للي مضيع فرخ شاهين

[فالح الملعبي]

السلام عليكم ورحمته الله وبركاته
يالربع هذا الاعلان الثاني للي مضيع فرخ شاهين حوول الصمان
شاهين جبلي على ما اظن على كلام اهله انا ماشفتها وناس قالوا بحريه
والله اعلم بس الشاهين فيها مواري بينه للصقارين
الردوود هنا والا على الخاص
وشكرا ارجووا
الردوود على الموضوع:

[أخو وضحة]

طيب هي جبليه والا بحريه
اذا كانت جبليه وسبوقها لونها سكري أو اصفر وموسره فيها الموسيه والنايفه من جناح واحد
فهي لواحد من الشباب راحت عليه ورا حمامتها
وان كانت غيرها الله يعقلها على راعيها

[..@القناص@..]

الله يعقلها ويردها لراعييهـا

[محمد العتيبي]

ان كانت جبليّـة مقاسها في الـ 12 ونص في 13 سبوقها لونها بني ترى جريرها عندي نفس اللون اذا تبي اصوره لك .. وجفونها كبار عطني خبر

[سالم غانم]

الله يجزاك خير على فعلك الطيب والله يكثر من امثالك
انا ضاعت عندي شيهانه قرناس جبليه باقي فيها ريشتين من العام الموس والنايفه في الجناحين سبقها الخيط اخضر والجلده بنيه .
ومعلن عنها بهذا الرابط
http://www.mekshat.com/vb/showthread.php?t=171315

[@قرناص@]

فرخ جبليه مقآس 13ونص**13ونص

سبوقها بني وخط آحمر

..

[فالح الملعبي]

الله يعطيكم العافيه على الردوود الطيبه
اما بالنسبه للسبوق والله ما اعلم وش لونها
بس الشاهين فيها علامات بينه وعلى كلام اهلها اللي صادوها
جبليه --- فيها علامااااااااااااااااااااااااااات
بالنسبه للتوسير والله ماعندي خبر بس بسال اهلها وبرد عليكم بالقريب

[هواي داورد]

الله يجزاك خير

على هالفعله

ويدخلك الجنه


من فرج عن مسلم كربه فرج الله له كربة من كرب الأخره

فيما معنى الحديث

[بعيد الشوح]

مضيعين فرخ جبليه حمرا لون سبوقهاء سود والجلده حليبي

[فالح الملعبي]

الله يعوض عليكم ويعقل كل ضاله
والربع مافيه احد جاب حتى لون اسبوقها
مع ان فيها علامات مايعرفها الا راعيها
وسلامتك ياللي تقول فيها توسير