للبيع شيهانه بحرية وافية ( في الرياض ) .

[حطاب11]

شيهانه بحرية ثنو وافية ، الطول 15 وافي والعرض 16 وزود .
العام تحدر الكروان خفو . إذا أخفوه وحل الطير عنه لحقوا بها تساوق له وتعلقه مع رقبته .
أما الحبارى ماشافت مع راعيها حبارى .
راكده على الوكر
سايقه الأمواس والنوايف قبل الثالثة . شريتها وطلعتها من المربط قبل لاتتم وانفقعت أمواسها ووحده من النوايف .


* أرجو رجاء خاص لا يسوم إلا الصامل ، وعطوا الطيرة حقها .

0504111215






http://www6.0zz0.com/2008/12/07/10/575333111.jpg


http://www6.0zz0.com/2008/12/07/10/244118934.jpg

http://www6.0zz0.com/2008/12/07/10/950636755.jpg

[saad-g-11]

1200تبـــــيع

[تمياط]

اسوم ب 1800

[ابرق آلريش]

كم تبي فيها

[حطاب11]

اللي مايعرف أقيام الشياهين البحرية لايسوم


وأنا والله مالي حد فيها ياهاوي .

[المان العرب]

مرحبابك ياحطاب 11
مساك الله بلخير
ماشاء الله تبارك الرحمن على شاهين وهاذي ماهي قيمتها
لاكن عندي كم سؤال الله يعطيك العافيه
متى طلعتها من المربط
وشافت حبارى مع اهلها الاولين
تدعى الاحين ولالا
وشلون قرناسه ببودره ولالا
وبيض الله وجهك على كل حال
والله يرزقك بالبيعه الطيبه

[حطاب11]

هلا بك أخوي المان العرب .
طلعتها من المربط قبل اسبوعين . والحبارى قلت لك ماشافت حبارى . والدعو مانيب أدعيها بسبب إن الأمواس تفقعت . ولو إن الأمواس سليمة كان أدعيها ألحين .

تحياتي ..

[@قرناص@]

,,

آخوي وش الحل اذا تفقعت الامواس..؟؟

وآسوم وصآآآآآآآملـ3000 ريآل

,,

[alkreze]

الله يرزقك بالبيعه الطيبه

[حطاب11]

هلا بك أخوي قرناص

الأمواس إذا تفقعت ، تدز الطيره أمواس غيرها .


وسومتك طيبه لكني مانيب حولها .

[..@القناص@..]

الله يرزقكـ ببيعتها

[قرناس ارامكو]

الله يرزقك بالبيعه الطيبه

[@قرناص@]

,,

مشكور آخوي معلومهـ جديده

والله يرزقكـ السومه آلي ببآلكـ

,,

[مشبر البران]

تسومون جبلية انتم
تراها بحريه
سوموا صح ولا لاتسومون

[@قرناص@]

تسومون جبلية انتم
تراها بحريه
سوموا صح ولا لاتسومون



,,

آخوي فتح البآب ولو بـ 1ريآل

قـل خيرآ آو آصمت

والشهانه مفقع الموس والنايفه

,,

[..@القناص@..]

,,



آخوي فتح البآب ولو بـ 1ريآل


قـل خيرآ آو آصمت


والشهانه مفقع الموس والنايفه



,,

كلامك مابعده كلام
ترى هذ1 السوووم ولا اقل كم حدك وخلاص
الله يرزقكـ ببيعته

[حطاب11]

على العمووم اللي له نظر بالطيرة يتصل علي . ورقمي موجود بالموضوع . لأن دخولي المنتدى موب كثير .

تحياتي ..

[حطاب11]

ياشباب ترى الطيرة أشوفها أمس دازة الأمواس والنايفة على مقدار اصبع .

[vs-]

ياولد انا الي كلمتك اليوم العصر راعي القصيده هههههه

بعتني بسومتي ولا لا تراني الصبح رايح للدوادمي تسان بعتني امركـ

[الحربي111]

والله يالربع مدري وش اقول
متفقعه الامواس واليوم دازه قدر الاصبع .......؟:confused: :confused: :confused:
يمكن انا مافهمت ؟

[سلطان راشد]

اخوي الغالي انا اعلي بـ 3500 والله يعني على امواسها :) وترى الكلمة الاخيره لك يالغالي :) وانا صامل وربي شاهد بشرط السلامه من الامراض وبس

[ابرق آلريش]

الله يرزق البايع والشاري

[راعي باروود]

الله يرزق البايع والشاري

[حطاب11]

سومتك طيبة يابو راشد لكني مانيب حولها .
ويالحربي 111 . أنا موجود في جنوب الرياض ورقمي عندك ، تعال وشف ريش الطيرة العام والريش المفقع ، وكذلك الريش الجديد كانك بغيت .

وترى السومه على الطيرة وصلت 5000 ريال .

تحياتي ..

[khelan-qatar]

الله يرزقك بالبيعه الطيبه

[khelan-qatar]

الله يوفقك بالبيعه

[طلال زابن]

السلام عليكم
كم حدك النهائي في الطير
واخر سومه انسام فيها الطير

[حطاب11]

الشيهانه وصلت 5500 ريال .
وأنا قريب من السومة . ولا لي حد .

تحياتي ..

[لعّاب المنايا]

الله يرزق البايع والشاري

[ولد الحمر]

الله يوفقك ويرزقك بالبيعه الطيبه

[صاحب السفاري]

تبدل بحر وافي 0551771377