الفزعه يا اهل القصيم

[جواد333]

لأهل القصيم
تكفون أنا ناوي أروح أنا والشباب للصمان أبي وصفه من القصيم لين الصمان لا هنتو يالغالين ولا معي قارمن

[بيلسان]

ابشر وانا اخوك
اسلك طريق الرياض السريع بعد ماتتجاوز محطة العتش يجيك جسر قبله لوحة مكتوب عليها الثمامة اطلع على الجسر واتجه يسارا يجيك تقاطع استمر الين تجيك فيضة الخفيش على اليسار بعدها مفرق على اليسار خذ باليسار ثم اسلك الطريق بعدها يجيك شعيب الطوقي استمر الين يجيك دوار مكتوب عليه الرمحية والصمان خذ باليمين متجها الى مركز الصمان ترى المسافه بعيدة شوي .


بس افضل لك اخوي خذ معك جارمن ترى الصمان متاهات .

ولك تحياي واعذرنا على القصور

[جواد333]

مشكور يالغالي وماقصرت

[هارون97]

القارمن موجود الان حتى في الجوال اريح لك ماتقول ضعت ما ضعت

[ابوالوليد 1429]

فيه طريق اقرب من اللي كتب اخونا بيلسان
امسك طريق القصيم السريع وافرق على المجمعه بعدين امسك طريق الرطاوية وتعد الرطاوية الين تاصل محطة البطيحانية على اليسار طبعاً بعد ام رقيبة
اذا وصلة المحطة المداخل اللي توديك للحصبيات تجيك على الليمين قبال محطة البطيحانية
هذا اقرب لك بكثير
بس وصف اخوي اقرب اذا بغيت تروح للجهة الشرقية من الصمان اللي هي فيضة ام المصران وفيضة المعترضة وانا اليوم جاي منهن وربيعهن زين بس مهوب زي الحصبيات و الحسناء وفيضة البخراء واللي حولهن
وانا اخوك وش موديك للصمان رح للحسكي وبعده اطلع قطوعة على لينه والحجرة هذا افضل ربيع من الصمان واقربلك