ويكون ثابت (وماهو افضل شبك يركب )ووين محلاتهم
وشكرا لكم

[إعصار]

الألمنيوم ممتاز .. ورخيص

في الرياض كثير الي يصلحون التوانكي ..

عندك البرية .. اليحيي .. برق الحيا ..

البرية وبرق الحيا تجي ملبسة قماش .. يعني جاهزة ..

بس فيه سؤال انت شايل المرتبة الثانية ..؟

[صدق النوى]

أنا عندي مثل موترك 90
شريت فيبر صغير مربع ولا نفع معي ما يشيل مويه كثير يمكن أربع دبات فقط
بس مايصلح إلا لطالعات القريبه والخفيفه لأنه شوي
ـــــــــــــــــــــ
فصلت لي حديد منا الرفرف اليمين إلى اليسار في الشنطة بس ما ثبت فيه صوت مع المطب فقط
فصلته 350 وتلبيسة 60ريال هذا أفضل شي نفع يشيل 160لتر أي مايعادل 10دبات تقريباً

[الكاسرابوعمر]

اخوي ماجد111
السلام عليكم ورحمة الله وبركاته
بالنسبه لليفصلون انا مجرب ورشة المميز بمخرج 18 بالرياض جواله0504457189
والله يوفقك

[كاسر الأمواج]

بالنسبه لي قبل 3 سنوات فصلت من القصيم تاني المنيوم ب 700 ريال
وصراحة ممتاز لاصدا ولاغيره

اما بالنسبة لمحل التركيب يتفصل خلف المقعده الخلفيه واهم شي تحط وصله فرشه عشان ما تسمع صوت المياه في المطاب وتحط العزبه عليه وجميع ادواتك ما عليه خوف ثقيل ويتحمل

[majed111]

شكرا لكل من شارك
اخوي كاسر الامواج وين مكان الورشه بالقصيم وياليت توضح اكثروكم ياخذ لتر ياليت صوره توضحيه لاهنت

[برق بن رعد]

اخوي ماجد111
السلام عليكم ورحمة الله وبركاته
بالنسبه لليفصلون انا مجرب ورشة المميز بمخرج 18 بالرياض جواله0504457189
والله يوفقك

بكم يفصلون للسفاري 93 صالون