رأيكم يا خبراء الكفرات،،، يهمني، آمل الدخول تكرما

[أبو الحارث 4]

السلام عليكم ورحمة الله وبركاته
أرغب في تغيير كفرات سيارتي الجيب لاندكروزر وكالة دنلوب،
ما الأفضل؟، دنلوب ، يوكوهاما ، بريجستون، وكم السعر ؟ مع وصف الوكالة ،
وهل ترى التغيير الآن أوبعد الحج لعل الأسعار ترخص.
رأيكم يهمني ويهم القراء فآمل أن تعطينا تجربتك
شكر الله لكم.

[الكونترولCONTROL]

أنا مثلك أبحث عن الأفضل ....
كنت أركب دنلوب و لكن في المرة السابقة ركبت يوكوهاما لأنهم مدحوها لي
و بصراحة اليوكوهاما لم تكن مثل الدنلوب مع انهم قالوا لي بأنها أفضل
و سوف أعود لــ\ " دنلوب " هذه المرة ,, سألت عنها البارحة وجدتها بحدود 560 ريال ( جنط 17 )
العام الماضي كانت 510 ريال ,, قلت أنتظر و اتحمل الرجة الخفيفة الى بعد الحج ان شاء الله
لعل الأسعار تنخفض ,,, والله يوفقنا و اياكم

[ناصح]

وعليكم السلام ورحمة الله وبركاته

أنا شخصيا وبعد عدة تجارب

صرت استخدم ميشلان وإن كانت أكثر سعرا

جودة + قوة + تماسك + صبر

[أبو ليان522]

ميشلان ركب وانس كفرات ممتازه ومجربه

ركبتها على سيارة الوالد وخليناها 4 سنوات ما شاء الله تبارك الرحمن
ميشلان امريكيه

اما إذا كنت تريد ياباني فعندك (تويو) كذلك مجربه وممتازه

وعموما تأكد من تاريخ الصناعه
وأن تكون الكفرات من فئة A-a

وفقك الله ياأبو الحارث

[بواسامه]

ميشلالالالالالالالالالالالالان
على سيارة الوالد 5 سنوات
وبعتها ب300 ريال وهي بتاريخ 2001
اهم شي لا ينقص هواها
كفر قوي ومثبت وجوده بس سعره حوير شوي عن غيره
وفقك الله

[إعصار]

الاسعار يبغالها فترة عشان تطيح ..




دنلوب ممتاز ووكيله ابن زقر ..




مكانه على شارع الضباب مقابل مدينة الملك فهد الطبية ..




عند محلات الادوات الطبية ..

[mmgarni]

عليكم السلام
بالنسبة لي ما اثق بعد الله الا ببرجستون رحت للوكالة وحصلت مقاس جديد 285/75/16
واذا كان الجنط 17 مافية زي دنلوب حق الفيكساار وتحياتي

[Avalanche]

أنا لي تجربة مع نوعين من الي ذكرت ......

الدانلوب ...... يمتاز بأنه مريح بالمطب و عملي (يعمر) /// في الرمال يجب التنسيم لانه يحفر (بسرعه يرك الموتر)

الميشلان ..... يمتاز بنقشة رهيبة و لا تحتاج أنك تنسم لانه رهيب في الرمال (طبعا التنسم لابد منه في بعض المناطق) /// عيبه قاسي في المطب و أغلى من الدانلوب


(((طبعا هذا الكلام رأي شخصي ... ممكن يكون صحيح و ممكن يكون خطأ)))

[أبو الحارث 4]

ما شاء الله تجارب من ناس ناصحين
جزاكم الله خيرا
ولعل الموضوع تكثر فيه المشاركات ليستفيد الجميع، وياليت بعض الأخوة الخبيرين بالأسعار ينزل سعر الكفرات هذه الأيام.

[القناص]

لم ولن أركب إلا ميشلان طبعاً جنط 17 لينه ومتماسكه على الطريق وكداده

إن غلبت الروم دنلوب ثانيا

وغيرهن ما أغامر ابد

الكفرات صمام أمان بإذن الله.

[q.8]

والله انصحك باليوكوهاما لو تقدر عليه وانصحك باتويو ممتاز جدا والبريجستون ماعليه كلام وانصحك انحش عن الدنلوب تراه غالي على الفاضي انا مجربه على كل لفه يصيح

الميشلان حلو لكنه غالي ويكسر الظهر انصحك ركب واحد من هالثلاثه

اما بريجستون ولا تويو ولا يوكوهاما

[أبو الحارث 4]

للرفع من أجل مشاركة أكثر.

[abo_7md]

نصيحه اخويه..
يا مشلان ولا بي اف قودرتش يكفي ان ضمانها مفتوح من الثقه وانس ينصلخ ( باذن الله ) ولازم يكون فرنسي انا مجرب المشلان وجربت بي اف قودرتش زين بمطب وبطعوس وبخط ..
والين مليون مره من الدنلوب كل ما اركبه ينصلخ معاي .

[Foxdigi]

ماذا عن القودير وش رأيكم فيه

[الكيان]

برجستون


كفرات حقيقية

وهي بحق فخر صناعة كفرات السيارات


طبعا الياباني

وخذ اخر تاريخ يمكن تلقى ما بين الاسبوع 35/ 40 من عام 2008 وخذها من وكيلها الاصلي


ولو كانت غالية شوي ولكن تذكر انك تبي تشري عمرك وعمر اهلك


وتوكل على الله لي حوالى ثمان سنين وانا استخدمهن بر ديرة خط نفود صخر

[أبو الحارث 4]

شكرا لكل من تكرم بالمرور والتعليق وذكر تجربته.

[العقارب]

هانكوك ...................... نصيحتي لك .............. وخل عنك البرجستون .. كفر قاسي
. خزنته عندي في البيت 5 شهور صار يابس .
هانكوك كفر لين وقوي ,

[الربذي]

كلا يمدح شي انا داخل ابي استفيد وطلعت حول ومستدير الراس00

انا سبق وان جربت هانكوك صراحه ماعليه ملاحظه وزين ومعقول سعره وكله

اما قوديشر مدري وش اسمه فهو ثقيل مره واحس انه ينصلخ بسهوله لانه ملبد فوق بعضه وثقيل
وجربت سقما امريكي انحشوا عنه وابعدوا الف كم مروح قاسي ويبس معي وصار يابس بشكل لايصدق واي لفه يزحلق وعلى الصامت مايطلع صوت يعني لو تسوي عقد الدنيا صامت من شدة قسواته وياقردك اذا لقيت نقعه ماء كانها ديزل يلعب فيك الموتر لعب
وجربت مشلن فرنسي للمرسدس لايعلى عليه ابد وحتى وان بنشر وانت مسرع ماتحس ابد ولاتهتز السياره ولاشي ماهو مثل كافه الكفرات كان الدركسون كمبريشير حق الحفر وقد يسبب لك حادث لاسمح الله
مشلن فرنسي وبس رائع صامت امن اطول عمر

[أبو الحارث 4]

جزاكم الله خيرا على هذه المعلومات، هل من مزيد؟؟؟