كلنا معرضون لقتل اللصوص بالبر .. ماالحل ؟

[حفرلوجيا]

سلام يالربع
طول نفسك إن كنت ( محترف ) كشتات وصيد.
-----------
ربما سمعتم عن قضية ترددت قبل فترة بمنطقة القصيم عن لص قاطع طريق ( وهو من ابناء أحد القبائل المشهود لها بالوزن والإحترام .. لكن للأسف في زمان حيث وزن القبيلة والحمايل لايلتفت إليه من كان الشيطان راكب فوق كتوفه ) .. هذا الحرامي كان يحاول التقرب من الكشاتة ليستضيفوه .. ثم يغادرهم بعد أن يكون خبرهم .. ويعاود الهجوم عليهم مشهرا ( رشاش ) ويهدد ( هاتوا اللي معكم وإلا .... ) .. قيل أنه تم القبض عليه بحيلة أحد أبناء المنطقة بعد أن ( أزعج ) أجهزة الأمن بعشرين قضية من هذا النوع .

وقد يكون بعضكم سمع بقصة مجموعة أشخاص قانصين بالربع الخالي استضافوا شاب من أبناء أحد الدول المجاورة واكرموا وفادته .. وكان اثنين من هذه المجموعة أبدوا عدم ارتياحهم له بعد انصرافه وطالبوا المجموعة بتغيير المكان الذي سيبيتون فيه .. ولما رفضوا إدعى الإثنان أنهما يرغبان النوم بأحد المناطق القريبة ولما عادا في الصباح لخوياهم وجدوهم للأسف مقتولين ومسروقة سياراتهم .. هذه القصة تداولها كثيرون .

أعرف أربعة أشخاص يروي لي واحد منهم التالي :
كنا قبل اسبوعين يوم جمعة في طريق العودة من الصمان للرياض .. توقفوا قبل الطوقي لصلاة العشاء والعشاء .. وبعد الجلسة وشب النار ( ليسوا بعيدين عن الطريق ) اقتربت منهم سيارة وترجل صاحبها وجلس معهم دون أن ينتظر كلمة ( تفضل ) .. أحدهم كان يسأله مع تناول القهوة عن وجهته بهـ( الليل ) ولكن لم يجب الإجابات التي توحي بأنه ( محترم ) رغم كبر سنه .. ويمضي صاحبي في روايته إذ يقول : زعل أحد الأربعة بعد ان لاحظ تكتم هذا ( الضيف ) ..وعدم اندماجه بالسوالف المعتادة في مثل هذه الحالات..
ويضيف صاحبي : توقعنا أن يمضي إلى حال سبيلة بعد ( هالثقل) .. خاصة وأنه لم تظهر عليه ملامح انه ( على قد الحال ) .. ولذلك إنصرفت أذهاننا عن أنه قد يكون من ( أحد الصعاليك ) اللي تجذبه إليك ( صفيرة القدر الكاتم ):p;) .. وبس .

الطريقة التي توقعوا أنها ستظهر اللي ببطنه رسموا عليه المشهد التالي :
العيار منهم إدعى انه يلعب بالماء الحار وينثره حول النار .. آخر اخذ يتمتم ببعض الكلام رداعلى تصرف راعي الماء الحار .. الثالث مسك راعي الماء الحار من يديه محاولا تكتيفه وآخر يقرأ عليه بإدعاء ان به مس ( يعني فيه سكني ) ..
المضحك أن هذا الثقيل انتفض وشرد على سيارته ( جيب شاص جديد ) :p:rolleyes:..
لاتعليق على تصرف هؤلاء أو صحته ........... ولكن .. تعالوا :

الطيب الأيام هذي ماعليه وسم .. وقد تتهقوى بالظن الحسن تجاه أحدهم وتكتشف أنه إبن ( ..... ) .

وأكثر اللي يكشتون او يقنصون .. يكونون في اماكن مجهولة .. أو ليست بعيدة عن بعض الدول المجاورة أو ..

سيقول قائل جود نفسك بسلاحك .. لكن الله لايجيب الساعة القشراء .. ودك ألا يكون السلاح هو الحل :(.

سيقول قائل ابتعد عن الأماكن المشبوهة .. نقول سمعنا عن قصص و( جرائم محزنة ) في أكثر من مكان لا يقطنها إلا ناس محترمين ....:(

تبي تقول لاتستقبل من لاتعرف ... هذي فيه صعوبة خاصة إذا قصدك شخص بطريقة محترمة ( أو فيها إدعاء وتمثيل أن تكون طريقته محترمة ) .:mad:

كنت أدردش مع بعض الأصحاب حول ذلك فتبين لي أن بعضهم يلجأ إلى جملة تصرفات منها :

* من استضفته وشكيت فيه لمح له بما يكره بشكل غير مباشر ( يتشطر واحد من الشلة يلعب بالرشاش .. أو البندق ) !.. مشكلة كل من جاني .. غزيت سلاحي !

* إذا انصرف من عندك من شكيت بسوء نواياه .. ضف عفشك وغير مكانك .. لكن المشكلة أنك أحيانا مرتبط بمواعيد أو باقي الشلة اللي يتصيدون مارجعوا !

* المكان الذي تنوي النوم فيه لا يكون حضورك إليه قبل صلاة المغرب ... لكن أحيانا المسألة يبي لها خيام أو معك من هو كبير بالسن ولا يرغب بالتمشيات والتجوال بالسيارات .. ويكون مكان نومك سبق وطبيته بالنهار!

* المكان الذي تقيم فيه وأنتم اثنان أو ثلاثة ( سيارة واحدة ) .. خل معك عقد لمبات وشكه حولك بما يوحي أنكم مجموعة كبيرة ( يعني كبر الجهام ولا شماتة العدوان ) !:)

على أي حال أظن الكثير من الكشاتة والصيادة .. راقد وآمن .. بل أن بعضهم يندس بفراشة ولا حتى طرى عليه يتوسد سلاحة .. وتلقاه له سنين ومنين وهو على هالحالة ولاشاف إلا الستر والعافية .. لكن اللي راح ( غيلة ) بالربع الخالي أو غيره يمكن له عشرات السنين كان ماشاف إلا العافية !!

إذا كيف ( أعقلها ) وأحتاط للسلامة .. في وقت صار الطيب والردي بلا علامة؟!:what:

[Abu-Sulaiman]

السلام عليكم،،،،،

الموضوع اللي طرحته الصراحة جدا مهم ويزداد اهميته اذا كان المكان نائي او حدودي او وقت من السنة ما يكون فيه كشاته واجد يعني غير الربيع.

لكن فيه بعض الافكار اللي تساعد على منع الحوادث لا سمح الله وغالبيتهن ذكرتهن انت في موضوعك الاساسي لكن رتبته بشكل نقاط واضفت عليهن بعض الافكار.

1- تغيير المكان في حالة الشك بالضيف.
2- اظهار السلاح وتبيينه.
3- التفرق عند النوم يعنى كل واحد يبعد عن الثاني مسافة 30 متر.
4- واهم شئ نسيت اذكره بالاول هو ذكر دعاء المنزل (أعوذ بكامات الله التامات من شر ما خلق) ثلاث مرات.والتوكل على الله.
5- كل واحد يتوسد سلاحه.
6- تقفيل السيارات ووضع جميع العفش اللي ماله لازم داخل السيارة مثل العزب وخلافه.
7- انتقاء الاماكن الطبيعية اللي تخفي المجموعة.
8-النوم مبكر لان غالبية الحوادث تكون في اخر الليل والشباب غارقين بالنوم لو تمر سيارة ما دروا عنه.
9- عس المنطقة والتاكد من عدم وجود احد في محيطها.

والله يحفظنا واياكم من كل شر.

[الخبير]

السلام عليكم

عز الله إنك جبتها
انا عن نفسي ما ارقد بالبر إلا وأنا متوسد الرشاش. بعض الشباب ينقد علي يقول الديرة أمان وحنى من عهد نوح وحنا نطلع للبر ما قدر مريت علينا السوالف هذي . لكن المصيبة إذا صرت قدام الأمر الواقع خلاص.

هذا واحد من الشباب بغي يطلع معي للبر وسمع من بعض الشباب إني اتوسد الرشاش، فخاف وجاب معه فرد وتوسده. تدرون ليش؟؟؟

خايف إني أقوم بالليل وأنثر فيهم المخزن كامل، فقعد متزهل الليل كله خايف إني أقحص عليهم. لكن إلي ما جاء في بالي وش يبي يسوي إلى مني قمت بالبندق ( لا قدر الله ) عليه؟

[( برى بحرى)]

الله يستر هذا رشاش وهذا مسدس شنوا السالفه ؟؟؟
الله يحفظنا ويحفظكم من اللصوص وان شاء الله لا تستعملون السلاح لحل الخلاف مع اللص
قول للص انا اكد على عايله وتعوذ من الشيطان الرجيم واتركنا بحال سبيلنا وعيب هذه السوالف البايخه ويلا لا عاد نشوفك مره ثانيه روح لجان الخير وايد بالبلد يعطونك مساعده واحنا فقاره مثلك لو عندنا فلوس جان قنصنا خارج البلد مثل التجار

بس حليت المشكله بدون قتل والعياذ بالله وبدون اى مشاجره

[راع الكحيلة]

موضوع مهم
كعادة كل مواضيع حفرلوجيا

ومن قصص الصعاليك ما رواه لي أحد الإخوة عن أصدقاء له كانوا قبل سنوات يقنصون شمال وشمال حيل أقصد

وبينما هم في مخيمهم إذا بذاك المقرود اللي سيّر عليهم

وقاموا الشباب بالواجب وما قصروا معه ولكن أحد الشباب لا حظ علي الضيف نظراته كنّها نظرات سروق والتي كان يرمق فيها بندقيتهم الشوزن
وكأنها جازت له ...المهم ما أطوّل عليك وعندما أمسوا بقى هذا الشاب في فراشه متيقظا يتوقع الغدر في أي لحظة
وكان ما توقع إذ لمح زول الغريب يتلصص ويتحسس مكان البندقية ومعه سكين ليقوم بااللازم نحو صاحب البندقية.

فإذا بالرجل قد انتهض واشهر السلاح في وجه الصعلوك وايقض كل الشلة

ثم




ثم



بدأت المسرحية



كان الوقت بررررد موووت ثلج


فقاموا وضفوا عفشهم بعدما قيدوا الصعلوك ونزعوا ملابسه كلها..كلها...نعم كلها :)


وأرادوا تركه في ها البرد مربط خوفا من أن يستفزع بقومه ثم ..يروحون فيها ولا عاد ينفعهم شوزن ولا غيره.


ولكن ما طاوعهم قلبهم...أن يتركوه وهو مفصخ في هذا البرد ......فماذا فعلوا


أكرموه زيادة على ما هو فيه من حال






أخذوا إبريق الماء اللي بايت فيه الماء طول الليل البارد.. وصبوه عليه صبا


حقيقة متوحشبن :) :)

أظنتي إن الصعلوك إما إنه حرّم يتصعلك أو إنه حاشه شلل نصفي أو إنه للحين ما حد فك رباطه :) :)

[بركان]

الحرص واجب
والرخامة صفة مذمومه

اعقلها وتوكل.
وبعدين يصيراللي يصير.

على الاقل ما توخذ اخذة الذيب للشاة!!!!
بعدها ما يفيد الندم!!!

[سفاري نجد]

الأخ : حفرلوجيا

السلام عليكم ورحمة الله وبركاته

جزاك الله خير على الموضوع المهم

الأحتياط واجب في هذي الحالات ، السلاح ليس شرطا للصوص انما الحيوانات المفترسه ،،،

وأرى ان يكون فيه حراسه اخر الليل لأثنين اذا كانو مجموعه يتسامرون مع بعض للحراسه

خصوصاً في هذه الأوقات اذا كانوا غير اصحاب السيارات عشان تعويض النوم !!!

سمعت قبل سنتين فيه قطاع طرق من العراق يتسللون في الدهنا والصمان يتقنصون اصحاب السيارات

الفارهه ويقتلون اصحابها ويسرقونهم ؟؟؟

قال الرسول صلى الله عليه وسلم " أحفظ الله يحفظك ... الحديث "

اخوكم : سفاري نجد

[راعي الطويلة]

الغالي


حفرلوجيا

أسعد الله أيامك وأحلامك ...

تقول متوسد الرشاش ....

الله يعطيك العافيه على هل الموضوع .. حقيقة أعرف اكثر من واحد صارت معه قصص مشابة عن الصعاليك وقطاع الطرق وما شابهم ...

أحد الأخوان يعلمنا من ثلاث سنين بقصة مرت عليه ... مفادها .

بداء الموضوع كالعادة متطفل يجيك ويقلط بدون (( تفضل )) هماً يقعد يقز بعينه ويدرس المكان .. المهم يقول الرجال .. أخوينا ما أرتاحو له أبد وبعد ما تسهل وقام هذا الكلام بعد العشاء .. بدو يديرون الشور في موضوع الضيف الثقيل والغير مطمئن .. واحد من الشباب جاب الضايعة وقال نخلي العزبة والسيارات بالوادي ونرقى هالضلع ونتناوب النوم .. المهم بعد فترة (( قرب الساعة ثلاث )) الا وهالموتر مقبل مطفي الأنوار ويصفط عن الموقع حوالي خمسين متر وينزل منه أربعة رجاجيل متزهبين بمسدسات ويدخلون على الخيمة ومعهم كشاف وينورن وبعد ما قلبوا ما لقوا لا سلاح ولا الشباب ويقومون ويشبون الخيمة باللي فيها ...

خوينا يقول أنهم يوم شافوا الرجاجيل نوين شر عاملوهم بالمثل ... نقز منهم أثنين وأخذوا سيارة اللي ما يخافون الله وهجوا بها ويوم سمعوا الحرامية صوت موترهم ويجونك وراه ركض ما لحقوا موترهم .. المهم باقي الشباب خلوا داير 11 يتكلم لا وشعال بعد وما تشوف الا المراكض كلاً بجهة .. اللي أخذوا الموتر زينوه وخلوه على بعد 500 متر وعودوا للشباب اللي بالعزبة ومن ساعتهم ضبوا عفشهم الباقي ونحروا للديرة ..


المهم أنها واحدة بواحدة والبادي أظلم ...

ويقول خوينا أن موترهم ما عاد يصلح الا للورعان يلعبون به ... ويتعلمون عليه قضب الدركسون .


فيا شباب خلوا بالكم واذا كشتوا لا تقلبونها كرم وتراحيب الا مع اللي مثلكم كشّات والا هل الديرة ما عليهم خلاف .

أسف على الأطالة ..



أخوكم

راعي الطويلة

[القماري]

سواليف وقصص وأسلحة ولصوص ( كله أمر وارد) لكن ما هو الحل ( برغم كل المطروح لا يزال الوضع غير آمن أحيانا) يعني لو تعدى عليك شخص ما أو مجموعة هل ستقيم حرب (قتل ومقاتل أو هو تهديد وحماية لا أكثر؟ ، وهل في مثل هذه الحالات - قتل المهاجم يجعلك تتحمل المسئولية وتكون عرضة للعقاب القانوني أم لا؟)
حصلت لي قصة قبل تقريبا عشر سنوات وكنت مع أحد أخوياي ( كنت ناوي أخليه يشتري جيب وأحببه بالبر ) وشوي وأنا أسوق السيارة في الرمال والطعوص لم تكن خارج نطاق التغطية ( قريب من المناطق السكنية نوعا ما بحدود 80 كلم) وكنا غاية في الإنسجام وكان مع خويي كاميرا يلتقط بها بعض الصور وكنا في آمان الله.
ونحن كذلك نسير حتى لمحت رجل من بعيد يلوح لي وكان معه طفل صغير !!! أخذني الفضول وتقديم العون لهذا الرجل وتوجهت له حتى وصلت إليه ولم أصل حتى لكلمة السلام عليكم وإذا بي محاط من جميع الجهات بأشخاص عددهم تقريبا 8 وكان معهم (سلاح) قد شهر في وجهي حينها.
لم أعلم ما السبب وما القصة وما المطلوب وكان أول الكلام سباب وهجوم (أبيض) حاولت قدر إمكاني عدم الدخول معهم في مواجهة (الكثرة تغلب الشجاعة والحذر واجب) وأستحلفتهم بالله إلا أخبروني ما السبب ولهم الحق بعد ذلك بما يشاؤن أو أن يأخذونا لمركز الشرطة.
كان سببهم وجود تلك الكاميرا التي بحوزة المرافق معي وأننا قد قمنا بتصوير أهلهم ونساؤهم ، وقد حصل ذلك ونحن كنا واقفين بأعلى الطعس وكانوا هم مخيمين بالأسفل ومعهم (دربيل). ولم يخطر ببالنا أننا رأيناهم أو حتى إديرت الكاميرا حولهم .....
وحتى لا أطيل أقول لولا ألطاف الله تعالى والهدوء والتعوذ من الشيطان لكان حصل ما لم يكن بالحسبان.
هم لم يتفهموا الوضع ولم يقتنعوا بكل ما قلنا (رغم أننا رجال وواعين ولم نكن مراهقين أو بنا آثار من قلة الذوق) وكان آخر حل هو إخراج الفلم وتكسيره أمامهم ، وهذا ما حصل ولم نحصل منهم على أي إحترام بل شتم وسب وتصرف همجي وكنا مظلومين ويعلم الله ذلك ،
منها لم يعد رفيقي يرغب في البر أو في الخروج لمواقع برية أبدا.
فهل التصرف الحكيم يفقد لمجرد أن شخص حاول إيذائي ( محاولة بمثل هذا النوع أقصد مع حفظ الكرامة ) وهل الواجب رد الصاع صاعين لمجرد شبهة أو سؤ ظن.
الحذر واجب كلام سليم ولا غبار علية ، لكن كيف نحذر هو الأهم.
ومشكور يابو سليمان على الموضوع ومشكورين الشباب على النصائح والعبر

[الاسود]

السلام عليكم ورحمة الله وبركاته
يشرفني ان تكون اول مشاركتي في هذا المنتدى الرااااائع بتعليقي على موضوع من موضوعاتك.
متطلعا الى مشاركة الزملاء الاحبة جميعا في هذا المنتدى المشرفين والاعضاء .

اللي مستعجل يأجل قراءة هالمشاركة لين يفضا !!! نصيحة !!.

بالنسبة لهذا الموضوع فامتدادا لما ذكره الاعزاء الاخوة عن بعض التوصيات التي يجب على الكاشت او القانص مراعاتها والاخذ بها بعد التوكل على الله فاني اود هنا ان اوصيكم ببعض الخطوات التي ارى انها ان شاء الله مفيدة وهامة جدا جدا وهي من واقع تجربتي الخاصة والمتكررة :
1- اذا نزلت المنزل فلا تنسى دعاء المنزل ( اعوذ بكلمات اللها التامات من شر ما خلق ) وزد ( اعوذ بكلمات التامة من كل شيطان وهامة ومن كل عين لامه ) وتاكد ان هاذين الدعائين سينزلان عليك الطمأنينة [line].
2- اذا اردت اختيار منزل ( ممسا ) فاحرص ان يكون الموقع منخفظا بحيث يكون في نقرة مثلا او في ذرى جريف المهم ان يكون صادا عن اعين الناس وعن اضاءة السيارات بحيث لايكون مشاهدا وواضح للعيان .. وهذا سيجنبك حضور من تكره من الملاقيف اوثقال النفس او من يريد بك سوء ، اضافة الى ان نزولك في مكان منخفض سيجعل صوتك غير مسموع واضائتك التي تستخدمها غير مرئية لغيرك .
3- تجنب الحركة الزائدة ( اللي مالها لازم ) بالسيارة بعد غياب الشمس يعني ماله داعي يدوج الواحد ويكشف بالنور والناس ممسية خلاص ممسا يعني ممسا حط المفتاه في مرقده وامس .
4- احفظ مفتاح السيارة في مكان آآآآمن من الضياع ولا تتركة طبعا في السيارة ( اقفل السيارة ) وممكن وضع المفتاح في جيب صغير يكون موجودا في مفرش النوم، او في سحاب الجنب لصندوق العزبة ، واحذر ان يكون المفتاح وحيدا لانه بذلك يكون معرضا للضياع والاندفان في الرمل او التربة ( اقل شي اربط فيه خيط يكون لونه مميز ) واحرص على وضع اسبير للمفتاح في مكان تعرفه خارج السيارة.
5- يستحب ان يكون معك سلاح شخصي ( مسدس مثلا او سكين على الاقل ) عند رأسك او تحت المخدة عند النوم .
6- عند النوم احرص على ان لايكون الجميع بجانب بعض ( تفرقوا الله لايفرقكم ) خاصة اذا كنت في مكشات او مقناص بعيد ، يعني في المناطق اللي قريبة من بعض الحدود او في وسط الربع الخالي ( لان هالمناطق تزداد فيها فرص وجود عيال الـ ... ) اكثر من المناطق الاخرى ، كما ان توزع المجموعة يصعب من فرصة من يريد الغدر بكم في الهجوم على الجميع ( اللللله يحمانا ).
7- عاااااد انتم يالربع احرصو ان الواحد يكون ذيييب ويكون نومه خفيف ويكون يحس باي حركة غير طبيعية حوله وهو نايم يعني لايصييييييير لاحط راسة حطه لو تضرب فوقه قنابل ام المعارك ماقام ( وترا كثرة النوم مذمومة في كل وقت كيف عاااد والواحد كاشت واللا قانص مع نشاما شرواكم ... افاااا ... فشيلة يقومون خوياك قبلك ... قم اذن للفجر وشب الضو يامال العافية .. خلك ( ش ق ر د ي ) وترا التفصيل مقصود والذيب يعرف !!!! يعني حماية للحقوق الادبية لصاحب الاسم وخوفا من المطالبات والشكاوي من الرجال.
7- احرص على اطفاء النار قبل النوم لانها ستصدر اضاءة ملفتة لمن يراها حتى من مسافات بعيدة ( ايضا عند احساسك باي صوت غريب او حركة مشكوك فيها قم بدفن النار بسسسسسسسرعة ) لان اللي في الليل مايشوفكم ما يشوف الا النار فانت طال عمرك ادفنها بسرعة ومرة ثانية ( تفرقوا او غيرو محلاتكم ).
8- اذا خطركم واحد من اللي ماينحبون او من اللي نيتهم الردى فبكل بساطة راح تعرفونه ( لان الحرامي على راسة ريييييشة ) يبين في عيونه في حركاته حتى في كلامة وبعض اسئلته ، اذا شفتو منه شي يشكك طبعا تلقائيا غيروا محلكم ( يعني شيلوا ) .
9- نصيحة اخيرة يمكن لهاعلاقة بهالحرامية لانها للسلامة اولا ( تجنب النوم بجانب السيارة يعني عند الكفر او تحت السيارة او وراها او قدامها ) لانه ممكن يقوم احد خوياك ويشغل وانت ( أخخخخخخخخ اش ).

الحمد الله قضينا ... وانا متأكد اني بذكر الكثير غير اللي كتبته لكم لاكن المكتوب فيه البركة ... ودم دم دمتم سالميـــــــــــن .:D :D

[عبار درب]

اثار الأخ حفرولوجيا موضوع مهم كعادته بارك الله فيه وتفاعل البعض مع الموضوع بالراي مره و بالقصص مره اخرى وسأحاول ان اضيف بعض النصائح والتي اسأل الله الحافظ ان لاتمرون بحالة او موقف تحتاجون اليها.
1/ اذا حل عليكم ضيف في منزالكم بادروه بالأسئلة قبل ان يبادركم واسألوه اسئلة تنم عن سعة الأدراك و الثقة بالنفس مثل من وين الأخ /وين جهك /وش انت يالخو (من اي قبيله) /وش علوم البلاد الي مريت /الخد ازين من الي حن فيها / وش حلالكم بل والا غنم / يشبع الحلال رعي والا تعلفون
مثل هذه الأسئلة تجعل للكشاته هيبه وسطوه على من في نيته مرض
2/ الحذر من الأسئله البريئه والتي تدل على الخوف مثل فيه ذيابه في هل المنطقه / فيه حراميه
3/ الكف عن المزاح والتعليقات بين بعضكم البعض بوجود الأجنبي فالمزح والتعليق والضحك بصوت عالي ( القهقهه) تسقط الهيبه
4/ الرد بحزم مع المحافظة على الثقة بالنفس والهدوء في حال سأل الضيف سؤال مريب او سؤال لقافة مثل /ماتخافون تنامون هنا / مامعكم سلاح / كم انتم/ فلا تجاوب السؤال ورد عليه بقول وش لك بها العلوم او هذا ماهوب شغلك الله يرضى عليك واذا تمادا يبادره احدكم بقول /تقهويت يالخو تسهل الله يرض عليك حن
نبي ننام/
5/ اذا سأل الرجل سؤال عادي لا تجيب الي عندك كله مره وحده جاوبه على قد سؤاله وفي بعض الحالات لا تعطيه الجواب الصحيح ولا تكذب خل جوابك معمم فأذا سأل من وين الأخوان جاوبه من الرياض او القصيم مافيها شئ اما اذا سأل تبي تطولون هنا قله يوم يومين الله اعلم او يمكن نمشي اليوم
6/اذامعكم اشياء ثمينه كالأسلحة مثلاً لا تصير قدام عيونه او جوالات او اجهزت ملاحة
7/ اذاكنتم قليلي العدد 4-5 او اقل يسأل احدكم الأخر الربع متى قالو يبي يجون ويجاوب الثاني وهو يناظر ساعته /والله قالو عقب الظهر(اذا كان الوقت عصراً ) بس مادري ليش تأخرو سيجعل ذلك راعي النية الخبيثة في حيرة من امره فقد يطبون ربعكم في اي لحظة
8/ اذا تضايقتو من الرجل لكثرة اسألته الي مالها داعي او انه يكثر التنظر في اغراضكم فابداو باظهار بعض التصرفات التي تدل على عدم الترحيب به مثل ضف الشاهي او القهوه من مكانك وكب مافيها /الزمو الصمت وعدم االتجاوب معه اتركوه في محله وانتقلو داخل الخيمه بمعنى اخر احقروه
هذي بعض النصائح التي تعلمناها من من سبقونا بالمعرفه واجزم ان العديد من الأعضاء لديهم ماهو اهم منها فالجميع بالأنتظار

[عبدالعزيز الدباسي]

دائماً ما تتحفنا يا ابا سليمان بمواضيع تحاكي مشاكل اهل الكشتات وهمومهم ، ودائماً ما تحرص بين الفينة والاخرى ان تطرح موضوعاً يتلخص بتجارب الاعضاء ونصائحهم ، وتستخرج ما يكتنزونه من خبرات تفيد اهل البر والمكاشيت .

الحقيقة اننا سعدنا بهذه الافكار والتجارب ، وهذا الطرح المميز من الاعضاء .

وللاسف وبعد قراءة كل رد تاتي في راسي فكرة او طريقة اود اضافتها ، وأتفاجأ بان الرد التالي يتضمنها .

لذلك لم يبقى في جعبتي ما اضيفه على ما ذكره اهل الخبرة والتجارب .

ويبقى ان اقول شكراً لكل من شارك بهذه الافكار وشكراً لك من اهدى الينا تجاربه ،،، وشكر خاص للاخوين ( الاسود و عباردرب ) اللذين اضفى على المشاركة رونقاً خاصاً واتسمى بالعقلانية والخبرة المكشاتية ، ولا يهونون بقية الاخوة .

[السهم الأول]

موضوع جيد حقيقة , ولكن احب ان انوه ان اللص او السارق عادة يتشوف له ضحية تسوى تضحيته من أجلها فلن يقدم على سرقة شيء مقابل ان يضحي بنفسة .. الا ان كان ميت قلب ,, او بايعها ..

عموما

ما فيه مثل التحصن بالاذكار و التوكل على الله و الثقة بالنفس و السارق او قاطع الطريق يبحث عن ضحية سهلة و بالامكان التعرف على ضحيته من ارتباك الشخص او خوفه , و ينبغي على من جاه ضيف و هو في مقطعة ان يحسسه ان قادر عليه و على جماعته و ذلك بطلب اسم الضيف و الخوض في نسبه و اماكن قبيلته و اعلمه بسمك و بقبيلتك و كله بالاسئلة قبل ما يكلك و حاول انك تسنتطقة و تلهيه و لو كان سراق او حرامي فلن يمكث كثيرا الا وهو هاج و ان كان طيب الاصل فبياخذ ويعطي معك و ربما عزمك عنده او جاب لك غنمة او ذبيحة و هذي و الله ماوجدناه في كثير من مناطق المكشات , وخصوصا الصمان فأهلها طيبين الى ابعد حد و يعتبرون من قبائل الدرجة الاولى و التي يهمها سلامة ضيوفها و امن مناطقها و ان حصل فيها غير ذلك فانه متطفل عليها ..

[المربد]

انت مدرسة يا ابا سليمان تسلم يمينك بقراءتي الردود صرت الاحظ بعض الاخوان يكتبون وكانك انت اللي تكتب من كثر ما صرنا نقرأ بمواضيعك.

[المترو]

هلا وغلا بالجميع وعلى راسهم ابو الافكار والابداعات اقولها من القلب والله ماشالله عليك يا ابو سليمان
المهم والله الشباب ما خلوا شيء اضيفه الا تأكيد بعض الامور
1-دعاء المنزل الماثور
2- اقتناء سلاح شخصي مسدس او خلافه
3- اختيار الاماكن الغير واضحه للمبيت والبعد كل البعد عن الطرق وخطوط السيارات قدر الامكان
4-خفة النوم اثناء الرحله الدعواء ماهي تنبله بالبر والنوم باكرا ولو لبعض افراد الرحله الاسيقاض مع صلاة الفجر
5 - وجود سبار بالليل اغلب من خاويتهم بالصحاري لابد يكون واحد يقوم على صوت الناموس
وانا شخصيا بالبر انام فقط 2الى 4 ساعات وتكون كافيه مع الوناسه وسعة الصدر لا واناعندي اذا معي سيارتي جهاز انذار حساس جداً يشتغل اذا احد هز السياره وواحيانا اذا فيه هواء قوي يشتغل اخر الليل بس ما اشغله الا اذا فيه شك بامان المكان وسيارتي دائما مطرفه
6- لا تطعي كل من هب ودب وجه بالبر الامر بحدود ضيقه كلن له قياسه للرجاجيل
التوكل على الله وحساب الامور بدقه من قبل امير الرحله لانه مسؤل عن سلامة حياة ربعه وما صار امير الا وهو كفوء لذلك
حمانا رب العالمين من كل سوء وشر

وسلامتكم الرحال2003

[عاشق الجبال]

السلام عليكم ورحمة الله وبركاته
تحية لكل اعضاء مكشات
اخي الكريم حفرولوجيا متميز بطرحك للمواضيع جزاك الله خير

انا حصلت لي قصة بالصمان تحديدا بالدبدبة كنت برحلة قنص للدحاريج وبرفقتي ابني الصغير الذي يبلغ
من العمر 5سنوات وذلك قبل 6سنوات تقريبا بعد ان تعمقت بالدبدبة تقريبا 20 كيلوا متر وقربت لمكان
الصيد اذا بسيارة هايلوكس موديل اعتقد انها 86 غمارة واحده اشر لي بالوقوف فتوقفت (المشكلة ان
معي بندقية شوزن ام طلقه واحده كانت غير جاهزه ) توقفت السيارة عندي بادرته بالسلام فلم يرد علي
احد نزل شخص كبير بالعمر والجسم عليه ملامح الشر بعيونه مترجلا نحوي عندها قلت في نفسي
لو ان هذا المصيبة التوى على الدركسون الله اعلم مايفكه الا اكسجين كانت السيارة شغاله ومعشقك القير
بالاول اقترب مني اكثر وهو يحت الغبار من على جسده والباقين داخل السيارة ينتظرون الصيد الثمين
(انا وابني) واخوك يشيل السيارة شيل عند الله خبرها (المشكلة لو طفت السيارة والبندق مففككة)
الا ويصير المكان سحابة من الغبار وخوياه يقربون له ويشيلونه واخوك يحط رجله باتجاه الاسفلت
وهم يحطون وراي موتري كان ام اعزيز موديل 92 وبدون تهدئة هذا خط يشيلني وهذا مطب اشيله
(خايف يكون معهم سلاح ) وهذا انا وهم معي لين وصلت الاسفلت وبعد مافرقت عنهم مسافه اشوفهم
ركبوا الاسفلت ويحطون وراي وعملي علمك الى اليوم ماادري وين راحوا

اخواني الحذر واجب خصوصا في المكان الخالي خل سلاحك جاهز وتوقع اسوأ الاحتمالات

لااضيف على ماقدمه الاخوة الاعضاء من نصائح فقد قدم كل منهم مافيه البركة

[لحية غانمة]

موضوع شيق ومفيد جدا

واضيف على كلام الشباب

احرصو يكون منامكم في الاماكن المعروفه الي دايم يكون فيها كشاته مثلا في الصمان حسناء وبربك دغيم والحاصبيات
لان وجود كشاته غيركم في المكان يعطيكم امان وانما يأكل الذئب من الشياه القاصيه

[مريقب العيفار]

متميز كعادتك ابا سليمان

لكن كأن العنوان لك عليه شوي

اقصد غامض

من يقتل من؟

اللصوص هم القتله ان نحن

اعرف مقصدك ولكن علشان الزين يكمل

واسلم لأخوك مريقب العيفار

[شايب الصمان]

الصراحه ان الاخوان جميعهم ماقصروا كلا ادلى بدلوه0ولكن اذكركم بدعاء السفر اولا ودعاء المكان والتوكل على الله بكل صغيره وكبيره 0 وايهام (الثقيلين الدم ) انكم مجموعه كبيره وانكم تحضرون للمكان على شكل مجموعات وان اجهزة الراديوا توصل مسافات بعيده بحكم عملكم الحكومي 0 وامير الرحله يأمر واحد منكم بأن ياخذ الاسلحه ويحط عند فراش كل واحد سلاحه حتى ماينسى اخذه في الصباح عند المغادره للصيد وان يضع صناديق الذخيره ويضع في كل سياره صندوق000

والله الحافظ سبحانه وتعالى

[ق ح ص 411]

السلام عليكم ورحمة الله وبركاته
الأخوان الأعزاء .......
صرحتنا ماخليتوا شي نقوله مشكورين علي هذه النصائح القيمة ...:good:

[شبوب]

مشكور ابو سليمان على هالموضوع الجيد 00

ولا عندي اي زياده على الي قالوه الاخوان من الاخذ بلاسباب الدينيه
مثل ( الاوراد 00 والاتكال على الله 00 والصلاة على أوقاتها00الخ ) والاسباب
الدنيويه مثل ( السلاح 00 والانتباه 00 والبعد عن الاماكن المشبوهه00 الخ )

الا شي واحد فقط وهو000 ان من جاك وقلبك اكلك منه( قلب المؤمن دليله)
انك لا تعطيه وجه نهائيا ولا تستحي منه ابدا مهما كان وأطرده من محلك طردة كلب00

لانه اذا افترضنا على احسن الاحوال انه مجرد انسان متطفل خله يقول ان
هذولاء ( مهب صايحن ):confused: ، ولا عليك منه ومن رأيه 0

اما اذا كان به ( وقش ) خله يروح للي وراه ويقولهم انحاشوا هذولاء
ابياكلونا:mad:

وهذا والله من واقع تجربه شخصيه 0

تحياتي ،،،

[بركان]

موضوع شيق ومفيد

ارى بانه من الاهمية اعادة قراءة رد الاخوين (الاسود) و (عبار درب)
ففيهما فائدة كبيرة تنم عن خبرة ودراية .

حتى وان كنت اختلف مع الاخ /عبار عندما اوصى بعدم اظهار الاسلحة امامه , فانا ارى اهمية
اظهار الاسلحة امامه وتنظيفها لكي يعلم بانه في مجلس رجال ولديهم ما يحمون به انفسهم فقد يتردد
كثيرا في القيام باي عمل الآن او في وقت آخر اذا علم بان هذه المجموعة مسلحة.

التحية للجميع

[راشد ابراهيم]

[اخواني الكرام
السلام عليكم ورحمة الله وبركاته
اسأل الله ان يحفظكم جميعا ،واذكركم بقصة الراعي السوداني الذي حاول خطف بنت كانت مع والدها واهلها في البر وبالتحديد في الطوقي فلولا الله سبحانه ثم الكشاته والكنوود لصار مالا يحمد عقباه والحمد لله وحده وقد اعلنت الصحف في حينه الخبر بالقبض عى السوداني من قبل اسود البر المخلصين ،ولذلك احذر من دخول الاماكن البعيدة في البر مع الاهل ،
-كذلك وضع مفتاح لكهرباء السيارة يغلق وقت النوم
-عدم النوم في المكان الذى تأكل فيه اي ضع اغراضك في مكان ، وجلستك في مكان ،وتناول الاكل في مكان ومنامك في مكان وهذة طريقه يعملها اجدادنا في السابق، وهذا من التمويه وتفويت الفرصه على من اراد الشر باستكشاف المكان واشعاره بالكثره ولكن لايكون التباعد كثيرا وانما تحت النظر ، وبهذا يكشف الزائر من كثر التفافته وقد ذكر الله عز وجل في المنافقين (ولتعرفنهم في للحن القول)
-كذلك التفرق اثناء النوم اي يكون بين الشخص والاخر مسافة مترين اوثلاثه
-كذلك استخدام (كاشف زائر الليل وهو عباره عن وتر يحاط به المكان بشكل فني ،وهذا يحتاج تفصيل
والله يكفينا بحلاله عن احرامه ويجنبنا اهل الشر والغدر

[عبار درب]

المسألة وانا اخوك مهيب استعراض فالحنشل اذا سطو ماعندهم مانع في المجازفه وتفك روحك بالتصرف الحكيم، وانا يوم اقول لايشوف السلاح لأن السروق يلفت انتباهه الأشياء الثمينه ومنها السلاح ، والأستعراض بتنظيف السلاح يدل راعي النية الخبيثة ان الي قباله مدلهين بأسلحتهم ولذالك يسطي وانا اخوك
والي يتصرف صح يفك عمره بدون سلاح ، والسلاح لا يولجئ اليه الا اذا انتفت الحلول الأخرى والمسؤلية تبقى عليك شرعاً ونظاماً حتى في حال الدفاع عن النفس وهذي قصه صارت لي اعرضها لكم يمكن احد يستفيد منها
في عام 1418هـ كنت في الصمان انا واخوي وولدي 14سنه يوم الجمعة ليلة السبت (سنة الفقع )اي ان اغلب الكشاته ردو لأهلهم في هالحاله لايمكن ننصب الخيمه الى في الليل ونغير محلنا الي امسينا فيه المهم نصبنا الخيمه في محل واطي حوال ظهرة الحمارة ونمنا اخوي نومه نوم ذيب اخر الليل صحاني اخوي قال فيه ناسى عند الخيمة قلت له اطلع شف وش يبون وطلعت انا من تحت الرواق من خلف الخيمة ومعي السلاح وصرت عند سيارتنا مايشوفوني سألهم اخوي وشد عندكم يالخوان قالو وين المحطه قالهم اقضبو هالخطوط وتاصلونها قال واحد منهم انت لحالك هنيا برزت لهم من ورى سيارتي يشوفون راسي ولا يشوفون يديني تشكرو لخوي وتسهلو
على كل حال المسألة مسألة حسن تصرف وليس تهور فالخيرين اكثر بكثير من ضعاف النفوس
والسلام

[حفرلوجيا]

أكتب ( أرد ) على جميع الاخوان الذين تفاعلوا مع هذا الموضوع .. ويعلم الله أنني أكتب بدافع ( النشوة والتقدير ) , كيف؟

طالما أن المنتدى لديه أعضاء من هذا النوع .. تعجز وتبطي المواقع والمنتديات المستنسخة ( تحتك ) بمكشات وتفكير أعضائه.

منذ بدأت أشارك في هذا المنتدى وأنا أكبر كثيرا من الأعضاء .. وأقف لأفكارهم ( النيرة ) وحسن الإفادة من تجاربهم وخبراتهم والمعلومات التي تكتنزها عقولهم إحتراما.

وبمراجعتي لكل الردود وجدت في هؤلاء مايدعوك إلى تقديرهم .. بل انني وغيري نبشر المنتمين لهذا المنتدى بإنضمام ( جدد ) على مستوٍ راق .. ويزيد الكاتب تشريفا أن تكون اوائل مشاركاتهم في هذا الموضوع .

اعود لفكرة الموضوع الرئيسية واقول إن أفكار جميع من شارك برده أعطت الفكرة زخما ( تجاربيا ) سريعا وضخما كبر الموضوع ( من الردود ) بعيني .. وأظن انني بحاجة إلى المراجعة المتأنية بعد إكتمال بقية الردود والتجارب المتوقعة من بقية الإخوان لألخص الموضوع بعد فترة محددة من الوقت .. هذا إذا لم يتفوق أحد الردود ويتولى هذه المهمة .

مع الشكر والتقدير لمن تابع وتفاعل وشارك وسيشارك بخبرته في هذا الموضوع .

[* رمش العين *]

السلام عليكم ورحمة الله وبركاته
تحية احترام وتقدير لك اخي المبدع دائماً ابو سليمان ولجميع الاخوة الاعضاء
لقد ساهم الاخوة في هذا الموضوع ولكن مايزل هناك المزيد والمزيد من اصحاب الخبرة والتجربة نود ان يتفاعلوا مع الموضوع ويدلو بدلوهم ومن حبي لمكشاتنا الغالي احببت ان اضيف هذا الموقف الذي حصل لنا في كشته قبل ثلاث سنوات شمال اعيوج لينه والكل يذكر تلك الفترة التي حصل فيها اعمال اجراميه من بعض المتسللين من العراق في الدهنا والصمان وبعض مناطق الشمال .
بداية القصة كنا اربعة شباب زي الورد ومعنا سيارتين شاص وربع وكان واحد من الشباب وهو اضخمنا جسماً ولكنه شديد الخوف واول مرة يكشت معنا وفي بداية كشتتنا كنا نسولف عن الذايبة ونروي بعض القصص التي حصلة للقدماء مع الذيابه وحاول صاحبنا يوقف حديثنا وطلب تغييرة ولكن من باب العيارة والمزح استمرينا في الموضوع ضنن منا انه يمزح وبعد السمر توجهنا للنوم وفجأة صوت خوينا كبير الجسم وقال ياعيال والله اني اسمع صوت الذيب وما اهتمينا من كلامه لكن يوم انه لزم علينا نركز بالصوت وركزنا واتضح ان الصوت الله يكرمكم صوت (( حمار بعيد شوي )) وتروح ضحكه الي يومك ، المهم نرجع لموضوعنا اليله الي بعدها طولنا السهرة شوي يعني تقول اننا صرنا الساعة 11 مساء ونستعد للنوم والي نشوف زول رجلين من بعيد والدنيا هاجدة ما فيه بالمنطقه غيرنا على خبرنا العصيرالمهم حاولنا نهدي خوينا ونخلي الامر طبيعي وطلبت من واحد من الشباب يسحب المسدس ويخليه بجنبه وانا ركبت الموتر وكان من توفيق الله موجه عليهم ويوم انهم قربو وانا اكبس النور العالي عشان اتبين وش هالرجاجيل وهل وراهم احد وهل معهم سلاح بين يوم صوت حداهم وقال حنا منكم حنا مانب عراقات قلت لخويي الي معه المسدس ماعليك من هرجهم وخلك حذر ولا تسرع يوم قربوا واثرهم اثنين من الشباب الملتزمين يجولون على الكشاته وينصحونهم ويذكرونهم جزاهم الله خير ولكن الحذر مطلوب .

[al-nashmi]

Originally posted by عاشق الجبال
السلام عليكم ورحمة الله وبركاته
تحية لكل اعضاء مكشات
اخي الكريم حفرولوجيا متميز بطرحك للمواضيع جزاك الله خير

انا حصلت لي قصة بالصمان تحديدا بالدبدبة كنت برحلة قنص للدحاريج وبرفقتي ابني الصغير الذي يبلغ
من العمر 5سنوات وذلك قبل 6سنوات تقريبا بعد ان تعمقت بالدبدبة تقريبا 20 كيلوا متر وقربت لمكان
الصيد اذا بسيارة هايلوكس موديل اعتقد انها 86 غمارة واحده اشر لي بالوقوف فتوقفت (المشكلة ان
معي بندقية شوزن ام طلقه واحده كانت غير جاهزه ) توقفت السيارة عندي بادرته بالسلام فلم يرد علي
احد نزل شخص كبير بالعمر والجسم عليه ملامح الشر بعيونه مترجلا نحوي عندها قلت في نفسي
لو ان هذا المصيبة التوى على الدركسون الله اعلم مايفكه الا اكسجين كانت السيارة شغاله ومعشقك القير
بالاول اقترب مني اكثر وهو يحت الغبار من على جسده والباقين داخل السيارة ينتظرون الصيد الثمين
(انا وابني) واخوك يشيل السيارة شيل عند الله خبرها (المشكلة لو طفت السيارة والبندق مففككة)
الا ويصير المكان سحابة من الغبار وخوياه يقربون له ويشيلونه واخوك يحط رجله باتجاه الاسفلت
وهم يحطون وراي موتري كان ام اعزيز موديل 92 وبدون تهدئة هذا خط يشيلني وهذا مطب اشيله
(خايف يكون معهم سلاح ) وهذا انا وهم معي لين وصلت الاسفلت وبعد مافرقت عنهم مسافه اشوفهم
ركبوا الاسفلت ويحطون وراي وعملي علمك الى اليوم ماادري وين راحوا

اخواني الحذر واجب خصوصا في المكان الخالي خل سلاحك جاهز وتوقع اسوأ الاحتمالات

لااضيف على ماقدمه الاخوة الاعضاء من نصائح فقد قدم كل منهم مافيه البركة



اخونا حفرولوجيا .....

مشكور على هالموضوع..

يا اخوان البر مثل المدن فيه الصاحي وفيه السكران فيه الخير وفيه الشر...... والكن الحمدلله اهل الخير اكثر بكثير من اهل الشر....

و كما تعلمون يجب على الانسان ان يحتاط وتوكل على الله قبل كل شئ..

ويدعوا بدعاء نزول المكان ويقراء اوراده واذكار المساء والصباح........... والحافظ الله سبحانه..


واحب ان اذكر لكم قصه حدثت لي وواحد من ربعي مشايه لقصه اخونا راعي الجبال...

القصه هذي حدثت في ربيع عام 1415 كنا ماشين من الجبيل الصناعيه الى منطقه الشمال طريف تحديدا
وكان موترنا كابرس موديل 90 ، ورجعنا عن طريق رفحه لينه_ساموده البطيحانيه، مدينه الملك خالد العسكريه.

وفرقنا من عند المدينه العسكريه عبر طريق السفانيه وبعد 80 كم من ممشانا فرقنا يمين الخط باتجاه الجنوب ومشينا مع خطوط سهله جدا مسافه 10كم تقريبا وقنا كانت الاجوا جدا ممتازه وربيع في قمته والهوا عليل
لا برد ولا حر ، الوقت قبل الغروب بنصف ساعه نزلنا معاميل القهوه وصلحنا قهوتنا وصلينا المغرب والعشا جمع تقديم وبعد الصلاه تقهوينا وتمددنا شوي وكنا فاتحين شنطه الكابرس عشان نور لمبه الشنطه ينور علينا،
ترانا ناوين نتقهوا ونمشي للجبيل.
ومع الضحك واسوالف وكل واحد يطلق ارانبه ( المتخرمات... اللي تخبرون تجي في البر وفي السفر) على الثاني:D :D :D

فجاءه!!!!!!!!!!!!

-
-
-
-
-


الا ذاك الجمس حوض لونه حمر يوم سفط علينا..... والا عليه اثنين متلطمين اللي توالينا الراكب.
والله انا ناسي هالحين هو سلم ولا لا الوكاد قلنا لهم اتفضلوا ما ردوا ؟؟؟؟؟؟
انا في هذه اللحظات طمرت للموتر اجيب المسدس حاطه على مرتبه السواق.
ومع قومتي لحظت الراكب الايمن على الجمس متحضن رشاش ...ايه رشاش شوف العين. ويقول للشواق حرك بسرعه، مشوا من عندنا بنفس الاتجاه اللي جو معه !!!!!!! ومشو لين اختفوا عنا ورى حزم صغير ما هو بعيد عنا يجيله 2كم تقريبا

قلت لخويي شل عدتنا مشينا بسرعه ونا اشغل الموتر قال خويي وش فيه قلت مشينا الكلام بعدين،
وممدانا نشيل شنطه العزبه والزوليه الا الجمس راجع مع دربه
والله وننحر الزفلت ممدانا نمش شوئ الا الجمس ورانا ونطير بين السماء والارض مطب فوق وحفره تنزلنا تحت( جري الخوف ولا جري الطمع مثل ما يقولون) والكابرس يقوم يبرم من السرعه يبي يطلع من الخط
وحنا وياهم على هالحال ونا ننتظر اطلاق النار ومن وين الرصاص بيجينا.

تراهم بهالوقت يبون يسقطون علينا بس خويي سكر عليهم الطريق واعماهم بالعجاج والغبار الكثيف لين اقبلنا على الزفلت ويوم وصلنا الزفلت وهم يهدون ويرجعون مع دربهم..
وحنا ما وقفنا الا بحي الفناتير بالجبيل
والله كفانا شرهم.... والحمد لله.

هذا اصعب موقف مر علي في البر... من هالنوعيه..


وسلامتكم

اخوكم النشمي

[بليزر]

موضوع يستاهل هذا العدد من المشاركة وقد قمت بحفظه حتى استفيد منه ويستفيد غيري
وجزاك الله خير يا حفرلوجيا

[ابو ســــاره]

اخواني المكشاتيين ما يجي منكم الا كل علم غانم انشالله ،،،
الله يعافيك يابو سليمان على هالموضوع ،،،
وبدون كثر هذر احب اضيف لكم فكرة حلوه اخطرة في بالي يوم قريت الموضوع وقريت ردود الشباب والفكرة مثل ما قالو الشباب تستخدم جهاز الانذار حق السيارة بس ان تشيل الحساس من محله وتنزله بالارض وتوصله بسلك مثلاً حق صيد السمك وتخليه دار ما دار حولكم واي شخص راح يقترب للمخيم راح يشتغل الانذار وتصير مسرحية .

والله يكفيكم الشر ،،،

[الرايق]

بصراحه كل رد احلى من اللي قبله الله يعطيكم العافيه

[سيف السيف1]

مشكور حفر لوجيا على الموضوع الرائع..
فعلاً الله لايجيب ساعة الشر, ردود الأعضاء اجبرتني على قراءة الموضوع أكثر من مرة ..
من قراء تي للقصص التي حصلت للشباب اقول:
إذا كانت المسالة سرق فك روحك مادون الحلق إلا اليديبن:mad: وهنا يأتي دور السلاح.. الله لايجيب ساعة الشر ,, أما اذا كانت فتل شنبات ومضاربه فأنا أرى أن بعض المشاكل تأتي من الشخص نفسه بعض الشباب الله يهديهم ما يعرف عادات وسلوم العرب مثلاً تلقاه خرمر رايح جاي من عند البيت ( بيت الشعر) أويطب على البيت نصف الليل ويجفل بكسرالفا البل والغنم ولا كأنه مسوي شي!!!!, هذه التصرفات تثيرأعصابهم بلا شك
:mad: مره من المرات كنا في العلا ندور أرنب كنت راكب خويي إيسوق نزلنا وسط شعيب آخر الليل وفيه بيت شعر كلمت رفيقي تجنب البيت والبعارين :o خويي دوير بوسط البيت مشينا أشوي ولا السيارة ورانا يكبس وقفنا وش عندكم وش ماعندكم الرجال فاتن امعذور لحظة وقفت سيارة ثانية؟ الرجال تراجع طبعاً أخويانا;) فامن هذه التصرفات تأتي المشاكل
بعض ردود الشباب أجد أن بها مبالغة شوي واحد يقول الي يجيك لاتعطيه وجه بالعكس رحب وهلي وخذ إعلومهم وش عندكم من الحلال وهلم جرا, بعض البادية يجي ما هو حب بالقهوة ولا الأكل الحمدلله كلن شبعان لكن يبي إيشوف من هلي سكن حوله وش هم من إرجال .. بعض الناس حساس جداً إذا أقبلت سيارة البدوي قال خله عنك لايقلط عندنا :what: :what: ليش خذ إعلوم وعط إعلوم وكون صدقات معهم تستفيد فائدة كبيرة ..
كشتة من الكشتات واحد من الشباب معه مسدس يوم جاء النوم حط المسدس تحت الوسادة :good:
يوم قام الصبح ما لقاه:D
-
-
-
-
-
-
لقاه عند رجليه الله يكرمكم:confused:

[نمر بن حثلين]

يا مال العافيه كل ابوكم وكفيتو ووفيتو

ومثل ما قالو الربع الحذر مطلوب بكل الاحوال

واشوف بعض الشباب اذا كشت يكون على نياته بالكنود ويجاوب بكل سذاجه مع انه يطيح بناس اسئلتهم ما تطمن مثل وين موقعكم ؟ وكم انتم ؟ ووين رايحين ووين جايين ، وكم بتقعدون ، ووشهي مواتركم ، وانتم كشاته ولا صياده <<< عشان يدري معك سلاح

وحتى لو كان الشخص الي تراسله رجال شراوك ما تضمن انه به حنشل ابن كلب مطفي النور معكم وياخذ علومكم

لذلك لا تعطي جواب محدد والي يسئلك عن الموقع اقلعه عن مكانكم 20 كيلو واذا قال كم انتم لو انكم 3 قل حنا 30

[بركان]

((((بعض ردود الشباب أجد أن بها مبالغة شوي واحد يقول الي يجيك لاتعطيه وجه بالعكس رحب وهلي وخذ إعلومهم وش عندكم من الحلال وهلم جرا, بعض البادية يجي ما هو حب بالقهوة ولا الأكل الحمدلله كلن شبعان لكن يبي إيشوف من هلي سكن حوله وش هم من إرجال .. بعض الناس حساس جداً إذا أقبلت سيارة البدوي قال خله عنك لايقلط عندنا ليش خذ إعلوم وعط إعلوم وكون صدقات معهم تستفيد فائدة كبيرة ..))))


كلام عاقل وكبير !!!

تسلم على هذا الراي الصائب يا ابو فارس

[al-nashmi]

[i]Originally
كشتة من الكشتات واحد من الشباب معه مسدس يوم جاء النوم حط المسدس تحت الوسادة :good:
يوم قام الصبح ما لقاه:D
-
-
-
-
-
-
لقاه عند رجليه الله يكرمكم:confused: [/B]




ابو فارس ولا يهونون باقي الشباب..............

اعجبني ردك...... عين العقل..... وتحكم العقل والمنطق في التعامل مع المواقف المختلفه..



ابو فارس:D :D :D :D

اضحكتني على هالصبح الله يضحك سنك..... شكل خويكم هذا تحفه...... زين يارجال ما ثار فيه المسدس...ههههههههههههههااااا

وتقبل تحيات اخوكم النشمي

[فايز العامر]

السلام عليكم ورحمة الله وبركاته

موضوع يحتاج للرفع ،، فالوقت وقت كشتات خصوصاً وحنا مقبلين على عطلة .. أسأل الله أن يحفظنا وإياكم من كل شر.

قبل كم اسبوع صارت حادثة خطيرة فيها سرقة ومحاولة قتل لراعي زيادة على طعنه لتشويهه وفقع عيونة الثنتين وبعدها محاولة سرقة لسيارة احد البادية اهل الحلال اللي في الصمان... لكن الله سلمهم من الموت.. ولا ادري وش صار بسيارته اللي اعتقد انها انسرقت..


اللي ابي انبه عليه ... ان الموضوع خطير وكثر في هالأيام..

والحذر واجب ...

[ابو مروان]

السلام عليكم ورحمة اللة وبركاتة افضل طريقة ان الشخص لايولع نور ويخفى النار مثلا اشعال النار فى طرف جرف لان النار تجيب الى بعيد حتى لو كان الشخص سكران والحياذ باللة يجيك لشاف النار من بعيد ويخرب عليك الطلعة كلها

[المشراق]

الله يعطيكم العافية ويحمينا وإياكم من كل سؤ وشر وكل ماقيل صحيح والحذر واجب وأهم شيء إختيار موقع الممسى 0

[طير استراحه]

والله انه موضوع قوي ومهم بس اعتقد ان اهميته تكمن في توقيت ومكان مكشاتك او مقناصك ..
يعني زي ماتفضل بعض الاخوان ان كنت باحدى الاماكن المعروفه ماعليك خوف ان شاء الله ولو هي بعيده وهذا يرجع لكثرة الكشاته وتقاربهم لبعض بوسط الفياض ولكن المشكله تكمن زي ماتفضل ابو سليمان بالحدود والبيات بالعراء وحيدا وسط مكان مكشوف ...
واعتقد ان تجنب السيارات الفارهه بالمقناص احسن والاكتفاء بسيارات توحي انك من سكان المنطقه ولست زائرا يعني مثل الضب وين مايروح يتكيف مع المكان اللي هو فيه وترابه ...
لانه بصراحه رؤية جيب لكزس او في اكس ار جديد تلفت الانتباه لكن لو افترضنا انك معك شاص قديم مخصص للقنص يمكن يكون انطباع عكسي يعني الحرامي هو اللي راح يدور الفكه ويهج منك.. ولاننسا ادعية حبيبنا محمد فهي سبب حفظ الله لنا

[الفتى المجازف]

الاخ الكريم /حفرلوجيا<O:p< p O:p<>

اشكرك شكراجزيلا على موضوعك القيم والمميز ولا انسى ان اشيد بردود جميع الاخوة ومشاركاتهم المتميزة.<O:p< p O:p <>

ان موضوعا كهذا يستحق ان يظل مثبتا في مكشات العامة لاسيما ان الموضوع يهتم بالأمن النفسي والشخصي والبدني لجميع المهتمين بالرحلات خصوصا ان الرحلات لاتكتمل السعادة والراحة فيها الا بوجود هذا العامل الامني للرابط الكبير بينهما, من هذا المنطلق وددت ان نرتقي بطرحنا وان لانجعل لذلك الهاجس مجالا يتمخطر بين جنابتنا ويحرمنا متعة الرحلات والنزهات بحجة وجود لصوصية وقتل وماشابه<O:p< p O:p<>

اننا حينما نجعل من ذلك الشيء هاجسا يتربص بنا اينما ذهبنا واينما حللنا لا بد وان يؤثر على سلوكياتنا واشدد على ذلك ويجعل منا اسيرين لذلك الهم طوال رحلتنا وحتى وصولنا الىمبتغانا<O:p< p O:p<>

لاشك عندي وعند الكثيرين ان الوقاية خير من العلاج ومتى وجدت الوقاية النفسية والبدنية والايمان بالقضاء والقدر وانه لامفر منهما لا بد لنا ان نجمع المتعة والسعادة والراحة في رحلتنا, ومتى ماجعلنا هاجس الخوف والترقب مسيطرا علينا كان هناك هما وخوفا يظل مسيطرا على تصرفاتنا وسلوكياتنا اثناء رحلتنا<O:p< p O:p<>

ان من اهم الوقاية النفسية والامنية اليومية الموجودة لدينا والتي اوجدها لنا الشارع الحكيم وهي مستخلصة من كتاب الله وسنة رسوله المصطفى صلى الله عليه وسلم اذكار الصباح والمساء هي درع واقي بمشيئة الله وحوله وقوته لمن تملك الخوف والتوجس قلبه إنها تبعث الطمئنينة والراحة والسعادة لمن اخذ بها وآمن ايمانا كاملا بها وعلم ان الله سبحانه وتعالى هو النافع وهو الضار.<O:p< p O:p<>

كذلك لاننسى ان نزولك بأي مكان له ايات واذكار تبعد عنك كل هامة وطامة رب انزلني منزل مبارك وانت خيرالمنزلين ثلاث مرات<O:p< p O:p<>
<O:p< font O:p<>


كذلك اعوذ بكلمات الله التامات من شر ماخلق ثلاث مرات<O:p< p O:p <>
كذلك بسم الله الذي لا يضرمع اسمه شيء في الارض ولا في السماء ثلاث مرات

فيا اخواني لا تجعلو من الحبة قبة ولا تجعلو للخوف مكانا بين خلجات صدوركم وكونو على يقين بأن مااصابكم لم يكن ليخطئكم


واعود للقصص التي وردت فااقول لابد لأي شخص صاحب رحلات للبر يجب عليه ان يكون صاحب نظرة فاحصة ودقيقة يعرف الشارد والوارد يميز الغث من السمين يتميز بالفطنة وسرعة البديهة.<O:p< p O:p<>
واذكر ان احد الاخوان تعرض لموقف بسيط ولكنه معبر وكان ذلك الموقف في النفود الكبير وكان الموقف تقريبا عبرجهاز الايكوم مبدئيا وكان ذلك في الليل اخينا فر على العامة ولقى واحد يستغيث ياناس ياناس البنزين منقطع فزعتكم انا في النفود الكبير انا في المكان الفلاني

وهذه احداثياتي للي يبي يفزع تكفون تكفون صاحبنا تراسل معه اطلع خمسين طلع ابو تكفى خمسين سم آمر وشالمشكله قال البنزين منتهي والسيارة متوقفة وابي بنزين قال له عطني احداثياتك بحسن نية المهم عطاه الاحداثية وسجلها على القارمن طلعت المسافة 25كيلو وفي نفود وليلا اخينا قال دور على احد قريب منك قال انا من المغرب الى ساعتك هاذي وانا ادور على احد يرد مالقيت جابك الله ياالاجودي لاتضيعني تكفى قال له انا مااقدر ربعي ماعندهم سيارة ولا اقدر اخليهم لوحدهم بذا الليل. رد عليه وكرر قاااال سياره وحده ولاتقدرتخليهم!! يقول كررها مرتين وطقني قلبي ركزت في ابراج الارسال لقيته قريب مهو بعيد وانا مسكر التشويش بعدها حسيت احساس داخلي انه مهوب مضبوط.

طبعا هو يقول شكيت بعدماشفت ابراجه قريبه انه معطيني احداثية بعيدة بحيث اذا تحركت السيارة في ذا الليل رصدوها من موقع انطلاقها يقول سكرت جهازي وسكرت القارمن وطفينا النور واذا بنا نرىسيارة تدوج وتدوج استمرت تدوج لمدة ساعتين نورها ياما طالع ياما نازل


يقول اعدت تشغيل الايكوم واذا به يصوت ياللي تفزع وينك تراي في ذمتك تكفى يقول وانا مسكر التشويش ابراجه فل يعني كامله. يقول يالليل مااطولك يقول حنا ثلاثة خلينا واحد يحرس ونمنا تناوبنا وعدت الليله على خير<O:p< p O:p<>

يقول بعد ذا الموقف قررت الا استخدم جهاز الايكوم الا في حالات محددة ومعينة, طبعا انا لااعمم موقف صاحبنا تعميما مطلقا ولكن اقول الحذر مطلوب خصوصا عند التعامل باجهزة النداء لأن فيها الغث والسمين. فيها الصالح والطالح <O< font><O:p< p O:p<>

وسأعرض بعدها لكم في وقت لاحق قصتي شخصيا في الثمامة وماتعرضت له ولكن الله سلم<O< font><O:p< p O:p<>

تحياتي للجميع<O:p< p O:p<>
</O:p<></O:p<></O:p<></O:p<></O:p<></O:p<></O:p<></O:p<></O:p<></O:p<></O:p<></O:p<></O:p<></O:p<>

[SilverSniper]

أشكرك يابوسليمان على دررك المنثورة... موضوع اللصوص ووجودهم وتعرض الكشاته لهم أمر وارد.. ويجب على الكشات أخذ ذلك في الحسبان وأخذ الاحتياطات اللازمة لذلك.. ولكن قبل كل شيء... لا... لا .. لا تتسرع أخي الكشات في استخدام السلاح...
أنا أعتبر وجود السلاح أمراً ضرورياً.. ولكن فليكن الحل الأخير دائماً.. يعني آخر الطب الكي.. واستخدمه للتخويف أولاً.. تجنب إصابة اللص.. وان كان لابد فلا تصبه مع مقتل.. أخذ الروح البشرية ليس سهلاً.. وان كانت روح لص..
أنا آسف يا بركان ولكن أعترض معك في مسألة إظهار السلاح أمام الضيف.. لأنها استعراض فرد عضلات لا لزوم له على الضيف الحقيقي .. وابداء لخوفكم منه في حالة كونه لصاً وحمله على عمل احتياطاته أثناء السرقة من احضار سلاح أو أعوان.. تصرف على سجيتك.. ولا تخش شيئاً..
أنا لم أتعرض للسرقة ولكن تعرضت لبعض المضايقات أثناء الصيد.. ولم تصل لحد إظهار السلاح ولله الحمد.. أحمل مسدس بيريتا 9مم استخدمته مرة في قتل ثعبان في إحدى جلساتنا..
--- أتمنى للجميع كشتات هانئة وشكرا ---

[ابوعروب]

موضوع مفيد وشيق جدآ

احد الشباب من ربعنا راعي قنص وصقور ويطلع احيانآ لوحدة كما يقوم بذالك راعين الصيد
طلع قبل كم سنة لوحدة في منطقة المعيزيلة القريبة من رفحا وكان لوحدة وبرعاية الله سبحانة وسوفى يلتقي ربعة بتلك المناطق بعد مبيت ليلة لوحدة
اوقف السيارة وطبخ عشاة ثم عشى طيرة ووضع الطير على مسافة منة وفك البرقع عن الطير ثم توكل على الله ونام وبجانبة ام خمس وفي اخر اليل سمع الطير يكفخ ( يحرك جناحية) واحس بحركة غريبة قرب السيارة وفزع من نومة وصرخ بذالك الزول الغريب لاتتحرك واشهر ام خمس علية وكبس نور يدوي على اللص حتئ يشاهد السلاح ويخاف وقال لة وش عندك فرد علية طائر الضلام الثقيل اريد ما عطشا ن وجوعان الله يجزاك خير ثم اعطاة ما واكل وقال لة امش امام السيارة بشكل مستقيم ولا تتوقف اوتلتفت واضاء انوار السيارة حتئ يراة وهو يمشي 0ثم جمع عفشة بسرعة وعينة على اللص مكشوف بنور السيارة وركب الشاصي وابعد مسافة 20 كلم عن موقعة ونام وسلم الله علية

[سيد النشاما..]

السلام عليكم ورحمة الله وبركاته
الصراحة موضوع ممتاز ولو به شي قبل الممتاز كان قلناه
مشكورين
والله يكفينا وياكم الشر
تطلع وترجع بالسلامة والعافية والصحة المستصحة
....(طيب الساكتون ماينفع):) :)
يطخه بس مايعوره :j

[سيد النشاما..]

أعود من جديد
لأني ذكرت قصة أحد أقاربي
يقول:أنٌا6 أشخاص ومعنا3سيارات
2جيب ومعنا شاص فيه خزان الما وألف لتر بنزين والعزبة وكل اثنين في سيارة
وللمقناص في الربع الخالي وصلنا هناك وتعطل علينا الشاص (صليب عامود)صار اثنين يجلسون عند الموتر(الشاص) والباقي يروحون يتقنصون ويرجعون
يقول وعلى ذالحال طلعوا مرة ثانية يتقنصون وشوي نشوف ذيك الغبرة مقبلة علينا

وكل مالهاوتقرب لين وضح مواترهم شاص وجمس دفرنسين يتلا حقن وهي مقبلة عطينا اخويانا اشارة قلنالهم تشفون هالمواتر قالو لابعيدين عنكم قلنا أجل تعالوا بسرعة
وحن اثنين يقول من باب الحذر مع ذالك أخذ عدة احتمالات
طلع خويي بسلاحه ورى طعس صغيرمن اليمين وانا بسلاحي مقابله من اليسار
نحتري ذولي اللي جوك وغبرتهم وراهم وصلوا سيارتنا وتعدوها وشوي الا وهم راجعين لها
(( ويحول سائق الشاص بسلاحه)(غبي جداً) والراكب مامعه شيء وراعي الجمس هم ثلاثة
وانا احتري اشارة من خويي هناك
قام خويي وطلق له كم طلقة في الهوا
ونا ماعندي صبر.. يوم شفته محارش سلاحه
ويجي دوري وفر الرشاش حول رجليهم
شافونا معزمين ويرفعون يديهم وذا اللي نازل بسلاحه قطه فالارض يصايحون لا لا لا
قربنا يمهم وهم على بعد عشرة امتار( يعني صار بينا وبينهم 10 امتار)
قلنا لهم وش جابكم فيذى .. وش انتوا.. من وين انتوا
وش تبون قالوا نبي بنزين قلت لسائق الشاص انت نازل بسلاحك تبغا بنزين بالغصب شايفنا قواطي عندك؟؟ لا تعودها ياشاطر مرة ثانية
عاد وصلوا أخويانا وصار بعض أخويانا يعرفون بعضهم
حصلنا معهم صليب لذا البليٌة المتعطل وصلحناه
وتمت بحمد الله
آسف على الإطالـــه


أشكر كل الشكر لأخي حفرلوجيا على هالموضوع..وكفاكم الشر

[ا س ح ... 326]

مشكورين موضوع صراحه خــــــــــــيــــــــال


الله يجزاكم خير

[تواق]

اشكر المبدع دائما حفرولجيا على موضوعه


كما اشكر كل من شارك فيه واضاف الي من تجاربه الى رصيدي


مشكله السلاح هو شر لابد منه حيث انك لا تسلم من تبعياته القانونيه في حالته خلاصك من المشكل الاول خصوصا

اذا الى قتل لاقدر الله


عاده اتبع طريقه وهي اني اتجنب الاماكن المؤهوله بسكان او الطرقات

اقوم بصعود الى اعلى مرتفع كاشف واقوم بمسح المنطقه بدربيل واعرف طبيعه الارض وافضل الاماكن للمبيت

دائما في هذه المواقف استخدم الدهاء وظبط النفس فكم من موقف انتها بفضل الله ثم بفضل الحكمه والتروي

وحصل لنا في موسم الصيد بصقور الموسم الفائت احد اخويانا معه اغزكم الله سلوقي وكنا قانصين الجنوب


وادى هذا السلوقي دور اكثر من المطلوب منه وهو الصيد فكان اي احد يقرب سياراتنا في اليل يقوم بتنبيهنا

من مسافه عبر سفونيه نبااااااااااح متواصل

[rayiig]

كفيتو ووفيتو

ماقصرتو على هالنصائح الجميلة جدا

[talal1424]

الحذر يا إخوان وخصوصا المناطق القطوع

لا يمشي الرجل لوحده وبدون سلاح
خصوصا وقد نهى الرسول صلى الله عليه وسلم عن مشي الرجل لوحده ليلا
وكذلك ذكر أن المسافر شيطان والمسافران شيطانان والثلالثة ركب

المهم يا إخوه سأذكر ماحدث لي في رابع أيام عيد الأضحى المبارك من هذه السنة 1426 هج

كنا كاشتين جهة الصداوي وتحديدا فرقنا من معرج السوبان غرب إلى أن وازنا هجرة أم الكداد ثم أشملنا قطوع يجي 30 كم.

والخلاصة إني قررت العودة لوحدي على جيب باترول يوم الجمعة ضحى حول الساعة 9 صباحا وكان الجو غائم وممطر مطر شديد والسما ديمة ماشا الله كنك قريب المغرب....

والقارمن كما تعرفون مايشتغل والسما صاكه تماما، والمنطقة مثل من يعرفها من جاها قرعة لا مارية ولا علامات أرض مهمهية مجنونة ...(لا وبعد غيم ولا من شمس) تتوه من ولد فيها خل الي يجيها كل خمس سنين مرة.

المهم إني وجهت الموتر علىظني إن هذا الطريق يسقط على خط القاعدة...
ولا والله الدعوة طولت ولا قارمن ولا جوال يشتغل ولا شمس تعرف بها غرب من شرق..

وللحديث بقية....................................

[دله وفنجال]

السلام عليكم...
دائماً يابو سليمان مبدع في مواضيعك وأرائك....
اما من ناحيت الحرامية والحنشل فهذي قصة حصلت لي انا وشباب شخصين قبل 10 سنوات وبتحديد بصمان عندما ضيعنا فيضة حسنا السبق بسبب غلط بلأحداثيات .
المهم الاحداثية ودتنا لم منطقة لم نأتها من قبل المهم اننا تشاورنا وقررنا اننا نجلس بلمكان هذا ونتغدا ونعين من الله خير ونمرح ومن اصبح افلح وفي أثناء السوالف والوناسة والبسطة وبعد كبسة غداء يحبة قلبك ألا وهذي السيارة الي توقف وينزل هاك الادمي وطبعن بدون السلام ولا الاستأذان بلجلوس . الادمي جلس وقمنا بواجب الضيافة وقهويناه وفي هذة الاثناء قام يسئل ابو الشباب عدة أسئلة منين انتم وش أصلكم وش فصلكم وكان في نفس الحضة خرازة مركية على احد المواتر التفت وقال مامعكم الا السلاح هذا ( حنا بطيبتنا بغينا نكب العفش ) ألا وينقز واحد من الشباب ويقولة لا معنا رشاش ألوقت الزوم . هز براسة الرجال ومشى من عندنا خوينا شب علينا ألا نمشي من المحل .وبلفعل مشينا من المكان...
لاكن لو جلسنا أبمكاننا تتوقعون وش راح يصير...

[odyssey]

بسم الله الرحمن الرحيم


اولا اشيد بمشاركة الأسود وعابر درب ثانيا ارى انة لا يوجد لزوم لأخذ السلاح لرحلات البر واعتبر اهم سلاح هو الدين وحسن التصرف والحكمة اما الي يقول انة يتوسد مسدسة :no: فهذا من العبث الي مالة لزوم

[طخيمان]

شكرا لكل من شارك في الموضوع
لكن المشكلة اذا كان معك حريم (اذا صرتوا رجال لحالكم يهون الأمر شوي لكن البلاء اذا كان معك حريم)
وش تبي تسوي ؟؟؟
حنا بصراحة اذا طلعنا بحريم وبعوايل دائما نكون اكثر من 20 إلى 30 واحد وكل رجال معه سلاحه .

[ابو سمر]

أنا شرقت وغربت و نحن عادة إثنان ، ونبيت بالبر كثيرا وفي عدد كبير من الأماكن ، ولا أحمل سلاح على إني أملك رشاش ومسدس ، لكني آثر عدم حمله إذا كنا رجالا فقط .

الإنسان قد يفقد أعصابه ويستخدمه في وقت لا لزوم لإستعماله فيندم ويفقد حياته ومستقبله .

لكن بالحكمة وحسن التصرف وبالإستعانة بالله يقيه الله شر الأشرار .

وللمعلومية أن بعض من يسير على الناس في البر ، يعرف أن هؤلاء شباب من سكان المدن يريد جس نبظهم وإخافتهم ومعرفة مدى شجاعتهم ورجولتهم ، يهني المسألة مسألة فضول وليست مسألة جوع أو عطش ، و لن يلام هو بل يقول حضرت للسؤال عن بهائمي أو إبلي أو للشرب ، وأشوف وش هذولا ؟

فأعتقد أن الخوف في البر الآن ومنذ أكثر من ثلاثين سنة مبالغ فيه وبدرجة عالية ، خاصة بعد كثرة المراكز الأمنية و مراكز الإمارة في الهجر و ضبط الحدود .

إلا من بعض المناطق الحدودية خاصة حدود اليمن فهي خطرة بلا شك ، وحدود العراق بعد الإنفلات الأمني فيها وستتحسن إن شاء الله .

فلا تخافون يا أخوة واستعينو بالله .

وقبل مدة استوصفت محلا في أحد الجبال من أحد الأخوة هنا وذهبت له بمفردي منها 4 كيلو سيرا على الأقدام ولا شفت إلا العافية ، حتى ( سكين الخضرة ما معي ) .

فتوكلوا على الله ..

وثانيا : من حضر ليسلبك لن يحضر بلا سلاح ، فهو سيستخدم سلاحه قبل أن تستخدم سلاحك أنت ، أنت لديك ما تفقده وهو لا .

هو حرامي وأنت لا .

أنت لن تستطيع قتل قطة بدون سبب ، وهو يقتل عشرة لأنه مجرم ولا يهمه شىء .

[الوافي عزام]

السلام عليكم ورحمة اللة وبركاتة
هناك طرق يجب اتباعها قبل اختيار مكان للنوم ...............
اولا اختر لك موقع للنوم قبل ما يمسيك الليل واعرف محلة
ثانيا اذا توجهة للمكان ابدا بالدوران بالسيارة اذا كنت الحالك وكل السيارات تصير على جرتك وخذ لك كم لفة على محلك عشان يصير مكان النوم داخل الدوائر اللي سويتوها عشان لو جاك احد على جرتك تشوفة يتخبط بالليل حواليك وبتنتبة لة على طول بنورة والا بصوت سيارتة
ثالثا لا تكثر من استخدام الأنوار خل معك كشاف ويارب لك الحمد
خل سلا حك معك فاليل والنهار والساتر اللة
واللة يستر على اخوانا المسلمين

[عريدان]

أنا شخصيا مرت علي قصة مزعجه جداً بنفود ساموده عام 1422 حول هالموضوع ولكن سلم الله.

[a.الخثلان]

أيش الموضوع هذا الي ما درينا عنه


حسبي الله على شيطانكم أسهرتوني

كني مستلم خط ماسك الموضوع من أوله لآخره

وفكري مغير يشطح من الصمان إلى البياض ومن النفود الكبير إلى الربع الخالي على قصصكم هذي


لقد استفدت كثيرا من مشاركاتكم ولا أجد ما أعقب به

لكن أحب أئكد على قضية الأوراد ودعاء نزول المنزل

أحد الأدعية جاء فيه من نزل منزلا فقال أعوذ بكلمات الله التامات من شر ما خلق لايزال عليه من الله حافظ حتى يرتحل من مكانه

واما بالنسبة للعوائل فليس هناك داعي لأن يعرض الإنسان عرضه للخطر

وقد كانت العرب تقتل الرجل وتسلب ماله دون أن يتعرضوا لعرضه ( سرقان لكن فيهم شيمه )

لكن مع انتشار المخدرات وأمور الفساد فألزم ما على الإنسان عرضه لا يعرضه للخطر

كما ان استخدام السلاح ودفع الصائل لا يكون إلا بقدره وفي وقته وحاجته فلا تقتل هاربا ولا تدفع صائلا بما هو أكبر من قدره
فلو كان ضعيفا لايملك إلا سكينا فهل تقتله بمسدسك وأنتم مجموعة

وإن كتب الله عليك شيئا من البلاء فإن النبي صلى الله عليه وسلم قال ( من مات دون ماله فهو شهيد ) وهذا تربية على الرجولة وان لايقف الإنسان ذليلا

وبقي أن لايعرض الإنسان نفسه للمخاطر

وأن يتفهم طبيعة أهل البادية وأن أمور التسيير وشرب القهوة مسألة عادية بالنسبة لهم

كما عليك ان تتفهم طبيعة سكان كل منطقة

ومن وجه الرجل تتضح لك الأمور فإذا رأيت عيونه مبققه يعني حباب راعي مخدرات خذ الحذر

كفايني الله واياكم تلك المخاطر

لكن لم أرى من شجاعة رجل

أشهر بوجهه أحد المجرمين المسدس فقال له ..........بي .......ذ ...ن ....ب .......................ك

إنت كفوا تمسك سلاح وتقدم له وهو ثابت الخطوة فما كان من المجرم إلا الفرار ( ووالله إني أعرفه )

[عاشق القنص]

السلام عليكم ورحمة الله
شكرا اخويي على طرحك الموضوع
:no: :no2: بس في بعض الاعضاء وضعوا حلول غير مناسبه
كتقفيل السياره عند النوم <<<طيب كيف ادا السييياره ماقدر اقفلها مثل مواترنا لانجلرات
بدون شراع ولا ابوااب:confused:
ويقول اتفرقوا عند النوم <<مادري ننام في العراء ولا كل واحد ينصب اليه خيمه:confused:
والي يقول تغيير المكان في حالة الشك<<<< مادري احنا كل اشويه بنشيل عفشنا وبنتنقل :eek:
ويقول اظهار السلاح <<< ادا اظهرت السلاح خلاص بيدرسك دراسه :D
وكل واحد يقول كلام
منك من هو عين الصواب والاخر خطا
واحين بقوليكم قصه حدثة الي خدوها للعبره فقط
احنا شباب اعمانا ماتتعدا 18 سنه ولا اصغر من 10 سنوات
داك اليوم طالعين البر نقنص وكل واحد يمشي بسلاح شخصي غير عن السلاح الي عنده حق الصيد
والدخيره الي عندنا تقول بنخش حرب ايه واحنا عندنا عاده كل شي عندنا لونه عسكري ملابسنا الخيام
اسرة النوم المحموله سياراتنا <<على الرغم مافي احد ينسب الينا يشتغل في العسكر كل هالاشياء شاريناه
ومره من المرات طالعين وعينا خير ونصبنا الخيمه واحنا ندخل سياراتنا داخل الخيام رانجلر سبورت احنا 9 شباب و3 سيارات ((رانجلرات)) وعينا خير بعد الصيد ورحنا حق ننام كلهم نامو اللا انا مستحيل انام في بر او بحر((مكان مو امن)) بس اقعد وادخن طول الليل وانا قاعد سمعت صوت طلعت عند باب الخيمه الا والسحاب ينفتح شوي شوي عشقة الكلاش وسويت حالي نايم ودخل رجال وعنده مسدس تقرب شاف مفتاح السياره محطوط جنبي
تقرب منه وركع حق ياخده ومارفع راسه الا والكلاش في صدره افلت سلاحك وقامت الهدره والكل قام من النوم عدا اخوي الصغير 13 سنه نايم نوووم واحنا نفتش الرامي قلنا يمكن شال شي معاه مسوا احنا صممنا نتركه بس مصادرة سلاحه واحنا نفتش اكتشفنا شي قوي حد ام الي جابته تدروا وشو اكتشفنا انها حرمه مو صبي طردناها وبعد ماتباعدت شوي طلعت عند باب الخيمه واطالع راحت ولا لا راحت قلبت وجهها وكملنا رحلتنا بسعاده وامان


والسموحه لاني طولت عليكم

[حفرلوجيا]

كل الشكر والتقدير للأخوة الذين أثروا الموضوع بردودهم التي تضمنت دروسا وتوجيهات أعتقد أن هاوي البر والرحلات قد يستفيد من التذكير بها خاصة مع بداية ذروة الكشتات..
الموضوع قديم.. وقد تتفقون معي أن مثله يتجدد..
------
مع الاعتذار على التأخر في التفاعل وتقديم الشكر لجميع المكشاتيين الذين تفاعلوا مع الموضوع ..

[هاوي صيد]

السلام عليكم ورحمه الله وبركاته

ترددت كثير في كتابتي لموضوعي ولاكن حبيت ابين لكم وش اللي صار معي انا واثنين من ربعي قبل 10سنوات تقريبا كنا ثلااث اشخاص طالعين للصمان نصيد ضبان وكان معنا خرازه المهم قعدنا نصيد من هالضبان الزبده وحنا منزلين العزبه نبي نصلح الغداء ومادرينا الاا بذاك الوايت ناصينا نزل علينا واحدا مطفوق وش عندكم وش جايبكم وقام ينفخ وشوي وبيطقنا رديت عليه شوفت عينك
اللي تشوفه قال بها النص انقلعوا من هنا قلنا طيب وغيره رد اقول انقلعوا من هنا المهم الدعوا صارت دق خشوم وحنا ماجينا نتهاوش انفقعت مرارتي منه وانا اللي القط الخرازه واعشقها واطلق فوق راسه ويمسكونه اللي معي من الشباب ويربطونه ونحمل العزبه والعفش وندبغه لين عظ الارض وبحياتي ماطقيت احد مثل ذاك الشخص وبعد مادبجناه توجهنا للوايت الاا ولقينا بلاوي حبوب الله يكفينا الشر ورشاش وشغل يعني ربي فكنا منه المهم بنشرنا موتره وربطناه بموتره وتوكلنا علاا الله لديرتنا وعقبها ماطبيت الصمان من يومها بصراحه الصمان منطقه شاسعه وفيها من قطاعين الطرق والملاقيف ونصيحه للجميع لااتطلع للبر الاا معك رجال ورجال فقط لان احيان تطلع مع اشخاص ديكور رجال والاجاء الجد صار نعامه والله يكفينا شر من فيه شر والله يستر علاا الجميع

[بواردي الشمال]

يعطيكم الف عافية كل ابوكم على مشاركتكم المضوع<<<< مسوي كاتب الموضوع

ولكن فعلا انا اندمجت معكم بكل الردود واقلب الصفحات لا إراديا

الا ما خلص الموضوع واتمنيت انه مايخلص

اكرر شكري لكمـ

[almobd3]

مشكور اخويعلى الموضوع الشيق...
وعندي اضافة ماذكروها الأخوان وهي
انه اذا جاكم ضيف وانتم كاشتين لاتروحون له كلكم ولاكن تفرقو وواحد يرح لمه ويشوف وش يبي

[الغريري]

موضوع هام جدا ... :good:





وأشكر المشاركين .. (الجادّين) ... :good:





انا مع التأكيد على الأوراد .. في الصباح ، والمساء ..



ونقطة مهمّة جدا .. تلي الأوراد .. ألا وهي إنتقاء أمير الرّحلة .



أعتقد أن شخصيّة أمير الرّحلة ينبغي أن يُفرد له موضوع خاص ... يُطرح فيه كل ما يتعلق بهذا الشخص الذي عليه بعد الله تقوم أمور كثيرة خاصة التموين ، والتنظيم ، والأمن في الرّحلة . ولعل أحد الإخوة الذين حباهم الله بحسن الأسلوب ، والخبرة، والنظرة الثاقبة ان يكتب لنا ما يفيدنا جميعا ... وعلينا المشاركة في ما نراه وما نقترحه ..



من الردود أعلاه كثير من النقاط الهامّة فعلا .. والتي ينبغي لكل عاقل ان يتبعها ..



ومن الرّدود أعلاه .. بصراحة قصتين ..:confused: شعرت انهما جاءتا في غير محلهما .. أو لعل "رداءة" الأسلوب أفسدتا قوّتهما .:no2: (لن اذكرهما) ولكن .. :cool:

[هواوي2006]

اشكرك على إثارة هذا الموضوع المهم ...


و بالنسبة لي أنا وكل من يطلع معي من الزملاء ... عندنا شيء متعارف عليه وهو وجود مجموعة تنام و فرد منهم يستلم مهمة الحراسة بالليل ...

اذا جائنا شخص من شكله العام نعرف ما هي توجهاته و ميوله و لله الحمد نحن عرب وفينا الفراسة تعرف علم الرجال من يوم يقبل عليك ... فإذا رأيت انه غير مناسب للضيافة والترحيب ... اظهر له أنه غير مرحب به ... أو احد افراد المجموعة على الأقل يتحمل هذه المهمة وهي إظهار عدم الترحيب لهذا الشخص المثير للشبهة ... بحيث يرحل بدون إطالة ...

كل من يبين الطيبة وحسن الخلق مع هذا الشخص المشبوه راح يكون مصدر اهتمام لهذا المشبوه و يتفهم ان هذه الطيبة ضعف و ستكون هذه الطيبة من محفزات الأعتداء لهذا المشبوه...


و اقول في نهاية حديثي :
إن لم تكن ذئباً أكلتك الذئاب




وبالنسبة للقصص التي تسمعونها من هنا و هناك لاتصدقون كل ما تسمعون فالناس أجناس والله يكون في العون ...


اكرر شكري لك عزيزي حفر لوجيا ... والى اللقاء ...

[ALBDRANE]

القماري كلامك صحيح واحيان تصير يالواحد في موقع شبهه وشكوك من أصحاب الضنون الخبيثه
انتبه لمثل هذه المواقف

[خيال الغلبا]

راح الموضوع سباحين = يعني سوالف من بعض الأخوان ... بعضها حق وبعضها لايعلم مصدرها

وهذي بوسه وحبه على خشم ابو سمر اللي جاب الخلاصه والمفيد في رأيي

شكرا شكرا شكرا ياابا سمر

وننتظر صاحب الموضوع يعطينا خلاصة تجاربه ورأيه

[ابو ناصر2020]

السلاح مهم با لبر وكلكم لزم او اكيد صارلوه موقف ومافيه شي اسموه امن البركلوه مخاطر الله يحمانا وياكم .

[الرهدن]

السلام عليكم00
كل هذه أحاديث من مشكاة النبوة عليه الصلاة والسلام00

حافظ على دعاء الخروج من المنزل:
بسم الله توكلت على الله لاحول ولاقوة إلا بالله00
فقد هديت وكفيت ووقيت00
وعند المبيت 00
أعوذ بكلمات الله التامات من شر ماخلق 3 مرات00
وأحفظ الله يحفظك00
واحرص على الرفقة الطيبة شرواكم00
مواضيع خبير ومتمرس00
جزيت خير أبو سليمان والإخوان المشاركين00
وفعلآ إختيار أمير الرحلة لابد يفرد له موضوع آخر وأظن أبو سليمان أقرب من يدير هذا00غفر الله للجميع ولكل مسلم وحمانا وإياكم من كل شر وسوء00

.

[شروكي ربع]

والله الربع جميعا ما قصروا ..


الله يعطيكم العافية ..

استفدنا الكثير ...

[هدد688]

الموضوع خطير جدا وتشكر عليه اخوي حفرلوجيا000

[منصور]

الشكر للجميع على الموضوع المميز والذي بالفعل في غاية الاهميه.

[بن عاقول c.o]

الله العالم أني قاعد أقرأ الموضوع من أوله عام 2004 / 03 والذي طرحه أستاذنا / حفرلوجيا .

وإلى الآن وهذا ردّي ورأيي بالموضوع وقد كتبته بتاريخ اليوم 2006/12/19

الصراحة أخذت في متابعتي للموضوع من الوقت تقريباً 3 ساعات ونصف

أخذت جولات وصولات وأنا اقرأ الموضوع والردود وكأني كل أشوي كاشت في محل وكأني مخاوي صاحب السالفة وألا النصايح والأساليب لتفادي الصعاليك والحرامية وأمثالهم .... والله أن بعضها تنم على خبرة كبيرة جداً ومرجلة وفطنه من كتابها وبالذات في بدايات المشاركات لأن لهم الفضل في أستمرار وتتابع الردود إلى يومنا هذا .. ولا أستنقص بذلك قدر من ألتحق بركب الموضوع وإنعاشه بالردود الجميلة لهذا اليوم .
في النهاية : نصيحة بجمل
أقرأ الموضوع من أوله وستعرف مدى جماله وكيف يسافر بك من عام 2004 إلى هذا اليوم .. قمة في الروعة ( كشته ببلاش )
وفوقها أجمل النصائح والعِبر
أخوكم بن عاقول ... تقبلو تحياتي

[برري]

جزاك الله خير يا ابا سليمان ، وهذه وقت هالموضوع ، وأحببت أن أضيف لجواهركم ودرركم سلاحاً قد ذكره بعض الاخوان في العموم ولكن لأهميته أحببت أن أفرده في ردي هذا ألا وهو حديث أبي هريرة رضي الله عنه في آية الكرسي قبل النوم فإنه لا يزال عليك من الله حافظ في ليلتك هذه ، وذلك بإذن الله كافٍ من كل سلاح ؛ فلا صعلوك ولا عقرب ولا ذيب ولا غيره يستطيع يؤذيك بعد قراءتك لهذه الآية العظيمة ، وجزاكم الله خيرا على نصائحكم الطيبة .

[أبـو فـايـز]

جزاكم الله الف الف خير
والله ماشاء الله رجااااااااااااااااال ذيااااااااااااااااابة

[ls460]

السلام عليكم ورحمة الله وبركاته

فيه تنبيه يا إخوان خصوصاً للمكاشيت اللي حول الرعيان ومراعي البل ...وهي أن راعي الحلال إذا شاف ناس حوله لازم يغشاهم ويشوف وش عندهم هم رجال وإلا راعين سكار وإلا حنشل وإلا عيال الـ ...

يعني إذا اقبل عليكم واحد رحبوا به وفزوا له وتعانقوا معه ...

الشيء الثاني لازم تمشيخون واحد لكم ويكون شيخكم وأميركم وهو اللي راعي الهرج ..لأن اللي يغشاكم إذا شاف الطاسة ضايعة وهو راعي حلال يخوفكم باللي يقدر عليه عشان تروحون عن المكان ...

وأنا راعي حلال ولازم نكشف المنطقة وهذي سلوم عند راعين البل

لأن غالب المكاشيت يوسخون المكان وإلا يفحطون على العشب وإلا يقومون ويتكلمون كلام وراعين في الايكوم

ومع كثرة المكاشيت يغشون الناس ويدورن حول مراح بلهم ويشوفون ويستكشفون المنطقة وهذي من طبيعتهم ...

والحنشل اللي يبيلهم تليين الظهر والضرب هم من يجيك بلحاله ويبي أكل ...هذا خله يأكل ومن ثم اضربه مع ظهره وكلبشه بكلبشة بلاستيك(خصوصا الصمان ومناطقها كلها ) ومن ثم حط السكينة على رقبته وقله اخوياك وين بيذل ويخر لك المكان علطول ...

كرفسه بصندوق الشاص أوالجيب ورح للدحل أو الخيمة أو النقرة اللي هم فيها اللي هم ساكنين فيه واعرف مكانهم ومن ثم حاصروهم وطلعوهم كلهم وكلبشوهم بكلبش البلاستيك وبلغوا عليهم اقرب مخفر لأنهم من العراق او صلب من سوريا.

وتراهم ما يغشون إلا المكاشيت واللي سياراتهم زينة ...

وأشدد على الامارة والمشيخة لازم الواحد يمشيخ واحد من جماعته ويرزه في المجلس.

وشكرا لصاحب المعرف

[راعي العقربيه]

اشكرك على هذا الموضوع ابو سليمان ..

وانبه قبل ان تنامو ن يالمكاشيت واحد منكم يطلق بالهواء من رشاشه او الفرد..

علشان باذن الله ماحد يقربكم..

[محيط]

انا في نظري ان الحنشل والحرامية وقطاع الطريق تجدهم في المناطق القريبة من الحدود او مناطق مثل الصمان او الدهناء اما الانسان الي بيروح يخيم في المناطق القريبة من المدن والمحافطات فما عليه اخلاف ان شاء الله وايضاء خلك بديرتك كشت واطلع احسن لك وجه تعرفه ولا وجه ماتعرفه .

[الرهدن]

من الأخ بركان :

((((بعض ردود الشباب أجد أن بها مبالغة شوي واحد يقول الي يجيك لاتعطيه وجه بالعكس رحب وهلي وخذ إعلومهم وش عندكم من الحلال وهلم جرا, بعض البادية يجي ما هو حب بالقهوة ولا الأكل الحمدلله كلن شبعان لكن يبي إيشوف من هلي سكن حوله وش هم من إرجال .. بعض الناس حساس جداً إذا أقبلت سيارة البدوي قال خله عنك لايقلط عندنا ليش خذ إعلوم وعط إعلوم وكون صدقات معهم تستفيد فائدة كبيرة ..))))


كلام عاقل وكبير !!!

تسلم على هذا الراي الصائب يا ابو فارس

[أسامي]

كلامك ياصاحب الموضوع عين العقل
فالسلامة ما توخذ عادة

[ابوووهلا]

يامال العافيه والله تسلمون على هالوصايا النافعه

[rooco]

عطونا من هالعلوم الزينة نبي قصص للعبرة والفائدة والوناسة

يعلم الله إني اندمجت مع هالموضوع ودخلت جوو

نبي قصص يالربع

[11 سبتمبر]

احسن حل خذ معك رشاش واول ماتطق الخيمة فض لك مشط بالجو عشان اللي حولك من الحرامية يدرون ان معك سلاح

[عبدالله العمرو]

السلام عليكم ورحمة الله وبركاته
يشرفني ان تكون اول مشاركتي في هذا المنتدى الرااااائع بتعليقي على موضوع من موضوعاتك.
متطلعا الى مشاركة الزملاء الاحبة جميعا في هذا المنتدى المشرفين والاعضاء .

اللي مستعجل يأجل قراءة هالمشاركة لين يفضا !!! نصيحة !!.

بالنسبة لهذا الموضوع فامتدادا لما ذكره الاعزاء الاخوة عن بعض التوصيات التي يجب على الكاشت او القانص مراعاتها والاخذ بها بعد التوكل على الله فاني اود هنا ان اوصيكم ببعض الخطوات التي ارى انها ان شاء الله مفيدة وهامة جدا جدا وهي من واقع تجربتي الخاصة والمتكررة :
1- اذا نزلت المنزل فلا تنسى دعاء المنزل ( اعوذ بكلمات اللها التامات من شر ما خلق ) وزد ( اعوذ بكلمات التامة من كل شيطان وهامة ومن كل عين لامه ) وتاكد ان هاذين الدعائين سينزلان عليك الطمأنينة [line].
2- اذا اردت اختيار منزل ( ممسا ) فاحرص ان يكون الموقع منخفظا بحيث يكون في نقرة مثلا او في ذرى جريف المهم ان يكون صادا عن اعين الناس وعن اضاءة السيارات بحيث لايكون مشاهدا وواضح للعيان .. وهذا سيجنبك حضور من تكره من الملاقيف اوثقال النفس او من يريد بك سوء ، اضافة الى ان نزولك في مكان منخفض سيجعل صوتك غير مسموع واضائتك التي تستخدمها غير مرئية لغيرك .
3- تجنب الحركة الزائدة ( اللي مالها لازم ) بالسيارة بعد غياب الشمس يعني ماله داعي يدوج الواحد ويكشف بالنور والناس ممسية خلاص ممسا يعني ممسا حط المفتاه في مرقده وامس .
4- احفظ مفتاح السيارة في مكان آآآآمن من الضياع ولا تتركة طبعا في السيارة ( اقفل السيارة ) وممكن وضع المفتاح في جيب صغير يكون موجودا في مفرش النوم، او في سحاب الجنب لصندوق العزبة ، واحذر ان يكون المفتاح وحيدا لانه بذلك يكون معرضا للضياع والاندفان في الرمل او التربة ( اقل شي اربط فيه خيط يكون لونه مميز ) واحرص على وضع اسبير للمفتاح في مكان تعرفه خارج السيارة.
5- يستحب ان يكون معك سلاح شخصي ( مسدس مثلا او سكين على الاقل ) عند رأسك او تحت المخدة عند النوم .
6- عند النوم احرص على ان لايكون الجميع بجانب بعض ( تفرقوا الله لايفرقكم ) خاصة اذا كنت في مكشات او مقناص بعيد ، يعني في المناطق اللي قريبة من بعض الحدود او في وسط الربع الخالي ( لان هالمناطق تزداد فيها فرص وجود عيال الـ ... ) اكثر من المناطق الاخرى ، كما ان توزع المجموعة يصعب من فرصة من يريد الغدر بكم في الهجوم على الجميع ( اللللله يحمانا ).
7- عاااااد انتم يالربع احرصو ان الواحد يكون ذيييب ويكون نومه خفيف ويكون يحس باي حركة غير طبيعية حوله وهو نايم يعني لايصييييييير لاحط راسة حطه لو تضرب فوقه قنابل ام المعارك ماقام ( وترا كثرة النوم مذمومة في كل وقت كيف عاااد والواحد كاشت واللا قانص مع نشاما شرواكم ... افاااا ... فشيلة يقومون خوياك قبلك ... قم اذن للفجر وشب الضو يامال العافية .. خلك ( ش ق ر د ي ) وترا التفصيل مقصود والذيب يعرف !!!! يعني حماية للحقوق الادبية لصاحب الاسم وخوفا من المطالبات والشكاوي من الرجال.
7- احرص على اطفاء النار قبل النوم لانها ستصدر اضاءة ملفتة لمن يراها حتى من مسافات بعيدة ( ايضا عند احساسك باي صوت غريب او حركة مشكوك فيها قم بدفن النار بسسسسسسسرعة ) لان اللي في الليل مايشوفكم ما يشوف الا النار فانت طال عمرك ادفنها بسرعة ومرة ثانية ( تفرقوا او غيرو محلاتكم ).
8- اذا خطركم واحد من اللي ماينحبون او من اللي نيتهم الردى فبكل بساطة راح تعرفونه ( لان الحرامي على راسة ريييييشة ) يبين في عيونه في حركاته حتى في كلامة وبعض اسئلته ، اذا شفتو منه شي يشكك طبعا تلقائيا غيروا محلكم ( يعني شيلوا ) .
9- نصيحة اخيرة يمكن لهاعلاقة بهالحرامية لانها للسلامة اولا ( تجنب النوم بجانب السيارة يعني عند الكفر او تحت السيارة او وراها او قدامها ) لانه ممكن يقوم احد خوياك ويشغل وانت ( أخخخخخخخخ اش ).

الحمد الله قضينا ... وانا متأكد اني بذكر الكثير غير اللي كتبته لكم لاكن المكتوب فيه البركة ... ودم دم دمتم سالميـــــــــــن .:D :D



يا سلام يا سلاااااااااااام ....

هذا الكلام اللي يجمد على الشارب .... لا فضّ فوك يالأسود / بيض الله وجهك ...


سمعنا الكثير من ثقاة الرجال ونعرف منهم من وقع بمثل هذه المواقف ....

لا ننكر وجود أهل الشر من ركب الشيطان على أكتافهم وربط لجامه بافواههم ...
وكذلك لا ننسى التعقّل في مثل هذه الأمور ... فقد نتوهم أن شخصاً يريد الشر وفي الحقيقة تجده ساذجاً إلى حد أن يكون شبهة ...

من خلال قراءتي للموضوع الذي طرحه أخونا الرائع ( حفرولوجيا ) بيض الله وجهه ...

ومن خلال ردود الأخوان .. خرجت بمجموعة من الفوائد المتفرقة حسب تجربة كل الأخوة المشاركين ...

إخواني :

نحن هدانا الله من عشاق الفضول وحب الاستطلاع ... بحيث لو كنا في مقناص أو مكشات وبعيد عن الناس ، ثم أقبل إلينا شخص مجهول ، تلقانا كلنا اجتمعنا حوله وكل واحد منا يبي يعرف وش وراه ....

والحقيقة إننا ما نعرف وش وراه حقيقة ... يعني كأننا قدمنا أنفسنا جميعاً ودفعة واحدة ( لمن وراه ) فهمتوني ؟؟

اقصد لنفترض إن عصابة ما مراقبين قناصة او كشاتة : من عادتهم يرسلون شخص يلفت انتباه وأنظار كل الضحايا ( المقصودين ) ثم تأتي العصابة إما بسيارة أو غالباً يتفرقون مسلحين ويأتون متسللين من جهات متفرقة (( ويعملون ما تسمى كبسة )) والربع متجمعين حول الشخص الأول ....

يفترض يا أحبتي أن يكون للجماعة أمير يقوم بالتفاوض والأخذ والعطى بالكلام مع من أراد التعرف عليهم واستكشاف ما ورائهم ...

والبقية تتفرق ( كما قال أحد الأخوة - لا فرق الله شملهم ) لأنه من الصعب السيطرة على جماعة متفرقة وكل منهم حول سلاحه لا يبعد عنه ... ولكن أيضاً لا يركزه قدتم الجميع لأنهم لو مراقب من بعيد أول طلقة لا سمح الله بتكون براسه هو ... حمانا الله وإياكم ....

أما المبيت : فلا أنصح أبدا بالمبيت في المنخفضات أو النقر لأن اللي ناويك قد حدد مكانك ... ثم يسري عليك وانت ما تدري وش حولك ... بالعكس انت اللي تختار مكان تكشف فيه الأرض و وش يمشي عليها من حولك ... كلكم تعرفون العروق والطعوس إنها ما تنقل الصوت وممكن ما تدري باللص إلا وهو على راسك ... وهنا أهمية انك تكون في مكان مرتفع وأنت اللي تشوف اكثر من غيرك ..

والنوم وهو الأهم :

يا أخوان البعض منا يرهق نفسه بشكل خيالي أثناء النهار كأن القنص بيطير ... وإذا جاء الليل وحط راسه إلا وهو على ما قيل ما تقومه المدافع ... ليه ؟؟؟؟ و وش حادك على هذا ؟؟؟

اقنص براحتك واعمل حساب الليل والنوم الخفيف ولا تصير ( حقنة بين ربعك وخوياك ) تاكل وتشرب وتنام ... اعمل حساب قومتك الأول وانت اللي تشب الضو ( جعلها لعدوانك ) وتأذن وتصحي ربعك ...

ولا تنامون متقاربين أبداً وحاولوا ماتكونون كلكم من جهة وحدة من السيارات ... بتقولون الهوا والبرد يجبرنا ... صح ولكن باعدوا بين السيارات وعندكم ( عثامير ) الشجر مذاري ... ومع هذا كل واحد بسلاحه وإن كان خفيف ولو سكين أو خرازة أو مسدس .. والا عطي الله :)


إن كنتوا بالسيارات ماشين مثلاً وقابلكم احد بيسأل ( أو لأي سبب من الأسباب ) استوقفكم لا تكونون ورى بعضكم أميركم يحاكيه والسيارات الثانية تتفرق حوله وتحاولون كشف المنطقة من حوله لأنه ممكن يغطي بسيارته على اللي وراه ...


أخيراً كل الشكر لأخوي ( حفرولوجيا ) على هذا الموضوع القيّم ولكل من ساهم برأي سديد فيه ...


تقبلوا هذرتي والله يحفظكم من كل شر ...


أخوكم /

[جنون الليل]

الله يستر على أخييني و عليكم وعلى كل مسلم
والله طقتني أم الركب وأنا أقرى موضوعكم وش اللي حادكم

[northstar46]

موضوعك حساس ومهم :
واليكم بعض الاجرائات بعد الاتكال على الله
في حال وجود متطفل حاول اظهار سلاحك امامه - ناد على اي ندى اذا معك جهاز واسأله اذا شاف مجموعة من السيارات (خوياك الوهميين)
ضع سلاح احتياطي ان وجد في مكان بعيد عنك للوصول اليه اذا كنت تحت التهديد
اذا وقع ما لابد منه لا سمح الله واضررت لاستخدام السلاح فاطلق النار على الركب والسيقان وتنجب الرأس ومنطقة الجذع فليس هناك حاله في النظام اسمها دفاع عن النفس وكثيرين طبق عليهم القصاص وهم في حالة دفاع
حفظ الله الجميع ووقاهم شر كل ذي شر

[وجهة نظر]

الهدوء ياجماعه الحراميه حتي وانت في بيتك
ممكن يجي الركاده زينه والتصرف برويه
وتدرك بالتماسك واالحكمه ما لاتدركه في السلاح
(ومن كبر عصاته ذل) ......
رحله جميله مع موضوع ممتاز عمره 3 سنوات

[بواردي الدلم]

السلام عليكم ورحمه الله وبركاته
الصراحه اللي يقول لك اشكال الصعاليك غير معروفه او ماعليها علا مه ماعنده خبر
لانهم معروفين اصلا وجيههم مضلمه والصلاه مايعرفونها وان صلى صلى مجامله او عاده وليس عباده
بالعربي لين دخل وقت الصلاه توضو للصلاه غالبا تلقونه مايتوضا ولين قلت له تبي تتوضا قال انا على وضو
وسبق وان صارت معنا كم مره الصعاليك تقومه من النوم للصلاه مايتوضا
واذا قويت وجهك معه وقلت له توض قال على وضو وهو توه صاحي من النوم لا وينفخ عليك بعد ويقول انا ابخص ب....................
على العموم لمحت كثير عنهم ارجو انكم فهمتو
بس اسهل طريقه للتخلص منهم التوكل على الله
ولا تنسون تقرون المعوذات وايه الكرسي والادعيه الماثوره عن الرسول صلى الله عليه وسلم
ولاتنسون ان من مات دون ماله شهيد يعني لاتستسلم للحرامي لو معه نووي في يده

[الزائر1]

ماشاء الله تبارك الله والله موضوع حلو بالحيل فيه الفائد والسوالف والله انكم رجال علومكم غانمة
أعجبني تفاعل الكشاته لكن استغرب من اللي يقول إن حمل السلاح في الكشتة لعب لا سراحة مالك حق
طيب لوصارلك مثل ماصار لأهل القصص اللي في الردود ويش تقول بعدين الله لايوريك مثل هالأمور
مهم جدا أن تكون الرفقة صالحة لأنهم يعينون على الطاعة
كذلك تأمير الأصلح والادرى بعلوم البر
أفضل الطرق ان يكون لك دليل في الديرة من أهلها إن وجد
الحراسة مهمة جدا في الليل ممكن تكون كل ساعتين بالتناوب وعشان ماينام الحار لازم يكونون إثنين بس لاتروح عليهم سواليف
والحارس مايلبد جنب النايمين لازم يكون متفرد ومكانه أعلى من مكان النائمين

[ابرق حباري]

السلام عليكم ورحمة الله وبركاته

الله يجزاك خيرا اخي العزيز..( حفرلوجيا)
على هالموضوع المفيد والمشوق وذلك من واقع التجربة الشخصية وما يقع من حوادث ,والذي فعلا تفاعلت معه ومع ردود الاخوة الاعضاء, وليس انا فقط بل جميع الاخوة والذي اخذ مني الكثير من الوقت لقراءة جميع الردود.

ولكن للاسف الشديد خرج علينا احد الاعضاء (is460) بأحد قصصه البطولية!!! للقبض على المتسللون واللصوص الاشرار!!!! وقد نسبهم لأحد قبائل الجزيرة العربية والمعروفة بسلمها وبعدها كل البعد عن اللصوصيه وقطع الطرق على المسلمين والصعلكه التي كانت معروفة قديما عند البعض... والسؤال هنا لماذا هذة العنصرية وقذف الآخرين بما يكرهوا وبما ليس فيهم .. هل لهذا الشخص عداوة وكره وحقد دفين مع افراد من هذة القبيلة لكي يعوض هذا الضعف والنقص في شخصيته بقذف قبيلتهم بما ليس فيها ...
واحب ان اقول لهذا الشخص ...ان هذة القبيلة وماعنت منه من عنصرية وظلم من بعض انصار التخلف والتعصب الجاهلي فإنها بفضل الله ومنته ومن ثم بفضل ابنائها من علماء وحكماء وادباء ومن شهد لهم التاريخ بذلك بأفضل حال وان شاء الله أعز منزلة عند الله حين يتقابل الطالب والمطلوب في ذلك اليوم المشهود.

واخيرا اشكر الادارة الموقره واخواني المشرفين المحترمين, واترك لهم حرية التصرف مع من يخالف شروط الكتابة في منتدانا المتميزهذا, والذي تعودنا فيه بالمشاركة من خلال الحوار الهادف,وهو الذي استفدنا منه اكثر من استفادته منا,جعله الله منبرا للحق لا بوقا للاثم والعدوان.

آسف جدا جدا على الاطالة

تقبلوا مني خاص التحايا

[الاريب]

يعطيك العافيه

[بن محفوظ]

في علم النفس (( اللص في حالة السطو او الجناية يكون الخوف عنده ضعف الخوف عند الشخص المجني عليه ))

يعني المسألة بيي لها واحد راكد وسياسي ..

انا وربعي طلعنا لصيد الضبان في شمال هجرة الدهو حوالي 20 كيلو ..

الشاهد نزلنا نلحق ضب وكنا حول ابل كثيرة العدد .. ويوم مسكنا الضب وحطيناه في الخيشة مادرينا الا ذا الشاص الي فوق روسنا ..

والا وهو شايب يوم شفته قلت الله يحسن الخاتمة .. الي حصل ان الشايب قام يسب ويشتم ويقول خلوا ضباننا تفلي .. ويلتفت عليه واحد من العيال ويقول له ابشر سم ..

الشايب الله يهديه قام يسب مره ثانيه .. (( ياحضران )) يالي فيكم ... الى ماله نهاية ..

خوينا عرفه من كلامة وقاله انت من ال فلان وانا خابركم ..

ويوم سمع الكلمة مادرينا الاو غبرة الموتر قدامنا ..

الحمدلله على كل حال .. لو هالشايب عصب ونزل ورمانا بالرشاش والا الضعيف جته جلطه .. وش بيستفيد

[االديحاني]

الله يستر على الجميع

[ع العمرو]

الله يكفينا شر كل من به شر ويجعل كيدهم في نحورهم ويجعلهم شذر مذر ويشل اركانهم ويجمد الدم في عروقهم ويحمينا واياكم والمسلمين قولو امين اخوكم ومحبكم ع العمرو

[حمام أبيض]

في الحقيقه الحذر واجب ...ولكن نجد في ردود معظم القصص انهم هم الذين سطوا ...

فقد يكون القادم ليس مشلح او قاطع طريق ولكن يريد الضيافه والعشاء بل أن هناك من يقوم بطرد الضيف كما ورد في بعض القصص ..:no:

كذلك هناك بعض القصص لم تم فيها مهاجمة القادم وافتراض انه حرامي قبل أي شئ ...وهناك من ترك رجلا في البرد مقيداً والمفترض تسليمه ..لانه اذا مات فما الحكم هنا ؟ واذا سلم فاانه قد يعود لسابق عهده ..

كما ان هناك من يخترم بيوت البدو الرحل وأبلهم يطرد جربوع او أرنب فيقض مضجعهم ويهج أبلهم ..ومصيبة راعي الأبل اذا هجت ابله ، لانه قد يستغرق ثلاثة ايام ليرد شملها من جديد أذا لم يفقد منها شئ .

وأيضاً من يطرد الضبان في وسط الأبل ...هذا والله في سلوم العرب عيب
وواجب صاحب الابل ان يحمي ابله من عبث الغير ...واذا لم يقم بذلك فهو مقصر
فلو هجت ابله وتكسرت الخلفات او او ...فهل سيدفع الكشاته نظير خسائره وهو يعاني شطف المعيشة في الصحراء ..

يجب ان يتعلم القادم كيف يحترم اصحاب المكان ويجب تسليم الجناة الى الشرطة بل الى الأمارة مباشرة ...

[شاهين2]

موضوع رائع وفيه فايده للجميع واتحفه مشاركات الاخوة بارك الله فيهم

[شفاف]

الامير شي مهم

لان اكثر ما يدهور المجموعات انهم ما ينصحون انفسهم بالامور اللي فيها حذر

كل واحد منهم يخاف يقولون عنه جبان

لكن الامير ياخذ بالراي الزين ويامر بدون ما يدخل بالتفاصيل

ــــــــــــ
الامر الثاني : المتطفل اللي تشكون فيه انه ناوي شر ممكن تاخذون له صورة تذكارية عشان يهوّن

[بدر الجديد]

سبحان الله وبحمده

[بدر الجديد]

سبحان الله وبحمده

[االديحاني]

امن وامان والحمد لله

[viv999]

اشكرك ولله قصص رائعه
والصراحه انا قد حصل لي موقف كنت طالع مخرج
وكان معي اهلي وطلع لي هندي موقف تريله ويركض يقول مريض مدري ايش ولله واروح واخليه
وانقهرت بغيت اساعده
بس قلت الحين هذا وراه بلى وين امن الطرق وراح يمر ناس بعدي
الطريق فيه ناس
يساعدونه
سلام

[ابوايلاف]

ان بعض الضن اثم\الضيف صاراسمة صعلوك ومتطفل اللة يرحم الحال\اذاكان هذاالكلام يصدرمن شباب صغارفي السن فلاباس امااذاكان صادرمن كبارفتلك مصيبة000ملاحظة اغلب ماذكرمن القصص من الاسرائيليات:no2:

[ALSARAP]

Thanx to all for this informations
:)

[الخالدي11]

والله موضوع جميل ومخيف في نفس الوقت
لاكن ما استطيع اقول الا احفظ الله يحفظك
وعليك بالاذكار والورد اليومي

[((ابوملاك))]

والله اني تابعت الموضوع من اوله لاخرة

والله انكم رجال ينشد فيكم الظهر والنعم والله

بس اما اللي خذوا كل ثيابه وصبو عليه ماء بارد اقول والله انكم كفو وانا اشهد انكم رجال لانه ما وده يروح لشرطه او شئ ويتوهق وخصوصا اذا كان مامعه رخصه للسلاح

[مخاوى ابوه]

ابو ايلاف ليش حكمت ان معظم القصص من الاسرائليات ؟
يعنى اللى يكتبون اغلبهم يكذبون او يبهرون بنظرك ؟
اتمنى منك التوضيح يا الغالى

[ياهملالى]

ما شاء الله عليكم


بصراحه من العصر وانا اقرا فى الموضوع الى الان بعد المغرب


ومن سنة 2004 الى سنة 2009


قرات خلال هذا الموضوع مواقف اعتقد انها من نسج الخيال... انا ما ادرى اللى كاتبينها رجال والا شباب... انا يا واحد اعرف البر وكشتات البر من 40 سنه ولله الحمد لم نرى حنشل او قطاع طريق... نطلع ونقعد بالايام واحيانا بالاسابيع ولا شفنا الا كل خير .. ونضيف اللى يجونا ويضيفونا ... باستثناء المناطق الحدوديه لاننى لم ازرها


وتعجبت من بعض الاخوه اللى يقول

اقصد لنفترض إن عصابة ما مراقبين قناصة او كشاتة : من عادتهم يرسلون شخص يلفت انتباه وأنظار كل الضحايا ( المقصودين ) ثم تأتي العصابة إما بسيارة أو غالباً يتفرقون مسلحين ويأتون متسللين من جهات متفرقة (( ويعملون ما تسمى كبسة )) والربع متجمعين حول الشخص الأول ....:D


حشا هذولى رايحين حرب والا غزو


يا جماعة الخير ترا الباديه فيهم طبيعه الملفى الكشاته وهذى شىء طبيعى ...

[العقاب الأسود]

الموضوع يستحق التجديد على مدار العام لم فيه من أهميه وأردت أن أذكر بعض النقاط المهمه والتي تعرضت لها شخصياً .

منها عدم القنص (في المناطق الجبليه) وترك السياره وحدها في منطقه لا تعرفها جيداً والله ان فيه (أباليس) على هيئة (أوادم) لا خوف من الله ولا رحمه ولا شيء .

قنصت مع مجموعه من الاصدقاء ديره خبرتنا فيها بسيطه وخيمنا حوالي الثلاثة أيام بليالهن . وفي صباح اليوم الرابع وبعد أن تعرفنا على الموقع مضبوط قسمنا بعض على الجبل حتى اللي يفلت من عندك قدامه رفيقك (خطه محكمه) مع إنا خلال الثلاثة أيام ماجانا غير مقرود بحجة أنه يدور على ناقه ضايعه وعزمناه ورفض ولا أثار لنا أي شبهه حوله. المهم تركنا سيارتنا وطلعنا الجبل (وياليتنا ماطلعنا) كانت الساعه حوالي الخامسه والربع فجراً بحيث أن خطتنا أن ما يطلع الضوء غير وحنا براس الجبل وكلاً أخذ مكانه اللي مخطط له. المهم على حوالي السادسه والثلث صباحا إلا وواحد من الربع يرمي ومعطيها الصالي والبقيه ينتظر متى يشوف الصيد إلا وشوي إلا وهي تقال جنون من صفاة بصفاه المهم مالكم بطواله إلا ورفيقنا ذابح ذاك الرباعي اللي يونس القلب .

قلنا خلاص بننزل على سيارتنا ونغير مكاننا ونصلخه وننبسط في سواته .
يوم وصلنا سيارتنا إلا وهي على الجنوط مسحبه الإبر (الله لا يسامحه) ومكسور قزاز الراكب الأمامي وكاسر الدرج الامامي وأخذ كل الأوراق الموجوده والحمدلله انها ماهي ذات اهميه (ما خلا شي) بالسياره
وقمنا نخبط من هول اللي شفناه ولا حولنا عربان نزبنهم .
طريقته كما يلي
جاي على رجليه وتارك سيارته مسافه وجالس قريب من سيارتنا في مكان غير واضح للي في الجبل ومتخبي خلف حجره كبيره ومراقب السياره لين تأكد أن ما حولها أحد وبعدين قام يمشي وهو جالس لين وصل بجنب السياره المخفي عن الجبل وكاسر القزاز والله لو اقولكم كيف واصل للكفرات اللي واضحه للجبل ما تصدقون أنه داخل تحت السياره من حرصه لا أحد يشوفه ومسحب ابر الكفرات يجيها من جنب الكفر ومساحبه تقال ضب واخذ اللي اخذه وماشي . المهم إنا كرهنا صيدتنا وبلشنا بحالنا في هالديره وقلنا هو المقرود راعي الناقه الضايعه الكذاب المهم تركنا عدتنا ودفنا البنادق والذخيره وخلينا بندق وحده معنا واخذنا جركل ماء ومشينا متوكلين على الله سبحانه إلا وحنا على خط ضاربته السيارات وتحس انه خط عام للباديه يعني اعطانا شوية امل أن بنلقى أحد قريب منا أو تجي سياره إلا ورب العالمين يسوق لنا ذاك الوايت جاي يمنا إلا والفرحه ترجع لنا ونشرله والرجل بيض الله وجه وقف لنا وسألنا عن سالفتنا وعلمناه والرجال ما قصر عزمنا لكن رفضنا نبي الفزعه بس لسيارتنا وعزالله انه ما قصر جاب لنا ابر وسوينا سيارتنا ومشينا والحمدلله ان من عادتي ترك الاوراق المهمه في مكان سري بالسياره
لذلك أنصح بأخذ الحذر من معدومي الضمير ومخافة الله عز وجل وللمعلوميه الرجال مسكوه شباب كان يقنصون في نفس الموقع وابرحوه ضرباً وسلموه لمركز الاماره ومازالوا متابعين لقضيته حتى تنتهي وقمت انا وزملائي برفع قضيه ضده بما فعله بنا واستشهدنا بصاحب الوايت الذي حضر وابدى بشهادته بما حصل لنا من محاولة قتلنا بإعطال سيارتنا ولا زلنا متابعين للقضيه حتى ينال عقابه المستحق.

[konet2006]

السلام عليكم

تحيه معطره بالنفل والخزامى للجميع

من يريد الخروج للبر عليه ان يتوكل على الله ويتحصن بالاذكار ويتحلى بالشجاعه والكرم واليقظه وحسن التصرف والتعاون مع رفاقه
واستقبال الضيوف بالبشاشه والمساعده لمن يحتاج لذلك
والا عليه الذهاب الى المدن والسكن في الفنادق ويلقى من يخدمه ولايخاف

وتقبلوا تحياتي

[راجي الكريم]

كلمة رائع لا تفي الموضوع حقه والدليل استمراره خمسة أعوام فجزى الله الكاتب والمشاركين خير ولي ملاحظة بسيطة لا تنقص من روعة الموضوع وهي مبالغة بعض الاخوان ولا اقصد كذبهم فحاشاهم عن ذلك ولكن المقصد ان الحوادث هذي في اماكن معينة والواحد ماطلع الا للوناسة وسعة الصدروهذي مهيب حاصلة وهو في حالة استنفار أمني فالحل في نظري أنه يشوف من هالأماكن الزينة وهي واجد ولا فيها من هالأمور اللي ذكرالأخوان شي ويترك المواقع الحدودية اللي مهوب جالس بها إلا وهوفي حالة استعداد قصوى وكأنه في حرب مهوب في كشتة وسعة صدر

[دليله]

أشكرك أخي على طرحك لهذا الموضوع الحساس..
وننتضر إفادةً من باقي الأعضاء..

[فهد الهلالي]

السلام عليكم ورحمه الله وبركاته 0000وبعد
اخواني الكرام سمعنا منكم القصص عن الاحداث التي حصلت لبعض الاخوان من قاطعين طرق ولصوص ولم نقراء طرق تجنب هذه الاحداث واخذ الحيطه والحذر وتجنب وقوعها
وهنا اضع بعض النقاط علىمقالات بعض الاخوان مما تكلموا عن الواجب المتخذ لمثل هذه الاحداث
وبهذا بحكم خبرتي بالبر اكثر من اربعين عام اطرح اليكم بعض النقط
المهمه لمثل هذا الموضوع
1\ ان اكثر مانسمع بمثل هذه المشاكل تكون ايام الشتاء حيث يكثرون الكشاته واالقناصه في مثل هذه الايام
2\فالواجب على كل شخص يرتاد البر كثيرا بان ياخذ معه كلب صيد واحد اكرمكم الله حتى وان لم تكن بحاجته للقنص فهو ينبهك وانت غافل او نايم بان هناك من هو قادم اليك على رجليه او بالسياره فتستيقض على صوته او يشد انتباهك اذا كنت صاحي وغافل من حركاته فتعلم بان هناك شي ما
3\ عندما تكون جالسين في الليل خاصه واتت اليكم سياره فيجب عليك بهذه الحاله ان يختبي اثنين او واحد منكم يكون قريب ومنبطح على الارض خلف قشعه ومعه سلاحه ويسمع مايدور بينكم من كلام مشهر سلاحه على سلاح الشخص اذا كان معه سلاح وقام بالتهديد لكم محاولا اصابت السلاح او اليد الماسكه بالسلاح حتى لايقتله
4\ اذا رايت من الشخص تصرف غريب وليس معه سلاح ولكن ترى فيه كثر الالتفات ومعرفت عددكم والنظر الى اسلحتكم وعلى سيارتكم
ولم ترتاح للشخص نفسيا من كثر الاسئله الغير مبرره ومشى من عندكم
ماعليك الا ان تستعمل ايسط الحلول لجنيب نفسك وربعك المشاكل هو تغيير المكان حتى ترتاح نفسيا ولا تكابر عند ربعك خله يجي معي اسلاح اتحداه يقرب ومن هذا الكلام انت طلعت للبر حتى تستانس ولم تطلع للبر لجل المشاكل
هذه مداخله بسيطه مني لهذا الموضوع واتمنى لكم السلامه
في حلكم وترحالكم
ودمتم

[اواو]

بسم الله الرحمن الرحيم
قبل كل شي صبحكم الله بالخير للي عنده صباح ومساكم الله بالخير للي عنده مساء
انا اخوكم سطام الدوسري وجديد في عالم مكشات وتمنيت اني من القديمين في هالمنتدى لأن بصراحه منتدى يستحق المتابعه والاهتمام والله يطرح فيكم البركه وعلى كل مسلم واهني اصحاب منتدى مكشات على المواضيع الرائعه والمميزه والمفيده.
والله يجزا خير كل من ساهم على الخير وحبيت اعلق على بعض الردود من الاخوان بالنسبه كيف تأمن نفسك من الصعاليك او قطاعين الطرق طبعا الأمان والحفظ من الله سبحانه قبل كل شي لازم كل انسان ياخذ حذره يعني المفيد فالكلام تجنب الحدود اذا كنتو مجموعه قليله واذا كنتو مجموعه كبيره فلا خوف عليك بحول الله والنقطه الثانيه بعض الكشاته الله يهدينا وياهم مايحترم غيره من الكشاتين او المقرين عند رعيهم مثال في اخر الليل تجلس ترمي بالنار او تشغل مسجل او مزح بينكم بصوت عالي فمن الطبيعي انك راح تغضب من كان حولك فواجب اذا جيت تكشت حاول انك تصد عن الرعات النقطه الثالثه الي اذا لفاء عليك شخص الواجب انك تظيفه وتعده انه جايك في بيتك وكل رجال يعرف ظيفه اهو لافي عليك طمعن فيك ولا استتطلاع لااكثر ولو جاك احساس ان هالظيف صعلوك خلك جبر معه فالرد ويكونون الي معك سكوتهم اكثر من كلامهم وطبعا لابد تكون مبين لخوياك من قبل تقول لهم لو جاء ظيف او شي لاتفلونها معه سوالف يكفي واحد منكم يكون فطين ويتعامل معه بحدود ولوسأل اسأله طبيعيه جاوب عليهاطبيعي لكن لو سأل معكم سلاح او من هالقبيل رد عليه رد رجال رابي مع رجال قل بيت الذيب مايخلى من العظام يعني على قولت الاولين انطل في بطنه حصات والله يحفظ كل مسلم من سوء ومكروه وعليكم بأختيار الصحبه الطيبه قبل كل شي تحياتي لكم

[عوق الخريش]

يعطيك العافية أخوي الغالي على الموضوع المميز...لآهنتــــ
تحياتي لكـــ,,,,,

[نديم الغرباء]

الموضوع اللي طرحته الصراحة جدا مهم ويزداد اهميته اذا كان المكان نائي او حدودي او وقت من السنة ما يكون فيه كشاته واجد يعني غير الربيع.

لكن فيه بعض الافكار اللي تساعد على منع الحوادث لا سمح الله وغالبيتهن ذكرتهن انت في موضوعك الاساسي لكن رتبته بشكل نقاط واضفت عليهن بعض الافكار.

1- تغيير المكان في حالة الشك بالضيف.
2- اظهار السلاح وتبيينه.
3- التفرق عند النوم يعنى كل واحد يبعد عن الثاني مسافة 30 متر.
4- واهم شئ نسيت اذكره بالاول هو ذكر دعاء المنزل (أعوذ بكامات الله التامات من شر ما خلق) ثلاث مرات.والتوكل على الله.
5- كل واحد يتوسد سلاحه.
6- تقفيل السيارات ووضع جميع العفش اللي ماله لازم داخل السيارة مثل العزب وخلافه.
7- انتقاء الاماكن الطبيعية اللي تخفي المجموعة.
8-النوم مبكر لان غالبية الحوادث تكون في اخر الليل والشباب غارقين بالنوم لو تمر سيارة ما دروا عنه.
9- عس المنطقة والتاكد من عدم وجود احد في محيطها.

والله يحفظنا واياكم من كل شر.

[القرشه]

ربي يحفظك الحامي الله سبحانه وتعالى وانت منتب مجبور تستقبل ضيوف بالبر

[الطفيلي]

الله يعطيكم العافية
موضوع حساس
لا هنتم يا نشامى

[نجم الصداوي]

..
.. لعلمك أن سكان البادية وليس كلهم .. نــادرا ما يرشدونك إلى بغيتك حال ما تسألهم عن مكان تريد الوصل إليه.. إما خوفا منك أو تظليلا لك ...!! فكيف يأتي إبن البلد وبعض الكشات ويفتح فــاه على أعلى ذبذبــه ويهرج ويضحك (ويكب العيش ) مع إنسان غريب لفى عليه في الصحراء ..!!
....
.. لسلامتك دومــا .. ومع الغربــاء بالذااات .. طبق قــاعدة ..أنــا لا أرى ..لا أسمــع ..لا أتكلم ...!!

[ابوعبدالعزيز6]

اشكر صاحب الموضوح الغائب حفرلوجيا
حقيقة استفدت منه ولم اجد ما اضيفه
فالموضوع يحمل الفوائد من تجارب الرجال في المكشات
يستحق التثبيت لتعم الفائدة

[القناص-sniper]

موضوع شيق يعطيكم العافيه

[عبد الله 99]

مشيت من 2003 الى 2011 و كل صفحه تاخذ فايدتين او اكثر
موضوع رائع و مفيد في نفس الوقت

[ريم البراري]

تعلمت استخدام السلاح فقط لاحمي نفسي
ونحمل دائما معنا سلاح في السيارة عند الخروج للبر
في حال لاسمح الله استدعت الحالة راح استخدم السلاح واصيب المعتدي مهما كلف الامر قبل ان يؤذي احد منا

[جروان]

الله يستر على الجميع

[عبدالعزيزف]

..... وقصتي ياخوان
جاي على طريق الدمام متعدي النقطة الاخيرة بدخل الرياض الساعة2وربع بالليل معي
اخوي صغير8سنوات و140ممشاي اقبلت على كبري حق رماح فيه كورلا2008 مهدي بعيده شوي اشرت بنوري وفتح المسار وبعد ماتعديته لاحظته كبس نوره العالي مالقيته بال شوي ألاحظ انه يقرب مني لدرجة لو ماابعدت عنه صدمني ويطلع اثنين مع الدريشة الاماميه وواحد مع النافذه وراهم
واللي خلف السائق طلعو اثنين ويقلون وقف وقف ويسبون ويشتمون يبون حلقي واعمارهم من28الى35 بعدين باين من اشكالهم لا اصحاب مشاكل دريت انهم غلطانين مشبهين عالهايلكس حقي
شغلت اللمبة الداخلية حتى يتأكدون ويشوفن البزر اللي معي مافيه فايده ملزمين تقريبا عشر دقايق
من المطاردة والحد طلعت الرشاش ابيه يخافون ويفتحولي مجال انحاش واخليهم ولاخافو عاد اللحين وارمي طلقتين وربطو فرامل وكان ورانا يمكن خمس سيارات مسافرين على سرعتي للبيت وانزل اخوي واستنا عند الباب ربع ساعه ماحدن وراي بس مقتنع انهم مشبهين علي وبعدين سالفتهم قويه
اغلبهم لابس سروال وفنيله وعددهم اتوقع7او8 بكورلا ورحت الصباح لنقطة وعلمتهم وافادوني مافيه لاعلي انا ولاعليهم ووالله الى يومنا هذا مادري وش سالفتهم

[كاشت 2011]

- تغيير المكان في حالة الشك بالضيف.
2- اظهار السلاح وتبيينه.
3- التفرق عند النوم يعنى كل واحد يبعد عن الثاني مسافة 30 متر.
4- واهم شئ نسيت اذكره بالاول هو ذكر دعاء المنزل (أعوذ بكامات الله التامات من شر ما خلق) ثلاث مرات.والتوكل على الله.
5- كل واحد يتوسد سلاحه.
6- تقفيل السيارات ووضع جميع العفش اللي ماله لازم داخل السيارة مثل العزب وخلافه.
7- انتقاء الاماكن الطبيعية اللي تخفي المجموعة.
8-النوم مبكر لان غالبية الحوادث تكون في اخر الليل والشباب غارقين بالنوم لو تمر سيارة ما دروا عنه.
9- عس المنطقة والتاكد من عدم وجود احد في محيطها.

والله يحفظنا واياكم من كل شر.

[ذgggق]

ربما سمعتم عن قضية ترددت قبل فترة بمنطقة القصيم عن لص قاطع طريق ( وهو من ابناء أحد القبائل المشهود لها بالوزن والإحترام .. لكن للأسف في زمان حيث وزن القبيلة والحمايل لايلتفت إليه من كان الشيطان راكب فوق كتوفه )

دعوووها فإنها ...؟؟؟




بالنسبه لما تفضلت به يحصل كثير..اجد الحل دائما..عدم ابداء الرغبه بالترحيب بهذا الضيف الغريب..مثلا لو يجيني وانا في بر مع اخوياي ماراح اقلطه الا بعد مااتأكد من ان هالشخص ماوراه شر..ومن واقع خبره..مايجيك شخص ويقلط على كشتاته الا احد امرين..: قطاع طريق ويجس نبض..او غريب ومدور حاجه ويبي يسئل هالكشاته...اهل البر او البدو مايحبون المقلاط على الكشاته ..

[فتى الاسلام1]

يااخوان الحامي الله سبحانه وتعالى والسلاح عسى الله مايحدنا عليه ولايجيب الساعه اللي تخلينا نستخدمه
ومثل ماقال بعض الزملاء (دعاء النزول) لابد منه
كذالك عندي طريقه اطبقها لي 14 سنه بالبر والحمد لله ناجحه بعد ستر الله سبحانه
اولاً قل دعاء النزول وصلي ركعتين وحصن نفسك بعدها بالاذكار (حصن المسلم) وتوكل على الله
ثانياً لايكون منامك بنفس المكان اللي تعشيت فيه انتبه
ثالثاً لاتنام قريب من السياره ولاحولها بل ابعد مسافه كافيه
والله اني ازور مناطق الخطر فيها 100% ولاشفت غير العافيه
بفظل الله سبحانه وتعالى فمن توكل على الله كفاه

[محمد أبو حمد]

سجل عندك هالملاحظتين :

- أولا :

إذا الله كاتب عليك شيء (( وأنت متوسد الرشاش ونايم )) جاك من يفضخ راسك بحجر فلا ينفعك إعتمادك على عقلك بشيء.

ثانيا :

ومن يتوكل على الله فهو حسبه , وهذا لا يعني إنك تكشت وسط الربع الخالي ومعك نفرين ..

[مشقاح]

اشكر صاحب الموضوع
وحبة على الخشم مني له ولكل المشاركين
سهرتوني عليه هههههه
بصراحة نقله عظيمة من عام 2003 الى هذا اليوم 2011
وكل صفحة بها معلومات وقصص نستفيد منها ومن تجاربكم اعزائي
وهذي ملاحظات مني لكم
الاذكآر قبل كل شي
واخراج مقدار معين من الصدقة للفقراء
"حتى ولو قليل"
فان الصدقة تدفع البلاء
اولا : لا تكشت الى مكان اول مره تجي له بمجموعة صغيرة "للاحتياط 15 شخص وفوق"
ثانيا: انا من خلال تجاربي الشخصية لازم نخلي واحد من الشباب اهو يكون حارسنا بالليل
ثالثا: شبة النآر اخمدهآ بالكامل قبل النوم
ولا تنسوا فقلب المؤمن دَلِيلُه
بالتوفيق لكم جميعا

[عاشق الدهنا]

قصة تخدم الموضوع...
http://mekshat.com/vb/showthread.php?t=364570

[عزوز 2005]

أذكر بعض قصص طريق حرض البطحاء من شخص يقول لي شخصياً كنت أمشي بالطريق آخر الليل وحنا 3 بجيب ربع ونشوف قدامنا الطريق مسدود بكفرات المهم هدينا عشان ندخل مع التراب ونواصل الطريق ويوم هدينا ويطلع لنا شاص من بين النفود مطفي النور وندعس والشاص ورانا والحمد لله أننا تونا معبين بنزين ولا وقفنا إلا بالمنفذ والحمد لله عدت على خير...

وقصة أخرى من شخص آخر على طريق سعد كان متجه لمنفذ سلوى وكان رايح قطر ومعه المدام والموتر لكزس ويقول وأنا أمشي وذاك الباث يمشي بين السيدين مهدي سرعته ويوم قربت له ويسرع ويلحقنا وأشوف بالمرايه عددهم 3 أشخاص وكانوا مطاوعه لابسين فنايل داخليه بدون ثياب ويقول يوف شفت أشكالهم تروع وأدعس طبلون الكزس ولا وقفت إلا عند نقطة التفتيش وأقولهم السالفه...

[escape_man]

موضوع مميز كصاحبه ويستحق فعلاً التثبيت .. لانه وبكل صراحة مو الجميع وفق بمكاشيت مع كبار سن يستفيد منهم الحكمة وكيفية التصرف المثلى فيكون هالموضوع زاد له يستقي منه علوم اخوانه اصحاب التجربة والي استفادوها تباعاً ممن سبقوهم.

بعض الطبوع جميلة وساء اذا انت لافي على مجموعة او فيه شخص او مجموعة لافية عليك وانت بالخلاء الواسع..

الي انقده على الناس حضرهم وباديتهم انهم بالخلاء لا لفو على احد فتلاقيه مايوقف مركبه الا على فرشتك .. طيب انت بفعلتك أثرت الريبة والشك وتركت مجال للشيطان ممكن يتحرك منه بقربك الشديد على ناس اغراب ماتدري عن علومهم او طبايعهم ويمكن معهم نساء فتتكشف على عوراتهم بقصد او بدون قصد ..

الواجب اذا لفى احدنا على غريب انه يوقف على مسافة تسمح له يستكشف الي قدامه وتسمح للمضيف انه يعمل ترتيباته او انه يعتذر .. وبنفس الوقت تعطيه الاحساس بالراحة انك منت قاصد شر ..
وقس على هذا الفعل جميع افعالك .. الشي الي تحذره لا تقربه وخلك بمنزلة بين الحذر والأمن .. ترى الخوف زين بعض الاحيان .. من خاف سلم .. خل مكانك رفيع .. نومك بعيد عن ربعك بامتار .. سلاحك قريب منك .. نومك لا يتجاوز 3 -4 ساعات بالكثير .. لاتعطي الغريب كل علمك وتقول ولد الديرة .. كل فرد من المجموعة وإن امرو امير الا انه لابد انه كل فرد ينصب نفسه داخلياً أمير من الناحية الأمنية والحماية على اخوانه ويستشعر المسئولية ..
الموضوع متكامل والشباب ماقصرو ولكن حبيت فقط اني ما اخرج من موضوع بهالجودة الا واذكر فائدة ولو كانت متواضعة في ظل مشاركات اخوانا والي نحسبهم رواد هالمجال ونستفيد منهم دوماً وابداً.

[المداوي2]

انا نطلع ونقعدفي البر بالايام واحيانا بالاسابيع ولا شفنا الا كل خير....
ولي تعليق على بعض القصص بخصوص الضيف

وطرد الضيف ليس من اداب ولا سلوم ولاعادات العرب بحجه انه يمــــكن _لاحض كلمه يمكن_يصيـــــر حرامي اوقاطع طريق.....


وجل القصص التي قرأتها من الاسرائيليات ان لم يكن كلها......

[من البدائع]

هناك علامه تدل على ناوي الخير وناوي الشر

اذا اتى الضيف وبدأ بالسلام قبل ان يصل اليكم( السلام عليكم) يرتاح له البال

اما اذا استبدل السلام بصيغه اخرى مثل ( مرحبا او بالخير) اشعر بريبه من هذا الزائر

[ولد الأجاويد]

قصص وأحداث أعجز أسطر أي كلمة تجاهها

ولي عودة بإذن الله للموضوع

[نايف 1996]

انا اشوف انه لازم لاجيت تطلع للبر او السفر لازم يكون معك سلاح (مسدس-رشاش)_لانه وسيلة حمايه وهذا افضل

[الوانيت1]

أشهد أنة كله دروس ونصائح وحكم
وأشهد أنى لو أقراه
وأعيد وأقراه مرة ثانية وثالثة
أنى ماااااااااااااا أمله :good: :good: :good:
كل الشكر لكم اخوانى والتقدير
..................//////.

[الكريزي 511]

لاهنت عالطرح وصحيح احذر من المسير عليك في البرخذ حضرك منه رايح يرجع عليك

[سفاري فتك2009]

موضوع مهم
كعادة كل مواضيع حفرلوجيا

ومن قصص الصعاليك ما رواه لي أحد الإخوة عن أصدقاء له كانوا قبل سنوات يقنصون شمال وشمال حيل أقصد

وبينما هم في مخيمهم إذا بذاك المقرود اللي سيّر عليهم

وقاموا الشباب بالواجب وما قصروا معه ولكن أحد الشباب لا حظ علي الضيف نظراته كنّها نظرات سروق والتي كان يرمق فيها بندقيتهم الشوزن
وكأنها جازت له ...المهم ما أطوّل عليك وعندما أمسوا بقى هذا الشاب في فراشه متيقظا يتوقع الغدر في أي لحظة
وكان ما توقع إذ لمح زول الغريب يتلصص ويتحسس مكان البندقية ومعه سكين ليقوم بااللازم نحو صاحب البندقية.

فإذا بالرجل قد انتهض واشهر السلاح في وجه الصعلوك وايقض كل الشلة

ثم




ثم







بدأت المسرحية



كان الوقت بررررد موووت ثلج


فقاموا وضفوا عفشهم بعدما قيدوا الصعلوك ونزعوا ملابسه كلها..كلها...نعم كلها :):D:good2:


وأرادوا تركه في ها البرد مربط خوفا من أن يستفزع بقومه ثم ..يروحون فيها ولا عاد ينفعهم شوزن ولا غيره.


ولكن ما طاوعهم قلبهم...أن يتركوه وهو مفصخ في هذا البرد ......فماذا فعلوا


أكرموه زيادة على ما هو فيه من حال






أخذوا إبريق الماء اللي بايت فيه الماء طول الليل البارد.. وصبوه عليه صبا


حقيقة متوحشبن :) :)

أظنتي إن الصعلوك إما إنه حرّم يتصعلك أو إنه حاشه شلل نصفي أو إنه للحين ما حد فك رباطه :) :)

:D :D :D :good2: :good2: :good2:

ههههههههههه شكل الصعلوك حرم يسرق مرة ثانيه والله ابغيت اموووت من الضحك
والله يستاهل ذا الصعلوك جلد

[سفاري فتك2009]

شكرا يا حفرلوجيا على الموضوع المفييييييد شكرا

[المدير1]

الله يبعد الشر عن جميع المسلمين

[طائي الجبل]

وش قالو لك حنا بالعراق

من خلقت الدنيا وحنا ننام بالبران ماشافنا اللي تقول ولا سمعنا مثل هالحكايات اللي من نسج الخيال
القصد منها معروف
وأرجو أن لاتتكلم عن عيال الحمايل ولايهون البقيه من الشقردية
خلك بطوارف الديره أو على الدائري اذا هذة الظنون تخالجك
والسلام

[سعد الاحمد]

موضوع مهم جداً وفي غاية الأهمية ...

تمت الاستفادة من الكثير من تجارب الكشاته ممن طرحها في هذا الموضوع ...

صدقني اللي يجيك في البر في الغالب يكون من اهل المنطقة او من منطقة قريبة منها .. ويعرف دروبها مضبوط ويعرف عدد الكشاته فيها واماكن تواجدهم .. لان بعضهم معه دربيل ويراقب اي سيارة غريبة تمر حول منطقتهم .. وبعد ان تتوقف .. يأتي لها لإستكشاف كم عدد الاشخاص ومن اي منطقة هم .. وبعدها يقرر الهجوم عليهم او صرف النظر عنهم والبحث عن غيرهم .. لان صاحب الحاجة والمحتاج الذي يأتيك ويستفزع بك .. واضح من شكله ومن الموقف الذي يمر به .. ويبين آثار ذلك على وجهه ..

اما الحرامي فهو مفضوح من خلال حركاته وطريقة كلامه واسئلته ونظراته للمجموعه ولسياراتهم ولعزبتهم .. فيجب الحذر منه ولازم تتغدون به قبل يتعشى بكم وتصيرون ذيابه وتحسنون التصرف في مثل هذه المواقف ...

الاتكال على رب العالمين والمحافظة على الفروض والطاعات والاذكار المكانية والزمانية لها دور كبير في حفظ الانسان بعد توفيق الله سبحانه وتعالى ...

اشكر صاحب الموضوع على طرحه .. ولو انه قديم ولكن هام جداً للكثير من الكشاته ..

[راجي الكريم]

الموضوع مبالغ فيه ولا وصلنا الحمدلله لها لمواصيل وان صار حدث هنا والا هناك فهذا شي فردي ولا يشكل ظاهرة

[سفاري فتك2009]

تعلمت استخدام السلاح فقط لاحمي نفسي

ونحمل دائما معنا سلاح في السيارة عند الخروج للبر
في حال لاسمح الله استدعت الحالة راح استخدم السلاح واصيب المعتدي مهما كلف الامر قبل ان يؤذي احد منا


اقووووول مابقلا بنت وتتعلم سلاح اقول خليك في علوم الطبخ وبس

[سفاري فتك2009]

في حال لاسمح الله استدعت الحالة راح استخدم السلاح واصيب المعتدي مهما كلف الامر قبل ان يؤذي احد منا



انتي اصلان وش دخلك تحمينهم اذا جا واحد غريب روحي ادخلي الخيمة والرجاجيل هم الي يمسكون السلاح ويدافعون عن البقية

[الحزوبر]

انحش من الضيف ترى الضيف حرامي ياكل الكبسه ويشرب القهوه وياكل التميرات والكليجا هو اصلا وش يجيبه الله لايحييه لايكون شايفنا قهوه ولا مطعم ولا احد حاط لافته وحنا ماندري.

[سيد الجو]

................................

[ذيب عتيبه]

اقووووول مابقلا بنت وتتعلم سلاح اقول خليك في علوم الطبخ وبس




والله ياخوك كم بنت ومشهود للعلوم هذي .. وقفت يوم ان بعض الرياجيل يجحرون


الا حب لي على راس شايب رباها عز الله انه جاب بنت

[ذيب عتيبه]

انتي اصلان وش دخلك تحمينهم اذا جا واحد غريب روحي ادخلي الخيمة والرجاجيل هم الي يمسكون السلاح ويدافعون عن البقية




اقول جعل الله يرزقك بحرمه تزبن الخيمه لاجت حزات الصمايل وسيل الدم


خل بنات الرجال لاتعرضهم ... وين حريم هالوقت اللي مثل هذي الشكوى لله حريم هالوقت بعضهن تخلي رجالها ولو ينذبح وتجحر ...