المساعد الشخصي الرقمي

مشاهدة النسخة كاملة : وين السكين وين الملعقه وين الرقًاص......


بركان
06/03/2004, 10:59 AM
في الكثير من الرحلات يفتقر البعض الى ادب استخدام ادوات الرحلة من ملاعق وسكاكين واباريق وعلب
السكر والشاي وغيرها....
فاذا استخدمها فهو لايعيدها الى مكانها واذا احتاج احدنا الى احدها خذ من الاسئله يا ابو فلان وين السكين ياابو فلان وين الملعقه واكثر ما نعاني هو( رقاص) قدر الضغط الذي يتحكم بخروج الهواء فهو دائم الضياع لصغر حجمه. , وخذ من هذه الاسئلة التي يحبها قلبك!!! الى ان تنقلب الرحلة الى رحلة الاسئلة.!!!

يا اخوان واللي يرحم والديكم اذا خلصتوا من الحاجه رجعوها لمكانها على شان اذا احتاجها غيركم يعرف مكانها بدون سؤال.

وش راي الاخوان مهوب بعض الاخوان هداهم الله يرفعون الضغط. خاصة اذا كنت صاحب المعاميل ومرتبها
ويوم تشوف منظرها يضيق صدرك من الحوسه.!! اللي يوطا فنجال واللي يوطا بياله واللي يعثر في علبة السكر واللي يتوسد كيسة الرز..... وعد الين تغلط.!!!
( برى بحرى)
07/03/2004, 12:04 AM
اى والله
انا اطلع والعزبه معاى ارجع البيت تقول سوق الحراج لان محد يحب يرجع الشىء مكانه وانا كل مره ابتلش ارتبها لهم مره ثانيه وثالثه
بس ما يخالف يستاهلون الربع
حفرلوجيا
07/03/2004, 10:13 AM
الله يطيب خاطرك ويسعدك أخوي بركان ..

تدري أنك من حيث لاتدري ( رفعت معنوياتي ) ..

لأني أعاني من شلتي يقولون عني ( بلشة ) لأني ببساطة لأسمح لأي واحد منهم ( يحربش ) بشنطة المعاميل اللي مجهزها من كله .. ولي في تجهيزها والتعامل معها ( طقوس ) ومستعد أحورف بكل شي ( وهي خرمس ) > هذا ماهو مادح نفسه ...... :light: واللي يبي منها شي أقدمه بنفسي بطيب خاطر بس لايحوس علي شي

لأني مرتب كل شيء على طريقتي .. والمشكلة لو جاك من يبي يشيل أو يستخدم شي ( حاس ) عليك الترتيب سواء كان بحسن نية أو رفالة ..:mad:

والمشكلة لو حاس .. وعلى ( الطقوس ) اللي لخبطها خوفك ( أتوهق ) وأسوي القهوة بالقدر الكاتم .. وأطبخ الكبسة بابريق الشاهي .. وأقطع اللحم بالملعقة.. :D
يعني معذور لو كنت ( بلشة ) .. لكن بركان ( فجر ) معنوياتي .. :good:
حد السيف
08/03/2004, 08:08 PM
الغالي بركان
السلام عليكم ورحمة الله وبركاته
تسلم على ها الموضوع ويرحم من عقبوك ان شاء الله
الغالي واللي يرفع ضغطك اكثر اذا ربعك وشلتك لهم اكثر من عشر سنين وانت تكشتون سوا وتفاجك مثل ها الاسئلة احس ان الضغط ارتفع الى القمة وان اللي قدامهم ماهي شنطة عزبة اللي قدامهم دحول الصمان وخبياها مع العلم ان الشنطة الخاصة بالمعاميل ما تجي مقاساتها مترونص في متر على اكثرالاحوال ولكن وش تقول وشنطة الارزاق بة ما لذ وطاب ويسل وهي قدامةوبين ناظرية وين الملح وين البهارات تكفى البيز وينة الله لايهينك الليمون الاسود وين انت حاطة وخذ من ها الاسئلة والشنطة مثل ماقلة حجمها محدود وكل شي مرتب بها حسب الحاجة
تسلم مرة ثانية وللك تحياتي


محبك اخيك
حد السيف
فرد حمزة
08/03/2004, 08:58 PM
السلام عليكم ورحمة الله وبركاته


وقعت على الجرح يا اخوي

تصدق أعاني وبشكل مستمر في الطلعات من حوسة العزب اللي تخصني

هذي عزبة المعاميل والكيف لها صفصفه خاصة ما يعرف يضفها غيري ولولا غيرتي عليها ولا يقربها غيري ( كلش ولا البغداديه ) كان علوم تسان ضايعه حوسته منذ مبطي :(

أما عزبة الطبخ الله يخلف ما هنا روحه ورجه إلا أكمل النقص وأعوزه .. ! ما هو من البهارات ومواد الطبخ إلا مواعين وسكاسين وملاعق ... وخطير قدر الكاتم !


تصدق عاد !

بخترع حل بربط العزبة وباللي فيها ببيشة ( سلسله حديد ) وابن أمه يضيعها علي o)
:D
بركان
14/06/2006, 05:28 PM
يرفع للفائده.
((( الحر)))
15/06/2006, 09:50 AM
موضوع يستاهل الرفع

بارك الله فيك اخوي بركان... والله من حاجة ضاعت بالبر لو اجمعها مليت تريله http://mekshat.com/vb/images/smilies/biggrin.gif

اما الي يتوسد الرز هذي حلوه قمة النعومه http://mekshat.com/vb/images/smilies/smile.gif

ذكرت صورة لواحد من الربع العام كان معنا بالصمان ونسى ماجاب وساده .. وقال ياولد يمدحون ابو كاس

وهذي صورتهhttp://mekshat.com/vb/images/smilies/biggrin.gif http://mekshat.com/vb/images/smilies/biggrin.gif http://mekshat.com/vb/images/smilies/biggrin.gif

http://www.mekshat.com/pix/upload/images17/mk1112_swilm2.jpg