مطلوب خط سير الرياض الحديثة من الطريق الجديد /حائل الجوف [الأرشيف]

e3lanat

02/12/2008, 10:24 AM

السلام عليكم

ارغب بالسفر من الرياض الى الاردن
وسمعت انه يوجد طريق جديد وهو حائل الجوف على ما اعتقد
ما رايكم بالسفر من الرياض بهذا الطريق ؟
هل هو جيد الآن؟
وهل اصبح مخدوما بمحطات البنزين ؟
وهل بالفعل المسافة اقل منها عن الطريق القديم؟

وليت من يملك خط السير على برنامج النفجيتور او جارمن الجوال يفيدني مشكورا

راع الصقلاويه

02/12/2008, 10:41 AM

وعليكم السلام ورحمة الله وبركاته :

ما رايكم بالسفر من الرياض بهذا الطريق ؟

المسألة ترجع لرغبتك انت .

هل هو جيد الآن؟

لايوجد مشكلة الناس رايحه جايه مع الخط وخبري فيه قبل سنه أو أكثر وهو جاهز إلا السياج غير موجود.

وهل اصبح مخدوما بمحطات البنزين ؟

حسب علمي لا يوجد محطات إلى الآن لكن ماعندك مشكله تعبي بنزين من حائل وتاصل الرديفه ماراح نصف البنزين كان موترك مايصرف واجد , وبعد الرديفه تبلش بالمحطات من كثرهن .

وهل بالفعل المسافة اقل منها عن الطريق القديم؟

إحسب طال عمرك : 350 الرياض القصيم + 250 القصيم حائل + 280 حائل الرديفه + 350 الرديفه القريات = 1230كم والخط القديم يقارب 1480 كم أو أكثر .
وليت من يملك خط السير على برنامج النفجيتور او جارمن الجوال يفيدني مشكورا.

مايبي له مقرِّي يابناخي الخط واضح من الرياض للقصيم لحائل واذا وصلت حائل إسأل أي واحد يدلك على الطريق واذا تبي أرسلت لك رقم جوالي على الخاص وابشر بسعدك , قارمن وحاجات متطوره ما أعرف , إذا ملزم غيري يمكن يفيدك .

أتمنى لك التوفيق , وحفظك الله في حلك وترحالك .