الباترول ذبحني

[قناص القرائن]

السلام عليكم ورحمة الله وبركاته

حياكم الله انا ياشباب بلا ني الله بجيب باترول (معروف عنه شفط البنزين) المهم انا ابي شي يقلل الصرفيه
سالت عن شي يقلل البنزين ناس قالوا غير الكربريتر وحط كربريتر مازدا وناس قالوا ركب جهاز فيول ماكس

ارجوا منكم المساعده في اقرب وقت ممكن

[راعي الحمره]

انصحك تدبل فلتر البانزيل بس مشكلة الطريقه هذي تخفف من عزمه .

[القانوص]

السلام عليكم ورحمة الله وبركاته
الى الاخ قناص القرائن
انصحك ان تركب ابرة كاربريتر التيما على كابريتر الباترول مالك ( ابرة بخ البانزين الالتيما اصغر من الباترول) راح تخف صرفية البنزين اكثر من 30% ولكن راح يخف عزم الجيب بالقومه ولكن بالخط ما راح تحس فيه فرق الا اختلاف بسيط.ومالك الا هطريقه هاذي والله يعينك.

[قناص القرائن]

الله يعطيكم الف خير على النصائح الحلوه وسلمت

[Bader-M]

شف
لا انا ولا انت
او حتى الصناعيه بكبرها
تفهم اكثر من الي صنعوا السياره
يعني لو فيه طريقة تخفف من استهلاك الوقود كان زينونها اليابانيين
يعني
بالعربي
خله على شدة البلد احسن لك ;)
وهذه مجرد نصيحه لله
تقبل تحياتي

[المري]

السلام عليكم

اخوي قناص القرائن انصحك نصيحة اخوية من القلب الى القلب وهي :


ان تبيع السفاري البنزين وتشتري ديزل وتشوف الصرفيه ... المضبوطه



نصيحة اخويه وانت بكيفك


وماعليك من كلام بعض الناس انتبه من الديزل وانتبه .... الخ


ترى احسن بكثير من البنزين..


اخوك / المري

[الاجودي]

وعليكم السلام ورحمة الله وبركاته


ياخي انا معي باترول يمشيني 750 كيلو واكثر شوي

وش تبي اكثر من كذا

بس تراه مديل 2000


اذا كان جيبك من الشكل الجديد رح للوكاله وشف وش عندهم

والله الله باللجه عليهم ترى مايمشون الا برفع الصوت

[ساق الجواء]

عندي نفس المشكلة. الظاهر إن سيارتك كاربريتر ومحتاجة توظيب.

لكثرة الصرفية أسباب كثيرة مثل:

1. إن تكون سيارتك محتاجة لتوظيب (يدخل الزيت للبستم بزيادة ولا يتم الإحتراق فتكربن البواجي بسرعة فالمحافظة على السيارة بحالة ممتازة أوفر لك على المدى الطويل).
2. أن تكون الكفرات كبيرة.
3. أن تكون الكفرات عريضة فيزيد الإحتكاك.
3. إن يكون هواها شوي فيزيد الإحتكاك.
4. إن يكون توقيت الإشعال ما هو موزون فلا يتم الحتراق.
5. إن يكون الكاربريتر ما هو مصفى.
6. إن تكون نسبة تروس الدفرنش عالية من أجل القوة خارج الإسفلت.

وأسباب أخرى.
والسلام.

[شايب الصمان]

مديل 2002و2003و2004 كلها تغيرت عن الموديلات السابقه لانه خلوها اربع صمامات بدل صمام واحد ونا عندى 2003 لا وقير توماتيك0
امشي فيه من 500 الى 750 بدون مكيف 0 لكن الصراحه انه افضل من الموديلات السابقه0

[قناص القرائن]

الله يعطيكم العافيه وكماقال الاخ ساق الجواء الكفرات كبيره واشياء خرى فانت صادق نص الي قلته عندي بالسياره

[ابو ايمن]

أخوي قناص القرائن .

أنا عندي نفس المشكلة .

شف الجيب اللي في التوقيع .

هذا تروح ميزانية الرحلة على البنزين .

يعني اعبي ب75 ومايمكمل 450 كم . وإذا صرت في الصحراء فهي أقل من كذا بكثير

قالوا لي حط أبر مازدا . أو أبر التيما . قال المهندس . تراك بتتعب بعدها .

بس النصيحة الأخيرة اللي جتني ( من خبير )

إني أغير المكينة إلى مكينة ديزل . تكلف حوالي من 7000 إلى 8000

رغم أن ماذكر اخونا سائق الجوا . موجودة

كفرات كبيرة . عدم صفاوة الكلبليتر .
وأشياء .

المهم أخوي مانستغني عن تجرتك إذا سويت في الموتر شيء . علمنا .

لأني تقريبا ناوي أغير المكينة وهذا أقرب حل .

وشكرا