لا تنسون اذكروا الله وقولوا وش رايكم ..

[رياض الجزيرة]

السلام عليكم ورحمة الله وبركاته
الاخوة الاعزاء لقد عانيت منذ ان اشتريت جيب لاند كروزر من ضيق الحيز الخلفي , حيث انه لا يسع بالكاد الا بعض الاغراض نظراً لكبر العائلة , ففكرت بوضع سله خلفية كالتي تباع في محلات الغرابي ولكن وجدت ان حجمها صغير اضافة الى ان ارتفاعها قريب من الارض بحيث تحتك بالأرض عند صعود اقرب طعس كذلك دخول الاتربة والغبار والامطار داخلها , عند ذلك قمت بالاستفادة من خلفية اللاند حيث انه خلفية لكسز ولا يوجد استبنة خلفية معلقة , فقمت بصنع صندوق من الألمنيوم بدعامات حديدية متحركة يفي بالغرض في طلعات البر والكذلك السفرات الطويلة كالسفر لمكة للعمرة أو للمصائف الأخرى . آمل أن يحعجبكم وتستفيدوا من الفكرة .
وأي اسفسار أنا جاهز , واسلموا لمحبكم / رياض الجزيرة

[رياض الجزيرة]

السلام عليكم ورحمة الله وبركاته

[alferis]

وعليكم السلام ورحمة الله وبركاته
ابتكار جميل وهم شئ انك تفتك من الغبار
لكن من وجهة نظري ان جميع السلات التي في الخلف غير مفيدة لان الحمل كلما ابتعد عن الياي كان تأثيره اكبر في نزول الموترو ربما يؤثر علي الشاصي خاصة اذا ضربتلك مطب قوي. يعني الشبك فوق الموتر افضل لكن فية مشكلة ايضا ان صرفيت الموتر تبي تزيد لانه راح يكون كمصدة هوائيه .
اجل وين نحط عفشنا:confused:
ولكم تحياتي

[بن نويشر]

عليك بالقلص الزين ونم وانا أخوك ..

[مشغول]

مراحب .... رياض الجزيرة



الفكرة حلوة .. والالمنيوم بيكون خفيف على السيارة . . والميزة تقدر تحط لك قفل على الصندوق .

الله يعطيك العافية


وهلا بك

[بركان]

:butt3::no2::redcar:

[رياض الجزيرة]

السلام عليكم ورحمة الله وبركاته
شوفوا باقي الصور>>>>>>>
>>>>>>>>>>
>>>>>

[رياض الجزيرة]

السلام عليكم ورحمة الله وبركاته
>>>>>>>>>>>>>>>
>>>>>>>>>
>>>>

[رياض الجزيرة]

السلام عليكم ورحمة الله وبركاته
http://www.mekshat.com/pix/upload/images4/dfff.jpg
http://www.mekshat.com/pix/upload/images4/ddd.jpg
http://www.mekshat.com/pix/upload/images4/dddd.jpg
http://www.mekshat.com/pix/upload/images4/ddddd.jpg
http://www.mekshat.com/pix/upload/images4/dddddd.jpg
http://www.mekshat.com/pix/upload/images4/ddddddd.jpg
http://www.mekshat.com/pix/upload/images4/dddddddd.jpg
http://www.mekshat.com/pix/upload/images4/ddddddddd.jpg
http://www.mekshat.com/pix/upload/images4/dddddddddd.jpg

[ورقه]

السلام عليكم ورحمة الله وبركاته
فكرة رائعة ونتمنى أن تطلع بأفكار مفيدة في المستقبل حتى يستفيد الأخوان ويصبح لك الأجر والمثوبة على كل
فكرة .

[رياض الجزيرة]

http://www.mekshat.com/pix/upload/images4/d2 d.jpg

[شايب الصمان]

ماشأ الله تبارك الرحمن
فكره رائعه وممتازه وسهلة التنفيذ 0 وهذا ماتعودناه من اهل هالمنتدى الرائع انه ممكن الفكره يستفيد منها الجميع0

[رياض الجزيرة]

السلام عليكم ورحمة الله وبركاته

يا اخوان بغيت ابلغكم ان الجيب المذكور في الموضوع للبيع هو والسلة اللي معه اللي له خاطر يرسل لي على الخاص علماً ان السوم وصل 115,000 ريال والله يوفقكم ويحفظكم
وهذي مواصفاته :
- الطراز VXR
- الموديل 2002
- اللون أبيض
- الخطوط الجانبية زرقاء مميزة ونادرة وشكلها أنيق جداً
- داخلي مراتب بيج مخمل
- القير اوتوماتيك
- جنوط المنيوم
- جميع أرضية السيارة ملبسة بنايلون شفاف
- قفل دفرنس هزاز ( دفلوك )
- تخشيب كامل داخلي مع الأبواب وأرضية القير
- عداد 75000 كم فقط فقط فقط
- الرفرف الأمامي الأيسر مغير بالوكالة ولم يسمكر بسبب أحد الصغار حاول الدخول بالسيارة للمنزل فاحتك بجانب البوابة
- به دقشة خفيفة في ربلة الصدام الخلفي
- الخلفية لكسز
- جناح خلفي
- مكيفين
- ثلاجة
- مثبت سرعة
- حساسات خلفية
- مرآة السائق الداخلية مزودة بعدسة الكترونية للضبط
- بوصلة حرفية لمعرفة الاتجاهات بمرآة السائق
- ريموت كنترول للأبواب وكالة
- اكياس هوائية 2 للسائق والراكب ( اير باق )
- أنوار زينون
- منفاخ هواء للإطارات مثبت داخل الكبوت مع لي هواء طويل ثابت بالمنفاخ يصل لجميع الكفرات الأمامية والخلفية
- دعامية أمامية فيبر شد بلد
- سلة خلفية مغلقة من الألمنيوم تصميم خاص
( تنسحب للخلف وتعود للأمام ) مخصصة للسفر للتخفيف من العفش داخل السيارة سهلة التركيب وهي خارج البيعة أو حسب الاتفاق ( اختيارية )

=================================
السيارة بجد ممتازة ونظيفة جداً ولم يتم التطعيس بها أو اللعب بها في البر أو غيره تحت يدي منذ اشتريتها , وهي ممتازة للمستخدم ومضمونة محركات وبودي على الفحص .
=================================
للمفاهمة ارسال رسالة على الخاص وأنا من مدينة الرياض
ولا انسى اللي ماله خاطر ما يحتاج انه يرد :no2: وجزاكم الله خير
واسلموا لأخيكم رياض الجزيرة

[منتعش]

هلا وغلا بأخوي الغالي : رياض الجزيرة
فكرة حلوة :good:
والسؤال اللي يطرح نفسه : وين صلحت السلة فيه وكم تكلفتها ؟ الله لا يهينك .
وتراني راسلتك على الخاصة .

[رياض الجزيرة]

السلام عليكم ورحمة الله وبركاته
وهلا بك يالحبيب منتعش
انا رديت عليك بالخاص , وبالنسبة للسلة هي تصميم وكذلك تركيب خاص بمساعدة احدى الورش :j .
واسلم لأخيك/ رياض الجزيرة :)

[عبودكم]

فكرة رائعة لكن تصلح للعزبة وإلا للحطب فقط لكن لو معي شنط وعلى قولك ان السيارة لعائلة فوضهعا يكون صعب شوي وجهة نظر مع العلم اني عندي قلص ومريحن بالحيل غط عفشك بشراع لا مطر ولا غبار لكن المشكلة التحكم فيه يشيب الراس حتى اني في يوم من الأيام انحجرت في مكان ونزلو ربعي يعدلونه بيدينهم كلما رجعت هذي مشكلته الوحيدة والله اعلم

[مشوت الحصى]

ماشأ الله تبارك الرحمن
فكره رائعه وممتازه وسهلة التنفيذ 0

[رياض الجزيرة]

السلام عليكم ورحمة الله وبركاته

الأخوان عبودكم ومشوت الحصى وفقهما الله لمرضاته أشكركما وأشكر جميع الأخوة على تعقيباتهم كلن باسمه .

ولا زال العرض قائماً لبيع السيارة وكذلك السلة الخلفية

أخوكم ومحبكم/ رياض الجزيرة

[مرابع نجد]

الصراحة انا ذكرت الله يوم شفت هالمنظر الطبيعي الي يفتح النفس

والله يبارك لك في السيارة الي شريت والسلة معني ماشفتها ولا طلعت بس مبرووووووووك

[رياض الجزيرة]

السلام عليكم ورحمة الله وبركاته
اخوي مرابع نجد وفقه الله لمرضاته
الله يفتح عليك ويسعد ايامك بطاعته ويجعل أيامك كلها صحة وسعادة وجميع اخواني المسلمين الموحدين ... آمين

اخوي الله يبارك فيك الظاهر انك فهمت الموضوع غلط
( واهم شي الاخلاق بعد العقيدة الصحيحة )
السيارة هذي حقتي وأنا عارضها للبيع هي وسلتها .

واسلم لأخيك/رياض الجزيرة

[عاشق الجبل]

شغلك تمام

أنا مركب نفس العربية لكن تصميم ثاني

اذا ماركبت ( بلالين ) ويايات أسترالي تبي ينزل موترك وتتعب

بعد ماركبت البلالين واليايات والمساعدات الإسترالية أرتحت وتخيل أن العربية مليانة عفش

والسيارة فيها 8 أشخاص وتانكي ماء 80 ليتر والسيارة مانزلت ومتساوية من الخلف والأمام .


ملاحظة :

علشان ماتحمل على شاصي موترك كل حمل العربية كان من الأفضل توصيل قاعدة ثالثة من الوسط

تستند على الهوك ويخف الحمل من على الشاص .

جرب اللي أقترحت عليك وتدعي لي لأن هذا من واقع التجربة

[شـهـاب]

ماشاء الله فكره جميله


والحضيض الي يبي يشريه الله يستر عليكم م م

[خيال الغلبا]

ياناس الرجل يبغى يبيع السيارة وانتم اشغلتوه بالشنطه