ويش الحل ياخواني المكاشيت؟؟؟؟

[sands]

السلام عليكم ورحمة الله وبركاته
وش الحل مع البرد عندي الموتر مايشتغل من اول مرة وذلك باسباب الاجواء البارده يعني في كشتتي مع زملائي البارحه كان الجو بارد جداً ماشاالله وعند ساعات الصباح حاولت اشغل الموتر ماشتغل حتى قضت البطاريه ولزم الامر لعمل اشتراك وما اشتغل الموتر الا بعد عدة محاولات مع العلم اني مغيير البطاريه جديده ومع العلم ايضاً اني مركب على الموتر كشافات كبيره من نوع هيلا عددها اربعه على السقف وقالي احد الزملاء يلزم تغيير بطاريه اكبر من اللي راكبه وربماهذا السبب والله اعلم افيدوني جزاكم الله خير.
وكل عـــــــــــــام وانتم بألف خير
الموتر باترول بخاخ موديل 97

[رجل كريم]

وعليكم السلام ورحمة الله وبركاته :

لا تغير البطارية ولا شي وجرب التالي :

اذا كان البرد شديد والموتر بارد جدا شغل الموتر بدون ما تدعس بنزين لمدة خمس ثواني او اكثر بعدين وقف وادعس دواسة البنزين للارضية مرتين وارفع رجلك بسرعة ولا تطول الدعسة ثم دق السلف بدون دعس وبتشوف الموتر يدور ان شاء الله .. هذي الطريقة اسويها مع السيارات القديمة في البرد وتشتغل زي الحلاوة ..


تحياتي لك ..