تكفون الفزعة ابختنق ....!!!

[اكليل الجبل]

السلام عليكم ورحمة الله وبركاتة وكل عام وانتم بخير وياعسى عيدكم سعيد ومبارك .

اخواني الكرام تكفون اللي عندة فكرة عن الموضوع ولا خبرة من واقع تجربة لايبخل علية انا عندي جيب سفاري ربع ولي شهر ساير يطلع لي ريحة تقولون ريحة كربون محترق داخل السيارة وتخنق طبعة مهو على طول يعني اول ما ازر على الموتر ولا اعطيه دعسة في اي سرعة كانت تطلع الريحة حتى اللي راكبين معي يتضايقون منها فتكفون ياعزوتي لا تبخلون علية ...

[الفزعه]

السلام عليكم ورحمة الله وبركاته
اللي يظهر لي ان موترك وانا اخوك ما فيه عازل ارضي
شيك على العازل بعدين حط صاجه بين البدي والدبه حقت الشكمان
وان شاء الله بيضبط معك...............
وبالتوفيق

[اكليل الجبل]

مرحبا اخي الفزعة . ماذا تقصد بالعازل هل تقصد اسفل السيارة وهل تقصد مكان معين ام جميع السيارة .

[راعي الركيات]

كان معي فورد ماركيز بعته من شدة رائحة الكربون داخل السياره
الله يعينك علي الكشف علي العوازل من الكبوت حتي الاخير من تحت السيارة

[الوعب]

السلام عليكم ورحمة الله و بركاتة

اخوي انا مره صار لي موقف مشابه ولكن مع اختلاف الريحه

وبالضبط مثل ماوصفت لا حكيت الموتر شوي ودست له طلعت الريحه.

طلع في النهايه باغه (كيس بلاستك) لازقة على الشكمان ,, اعتقد كنت ماشي في الشارع و الشكمان حار والباغه في الشارع و يوم مريت الهوى رفعها و لزقت على الدبه و كل ما احترت الدبه طلعت الريحه

ابحث عن هذا الاحتمال و ماتشوف مكروه ان شالله

[صايد البرقا]

اتوقع البواجي او اذا كان كلبليتر نضفه
ماتشووووووووووف شر

[هدد99]

اخوي السيارة بنزين ولا ديزل جاوب بسرعة

[هدد99]

1- اذا كانت السيارة ديزل شف اشكمان حاول ترهم علية حديدة تنزل الكربون تحت زين
2 - اذا كانت بنزين شف السيارة فيها زية تهريب على القير او او الخ الذى احترة السياره جاك منها ريح الكربون هذا والله وعلم .

[ولد الهاااص]

الظاهر والله العالم .. ان عندك تنسيم في باب ورى .. يعني الجلد حقت الباب متقطعه او مهتريه ..

ومع المشي او السرعه تكون دورة الهواء حقت الشكمان عكس اتجاه السيارة من ورى فلذلك يدخل عليك الكربون من الخلف ..

واذا صارت مهيب كذا .. اتوقع ان عندك فراغ او في صاجة القير الداخلية ..

يعني ارفع القماش او الجلد اللي فوق القير من داخل السيارة .. وشوف يطلع معها هوا ولا لا .. طبعا وانت تمشي ..

... وابي اتأكد اكثر هل اذا اسرعت بالسيارة وفتحت الدريشه يكون الكربون مزعج بزياده يعني يكتمك ..!!؟

اتمنى اكون افدتك ..

تحياتي ..

[Bader-M]

ولد الهاص


الظاهر والله العالم .. ان عندك تنسيم في باب ورى .. يعني الجلد حقت الباب متقطعه او مهتريه ..

ومع المشي او السرعه تكون دورة الهواء حقت الشكمان عكس اتجاه السيارة من ورى فلذلك يدخل عليك الكربون من الخلف ..

واذا صارت مهيب كذا .. اتوقع ان عندك فراغ او في صاجة القير الداخلية ..

يعني ارفع القماش او الجلد اللي فوق القير من داخل السيارة .. وشوف يطلع معها هوا ولا لا .. طبعا وانت تمشي ..

... وابي اتأكد اكثر هل اذا اسرعت بالسيارة وفتحت الدريشه يكون الكربون مزعج بزياده يعني يكتمك ..!!؟

اتمنى اكون افدتك ..



لم يدع لي ولد الهاااص شي اضيفة
هذا كبتها حكم :D مع البلوت
اعتقد ان استنتاجته هي الاقرب الى الصواب

تحياتي اليك

[AMAZ]

اذا سبق وان عبيت فريون مكيف ترى فيه نوع من فريونات المكيفات ردي ويسبب ريحه كريهه داخل السياره وهذا اصلا سام .

[اكليل الجبل]

الله يجزاكم بالخير وماعليش انا انقطعت عن المنتدى بسبب ضروف ولاكن مازالت المعاناه مستمرة وانا قال لي واحد احتمال يكون من الكلبليتر يبيله تنظيف مدري هو عندة سالفة ولا من جنبها المهم انا اتوقع كلام اخوي ولد الهاص قريب من السالفة ابجرب هاليومين سالفت الباب الخلفي والقير .
طبعاً اذا فكيت الشباك تروح الريحة .

[بدوي جنوبي]

المشكله عندك مثل ما ذكر الهاص

انتبه تفك الكلبريتر اذا صار ما عندك كربون يظهر من الشكمان
تحياتي

[اكليل الجبل]

طبعاً ركبت الربلات على الابواب ومانفع وشيكت على القير مالقيت تنسيم ..

سؤال ؟ هل يمكن ان يكون من البانزين الاخضر 91 ؟؟؟ مجرد شك !