إلى أصحاب البليزرات تفضلوا أبغى شوركم يالربع

[قناص حريملاء.]

بسم الله الرحمن الرحيم

السلام عليكم ورحمة الله وبركاته

حيا الله الكشاتة كلهم ... إن شاء الله طيبين

شباب أنا عندي بليزر شفر موديل 87 ...

وأبغى منكم مشورة في الامور التالية :

- ناوي أرشه بوية وش أرشه ؟
- ناوي أغير مساعداته أمامي وخلفي وش أركب ؟
- ناوي أنجد من الداخل فوش المحل اللي يشتغل زين في الرياض ؟
- ناوي أغير كفراته البالون شاهين إلى ماكسيس بالون ؟
- ناوي أغير الجنوط لأن جنوطه 15 وبأركب 16 وش تنصحوني به من الجنوط ؟
- عندي شبك امامي مكسور ناوي أغيره وين أحصل الشبك حقه ؟

وغير ذلك الكثير ......

أي رأي عندكم لا تبخلون عندي .....

بانتظاركم يالنشامى ..

محبكم ....

[قناص حريملاء.]

أفااااااا والله

وين النشامى وين راعين البليزرات

وين اللي مشاركين في رابطة ملاك البليزر وينكم اليوم ...؟؟

بانتظاركم يالنشامى

[ابو مساعد 511]

ياخوي اكتب كل الى تبيه في موضوع رابطة ملاك البليزر والاخوان مايقصرون ان شاء الله

شاكر ومقدر

[escape_man]

صدق ابو مساعد

موضوع الرابطة مكان جيد لطرح استفساراتك

ولكن قبل لاتروح هناك بانصحك عدة نصائح من تجربتي

اولا لاترش الموتر قبل لا تجمع قطع الغيار حقت البدي عند بالبيت

وقصدي الازياق حقت الرفارف والوجه والشبك وخلافه

ثانيا اذا رشيته فرشه لون واحد .. تراه يطلع خبال على البليزر

عندي 88 جددت بويته نفس وكالته وطلع بايخ

والثاني 81 حطيته لون عودي على لمعة ذهبية طلع ملفت للنظر

نجي للجنوط .. ابعد عن 16 تراها بتعذبك

خلك على جنط 15 انش وعرض 10 انش

جنوط الـ 16 مايفرش عليها اكبر كفر ودايم يطلع شكل الكفر فيها بايخ

بالنسبة للازياق والشبك تلاقيها ومتوفرة بكثرة لكننننن كلها تجاري عند جيران باقادر

بالصناعية القديمة

[قناص حريملاء.]

الله يعافيك اخوي

لكن بأنشدك ياخوي الفزعات

و رايك بلون فضي خفيف وتحت الباب خط رصاصي غامق ؟؟ انتظر ردك يالذيب