مزاد شركة الكهرباء يوم الجمعه

[ملك الباترول]

السلام عليكم ورحمة الله وبركاته

اما بعد
كان هنالك مزا د يوم الجمعه تبع شركة الكهرباء

وكان فيه شروكيات وانا مالحقت عليهن

وارجوا من الاخوان الي يعرف احد شراء من المزاد وده يبيع شروكي لايبخل علينا


واكيد انتم رجال بتوقفون معي


ويعطي العافيه على كل من دخل الموضوع

[قرم العيال]

ايه بالله

يالربع

الجيوب على كم باعوهن

الباترول و الشروكي

[كبسولة2]

نصيحة أخوية أبتعد عن المزادات الحكومية ومزادات الشركات

لي قريب يعمل كعضو في لجنة مزادات حكومية

يخبرني بأن السيارات النظيفة يأخذها صاحب النفوذ في الإدارة

أو الشركة ولا تدخل المزاد وأيضاً من حركاتهم الخبيثة

يزاودون في سعرها بينهم بين على أساس أن هناك منافسه على هذه

السيارة من نظافتها فينغر واحد من الحظور ويجي مطفي النور

ويشدونها في ظهره بدبل سعرها الحقيقي في السوق

قصة أخرى قبل سنتين أذكر واحد من الشباب شراى من مزاد الكهرب في الطائف وجابه للرياض

جيب شاص موديل 94 ماشي 30 الف كيلو بــ 60 الف ريال

والله والله إلى يومك هذا والجيب معه وكل مانزله الحراج مايجيب 25 الف ريال

فكن حذراً أخي الكريم من بيع السمك في المويه

[ملك الباترول]

والله باعو باترول باب موديل 91 على ماظن ب 33

وشروكي ماشي 62 باعوه ب 30 الى 35 ماذكر


يعطيك اخوي كبسوله

وصح هم يغلون بس حنا ندور النظيف

واخر لو اطيح بمدير الادار حق الكهرب او الاتصات واطلع منهم الشروكي


اخوي ماتخبر اد ببيع شروكي

[قرم العيال]

شاص موديل 94 ماشي 30 الف كيلو بــ 60 الف ريال

سعر مبالغ فيه ,, خويك غره المزايده


وانت اخوي ملك

باترول باب موديل 91 على ماظن ب 33


مبالغ فيه ايضا

انا يوم اقول مبالغ فيه ماهب قصدي اكذبكم لا والله

اقصد الي باعوا بالسعر هذا اعوذ بالله غاليات بالحيل

الواحد لازم يصير عنده شويه خبره قبل يطب مزاد

[الربذي]

وعليكم السلام

--
قصة خارج السالفه

فيه شويب مكار بالحركة وش يسوي قبل الحراج يدخل على السيارات ويدور النظيفات ثم يصب زيت على المكينه بطريقه توحي ان المكينه خربانه او تندي ثم اذا بدى المزاد ماحد يسومهن هو يشتريهن وبتراب القاروش 0

[abo111ans]

يارجل قسم بالله في ناس همج . الله يهديهم بس ..

أجل شروكي موديل 2000 وصلوه الشريطية إلى 32 ألف .. وأنا أحلف أنه يبيله حول 3000 ألف تشيكات وتصليحات .. يعني 35 ألف .. في شروكي ..

الله يهديهم .. ولكن أقول رزق الهاذا على الهاذا ..

ولكم أطيب تحية

[ملك الباترول]

صح كلامكم

واشكركم على المرور

بس اخواني زبدة الموضوع اني ادور شروكي نظيف للشتاء