التاهو عيا يشتغل

[النشمي11]

السلام عليكم
لأهل الخبرة
معي تاهو 2001 ماشي معي زي الحلاوة اربع سنين ماقال لا
قبل امس الخميس كنا طالعين للبر ما اشتكى من شيء
وقفته عند البيت ولا من خلاف
جيت اشغل امس الجمعة اشتغل نص دقيقة تقريبا ثم طفى من نفسه
حاولت اشغله مرة ثانيه قال لا
مرارا وتكرارا حاولت اشغله يعيي حتى خلصت البطارية
جبت اشتراك ولا لي مجيب
غيرت البطارية ما حولي احد
وفجأة بعد المغرب غاغا شوي ثم اشتغل وطفى عقب ثانيتين او ثلاث
ومن بعدها رفض يشتغل
اليوم الصبح ركبت له بطارية كبيرة وشغلته
اشتغل ثم طفى بعد ثواني من نفسه
سويتها ايضا مرة ثانية
قال الكهربائي المشكلة في المكينة عاضة لأنها بعد ذلك عيت تدور
يا شنابر يا سبايك
والميكانيكي يقول ابفك السلف العصر واجرب ادور المكينة
ان دارت فالمشكلة من السلف
وان عيت تدور فالمشكلة منداخل
كان عندكم علم افتوني

ومشكوررررررررررررررين مقدما

[كبسولة2]

شيك على الطرمنبه

[الوايلي...501]

الطرمبه اكيد شيك عليها

[Blazer 91]

السلف ماله دخل

شيك على طرمبة البنزين أولاً قبل ماتتعبث في شي

[alfajeralb3ee]

اشيك على الطرنبه

[النشمي11]

الطرمبة شغالة تمام
فيه مشكله غير الطرمبة

اقولكم المكينة ما تدور

[تميمي92]

يمكن منفصل سلك

[ayaqaz]

الله ييسر أمرك أخي النشمي..

وان شاء الله تكون الشغلة بسيطة وحلها سهل..

وأنا رأيي من رأي الأخوان..

اكشف على طرمبة البنزين فقد يكون العطل منها..

وباتلتوفيق ان شاء الله..


أبوعبدالرحمن..

[DARK2]

اخوي السلام عليكم ورحمة الله
اذا كان وصفك دقيق ومثل ما أنت تقول فتأكد من طرمبة البانزين وكتاوتها .. وعلى فكرة وصفك مالة شغل بالسلف نهائي لنك تقول السيارة تدق سلف ؟؟ هذا اولاً
ثاني شي شلون الماكينة ماسكة والسيارة تشتغل وترد تطفي ؟؟

عموما يمكن يكون وصفك فيه غلط واذا حبيت تعرف الماكينة ماسكة فض السيارة يعني بوشها ( N ) وحاول تدفعها بيدك يعني حركها من مكانها اذا تحركت بأذن الله الماكينة مو ماسكة .. اما السلف عند ماتحاول تشغلة راح تسمع صوت ضربة قوية
واتمنى تعطينا الوصف وان شاء الله تحصل الاجابة

[ابو شهد جدة]

عموما يمكن يكون وصفك فيه غلط واذا حبيت تعرف الماكينة ماسكة فض السيارة يعني بوشها ( N ) وحاول تدفعها بيدك يعني حركها من مكانها اذا تحركت بأذن الله الماكينة مو ماسكة ..


اسف

عندي ملاحظه: ماتقدر تحدد اذا المكينة ماسكه او لا بدفبع السيارة.

لأنه انت يوم تدفع السيارة فالحركة تقتصر على الدفرنسات فقط لا غير.

شكرا لتقبلك ملاحظتي.

[طبعي شمالي]

ماله الا الوكاله ...

[النشمي11]

السلف ما يدق
يطق طقه واحده بس

وبعد جهد جهيد دار وشغل المكينة

وسواها مرة ثانية

لكن المكينة اذا اشتغلت طفت بسرعة

[DARK2]

اسف

عندي ملاحظه: ماتقدر تحدد اذا المكينة ماسكه او لا بدفبع السيارة.

لأنه انت يوم تدفع السيارة فالحركة تقتصر على الدفرنسات فقط لا غير.

شكرا لتقبلك ملاحظتي.

ملاحظتك وسام على الراس حبوب .. بس اذا كان عامود الكرنك ماسك وعملت الطريقة مستحيل السيارة تحرك

[لن أمل من العطاء]

ملاحظتك وسام على الراس حبوب .. بس اذا كان عامود الكرنك ماسك وعملت الطريقة مستحيل السيارة تحرك

اذا فضيت السيارة يعني فصلت القيربوكس عن المكينه بكذا تصير المكينه خارج التشكيله
بطريقتك هذي تعرف ان الجيربوكس مجيم مو المكينه

شكرا لك

[عاشق النحم]

هل انت ساكن بالرياض؟

[تيس الحبله]

أقرب حل دور إلي طلعوا معك (ماشاء الله تبارك الله )

[ابو شهد جدة]

طيب يا عزيزي وصفك للمشكلة ماهو واضح.
عندي كم سؤال جاوب عليهم وان شاء الله نوصل لحل.
1- يوم تطفي السيارة هل تطفي بطريقه عاديه او تتفتف ثم تطفي ( كأنها قاطعه بنزين ) ؟
2- اول ماتشتغل السيارة كيف وضع امبير ضغط المكينة؟
3- اذا طفت هل تطلع رائحة من الشكمان؟ او دخان؟
4- اذا اشتغلت ودعست بنزين هل تطفي؟
5- اذا طفت فيه صوت في المكينة ولا تطفي بدون صوت؟
6- هل السيارة فيها كمبيوتر؟
7- اخر اسبوع من المشكله هل تركت التانكي بدون بنزين حتى اشتغلت اللمبه؟
8- اثناء التطعيس هل ظربت بطن السياره في اي شي؟
9- كم المسافة من مكان التطعيس حتى وصولك للمنزل؟
10- هل سبق وغيرت طرمبة البنزين والصفايه؟

جاوب على الأسئله وانا اعطيك الحل.

معلومة/ السلف مافيه شي ولا البطارية.

[النشمي11]

1- يوم تطفي السيارة هل تطفي بطريقه عاديه او تتفتف ثم تطفي ( كأنها قاطعه بنزين ) ؟

هي طفت والطفيه هي الطفيه يعني كأني أنا مطفيها

2- اول ماتشتغل السيارة كيف وضع امبير ضغط المكينة؟

أنت خلها تشتغل وبعدين أعلمك
عموما امبير الزيت كان يلعب من زمان يعني ينزل ويطلع

3- اذا طفت هل تطلع رائحة من الشكمان؟ او دخان؟

لا

4- اذا اشتغلت ودعست بنزين هل تطفي؟

عيت تشتغل

5- اذا طفت فيه صوت في المكينة ولا تطفي بدون صوت؟

لا

6- هل السيارة فيها كمبيوتر؟

نعم

7- اخر اسبوع من المشكله هل تركت التانكي بدون بنزين حتى اشتغلت اللمبه؟

لا

8- اثناء التطعيس هل ظربت بطن السياره في اي شي؟

لا

9- كم المسافة من مكان التطعيس حتى وصولك للمنزل؟

70 كم

10- هل سبق وغيرت طرمبة البنزين والصفايه؟

من سنة تقريبا

[النشمي11]

أقرب حل دور إلي طلعوا معك (ماشاء الله تبارك الله )

هي على ما قلت

لكن اللي كانوا معي مرتي وبزراني

بس يمكن الحرمة مسولفه على حريم وصكنه بعين

الله يعين

وشاكرا للجميع اهتمامهم

[ابو شهد جدة]

1- يوم تطفي السيارة هل تطفي بطريقه عاديه او تتفتف ثم تطفي ( كأنها قاطعه بنزين ) ؟

هي طفت والطفيه هي الطفيه يعني كأني أنا مطفيها

2- اول ماتشتغل السيارة كيف وضع امبير ضغط المكينة؟

أنت خلها تشتغل وبعدين أعلمك
عموما امبير الزيت كان يلعب من زمان يعني ينزل ويطلع

3- اذا طفت هل تطلع رائحة من الشكمان؟ او دخان؟

لا

4- اذا اشتغلت ودعست بنزين هل تطفي؟

عيت تشتغل

5- اذا طفت فيه صوت في المكينة ولا تطفي بدون صوت؟

لا

6- هل السيارة فيها كمبيوتر؟

نعم

7- اخر اسبوع من المشكله هل تركت التانكي بدون بنزين حتى اشتغلت اللمبه؟

لا

8- اثناء التطعيس هل ظربت بطن السياره في اي شي؟

لا

9- كم المسافة من مكان التطعيس حتى وصولك للمنزل؟

70 كم

10- هل سبق وغيرت طرمبة البنزين والصفايه؟

من سنة تقريبا


اخوي مشكلتك في حدود طرمبة البنزين او المنظم او الكمبيوتر.

شيك عليهم

ابدأ بطرمبة البنزين تقريباً محلها يمين التانكي انزل بنفسك وافصل اللي الي رايح للمكينة وخل واحد يدق سلف وتكون يده خفيفه وانت خلك بعيد عن الطرمبه. اذا طلغت بنزين معناته انها تعمل ومافيها مشكلة
(( اذا مالك خلفيه في الفك والتركيب انصحك لا تسوي هذه التجربه واذا سويتها خلك حريص لأن هذا بنزين ))

نفترض ان الطرمبه تعمل راح تكون المشكله في المنظم او الكميوتر.
ولو انت في جدة كان جيتك وكشفت على السيارة.

لكن هذه ملاحظتي واتمنى انك تلاقي حل في القريب العاجل ان شاء الله.

او اسحب السيارة بسطحه ووديها لكهربائي وليس ميكانيكي.

تذكر ان المحرك لا يوجد به عطل او خلل ميكانيكي.

لأنه لو المكينه مجيمه ماتدق سلف واذا دقت ماتشتغل وتطفي وراح تسمع منها صوت حديد يضرب في بعضه.

[المناعي2]

مرحبا راعي التاهو:

شيك على دينمة السلف بأنك أتخلي واحد من الربع يطق سلف و أنت في نفس الوقت تظرب الدينمة بقطعة حديدة أذا أشتقلت يعني الفحمات الدينمة منتهية.
أو أصابع البطارية او البطارية طاف عليها سنه ة نص .
وأذا السيارة تظرب سلف و ما تشتغل هذا كلام ثاني شيك على وايرات البلكات أذا تطلع منهم شرارة معناه في كهربه و عقب شيك على اطرمبة البترول أفتح الهوز ألي في المكينة وألي جاي من خزان البترول و أفتح الكهربه أذا طلع البترول معناه الطرمبة أوكي عاد شوف شسالفة بعدز

[النشمي11]

بيض الله وجيهكم

أمس الحمد لله واحد من الشباب قدر يشغلها

حط لها اشتراكين من سيارتين بعدين اشتغلت ولا عاد طفت

قام هو وطفاها

يقول ابعرف ليش سحبها للكهرب مو طبيعي

المهم انه تأكد ان المكينة سليمة ولا فيها شيء

يقول عندك طرمبة الزيت ما تشتغل وربما يكون هذا نظام في مكائن الفورتيك يمنعها من العمل عند تلف طرمبة الزيت

شاكرا للجميع تعاونهم وتجاوبهم السريع

[Magellan]

بيض الله وجيهكم

أمس الحمد لله واحد من الشباب قدر يشغلها

حط لها اشتراكين من سيارتين بعدين اشتغلت ولا عاد طفت

قام هو وطفاها

يقول ابعرف ليش سحبها للكهرب مو طبيعي

المهم انه تأكد ان المكينة سليمة ولا فيها شيء

يقول عندك طرمبة الزيت ما تشتغل وربما يكون هذا نظام في مكائن الفورتيك يمنعها من العمل عند تلف طرمبة الزيت

شاكرا للجميع تعاونهم وتجاوبهم السريع


إي والله أخوي تأكد قبل ماتسوي شي
في هالموديل 2001 و2002 دايم تخرب طرمبة الزيت
وطبعا خلل مصنعي والمفروض تعيش مادام المكينة عايشة ،،
والحل فيه طرمبة زيت محسنة ومضمونة لنفس النوع تباع في محلات قطع الغيار
ومادام تقول إن عيار الزيت في الطبلون يلعب فأكيد إن ضغط الزيت نازل ولكن إذا دعست له إرتفع وتحسبه يلعب،، ولابد إن عيار ضغط الزيت يكون فوق النص عشان نقول الطرمبة سليمة،،
طبعا الميكانيكي الفاهم يفحصها ويفك الكارتير يمكن يكون تهريب من جلبة الطرمبة من أسفل فتحتاج لتغيير جلبة بـ15 ريال
أو الطرمبة كلها تعبانة وعادة يكون الدقمة السفلية هي اللي تخرب في الطرمبة طبعا الدقمة فيها سبرنق يجيّم ،،
أنصحك تنقلها بسطحه وتشوف لك واحد فاهم فيها

[ابومازن2]

النشمي 11

السلام عليكم .....
عندي استفسار بسيط ....هل السيارة لها رموت يعني ( سيكورتي ) اذا فيها فالمشكلة منها لانة صارت لجاري من فترة ويبغالها اعادة برمجة فقط وشغلتها بسيطة جدا.
تمنياتي لك

اخوك / ابو مازن

[النشمي11]

ومادام تقول إن عيار الزيت في الطبلون يلعب فأكيد إن ضغط الزيت نازل ولكن إذا دعست له إرتفع وتحسبه يلعب،، ولابد إن عيار ضغط الزيت يكون فوق النص عشان نقول الطرمبة سليمة،،


بالضبط كما ذكرت

والحمدلله وفقني الله بواحد فاهم


النشمي 11

السلام عليكم .....
عندي استفسار بسيط ....هل السيارة لها رموت يعني ( سيكورتي ) اذا فيها فالمشكلة منها لانة صارت لجاري من فترة ويبغالها اعادة برمجة فقط وشغلتها بسيطة جدا.
تمنياتي لك

اخوك / ابو مازن

نعم لها ريموت وسوينا لها اعادة برمجة لكن بدون فائدة

يبدو ولله الحمد ان المشكلة انحلت

اللي غاثني اجماع اثنين من افضل كهربائية ديرتي ( مع ان ما فيها كهربائية فاهمين ) على ان المكينة مخبطة

ويوم عرضت اللي صار على الشباب اللي فاهمين بالميكانيكا قالوا مستحيل يكون البلا من المكينة وهو اللي صار ولله الحمد

شاكرا للجميع حرصهم وتفاعلهم

[ابو شهد جدة]

بالتوفيق اخوي جمس الشمال

للأسف العماله يحسبون ان الناس متخلفه لكن ماعليك وانا اخوك ربنا معك.

دمت بود عزيزي

[yfd]

شيك على البواجي لايسير واحد مرتخي واذا شغلت طفى على طوال انا صارت معي بس على جمس .. او اصابع البطاريه ترى دايم تجي من شي تافه ..

[النشمي11]

أبشركم وأشكركم جميعاً

فقد حلت المشكلة وهي

طرمبة الزيت

وبعد تغييرها عاد الموتر كما كان واشتغلت المكينة ولا فيها أي مشكلة ولله الحمد

ويبدو ان يوجد لها نظام يمنع المكينة من الاشتغال عن خراب طرمبة الزيت حتى لا تبوش المكينة

لكم شكري وتقديري

[راعي هوى]

الحمدلله على السلامه

[ayaqaz]

اي والله الحمد لله على السلامة..

بس يا أخي ما ذكرت كم كلفتك الشغلة..

سعر طرمبة الزيت وشغل اليد؟؟

وما تشوف مكروه ان شاء الله..


أبوعبدالرحمن..

[النشمي11]

الحمد لله الشغلة غير مكلفة تقريبا

مقارنة بما خطر على بالي بأن المكينة خبطت

طرمبة الزيت ب 600 ريال

والزيت والسيفون ب 100

وشغل اليد ب 800 ريال

[ابو فارس 055]

الحمدلله على السلامه

والله يعوضك على المصاريف

[ayaqaz]

أي والله..

الله يعوضك خير..

والحمد لله على السلامة..

[النشمي11]

آآآآآآآآآآآآمين

جزاكم الله خير

لكن والله كبر بعيني التاهو يوم عرفت ان المكينة فيها نظام يطفيها بمجرد أي عطل في طرمبة الزيت لأن ذلك معناه انها لا يمكن تخبط

شاكرا للجميع تفاعلهم وروحهم الصادقة

[لن أمل من العطاء]

آآآآآآآآآآآآمين

جزاكم الله خير

لكن والله كبر بعيني التاهو يوم عرفت ان المكينة فيها نظام يطفيها بمجرد أي عطل في طرمبة الزيت لأن ذلك معناه انها لا يمكن تخبط

شاكرا للجميع تفاعلهم وروحهم الصادقة


ويلوموني في الصور اللي في التوقيع

[كبسولة2]

فعلاً نظام التاهو عجييييييييب غريييييييب

وهذه ميزة تحسب للأمريكي نظام أطفاء المكينة إذا الطرمبة خربانه

[ضامي الدلم]

الحمدلله على السلامة
الله يباركلك ويكفينا شر الاعطال

[بدوي الحجاز]

يااهل الخبرة عندي يوكون 2008 مقرشه ولا استخدمه الا كل شهر او شهر وعليه . السؤال بارك الله فيكم . هل فيه ضرر عليه من قل الاستخدام ؟

[ابوفيصل1]

النشمي 11

الله يمسيك بالخير

عتبان عليك ؟؟؟؟؟ المفروض ماحد يسئل عن مشكلتك بعد ما توفقة في حلها وتعمل تقريير مفصل عنها وان امكن بالصور

المهم سؤالي ..... (( العرضة الي في طبلون السيارة راحة )) يعني عداد الزيت هل صلح وصار في وضعة الطبيعي او مازال يلعب

ان صلح مع اصلاحك للطرنبة الزيت

معناتة اول مايلعب المؤشر المفروض الوحد يغير طرنبة الزيت وهذة ميزة جديدة للتاهوا

مشكور والله يسلمك

[ابوفيصل1]

وين الناس

لا علم ولا خبر

[البرتاوي]

تراهي طرمبة البنزين 100% خذ كلام مجرب

[المدني]

النشمي 11

الله يمسيك بالخير

عتبان عليك ؟؟؟؟؟ المفروض ماحد يسئل عن مشكلتك بعد ما توفقة في حلها وتعمل تقريير مفصل عنها وان امكن بالصور

المهم سؤالي ..... (( العرضة الي في طبلون السيارة راحة )) يعني عداد الزيت هل صلح وصار في وضعة الطبيعي او مازال يلعب

ان صلح مع اصلاحك للطرنبة الزيت

معناتة اول مايلعب المؤشر المفروض الوحد يغير طرنبة الزيت وهذة ميزة جديدة للتاهوا

مشكور والله يسلمك
... الحمد لله على سلامتك وسلامة الموتر ..لكن ليتك ترد على استفسار الأخ لأنه يهمنا .. مشكور

[مغلي]

آآآآآآآآآآآآمين

جزاكم الله خير

لكن والله كبر بعيني التاهو يوم عرفت ان المكينة فيها نظام يطفيها بمجرد أي عطل في طرمبة الزيت لأن ذلك معناه انها لا يمكن تخبط

شاكرا للجميع تفاعلهم وروحهم الصادقة


وسيكبر اكبر واكبر لو شاشة الرسائل تعرض رساله (((غير طرمبة الزيت الان))) عند حدوث هذه المشكله


واذا تعطلت طرمبة البنزين تعرض رساله (((غير طرمبة البنزين))) وهكذا
بدلا من اراء الميكانيكيين والزملاء والورش ووجع الراس

[النشمي11]

النشمي 11

الله يمسيك بالخير

عتبان عليك ؟؟؟؟؟ المفروض ماحد يسئل عن مشكلتك بعد ما توفقة في حلها وتعمل تقريير مفصل عنها وان امكن بالصور

المهم سؤالي ..... (( العرضة الي في طبلون السيارة راحة )) يعني عداد الزيت هل صلح وصار في وضعة الطبيعي او مازال يلعب

ان صلح مع اصلاحك للطرنبة الزيت

معناتة اول مايلعب المؤشر المفروض الوحد يغير طرنبة الزيت وهذة ميزة جديدة للتاهوا

مشكور والله يسلمك

والله كنت ناسي الموضوع لكن أحد الأعضاء الله يبارك فيه قال لازم تكمل الموضوع لأجل الفائدة

واجابة على السوال

نعم بعد تغيير الطرمبة زان الأمبير ورجع يشتغل تمام

[النشمي11]

وسيكبر اكبر واكبر لو شاشة الرسائل تعرض رساله (((غير طرمبة الزيت الان))) عند حدوث هذه المشكله


واذا تعطلت طرمبة البنزين تعرض رساله (((غير طرمبة البنزين))) وهكذا
بدلا من اراء الميكانيكيين والزملاء والورش ووجع الراس


والله كانت تطلعلي رسالة ضغط الزيت ضعيف بس خويك مهمل

تخيل سنة كاملة والرسالة تطلعلي ومهملها ولا جبت لها خبر حتى طفت

[سوبر VTC]

الحمدلله على سلامة الموتر :)

ادخل مواضيعي بالتوقيع و ان شاء تستفيد
معاناتي مع الجمس + جميع الاعطال + فك الطرمبة

[المحترام]

على حسب وصف اخونا المكينة مافيها شى قد يكون من الكهرب او من الطربة البنزين

[GABER65]

ممكن الطرمبه