شقردي ونفل ونقا هشال وكليجا ....... والبقية ( أول موضوع لي في المنتدى)

[الموقر]

السلام عليكم ورحمة الله وبركاته

انا ناوي أروح من جهة الصمان ولكني ما أدري وين أحصل مكان يفتح النفس من الفياض والشعبان إذا كنت جاي من عنيزة وش أسهل طريق يوصلني لخبراء البخراء وغيرها وكم المسافة وهل هي تستاهل الذهاب إليها .

أرجو الجواب بأسرع وقت لأني ناوي يوم الأربعاء باذن الله .

[نفل]

السلام عليكم ورحمة الله وبركاته

اخوي الموقر

بالنسبة لفيضة البخراء سبق وان جيتها قبل حوالي اسبوعين لاكن بصراحة الربيع بها مولي واعتقد لو
تروحلها اليوم ما راح تلقى فيها عود خضر خاصة بعد موجة الحر اليومين اللي راحن وانعدام المطر
يعني ما تستاهل العنوة واعتقد والله اعلم انه هذا هو حال باقي الفياض الا المحميات والله اعلم ورح للرابط
هذا به موضوع للاخ اوس عن الفياض جهة شوية
http://www.mekshat.com/vb/showthread.php?threadid=17310

والسلام عليكم ورحمة الله وبركاته

[عبدالعزيز الدباسي]

حياك الله اخوي الموقر ،،، ويسعدنا اننا نقوم بخدمتك يالغالي .

والحقيقة مثل ما تفضل اخوي نفل مهنا ذاك الزود من الربيع ،،، وانا كنت في ذيك المنطقة في يوم الخميس الموافق 6 محرم ، يعني تقريباً قبل اسبوعين ، وتفضل عندك بعض الصور من ريدفة خبراء البخراء ، لان الفيضة الكبيرة كان فيها اكثر من مخيم كبير .


http://www.mekshat.com/pix/upload/images4/khabra2.jpg



http://www.mekshat.com/pix/upload/images4/khabra1.jpg


وهذه طال عمرك احداثيات الفيضة
N 27.14.005
E 46.39.580
وهذه احداثية رديفتها
N 27.14.967
E 46.38.810

وبما انك تبي تجي من طريق المجمعة ، ام الجماجم ، ام رقيبة ،،، اعتقد ان الحاصبيات تبي تكون اقرب لك وافضل ربيع من ذيك المناطق وادخل جنوب ثمن اتجه جنوب شرق ،، ثمن سير على الفياض الشمالية الين تطلع من البطيحانية ، اتوقع انها تبي تكون ازين وافضل من كل الصمان .

وحنا حاضرين لاي خدمة .