انا ابشري سيارة وابغاها برية

[رعد المدينة]

السلام عليكم
والله ترددت كثيراا
قلت مالي الا النشامى اهل مكشات
انا ابشري سيارة وابغاها برية يعني حقت بر
وانا في راسي جيب ربع
لكن بعض الربع الله يهديهم يقولون لي الشاص افضل
انا جايكم ابا الفزعة طال عمركم
ايهما الافضل
وش تنصحوني به
وشكرا

[faiz-111]

كلهن لراعي الكشتات عينين براس بس دام هواك بالربع توكل على الله واشتره

[فاقدخوي]

الربع احسن لك والله

[sameer_1798]

الربع ممتاز لكن إن كان عفشك واجد يعني تحميل فالشاص راعيها ..

[قماز]

والله ماانصحك بالصاص الا اذ بغيت ضهرك ينكسر خذه وهو يعتبر رمز للتخلف

[رعد المدينة]

يالربع
اخر كلام لانكم زدتوا من حيرتي

[سنا البرق]

السلام عليكم ورحمة الله وبركاته
حياك الله أخوي رعد المدينة
ولعلي أدلي بدلوي وإن شاء الله أفيدك
رغبتك في شراءك للسيارة يعتمد على مايلي:
1-القنص في المناطق الجبليه والكشتات في المناطق الجبليه والأخوة القليله التي تخرج معك مابين اثنين إلى ثلاثه أو لوحدك وقليل العفش فإذا كنت من نفس هذي الفئة فعليك بالسيارة المناسبة فالربع مناسب فبعض الجيوب الأخرى تصلح ولكن الربع أفضل لأنه يدخل ويرقى ويخيط الشعبان وهو أفضل من غيره
2-الكشتات الخفافيه وأيضا طويلة المدة وهي تجمع مابين النفود والسهول والجبال قليلة الوعوره فعليك بالجيب الصالون إما هدد أوغيره أما الشاص فهو ممتاز ولكن على حسب
لكن من وجهة نظري فقط لايصلح السبب لأنه كسايف أي ضيق ومطبه أقشر والركاب أثنان ولكن موتر
أخي الكريم رعد المدينه في جعبتي الكثير ولكن حبيت أختصرلك
لعلي أكون أفدتك وأي شئ تريدة أنا في الخدمه
أخوك سنا البرق

[صايد البرقا]

شاص احسلك
1 : ارسا من الربع
2: صندوك تحمل عزبتك وعفشك كامل
3:وللوعر اعلاج

يكفيك انه ارسا من الربع الربع لوتسرع في من عطف الله يكفينا الشر حاسبك الشاص لا
ونت ابكيفك

[سيف المنايا]

انصحك بالشاص
لانه يكفيك بالمقانيص وتشيل حطب للبيت
وتشيل عليه الضحاياء
وذا قنصت خويك واحد------------علشان ماحد يزعل عليك ليش ما مريتنى
انا كان معى ربع سفارى وبعته وشريت شاص

[شعال]

اخو مايبيلها شي

اذا انت تحتاج الحوض الشاص يعني دايم تحتاج تحميل سواء في طلعت بر او غيره يصلحلك
اما اذ انت منت راعي تحميل اكيد الربع وش للك في الشاص ومطابه..

[ياسر الجهني]

ربع وبس 2005

[طبعي شمالي]

قوه خذ شاص ..

تحميل ركاب ربع ..

[.أبوعبدالرحمن]

الشاص طير شلوى ويطربك في كل شيء


لكن الربع عيبه ما يشيل عفش لراعي البر

[الربذي]

ارى الشاص اوفق بس يكسر السنوووووووووووون

[إعصار]

العزم ماهنا فرق واضح .. نفس المكينة والقير ..

بس مشكلة الربع مايشيل عفش .. يعني عزبة وجركل وفرشة يغص خلاص معد يكفي شي ..

لكن الشاص يكفي 2 او 3 أشخاص والعفش لو تبي تشيل قبيلة ..

على العموم اذا انا اقترح تطلع الربع من المقارنة .. وتشوف الشاص اذا اعجبك ويصلح لأستخدامك فتوكل على الله ..

اما اذا ما جاز لك شف لك جيب غير الربع .. فورشنر ..اف جي .. برادو ..


بس لاتشتري الحين اصبر شهرين ثم اشتر ..


الله يوفقك يالغالي ..:)

[الربذي]

والله ماانصحك بالصاص الا اذ بغيت ضهرك ينكسر خذه وهو يعتبر رمز للتخلف
هههههههههههههههههههههههههههههههههههه
الله يقطع بليسك ياقماز اسمك مشتق من الشاص راعي القمز والمقامزه يكسر الظهر ...........
والتخلف ياخيي لايمثله اي سياره 000000000000يعني اشتري شاص اتخلف واشتري كدلك حوض اصير سنافي
المتخلف هو هو لو ركب لمبرغيني 000
اشوف ناس على شاص 82 يسواله قبيله وحمايل واقابل ناس على فيراري مايسوى التاليه من ولا بلاش كلنا اخواان ياقماز وانت اول اخواني ياغالي 00



http://www.rofof.com/img/11u3u14h.jpg (http://www.rofof.com/)

http://www.rofof.com/img/11u3u14h.jpg (http://www.rofof.com/)

[محمد العبدالسلام]

اذا نفسك بشئ معين استشر واستخر واشتر

[العاير]

شق يالحبيب انت راعي شعث ومراقي وهدرز وغيرها من الخرابيط خذلك ربع وللعلمك تري الربع مايشيل ونقلابه الله يعديك المكروه سريع ولا تنسي انه كوخ.......... وانا اشوف ان ركوبه منقديه للرجاجيل ولا عليه احسوفه
خذلك صالون هدد او شاص مركب شيوخ ورجاجيل ولا به منقديه وسلامك
هذا رايي ولا الزم احد باخذه

[بدوي جنوبي]

عنوانك مخالف

[شعال]

شق يالحبيب انت راعي شعث ومراقي وهدرز وغيرها من الخرابيط خذلك ربع وللعلمك تري الربع مايشيل ونقلابه الله يعديك المكروه سريع ولا تنسي انه كوخ.......... وانا اشوف ان ركوبه منقديه للرجاجيل ولا عليه احسوفه
خذلك صالون هدد او شاص مركب شيوخ ورجاجيل ولا به منقديه وسلامك
هذا رايي ولا الزم احد باخذه


اعوذ بالله ليه ركوبه منقديه.....!!! ؟
يا عزيزي المنقديه على المستخدم مهو على السياره
يعني المستخدم هو الي يحط فيه هدرز وخرابيط مثل قولتك..!
والسياره تعرف من شكلها مهو قصدي انها جديده او قديمه تعرف من كمالياتها الي هو حاط(الخرابيط).منهو راعيها يستاهل المنقود او لا.
علما بأني ما امللك جيب ربع

ارجو اني اوضحت...

[رعد المدينة]

عنوانك مخالف
لماذا مخالف
وضح بارك الله فيك

[بدوي جنوبي]

لماذا مخالف
وضح بارك الله فيك

عاجل ،،، تكفون ،،،، الحقوني ،،،، الفزعه ،،، مصيبة

كلها تعتبر عناوين مخالفه
ومذكورة في شروط الكتابه

بالتوفيق ان شاء الله

[yfd]

فيها كلااااااااااااام شاص ياشنب ..

[رعد المدينة]

باررك الله فيكم جميعا
والله مازالت الحيرة قائمه
لكن ننتظر شوي حتى بعد العيد ونشوف الارخص ونتوكل على الله

[ابوزياد99]

الشااااااااااااااااااص تانكيين اهم شي

[لن أمل من العطاء]

والله ماانصحك بالصاص الا اذ بغيت ضهرك ينكسر خذه وهو يعتبر رمز للتخلف


مع اني لا احب الشاص ولا يمكن ان اشتريه في يوم من الايام

ولكن للناس اذواق ومذاهب

وقولك
انه يعتبر رمز للتخلف

فأنت اخطأت بهذه الكلمة في حق كل من يقتني هذه السيارة

[EFI.4500]

خذ ربع عشان مايصرفونك خوياك تحمل الاغراض وهم يسرعون وانت ترجع تجيب فرشه طايحه والا ابريق طار ولسرعه مححده لك هههههههههههههه
لالا امزح لاوالله الحوض علاااااااااااج يكفيك هالحوض اجدع الي تبي ونم فيه عن الخشاش ان بغيت

[ابن صقيه]

لا تتعدى ربع النيسان ..


عزم وراحة وشكل خيالي ..