اصحاب الخبره في نيسان فتك ,, افيدوني, الموتر يثور

[الوعب]

السلام عليكم ورحمة الله و بركاته


اخواني صار لي فتره لاحظت في سيارتي امر غريب
السياره نيسان فتك تماتيك

اذا كنت دايس للموتر شوي و شلت رجلي من البانزين ,, اسمع صوت تثويره
في البدايه ماتوقعت الصوت من موتري ولكن قبل كم يوم كنت في نفق و جربت ادعس شوي لين الموتر يشيل عزمه و اهد البانزين فجئه ,, الا صوت تثويره وكانه من تحت الموتر او من الشكمان او تثويره داخل دبه الوتر


سألت عن هالخلل احد الاصدقاء (نص ميكانيكي) قالي هذا والله اعلم خلل في الكهربا

خبراء الميكانيكا في مكشات يتوقعون الخلل وين ؟

[بواسامه]

نص ميكنيكي
تصنيف رائع
سجل ياولد:D

توقعي والله اعلم مشكلتك عدم احتراق كافي ولهذا يفرقع المكربن او حساسات البخاخ
او شيك على الفلتر للهواء والبنزين
اخوك الصغير ربع ميكنيكي

[عاشق الموطن]

تاكد وانا اخوك من دبة التلوث الي تحت السواق تواجد بها شخالات قد تكون متففكه من الداخل وتصدر هذا الصوت وهو طبيعي واذا تفرغ الدبه من الداخل راح تستريح من الصوت

والله اعلم ........

[الوعب]

بو اسامه
حياك الله يا شيخ ,,, الي يقول والله يمكن الخلل من كذا هذا تصنيفه نص ميكانيكي :D
بالنسبه لموضوع عدم احتراق كافي مادري بس دخلت مزاجي
فلتر الهوى كل ما اغير زيت ينظفونه و مغيره من كذا شهر
وكذلك فلتر البانزين مغيره بعد ,, كلها مغيرها في الوكاله اصلي

اشكرك يا ابو اسامه ويخليلك اسامه ونحضر عرسه :good:

[الوعب]

عاشق الوطن لاهنت الموتر شايل من دبه التلوث من زمان و مركب عليه هدرز كاتم
و التثويره هذي كانت موجوده من ايام شكمان الشركه ولكن ماكنت اتوقع هالصوت من موتري
كل ماسمعته اقول وشهالموتر القرمبع الي جمبي :d

[سهم VTC]

اخوي اذا رفعت رجلك اتوقع والله اعلم انه من الكرونه وافحص وش او من الجنزير يبليه تزييت<<<مجرد احتمالات,,

[الوعب]

مرحبا يا فتك ,, الصوت صوت تثويره يعني ناجم من هوى,, ماهو طقه
هو اغلب الضن في الكهرب لاكن وين الله اعلم

[مقلع الرمث]

اسمع اخوي كان معي فتك ونفس المشكله صارتلي كل ماعليك انك تفك المنظم حق الهواء وتنبته وانت تفكه وتنظفه بقطنه وتنفخ فلتر الهواء وسمعت انهم ينظفونه ببنزيم ولا ماده ثانيه لكن انا انصحك بتنضيفه بقطنه حقت الاذن ممتازه وانتبه اشد الانتباه وانشاء الله راح تروح لكن بين الحين والاخر ترجع يعني فتره وترجع والسبه المنظم يصير مايقراء مضبوط الهواء انا جبرتها ونفعت معي اموفق خير

[الوعب]

السلام عليكم
هلابك يا مقلع الرمث ... المنظم هذا وين مكانه بالضبط اوصفه لي ,,, فلتر الهوى هين لكن المنظم ما ادري وينه ولا كيف طريقه فكة

[المميـز]

اسمع اخوي كان معي فتك ونفس المشكله صارتلي كل ماعليك انك تفك المنظم حق الهواء وتنبته وانت تفكه وتنظفه بقطنه وتنفخ فلتر الهواء وسمعت انهم ينظفونه ببنزيم ولا ماده ثانيه لكن انا انصحك بتنضيفه بقطنه حقت الاذن ممتازه وانتبه اشد الانتباه وانشاء الله راح تروح لكن بين الحين والاخر ترجع يعني فتره وترجع والسبه المنظم يصير مايقراء مضبوط الهواء انا جبرتها ونفعت معي اموفق خير


غريبه !!!

تتوقع تكون من الحساس ؟؟

اول مره تمر علي ولكن يمكن يكون كلامك صحيح

أتمنى من راعي الموتر التجربه والرد علينا

بس نصيحه

اذا جيت تفك الحساس افصل البطاريه كل الاصبعين

واذا خلصت ركب الاحمر أول وانتظر 10 دقايق وركب الأسود

ومكان الحساس يجي بعد فلتر الهواء مباشرة تشوف فيش كهرب جاي وراء الفلتر



انا قد صارت لي مشكله من حساس الهواء ولكن مهب تثوير

اللي صارلي ان الموتر صار يطفي اذا وقفت

واذا شغلت يدعس بانزين ويصير الضغط فوق الواحد

وفكيت الحساس ولكني غلطت ومافصلت البطاريه

وبعد مامسحيته ولعبت فيه

رجعته للسياره وما اشتغلت :(

وحاولت يمين ويسار

ولا فيه فايده

لين شلته ووديته للوكاله

ولقيت قيمة الحساس جديد بـ 1600 ريال بعد الخصم

فنصيحتي لك اذا ماكنت تعرف للشغله لاتسويها

علمنا وش يصير معك



...

[دانكن]

روح لمحل شكمانات وقله يشيك على الهدرز والدبات اكيد فيها تنسيم ..

[vtc4.8]

اذا ركبت هدرز شي طبيعي انه يثور واذا رفعت الدلكو يثور زياده

[الوعب]

يا شباب

جزاكم الله خير جميعا ,,, انا ذكرت انه التثويره كانت موجوده في شكمان الشركة و هي نفسها ضلت موجوده بعد تركيب هدرز كامل .. الهدرز ماله علاقه في الموضوع
اذا الشغله في الحساس و هو صعب لهادرجه شكلي اوديه الوكاله ... و يمكن امر على محل فحص بالكمبيوتر عل وعسى الكمبيوتر يطلع شي

[الربذي]

وعليكم السلام
حبيت اسلم بس واقولك يمكن موترك متاثر فيك يوم تتصيد ويبي يقلدك 0

[مسافربلي]

اخوي تاكد من الكويلات وافحصها والكهرب واالبواجي المشكله عندك كهرباء وانتبه تدوس له كثير اذا كتم ترا بيطير لك التكايات نظف بخاخات والافضل افحص كمبيوتر مو خسران شي يمكن يطلع الخلل علم انا متاكد بانها كهربا

[4800VTC]

المشكلة في موترك يالغالي
بواجي واسلاك بواجي
هذا العلم