المساعد الشخصي الرقمي

مشاهدة النسخة كاملة : أماكن العراجين حول بريدة وينها يا نشامى


سائح بسيط
05/12/2008, 03:44 PM
بسم الله

ودي اطلع بالأهل وبعض الأقارب من الرياض لأماكن عراجين حول بريدة بكرا إن شاء الله
وأبا أمر على العوشزية
قلت شباب مكشات ما يقصرون معكم ، ونبي فزعتكم :
1 ــ طريق العوشزية من بريدة
2 ــ مكان عراجين حول العوشزية أو حول بريدة
ودمتم سالمين
علشان أوصف لكم الثمامة:D
سائح بسيط
05/12/2008, 06:25 PM
ننتظر الربع
الحوت الازرق
05/12/2008, 06:54 PM
والله يالغالي انا اذكر قبل كم سنه طلعت من بريده الى الاسياح من عند الربيعيه مهوب من عند الطرفيه

وانت رايح يجيك البندريه بعد البندريه على اليمين واليسار مليان

بالتوفيق
سائح بسيط
06/12/2008, 12:00 AM
شكراً لك يالحوت الأزرق
ننتظر الباقين؟!!
GMS
06/12/2008, 01:28 PM
مواقع العرجين إذا دخلت للبندريه وجههك شمال ادخل يسار مع البندريه ومش لك 2 كيلو تبي تلقا رزق
تقهو
06/12/2008, 01:55 PM
سلام عليكم


هلا والله وغلا


ان شاء الله نجيب على جميع اسألتك /


1 / موقع العوشزيــة : تعرف اشارة الساعه لصرت جاي من بريده روح يسار من عند الاشاره وتعد لك 4 اشارات وانت على نفس طريق الزلفي متجه شرق بعدين لتعديت الـ 4 اشارات وتعديت الصناعيه تمشي لك 5 كم تقريبا وتجي لوحه تقول العوشزيه يمين مدخل واضح مره تلف يمين وتمشي لك 7 كم وتطب بالقريه وتشوف النفد والجبال والبحيريه على قدامك ...

2 / اما اماكن تواجد العراجيــن :

فعندك البندريه على كلام الشباب لجيت من الاسياح وجاك الدوار رح يمين وتلقاهن يمين ويسار ان شاء الله

وعندك ام حزم بالنفود يوجد العرجون ولكن قليله ..

وعلى كلام الشباب ان العوشزيه حصلوا فيها حول الـ 800 عرجون ...

يعني ان شاء الله انك تبي تحصل اللي تبي !!!


هذا والله اعلم

ان شاءنكون أفدنااك يابعدي ؟


سلام عليكم