اسبوع فى الصمان وشفت الذئب اول مرة

[العود الازرق]

اسعد الله جميع اوقاتكم با لخير والمسرات وبعد فى اخر شهر11 رحت للصمان انا ومجموعة من الاصدقا مشينا الله يطول عماركم يوم السبت الصباح رحنا الئ الرفيعه وتقضينا وشرينا هرفي مسكت وذبحناه في المسلخ موجود في الرفيعه وقطعناه وحطيناه في الثلاجه ومشينا كان معنا خارطه وكتاب فيه احداثيات جميع الرياض والدحول والقراء كتاب الشلاش برمجنا الجهاز على روضه ام قرين وصلناها لقيناها مليانه ماء الان الساعه تقريب 3 العصر سوينا غدا عشا كان بررررررد المهم بعد صلاة الفجر سوينا فطور من كبده الطلي وافطرنا وتقهوينا وضفينا عفشنا وتوكلنا على الله كلنا خبرنا في الصمان قبل 8 سنوات تذكرون الربيع ذيك السنه ومعنا واحد قد ضاع في الصمان ومعلمنا اذا مامعكم جهاز اسمحولي من الروحه مافيه روضه ماشفناها مابين الرفيعه واللهابه سيارتنا لاند كروزر ديزل2002 المهم كان برنامج الرحله بعد صلاة الفجر نتقهوا ونفطر ونمشى ونتمشا ونتفرج لين المغرب طبعا مافيه غداء نسوي بعد المغرب ونتعشا الساعه7 والسبب الغدا يبغاله وقت ونزل الاغراض وتحميلتها عشان كذا نفطر مضبوط وامش يكون معنا بسكوت مع شاهى ومش حالك ثالث يوم كنا في شمال غرب الصمان وكنا مبرمجين على روضه ام حجول بنمسي فيها وكنا عصير قبل غياب الشمس وشفنا شىء بعضنا قال حصني وبعضنا قال كلب اسرع الي يسوق وقال ذئب ذئب ذئب وجميعنا شفناه وكان فيه مجموعه من الجبال الوعرة ليست كبيرة اكرر وعرة يمكن بعضكم يقول الصمان مافيها جبال عشان كذا اقول روضه ام حجول يبعد عنها موقع الذئب تقريبا كيلو وانصح من يقراء كلامي وله قريب اوصديق خصوص الباديه القريبين من روضه ام حجول ان ينتبهو للغنم من الذئب واوصفه لونه اسحم حجمه اكبر من الجعري بقليل لاني شفته من مسافه تقريبا 200 الى300 م وهو زابن للجبل بعدالعشاء والممساء توجهنا الى السوريه ام الشفلح وبعدها توجهنا الى الدبدبه وامسينا وبعدها الى حفر الباطن ثم رجعنا الى الزلفي في روضه الكسر وكانت مافيها سيل وبعد ذلك رجعنا الى الرياض للمعلوميه هذا الكلام اخر شهر 11 وهي مقصودة قبل العيد وزحمت الناس والكشاته كانت الارض اقصد الربيع في اول الصمان جهه الرياض احسن من اخره ودمتم سالمين مع تحيات اخوكم العود الازرق والسلام

[عبدالعزيز الدباسي]

الحمد لله على السلامة اخوي العود الازرق .

وما شاء الله عليكم قطعتوا مسافات كبيرة بهالرحلة اللي كلها ملح ، ،

بس تعرف وشوا نا قصكم بهالرحلة ، كمرة تصوير علشان نشوف ربيع وامطار شهر 11 ، وعلشان بعد تورينا هالاسحم وش ملحه .

[العود الازرق]

الحقيقه قطعنامسافه طويله لكن عادي لاننا مقصودة الرحله لسعت الصدر صحيح كان الجو بارد جدا لكن مايهم بالنسبه للكمره حقيقه ماكانت معنا بسبب واحد من الشباب ملتزم وما نبغا نضيق صدره وخوينا الزم ما علينا اننا نوسع صدره با لنسبه للاسحم تمنيت تكون الكمه معي لكن ما توقعت انه بشوفه على الطبيعه ويا الشقردي انشاء الله صور للحره ورفحا وكذللك الخوبه في الجنوب وغيرها لاني بصراحه ما عرفت هذا الموقع الا من قريب ونحنو مجموعه شباب نحب الطلعات والبر حتى لو ما جاء المطر وانشاء الله تكون معنا يا الشقردي انت او اي واحد من هذا الموقع الطيب والسلام