مشكلة بالحرارة .. أحتاج خبرتكم

[شاص]

السلام عليكم ..

سيارتي فورد .. قبل يومين كنت أمشي على طريق الملك فهد .. فجأة وبدون مقدمات ارتفعات الحرارة على آخر حد وولعت لمبة فحص المكينة وصارت السيارة تقطّع وتتفتف مشيت شوي وطلعت من الخدمة وطفيت السيارة وتركتها حدود ساعة بعدها جيت أشوف وش المشكلة لقيت قربة الأدريتر فاضية تماما .. المهم شغلت السيارة ومليت الأديتر بالماء .. وشغلت ومشيت وما لاحظت أي مشاكل سوى أن لمبة المكينة لازالت والعة .. اليوم الثاني صارت السيارة تقطع وتتفتف مرة ثانية علماً إني توني مغير بوجي وصفاية مكينة ...

الشي الثاني .. أحس إن تغييرات القير صارت ماهي منتظمة من فترة يعني كأنه ينقل من الأول للثالث..

وش المشكلة ؟؟
وش الحل ؟؟
هل تنصحون بورشة معينة بالرياض ؟؟

[samfj40]

اخوي شاص/الفورد مصمم انه في حالة ارتفاع الحراره تبطل بعض البساتم علشان تخف الحراره ولا تجيم المكينه وعلشان كذا تلاحظ ان القير يغير .موترك مافيه مشكله ميكانيكيه بس يجب ان تشوف حل للحراره يمكن خرطوش يهرب او الاديتر يحتاج تنظيف واكثر مشاكل حرارة الفورد من مروحة الاديتر الكهربائيه وعليك بفحصها وان كانت ضعيفه غيرهاوقيمتها 600 ريال.

[نايف الدهيمان]

وسع خاطرك اخوي شاص

شف ياحبيب ألبي .
بالنسبه للقير والمكينه ان شاء الله ماعليها خوف ولي صار بالتغيرات طبيعي جدا

( 1 )

رح لمحل رديترات وصيخ رديترك ويشوفلك فيه تنسيم او لا اذا فيه عادي يلحمه اذا هو صغير . ويعبيه مويه مقطره مع موية رديتر حمرااااء

( 2 )

خله يشيك على تماتيك المروحه إذا خربان غيره

( 3 )

خله يشيك على بلف الحراره

( 4 )

غير بواجي

( 5 )

لاتنسى خراطيش الرديتر يشوف فيها تهريب او تنسيم او زي كذا

وإن شاء الله موووترك بيضبط ويرجع زي ماكان

كل التحيه والإحترام اخووووك نايف

[شاص]

إخواني Samfj40 نايف .. مشكورين على المرور والإفادة .. هل تنصحون بورشة معينة؟!

[ffrr]

بعد التشييك على الرديتر شف الكويلات اكيد تلقى واحد اواثنين ماتعمل
يستحسن فحص كمبيوتر عشان يحددلك الخربان ونا متأكد ان عندك كويلات هذا بالنسبه لتقطيع اما الحراره الله اعلم

[شاص]

الغالي ffrr مشكور وماقصرت .. لعلي أفحص كمبيوتر والله يسهل ..

[samfj40]

اخوي شاص/ الورش اللي تشتغل بالفورد كثيره ولكن دور لك مهندس سعودي ولا فيه افضل من ورشة مشعل العتيبي اللي في الصناعيه القديمه في الرياض.المهندس مشعل لااعرفه شخصيا ولكن اخوي صلح سياره عنده وسمعة مشعل معروفه.انصحك بزيارته وسوف يحل مشكلة سيارتك ان شاالله