ابي فزعه ياالرجال حول النعيرية

[بن دهيس]

السلام عليكم ورحمة الله وبركاته ..


انا ناوي اكشت جهة النعيرية او حولها 100 -200 كيلو متر ماتفرق ..اهم شي المكان يستاهل ..

اذا احد يخبر لي مكان فيه ربيع وفيضه الله لا يهينه يذكرها لي ...


تحياتي للجميع ...

[ادميرال]

للرفع

نفس تساؤلاتي

[خفجاوي 22]

ابشر بسعدك


بلنسبه لنعيريه اضنه مايخفاء عليك هي مجمع لجميع اهل الخليج في الربيع كل سنه
واما للفياض مالك الا الصمان

[راعي هوى]

ابشر بسعدك


بلنسبه لنعيريه اضنه مايخفاء عليك هي مجمع لجميع اهل الخليج في الربيع كل سنه
واما للفياض مالك الا الصمان



صحيح وانا معك يالخفجاوي :good: :good:

[النجم الهاوي]

فيه بجانب النعيريه من جنوب مدينه اسمها الصرار اذا جيتها فيه غرب منها حوالي 12 كيلو

فيضة اسمها السديريات روعه روعه جيتها قبل سنتين

مدري عن هالسنه اذا جاءها مطر او لا

وهذي صوره منها

http://alsuhol.org/files/uploads/1228471396_12.jpg

[ابووولجين]

فيه محافظات قريبة من النعيرية حلوه مثل . الصرار . الكهفه . حنيذ . مليجة . وادي العجمان إذاجاء المطر بالوسمي ربيعها زين مره ويوجد بكثرة الفقع في تلك الأماكن

[asa39]

هل يوجد صور جديده للنعيرية وما حولها

[ابووولجين]

النعيرية مكان مكاشيت أغلب أهل الخليج والغالبية من دولة قطروالكويت لأنها قريبة منها والديرة حلوة............ وأماكن التخييم قريب من الديرة ويقام فيها سنويا مخيم الربيع يقام فيه الأمسيات الشعرية والمحاورة لكبار الشعراء من كل مكان من المملكة ودول الخليح ويوجد في مخيم الربيع برنامج تنظيم توزيع المياه على المخيمات عبر الوايتات الخاصة بالمخيم وينظم أيضا المخيم توزيع مطويات دعوية ووجبة إفطارصائم لمن هم في مخيماتهم في يوم عرفة وأيضا يتم توزيع أكياس نفايات أجلكم الله .... ويوجد بالنعيرية أسواق كبيرة تجد كل أحتياجاتك فيها مثل أسواق البوعينين وأسواق الصيعري وأسواق الحازمي وغيرها من الأسواق والسوق القديم (سوق البدو ) وسوق الخميس ........ أما الربيع والعشب لم يذكر شيئ عنه في النعيرية ............. حبيت المشاركة حسب معرفتي بالديرة وسامحونا على القصور .

[GMC505]

والله ماعندي علم الشباب فيهم البركه .

[بن دهيس]

الله يبيض وجيهكم جميع ... وشاكر لكم هذا التفاعل والردود السريعه ..

اذا فيه صور حديثه عن الأماكن المذكوره ..

تحياتي لكم .

[برزان الشمال]

الربيع في النعيرية على أوله يعني تشوف الخضار.

لكن المعروف إن النعيرية الحين صارت تجمع المنطقة الشرقية ودول الخليج وزحمة وهياط ماكأنك كاشت.

بيني وبينك عدك بالديرة من كثر العالم على ايش ما ادري.

فيه فيضة حلوة ومربعة ربيع طيب بعد الونان ووجهك لطريق الرياض الدمام السريع( جنوب) عن الونان

يمكن10 كيلو. عن النعيرية 85 كيلو بالضبط.
حقت كشته يوم وترجع.
أما بخصوص الصورة اللي وضعها النجم الهاوي بس ياليت يوضح لنا مكانها بالضبط.

نبي نعس هالفيضة.

[النجم الهاوي]

8
8
تقصد المصرعيه

والله ياخوك ماعندي احداثياتها بس نجيها بالوصف هي غرب من الصرار ب حوالي 10 الى 12 كيلو

وهي فوق جبل

واسمها فيضة السديريات << نسبه الى السدر اللي فيها

[ناوي نيه]

الربيع في النعيرية على أوله يعني تشوف الخضار.

لكن المعروف إن النعيرية الحين صارت تجمع المنطقة الشرقية ودول الخليج وزحمة وهياط ماكأنك كاشت.

بيني وبينك عدك بالديرة من كثر العالم على ايش ما ادري.

فيه فيضة حلوة ومربعة ربيع طيب بعد الونان ووجهك لطريق الرياض الدمام السريع( جنوب) عن الونان

يمكن10 كيلو. عن النعيرية 85 كيلو بالضبط.
حقت كشته يوم وترجع.
أما بخصوص الصورة اللي وضعها النجم الهاوي بس ياليت يوضح لنا مكانها بالضبط.

نبي نعس هالفيضة.
ياليت لو تقدر تعطينا احداثيتها

[برزان الشمال]

8
8
8
والله ما اعرف احداثيتها لكن الخط يقطعه نصين مايبيلها احداثيات وزحمة.اطلع من الونان ووجهك يم عريعرة (طريق الدمام الرياض السريع) حول عشرة كيلو وبتنزل على الفيضة.
لها اسم بس غير رسمي الشباب يقولون له أم رشاد نسبة للرشاد به.
بس مشكلته ازعاج الخط والا العشب ماشاء الله.

[النبقية2007]

اللهم أنزل بركتك على ديار المسلمين

[abnbtota]

عليك بخباري وضحى شمال سعيره