مشكلة البرودة الزائدة في الباترول 98بخاخ

[سوبر152]

السلام عليكم إخواني المكشاتيين :
أنا عندي مشكلة في الباترول 98 بخاخ وهي البرودة الزائدة في الصباح وكذلك إذا أنا ماسك خط وسرعتي دون 130 بحيث أن الموتر يترتر:confused: :mad: وثقيل وإذا اسرعت 160وأكثر يصير كويس:) و مع إني مغير بواجي وأسلاك بواجي وبلف الماء موجود وأنا أنشد أهل الخبرة في السبب
ولكم مني جزيل الشكر

[الربذي]

شف بلف الحراره 0واذا خفيف ركب 82درجه
تراها بطريقتك ذي يشعر الراس حق الماكينه وياثر عليها 0
شف البلف وبس ركب او حط قدام الاديتر ساتر اي شي قصدير او خلافه 000000000000000000وهو ابسط واحسن الحلول لين يروح الشتاء وتشيله 0
لان 82 مايصلح لصيفنا الاهب0

[D I K T O O R]

ننتظر الفاهمين بالامور هذي

[adil33]

اذا مركب البلف ابيك تكشف على السخان حق الماكينه لا يكون مو شغال

[m1m]

عدة أسباب :
1- تماتيك المروحة معلق ( تصير الحنّة دائمة ) .

2- البلف يفتح بسرعة
أحيانا يتعطل البلف أو يكون فتحه عند درجات حرارة بسيطة.. جرب غير البلف ..

3- السخان وهذا نادر جدا وجرب إذا المكيف الحار يشتغل ما عليك خلاف .

4- وجود مروحة كهرب تعمل .

الحلول :

- التشييك على تماتيك المروحة إذا ما يحن كثير فهو زين .

- تغيير البلف

- التشييك على عدد الريش في المروحة يمكن يكون زايد ..أو مركب مراوح ذات ريش أكثر

- تقليل ماء الرديتر شي بسيط .

- وضع قصدير أو كرتون على ربع الرديتر .

[سوبر152]

اذا مركب البلف ابيك تكشف على السخان حق الماكينه لا يكون مو شغالشكرا أخي ولكن أنا ملغي الحار لأن الاديتر حقه خربان وين مكان السخان حق المكينة:confused: علما ان مكينة موتري بنزين4800
وهل مكينة البنزين لها سخان

[adil33]

فيه جهازين موجودة فوق الثلاجة حقت الماكينه واحد اسمه منظم الهواء وواحد قريب منه تقريبا عمله مقارب للاول هذه الجهازين اذا اختلفت وزنتهم الماكينه احيانا تتلخبط معاهم واحيانا تشعر بهذا الشيء في امبير الهواء بالطبلون تلاقيه دون الواحد بكثير والمفروض انه ما يتعدا ولا تنزل عن ال 8 في عيار امبير الهواء

[سوبر152]

فيه جهازين موجودة فوق الثلاجة حقت الماكينه واحد اسمه منظم الهواء وواحد قريب منه تقريبا عمله مقارب للاول هذه الجهازين اذا اختلفت وزنتهم الماكينه احيانا تتلخبط معاهم واحيانا تشعر بهذا الشيء في امبير الهواء بالطبلون تلاقيه دون الواحد بكثير والمفروض انه ما يتعدا ولا تنزل عن ال 8 في عيار امبير الهواء
شكرالكم إخواني على هذا التفاعل البناء وششكرا لك أخي وسوف أختبر الجهازين الله يعافيك (الله يجعلكم تشبعون فقع مع سمن بري طبيعي وتطعمون الأهل والجيران والأحباب) قولوا آآآآآآآآآمييييييييييين:)

[adil33]

آمين والله يطعمنا وياك من اعالي الجنان قول امين

[وسيع البنايد]

عدة أسباب :
1- تماتيك المروحة معلق ( تصير الحنّة دائمة ) .

2- البلف يفتح بسرعة
أحيانا يتعطل البلف أو يكون فتحه عند درجات حرارة بسيطة.. جرب غير البلف ..

3- السخان وهذا نادر جدا وجرب إذا المكيف الحار يشتغل ما عليك خلاف .

4- وجود مروحة كهرب تعمل .

الحلول :

- التشييك على تماتيك المروحة إذا ما يحن كثير فهو زين .

- تغيير البلف

- التشييك على عدد الريش في المروحة يمكن يكون زايد ..أو مركب مراوح ذات ريش أكثر

- تقليل ماء الرديتر شي بسيط .

- وضع قصدير أو كرتون على ربع الرديتر .



موتري بترول 93 خليجي كلبلتير والقير تماتيك المروحه من ادق السلف تشتغل وتاخذ السياره ربع ساعه وهي شغاله و ما ارتفعت الحراره 00000 وش تنصحوني يا اخوان 0000 افصل المروحه في المربعانيه 0000 وهل لفصلها ضرر على الموتر في ذا الوقت

[سوبر152]

http://up.graaam.com/up1/pic4/94686748ed.jpg

[adil33]

موتري بترول 93 خليجي كلبلتير والقير تماتيك المروحه من ادق السلف تشتغل وتاخذ السياره ربع ساعه وهي شغاله و ما ارتفعت الحراره 00000 وش تنصحوني يا اخوان 0000 افصل المروحه في المربعانيه 0000 وهل لفصلها ضرر على الموتر في ذا الوقت
اخوي مركب بلف حرارة ام لا ؟ احيانا يكون عدم وجوده سبب في بروده السياره اذا كانت انظمتها تعبانه وهريانه
الرديتر شد بلد ولا تفصيل ؟اذا كان شد بلد المفروض ترتفع الحرارة اقل من الربع عند التسخين واذا ظلت السيارة بارده فاغلب الظن انه الرديتر تفصيل ويكون ثلاثه طبقات والله اعلى واعلم

[adil33]

هذه الجهازين الي اقولك عليها بالافياش الحمراء لازم تكون وزنيتها صحيحه حتى تاخذ السيارة حرارتها الطبيعية وعزمها المطلوب
http://www10.0zz0.com/2008/12/07/18/491176205.jpg (http://www.0zz0.com)

[faris2006]

السلام عليكم
الله واعلم من البلف ممكن يكون مركب اقل من الوكالة
اماعن الافياش واحد للحراره الى بالطبلون والثاني للمراوح


اما عن الي تشتغلال المراوح عند التشغيل الله اعلم من الحساس
عند ما تفصل الفيش تشتغل المراوح جرب وفصلها والمكينه شغالة
والله اعلم

[رمال البراري]

بسم الله الرحمن الرحيم

اخي الكريم ..

هل الديلكو موزون ..
لأن اذا كان غير موزون بدقة يعني كأن يكون توقيت الشرارة متأخر فهذا يعني عدم احتراق الوقود بشكل كامل و بالتالي لا تصدر الحرارة الاعتيادية من المحرك ..
و للتأكد .. هل السيارة تلاحظ عليها استهلاكها للوقود اكثر مقارنة بالسيارات المماثلة لها في الموديل والنوع فإن كان كذلك فإحتمال كبير ان يكون الديلكو هو السبب .. ففي حالة (( More Advance )) لا تلاحظ تغير في قوة المحرك لكن تلاحظ استهلاك عالي للوقود مع برودة المحرك نسبياً و انخفاظ في سرعة دوران المحرك مما يجبرك على زيادة وزنية الدعسة

اخي الكريم اطلب من الميكانيكي ضبط توقيت الديلكو او الموزع بالطريقة اليدوية اذا كان خبيراً او بطريقة (( Lighting Gun )) او مسدس الوميضي و استخدامة لضبط توقيت شرارة البستن رقم 1 مع علامة المحدده على بكرة عامود الكرانك التي تدير السيور للمروحة و الاجهزة الاخرى ..

اخي الكريم آمل ان يكون في اقتراحي حلاً للمشكلة التي تعاني منها ..

السلام عليكم ورحمة لله و بركاته

[وسيع البنايد]

اخوي مركب بلف حرارة ام لا ؟ احيانا يكون عدم وجوده سبب في بروده السياره اذا كانت انظمتها تعبانه وهريانه
الرديتر شد بلد ولا تفصيل ؟اذا كان شد بلد المفروض ترتفع الحرارة اقل من الربع عند التسخين واذا ظلت السيارة بارده فاغلب الظن انه الرديتر تفصيل ويكون ثلاثه طبقات والله اعلى واعلم


الرديتر شد بلد
وبلف الحراره كيف اعرف انه شغال؟؟؟؟

[m1m]

موتري بترول 93 خليجي كلبلتير والقير تماتيك المروحه من ادق السلف تشتغل وتاخذ السياره ربع ساعه وهي شغاله و ما ارتفعت الحراره 00000 وش تنصحوني يا اخوان 0000 افصل المروحه في المربعانيه 0000 وهل لفصلها ضرر على الموتر في ذا الوقت


هلا بك

نعم إذا كانت مروحة المكينة موجودة افصلها .. لأن شغلها مباشرة يتعب حتى الدينمو .. أو حط لها فاصل تشغلها عند الحاجة

[سوبر152]

http://www.al-wed.com/pic-vb/813.gif