يا جماعة الربع مااافضل مكان للتخييم حاليا ضروري [الأرشيف]

ami1948

02/12/2008, 01:43 PM

وخباركم شباب
اانا اليوم جاي اطلب
رايكم في افضل مكان :good: :good: :good:
للتخييم للعوائل سواءا قريب من الرياض اوبعيد
المهم مكان ينفع للتخييم للعوائل
وجاكم الله خير

أخى الكاشت : 999
ألأماكن واجد والربيع فى بدايته والبر والفياض غطاها الخضار بحمد الله ؛ وطالما إنك تبى مكان يصلح لتخييم العوائل اقترح عليك مكان مناسب للعوايل ويتميز بالخصوصيه :
المكان بين قرية حفر العتش والترابيع ولتصل إليه تمسك طريق روضة التنهات وإذا وصلت ( دوار الصمان التنهات حفر العتش حوالى 170 كيلو ) تمسك طريق حفر العتش يجيك طريق قرية الحفيره على اليسار أتركه ويجيك بعده طريق على اليسار وتشوف حفر العتش على اليمين امسكه وامش فيه حوالى 15 كيلو الين تصل الجبال اللى فوقها إريل لف يسار من بين الجبال وتيامن تصير الجبال اللى فوقها الإريال عل يمينك تمشى وتشوف لك محلات مناسبه على يمينك ذاريه من ثلاث جهات ونظيفه ومريحه للعوايل تمنع الهوا الشديد والعج وآمنه لو أمطرت
ومتوسطه بين الترابيع والشوكى والتنهات وفياض وشعبان كثيره أتمنى لكم إجازه سعيده .