المساعد الشخصي الرقمي

مشاهدة النسخة كاملة : الى اصحاب البواترول الـvtc وش الحل


رفيق طافي
07/12/2008, 03:01 PM
السلام عليكم ورحمة الله وبركاته
اخواني انا معي باترول 2003واشكي من كتمه بالموتر
يعني اني اذا دعست للموتر احس انه يعاني من الغباء مايستجيب على طول
ياخذ له فتره وهو يفكر زي ماتقولون يكتم وبعدين يبدا يفز على شوي شوي ونفس الشي
يصير اذا اذا بدل بالنمره طبعا وانا داعس(معطيه القاز)افيدونا الله لا يهينكم
واذا فيه طريقه اخلي الموتر طياره نزيد من قوته شوي بحيث ماياثر على الموتر مع الوقت
وشاكر لكم تعاونكم معي ولاهنتو
المميـز
07/12/2008, 05:00 PM
الكتمه اللي قلت عليها تحصل دايما بالفتك

واتوقع انها تكون من صفاية البنزين او من طرمبة البنزين

المهم انه في شيء يمنع وصول البنزين للمكينه بالشكل المطلوب

واتمنى احد الاعضاء يكون جرب مثل هذي المشكله ويفيدنا في حلها

وبالنسبه لزيادة العزم دون ضرر السياره

ركب هدرز كامل من الاكزوز الى فتحة الشكمان

وتكون المواصير 3 بوصه او 2.5 بوصه اقل شيء

والدبه تكون دبة يوكن

يكلف تقريبا 1500 ريال ويختلف السعر من محل عن محل ومنطقه عن منطلقه

ومروحة الكهرب مفيدة وتساعد على العزم

ركب مروحة جراند شروكي سعرها جديد بالرياض 850 ريال

وبالقصيم 950 الى 1000 ريال لانها مطلوبه كثير بالقصيم

وتركيبها يكلف 250 ريال


وننتظر احد المتخصصين في الميكانيا لإفادتنا ماهو سبب الكتمه ؟؟
بواسامه
07/12/2008, 07:22 PM
يعاني من الغباء

مصطلح اعجبني كثير

وهذه مشكله تحتاج لتشييك الفلاتر وحساسات البخاخ
وبعدها حساسات القير الكهربائيه
Under_net
07/12/2008, 07:23 PM
أنا مع ماذكره أخوي المميز


أنا حصلي مثل ما حصل معك .. والسبب للأسف البنزين 91 .. مع إنه يناسب البترول .. لكن غريب إنه يفسد صفاية البنزين


بعدها غيرت نوع البنزين واستخدمت منظف البخاخات اللي تنباع بالمحطات وتصب مع البنزين .. اختفت المشكلة .. مع إني متأكد إن صفايتي تحتاج تبديل

والله يوفقك
ابوسعودد
07/12/2008, 08:42 PM
لاتنسى فلتر الهواء تشيك عليه عند اقرب بنشري وبعدين تشيك على صفاي البنزين
اجعل هاتين الخطوتين اول شي تسويه
تحياتي
هولوكس2005
07/12/2008, 09:21 PM
السلام عليكم ورحمته وبركاته


أول شي غير فلتر الهواء وفك دبة التلوث لأنها تكتم
باترول4800
08/12/2008, 03:04 AM
شيك على دبات الموتر اكيد فيه شي منهن متسدد
رفيق طافي
14/12/2008, 04:32 PM
السلام عليكم واسف عن انقطاعي عنكم لكن من كتبت الموضوع مافتحت النت الا اليوم
ثانيا اتقدم بالشكر لكل من افادني برايه كل من المميز-بو اسامه -هايلوكي 2005-ابو سعود -اندر نت-باترول4800
بس المشكله وشلون ادري ان الخلل من الشي الفلاني
بدل ما جلس اغير واتخسر واذا تعرفون ورشه زينه بالرياض متخصصه بالباترول الفتك
ولكم خالص شكري وتقديري

شكلكم تقولون وش هالبثر عطيناه وجه وصدق بدا يكثر اسئله ههههههههههههههههه
تحياتي لكم
باترول03
14/12/2008, 04:36 PM
شيك على حساس الهوا عند
الفلتر وكذلك حساسات الشكمان

و مهيب خسارة تفحصه كمبيوتر
رفيق طافي
15/12/2008, 07:17 PM
مشكور اخوي باترووول 03 على الفائده ولا هنت
مقلع الرمث
15/12/2008, 08:12 PM
ياعم اسم الكلام شيك على منظم الهواء ونظفه بقطنه وانتبه وانت تنظفه وانفخ فلتر الهواء مزبوووط اهم شي وانت تفك المنظم نظفه بقطنه فقط بدون اي حاجه
شاهين999
15/12/2008, 08:16 PM
شيك على فلتر القير مع الزيت ضروووووووووووووورررررررررررررررررري

الزيت لا يصير الزيت مستهلك ومنتهي
1000 طين
16/12/2008, 08:21 PM
جاك الحل


واحد من الربع كان عنده مثل هذي المشكلة
إذا دعس على البنزين يقعد الموتر شوي يفكر :rolleyes: ويتلفت ثم يمشي


خوينا ما فيه شيء ما صلحة فيه واحد من أخوياه معه نفس الموتر
جلس يفك من موتر خويه ويحط في موتره (الحساسات ,طرمبة البنزين .....) تصدق إلى الكمبيوتر :type: بدله
غير كل الفلاتر
ما فيه فايده


غير البواجي
ما فيه فايدة


أسلاك البواجي
ما فيه فايدة


فحص موتره كمبيوتر النتايج سليمة



خوينا بغى يبيع موتره من وجع الراس
:mad:
ذكروله كهربائي في القصيم


راح
:redcar:
قاله غير حساس (على ما أظن) الصرقعة


من ضيق مكان الحساس تقطعت يد خوينا عشان يغيره


غيره


لكن ما فيه فائدة
:no: :hot:




تخيل حاله
غير كل شيء وما فيه فايدة


:(



آخرتها


قاله واحد من أهل الخبرة
الموتر يبغاله


؟
؟
؟
؟
؟
؟
؟
؟
؟
؟
؟
؟
؟
؟



وزن الديلكو


خوينا فرّ الديلكو شوي
وهو غير مقتنع
يقول ان هذا وزن بلاده
وما سبق ان تغيرت كيف يتغير الموتر



لكن بعد الفره
طلع يجرب الموتر



ما تصدق


اول ما حط رجله على البنزين نقز الموتر كنه غزال
وما تشوف الا غباره


رجع والإبتسامة إلى أذانه من الفرحة
:p :p :p
لكن بعد أيش
مجنون باترول4800
16/12/2008, 10:28 PM
أقول نفس المشكلة صارت معي
ياطويا العمرهذي حساسات المكينة
واذا انت من اهل الرياض في واحد من العيال
فهم بالباترول
اذا بغبت رقمه قلي بس
رفيق طافي
19/12/2008, 04:12 PM
السلام عليكم ورحمة الله وبركاته
مشكورين على على افادتكم وعلى الحلول الي طرحتوها كل من
مقلع الرمث
شاهين 999
1000 طين
مجنون باترول 4800
اما لفلتر القير مع الزيت غيرته ماتميت 30000 كيلو مع اني يوم غيرته ناس قالولي انه مايتغير لانه يزاود بس
وسراحه انا احترت وعلى ماقال تبي تحيره خيره ولا ادري وش اسوي مع كثرة الحلول الي جتني
لكن اخوي مجنون باترول 4800 اتمنى لو تزودني برقم الرجال واكون لك من الشاكرين لاني من سكان الرياض
وهل الرجال عنده ورشه واو استراحه ولك خالص شكري انت والربع الي تفاعلو معي في مشكلتي
رفيق طافي
06/01/2009, 05:36 PM
الى اخي مجنون باترووول 4800 ابي رقم الرجال لا هنت لانه ما اقدر ارسلك على الخاص
يبيوني ازيد مشاركاتي ولا هنت