المساعد الشخصي الرقمي

مشاهدة النسخة كاملة : نبي فزعتكم صوت جنني في الباترول


ع ى ع 031
30/11/2008, 05:19 AM
السلام عليكم ورحمة الله

ودي أنكم تساعدوني فيه صوت مجنني في الموتر وهو كنه صوت حديده مرخيه وتهتز

إذا حطيته على الفاضي ودعست بنزين يروح الصوت هم يرجع وما أسمعه الا اذا نزلت من الموتر

محله تقريبا فوق دبة التلوث بالله الي عنده علم وش ذا الصوت يقولي واذا شي كايد علشان الحق واصلحه

علما ان الموتر باترول فتك 2002
ثاقب
30/11/2008, 07:46 AM
هنالك شيء محلول تحت ..إذهب لحفرة بنشري وابحث بيدك هز كل شي ..خاصه العوازل اوالصفائح المعدنيه واللتي تأتي
فوق انابيب العادم واللتي وظيفتها عزل حرارة العادم عن الهيكل ,,كذلك لاتنسى تفحص الأنابيب ذاتها بيدك من اولها لأخرها
mmgarni
30/11/2008, 10:22 AM
اذا حك بطن الموتر ايمكن الدبة او احد المواصير لها ماسكه في البودي تاكد الامر انشاء الله بسيط والله يعينك
قدااااام
30/11/2008, 10:36 AM
مرحبا اخوي

انا عندي نفس موترك و كان فيه صوت مجنني
و بعد البحث طلع من الغلاف اللي يجي من حديد خفيف يكون مغلف القزوز مع بدايته
ا دايم ينفك اللحام حقه و يطلع صوت


واتمنى اني افدتك
الظافر
30/11/2008, 11:16 AM
هذا العازل حق الشكمان من فوق دايم عندي الحمه لكن مع الحرارة ينفك له سنتين على هالحال
ع ى ع 031
30/11/2008, 02:19 PM
الله لا يهينكم يالربع والله ما قصرتوا والله انكم ماتدرون كيف ذا الصوت مهبلبي وانكم طمنتوني الله يطمنكم بالعافية والصحه ومن يغلا عليكم والمسلمين أجمعين
الوعب
30/11/2008, 02:25 PM
السلام عليكم

انا بقول الي عندي ولا قريت ردود الشباب يمكن احد ذكر نفس كلامي

كان عندي نفس الصوت هذا بموتري

وطلع الله يسلمك من التصفيحه الي تصير فوق الشكمان لازقه في بدي الموتر من تحت
يعني في بدن السياره و انت بنفسك تقدر تشدها في البيت
ع ى ع 031
30/11/2008, 02:27 PM
بيض الله وجهك يالوعب والله لايهينك وبنشيك عليها عقب ما نصلي العصرفي حفرة الزيت والله ييسر الأمور