وين احسن كهربائي فاهم بالباترول عندي الاسلاك حوسه في الكبوت

[D I K T O O R]

السلام عليكم

مساكم الله بالخير
عندي الباترول ربع 2000 كلبليتر

والمشكله ان الاسلاك حووسه يعني يبيلها ترتيب واسلاك طايحه عن مكانها فهمتو ؟

يعني خذ المشاكل اللي تجي الموتر يطفى واذا حركت الاسلاك اشتغل ههههه يعني اشياء ماتدخل المخ

وانا بالبر قبل كم يوم طفى الموتر علي وجيت اشغل مايدق سلف يقول تك واناظر البطاريه جديدهـ ونعطيه اشتراك ما فااااد وافتح الكبوت واناظر السلف صار سلكه منفصل يعني السلك يلعب

نبي واحد فاهم بالباترولات واحطه عنده واجيه مزبطهـ والاسلاك مرتبهـ وكل شي تمام التمام

[أبو الحارث 4]

أبشر بسعد أخوي الحبيب دكتور : هذا كهربائي باكستاني شايب عاملته أكثر من عشرين سنة ، خبرة أمانة ، لكن ياخذ حقه وافي ، الرياض معارض الشفا اسمه صادق وللمزيد راسلني على الخاص أعطيك رقمه إن صملت.

[ابو ريان الصقر]

السلام عليكم
اخوي ابو الحارث 4يليت تحط الوصف حتي تخدم الاعضاء كافه
وتقبل تحياتي

[D I K T O O R]

مشكورين يالنشاماء

تكفوووون نبي واحد فاهم بالباترولات

نبي اكثر من واحد علشان اذا مانفع هذا ينفع هذا

وبيض الله وجيهكم

[f 16]

السلام عليكم
أنا أقول عندك ببريدة بالتشليح واحد اسمة يوسف الخضير أسأل عنه وتدري مايحتاج

هذا بالنسبة للباترول اما أفضل كهربائي بصناعبة الرواف محمد العثيم شغل سعودي وشغل ذمة
وتبي تدعيلي لو أنت بعيد رح لمه بس تضمن موترك صح

[m1m]

فيه باكستاني في صناعية العاصمة الدائري الغربي ..

الحقيقة أنا من زمان أطق له مشوار لأني أضمن أنه يتك تك الشغل

إذا دخلت صناعية العاصمة من جهة الدائري طبعا لازم تلف يمين بتصير الورش على يسارك وقطع الغيار على يمينك ثاني ملف يسار ثالث ورشة .. ( ترى الوصف مهوب دقيق مرة ) بشرط وجود مسجد يصير على يمينك إذا تقدمت

[العاير]

السلام اقول وده للوكاله ثم للمعارض على طول

[D I K T O O R]

مشكورين يالغالين

ويالعاير
شف يا انك ترد رد رجال والا تسكت ابرك لك

ومشكورين يالنشاماء