ودي أشتري عزبة ؟؟؟

[تابير]

صبحكم الله بالخير أو مساكم الله بالخير
الموضوع مبين من العنوان ودي بعزبة للشاي والقهوة مع حلول موسم الطلعات
شرايكم أشتري عزبة جاهزة من السنيدي وغيره من محلات الطلعات
أو اجهزها بنفسي ؟ :D :D
واللي عنده خبره في الدلال والقواري حقت الشاي يفيدنا بأنواعها وأحجامها
يعني أخاف أشتري دلة تطلع صغيرة ماتكفي رجالين :no2: :no2:
يا أخوان اللي عنده فايده يفيدنا وماله الا الأجر :good: :good:

[سرهيد]

السلام عليكم


حياك الله يالحبيب وصّبحك الله بالخير والعافية

شف طال عمرك

اشتر الشنطة تنزاني من الانواع الجيده تلقاها فوق سعر 60 ريال حسب الححم اللي تبي

اما الاغراض فنصيحة اذا تبيها لك وللزمن اشتر كل شيء لحاله

يعني الدله عليك بالاستيل ، لانها ما تهجر

http://www.mekshat.com/pix/upload/images28/mk33838_33.jpg

وهذا رابط لموضوع عن الدلال

http://www.mekshat.com/vb/showthread.php?p=720224#post720224



وكذلك البرقات ، مع ان الناس اذواق في الشاي يعني يمكن يبي المعدن او الستيل او الغضار او غيرها

http://www.mekshat.com/pix/upload02/images88/mk30441_fisalalmansour111.jpg

هذا حسب مزاجك

كذلك الدبات عليك باللي يدوم الاصلي ، نعم يمكن تلقاه غالي بس لو تجي لعزبتك بعد عشر سنوات تلقاها على حطت يديك

http://www.mekshat.com/pix/upload02/images88/mk30441_fisalalmansour124.jpg

http://www.mekshat.com/pix/upload02/images88/mk30441_fisalalmansour119.jpg


وراجع الموضوع التالي بيفدك للكاتب الرائع والمتألق ابو منصور

http://www.mekshat.com/vb/images/misc/subscribed.gif ســنــه أولـــي بــريّـه إلـيـك العـزبـه الـمخـمـلــيه ...فيصل المنصور (http://www.mekshat.com/vb/showthread.php?t=169478)

[تابير]

ماشاء الله عليك ردك والله سريع توني كاتب الموضوع
الله يجزاك خير ويثيبك ويرزقك من فضله
أشكرك أخوي على الرد

[سرهيد]

ماشاء الله عليك ردك والله سريع توني كاتب الموضوع
الله يجزاك خير ويثيبك ويرزقك من فضله
أشكرك أخوي على الرد

جعلك تسلم

احب افيد الاخرين لأني مريت في نفس حالتهم وابي اختصر عليهم الشيء الكثير

ويكفيني من ردي عليك هذا الدعاء منك في هذه الايام المباركة

تقبل احترامي

[ERIC7]

ما قصرو الاخوان بس اذا جا يوم وفضيت قلب في المستودع
وحثبر في المطبخ انا اجزم انك تبي تلقى دلال واباريق يحبها قلبك لو تموت ماتلقاها في الاسواق
ولو تسئل المره والا الوالده قالت مانبيها هي لك تفشل واكلف ماعليك انك تغسلها
والا ان كان عروتها فيها شي غرى والا ان بغيت بنطة لحام
وعموما ترى الخمخمه من البيت زينه

[تابير]

ما قصرو الاخوان بس اذا جا يوم وفضيت قلب في المستودع
وحثبر في المطبخ انا اجزم انك تبي تلقى دلال واباريق يحبها قلبك لو تموت ماتلقاها في الاسواق
ولو تسئل المره والا الوالده قالت مانبيها هي لك تفشل واكلف ماعليك انك تغسلها
والا ان كان عروتها فيها شي غرى والا ان بغيت بنطة لحام
وعموما ترى الخمخمه من البيت زينه

أشكرك أخوي على المرور
وأعز الله انك صاج من ناحية المخزن وأغراض قديمة من دلال وغيره بس يبيلها شغل تنظيف وما أظن تطلع
مثل الجديدة فقلت خلني أشتري جديدة وأحافظ عليها بالعزبة أزين
وأشكرك مرة أخرى والله يعينا وإياكم على الطاعة والذكر

[tooto]

أشكرك أخوي على المرور

وأعز الله انك صاج من ناحية المخزن وأغراض قديمة من دلال وغيره بس يبيلها شغل تنظيف وما أظن تطلع
مثل الجديدة فقلت خلني أشتري جديدة وأحافظ عليها بالعزبة أزين

وأشكرك مرة أخرى والله يعينا وإياكم على الطاعة والذكر


انت دور في المخازن واذا لقيتها ابشر من يدلك على تنظيفها
والقديم هو الزين
وش لك بالجديد اللي ما ينفع
يمكن تلقا دلال بغداديات ولا وارد السيف القديم
او اباريق كوريات <<<< ما عنده الا واحد وجالس يدور
المهم لا تشري شيء الا اذا ما لقته بالبيت

[دهران]

السلام عليكم ورحمة الله وبركاته

أنا ما أنصحك بالعزبة الجاهزة يعني لقط أغراض العزبة قطعة قطعة أحسن .

وأبو عبد الله (( سرهيد )) ما قصر في رده على الموضوع ....


لكن تبي نصيحتي رح للسنيدي في بريدة من يوم يفتحون الصبح وأنت عندهم وتكتك وإختار العزبة اللي تبي على كيفك منها تمشية وسعة صدر ومنها بتطلع بعزبة ما تحسف عليها (( بس كثر الدراهم )) تراك بتطلع من عندهم بعربية وإلا ثنتين :good:

وتقبل أعذب وأرق تحية .

[أبوالعز2]

أهم شي تكون مختصرة مافيها أضافات خارجية وشنطة العزبة خاصة فقط بالقهوة والشاي .

[تابير]

أشكركم أخواني على المرور
وإن شاء الله الموضوع يفيد الجميع

[bas9000]

انا انصحك انك ما تشتري جاهزة
اشتر شنطة فاضية وعبيها على مزاجك انت وقم بزيارة هذا الرابط http://www.mekshat.com/vb/showthread.php?t=20203
تقبل مروري

[محب الفتك]

خذها مني نصيحة :
اشتر الأغراض على كيفك واختيارك ، وإذا جمعت كل شيء دور لك شطنة تصير مقاس قشك .
لأنك إذا شريت الشنطة أول يمكن تتوهق ، تصير صغيرة وما تكفي عزبتك ، ولا كبيرة تضيق على غير فايدة .

[ابو زايد2009]

بالنسبه لاغراض الشاهي شنطة صغيرة

[صيد الاسود]

انا اقول اشتر شنطه وانت عبها من مايلزم ابريق دله مطباخه وكاسات وفناجيل قهوه

تكون تحت اشرافك احسنلك واذا ماتبي تتعب عليك بالجاهز وبعدين لاتكون كبيره بالحيل تتعب في تنقيلها

وفقك ربي