يامدور الزين حر طلاع للبيع

[صقار البيداء]

السلام عليكم ورحمة الله وبركاته


نوع الطير / حر حمر نحره مغتر فيه دق في ظهره
عمر الطير / ابو ثالث أو ابو رابع
مكان الطير / الرياض
مقاس الطير / 17 × 17
علوم الطير / طلاع سبوق بالحيل ذابح كروان العام الماضي ويقولون ذابح حبارى عند راعيه أنا جايني هديه العام الماضي و هديته على حمام مرتين ضيعته من سبقه ماشاءالله الطير سبوق بالحيل ومسمار على التكايه لكن من ناحية السبق فارط بالحيل
الملواح / ماحاولت الاعبه على الشلو لأن الطير طقه اقشر سريع جدا لكن بالحمام افضل دعوه و جرده
الطير ان شاءالله مابه عيوب و لكن اشرط عليه من ناحية سبق و طلع ان شاءالله
الطير السنه هاذي مادهلته من يوم طلع من الربطه و لكن الجاد له شهر يدهله و يشوف سبقه اذا طلعت مهوب سبوق يرجعه له شهر كامل ..


ملآحظــه ! /
الطير طيب طيب بالحيل واصفطه على اللي بيشتريه
اسباب البيع لأن عندي اربع طيور فيها وحوش و منشغل في تعلومها ويعلم الله ان شاروا علي كثير من الصقاقير بعدم بيعة لأن الطير طيب و اترككم مع الصور و نشوف سومات النشاما
و على الله التوفيق ,,,




http://up109.arabsh.com/s/td2rneiv2e.jpg (http://up109.arabsh.com/s/td2rneiv2e.jpg)


http://up109.arabsh.com/s/wjisd2nult.jpg (http://up109.arabsh.com/s/wjisd2nult.jpg)


http://up109.arabsh.com/s/coz7ovsm58.jpg (http://up109.arabsh.com/s/coz7ovsm58.jpg)


http://up109.arabsh.com/s/721ffa2k7j.jpg (http://up109.arabsh.com/s/721ffa2k7j.jpg)


http://up109.arabsh.com/s/xjg5fdqu3k.jpg (http://up109.arabsh.com/s/xjg5fdqu3k.jpg)


http://up109.arabsh.com/s/xjg5fdqu3k.jpg (http://up109.arabsh.com/s/xjg5fdqu3k.jpg)


http://up109.arabsh.com/s/wwzr822l9t.jpg (http://up109.arabsh.com/s/wwzr822l9t.jpg)


http://up109.arabsh.com/s/70b8svwe5j.jpg (http://up109.arabsh.com/s/70b8svwe5j.jpg)





اخوكـــم ..


{ صــقــآر الـبـيـدآء }


,’

[..@القناص@..]

مــــــــــشاء الله الطـــير طــيب بــــالحـــيل
الله يرزقكـ ببيعته

[محمد الشامان]

الله يرزقك بالبيعه الطيبه

[صقار البيداء]

سلطان القناص / اشكرك على مرورك الكريم والطيب منك وفيك يالغالي
ابو شقران / اشكرك على مرورك الكريم وتقبل تحياتي ياعزيزي

[ابو عناد999]

مشاء الله......هل الطير انسام من قبل .... وعطنى حدك فى الطيرر


موفق انشاء الله

[VT 4800]

ماشاالله افتح بابه 4000 ريال واجيك السعوديه تقبل مروري

[صقار البيداء]

ابو عناد / الطير انسام من قبل 14000 الف ولكن الرجال استخار وبالنسبه للحد نشوف وين يوصل السوم وباذن الله نبيع
Vt4800 /سومة طيبه من وجه طيــــــــــب لكن الطير بعيد شوي تقبل تحياتي

[alkreze]

ماشاء الله تبارك الرحمن

الله يرزقك بالسومه الطيبه

[أبو_خالد]

السلام عليكم ورحمة الله وبركاته


صبحك/مساك الله بالخير


أولا/ أسأل الله تعالى أن يبارك في طيرك ، وفي بيعك ومشتراك.


ثانيا/ أنا أدور لي طير بمواصفات طيرك،
فأرجو ان تحد علي الطير ، كان إني حول حدك أو آخر سومة انسام فيها الطير.


عندك بريدي الالكتروني ، أو أرسل مشكورا رسالة SMS على الرقم (بعد إذن المشرفين) 0504967273


ولك جزيل الشكر والتقدير

[النـادر]

ان كان صيده شرط

اسوم ب6000 ريال

[صقر الغربيه]

اعضاء مكشات الرجال يقووووووووول الطير انسام بـ 14000 و انتم تقووولون 5 الاف و6

[Abu Saad]

السلام عليكم ورحمة الله وبركاته







نوع الطير / حر حمر نحره مغتر فيه دق في ظهره
عمر الطير / ابو ثالث أو ابو رابع
مكان الطير / الرياض
مقاس الطير / 17 × 17
علوم الطير / طلاع سبوق بالحيل ذابح كروان العام الماضي ويقولون ذابح حبارى عند راعيه أنا جايني هديه العام الماضي و هديته على حمام مرتين ضيعته من سبقه ماشاءالله الطير سبوق بالحيل ومسمار على التكايه لكن من ناحية السبق فارط بالحيل
الملواح / ماحاولت الاعبه على الشلو لأن الطير طقه اقشر سريع جدا لكن بالحمام افضل دعوه و جرده
الطير ان شاءالله مابه عيوب و لكن اشرط عليه من ناحية سبق و طلع ان شاءالله
الطير السنه هاذي مادهلته من يوم طلع من الربطه و لكن الجاد له شهر يدهله و يشوف سبقه اذا طلعت مهوب سبوق يرجعه له شهر كامل ..


ملآحظــه ! /
الطير طيب طيب بالحيل واصفطه على اللي بيشتريه
اسباب البيع لأن عندي اربع طيور فيها وحوش و منشغل في تعلومها ويعلم الله ان شاروا علي كثير من الصقاقير بعدم بيعة لأن الطير طيب و اترككم مع الصور و نشوف سومات النشاما
و على الله التوفيق ,,,




اخوكـــم ..


{ صــقــآر الـبـيـدآء }



,’



السلام عليكم ورحمة الله وبركاته.
اخي العزيز صقار البيداء ، كيف يكون الطير سبوق بلحيل وفارط بالسبق (على حسب كلامك اعلاه بالاحمر ) وفي نفس الوقت تقول هديته على الحمام وظيعته من سبقه !؟
الطير السبوق اللي فارط بالسبق ماراح تظيعه لا على حمام ولا على حباري ولاعلى كراوين الا في حالة ان الارض مهيب ارض هدد فقط فقط او انه لحّاااق وليس سبوق ..وهناك فرق..
اتوقع والله اعلم والتمس لك العذر انه يمكن خانك التعبير بدل مصطلح (سبوق) تقصد (لحّاق) او يطرد .
وعلى فكرة الطير اذا كان سبوووق(وليس لحّاق) و(راكد ويطلع) معاد لك غرض في الوحوش وسوق الطيور بكبره!
لان المواصفات هذي منوة كل صقار وتريحه من التجارب السنوية وخساير الفلوس .
ويكون هذا الطير اكبر حافز معنوي للمقناص وتدوير الحباري بدون تعب اوملل .
السبووق منوة كل صقار وغير قابل للتفريط ...عاد كيف لاصار سبوق وراكد وطلاع؟؟ هذي مواصفات غير قابلة للبيع للي يعرف قدرها :) ومثلك خابر .
بالعربي (ان كان كماذكرت فانت غلطان ببيعته-نصيحة اخو ) وسلامتك.
وجهة نظر ..
والله يرزقك البيعة الطيبة على كل حال .
اخوك
ابوسعد

[ابو عناد999]

عندى 8000 بشرط الفحص كامل

[صقار البيداء]

ابو خالد /يمسيك بالرضا والعافيه من ناحيه الحد نشوف وين يوصل السوم ونبيع باذن الله اذا لك شف فيه سمه وتقبل تحياتي ابو خالد
نادر الجبيل / سومه طيبه من وجه طيب لكن توك ماوصلت لحقه وتقبل تحياتي عزيزي
صقر الغربيه / اشكرك على مرورك الكريم وهذي وناخوك سومات مافيها شي ماتنقص من حق طيري وان شاء الله توصل لحقه والطير فعلن انسام من خارج المنتدى 14000 الف ريال وتقبل تحياتي عزيزي .
ابو سعـــــد / الطير العام جايني هديه ولادعيته ولاجردته زين هديته على حمامه سلم وحنا برض سهله ولحق الطير الحمامه وزبنت الوعر وامداني اطرد وراه وظيعته وشغلت الجهاز ولقيته مفلس من صيدته الطير لاجردته ولاطلقته وهديته اول ماجاني وعقبها سرت ادعيه على اليد من مسافات بعيده حوالي اسبوع ونص وعقبها مرجته على حمامه سلم وحنا بالمقناص في نفس المنطقه الي هديته فيها قبل الطير لحق الحمامه وارتفع ارتفع لين ضيعته وتوني بطلع الجهاز الا واحد من اخويانا لقاه وجيته الا هو صايدها ماشاء الله وبعدين الطير اشرط عليه من ناحيه السبق والطع لكن الحبارى مااشرط عليه لاني ماهديته على حبارى بس راعيه يقول انه ذبح معه والطير اكيد ان شاء الله يذبح لانه راكد على التكايه ويطلع بس الطير حاليا مادهلته من يوم ماطلع من الربطه الرجال الي بيشتريه الله يوفق ان شاء الله يجرده ويدهله وبيشوف فعله اما من ناحيه ان هذي مواصفات منوه للصقار هي فعلن مواصفات منوه للصقار لكن انك تقول لي معاد لك عرض في طيورك الثانيه هذا شي يخصني وانا ماطلبت رايك انا الحمد لله طيوري كلها طيبه ولا اشتري الا الغالي والطيب وهذي مواصفات غير قابله للبيع هذا برضوا شي يخصني انا ولا لك دخل من احترامي لك الشديد
وبالعربي ((((( ياخوي اذا مالك شف في الطير لاتعذرب فيه ولاتعذرب فيني انا ياراعيه كونك تقول اني غلطان اني ابيعه ياخوي هذا شي يخصني كم واحد عنده سلعه طيبه يبي يبيعها نظرا لانشغاله او لظروفه وجه نظرك احترمها لكن ماطلبت الشور منك لو طلبت ساعتها قلي الكلام ذا وانا ماعرضت طيري وابي احد يجادلني فيه )))))وشكرااااااااا

ملاحظــــــــــه
الطير يالربع اشرط عليه من ناحيه السبق والطلع والركاده على التكايه والحبارى مااشرط عليه لكن ارجع واقول الطير مادهلته من يوم ماطلع من الربطه يبيله تدهيل وجرد والي بيشتريه له شهر يجرده ويجربه وبشوف فعله زين وانا الحمد لله واثق من نفسي واثق من طيوري


اخوكـــــــم / صقــــار البيــــداء

[GMC505]

ماشاء الله الطير مبين عليه طيب , الله يرزقك البيعه الطيبه

[ابو عناد999]

وش قلت يا خوى صقررالبيداء

[صقار البيداء]

ابو عناد / يجيب الله خير وانتظر السوم تقبل تحياتي

[الواثق 7]

السلام عليكم
انا احب اوضح حاجة يا اخوان
فيه فرق بين الطلع والركادة الطلع ما يشرط إلا إذا كان الطير صايد حباري وماضي له فعل بالطلع والا وش يطلع عليه
والسبق ما يشرط من حمامة والا حمامتين لين تلحق الطير أقصاه وتعرف مداه.
مع تمنياتي بالتوفيق للجميع

[قرية مهجورة]

أنشالله تلقا إلي يشتريه
وتقبل مروري

[قرية مهجورة]

أنا أسومه 1400 يالله يا صقر البيداء

[صقار البيداء]

قريه مهجوره / قصدك 14000 ريال سومه طيبه من وجه طيب وتراك قريب قريب ان شاء الله

[صقار البيداء]

يالربع الي بيسومه فوق 14000 ريال هذا رقم جوال طبعا اذا سمحت لي ادارت المنتدى الموقر لاني منشغل اجهز للمقناص ان شاء الله نهايه الاسبوع ذا 0500833398
اخوكم / ابو نايف

[صقار البيداء]

يالربع احد 13000 ريال للرجال الصامل والجاد والي له شف في الطير رقمي موجود وانا موجود الاسبوع هذا ....

[برزان888]

10000 ريال سعودي تبيع؟؟؟؟؟؟؟؟

[صقار البيداء]

برزان اذا كنت صامل اتصل على باكر المغرب ومانختلف ان شاء الله

[أبو_خالد]

10000 ريال سعودي تبيع؟؟؟؟؟؟؟؟


برزان اذا كنت صامل اتصل على باكر المغرب ومانختلف ان شاء الله




صحيح ما عندي خبرة ... بس كانت رمعتي حول الوقم

وين مكانك ياأبو نايف

[صقار البيداء]

الرياض يابو خالد هي ماهي حكايه رمعه ولا شي هذي سومات والطير يعلم الله انها ماهي قيمته وانا ماادور مكسب ورى الطير عندي طيور ومكفيتني ومنشغل معها حتى مالي عند الطير وقت عندي وحش ومنشغل فيه والي يبي يتكسب وراه الله يرزقه

[راعي ساموده]

ماشاء الله طير نظرته زينه الله يبارك لك ببيعته

[عاشق نجد ،]

الطير يالربع اشرط عليه من ناحيه السبق والطلع والركاده على التكايه والحبارى مااشرط عليه لكن ارجع واقول الطير مادهلته من يوم ماطلع من الربطه يبيله تدهيل وجرد والي بيشتريه له شهر يجرده ويجربه وبشوف فعله زين وانا الحمد لله واثق من نفسي واثق من طيوري
اخوكـــــــم / صقــــار البيــــداء
حياك الله يابوخالد والجميع وكل عام والجميع بخير
هل الطير موجود والا انباع ..وعندي استفسار لاهنت تقول الطير مدري عن ذبحة ولااشرط علية الذبح وعلى كلام راعية الأول انة ذابح فكيف تشرط علية الطلع وانت منت متاكد من ذبحة
وهل طبوع الطير زينة
ارجو الرد باسرع وقت وكل الشكر

[برزان888]

كم رقم بجوالك يا صقــــار البيــــداء

[صقار البيداء]

رقم جوالي يابرزان 0500833398 ابو نايف

[الخرب الازرق]

السلام عليكم اخوي صقار البيدا تشرط الطلع
طلع على حباري مع أهله الأوليين
وتقبل خالص تحياتي ....

[ابو عناد999]

السلام عليكم اخوي صقار البيدا تشرط الطلع
طلع على حباري مع أهله الأوليين
وتقبل خالص تحياتي ....



نفس السؤال ؟؟؟

[صقار البيداء]

ماادري الاخوان مايقرون الموضوع والردود سؤال متكرر تلقونه في الردود والموضوع والي بيصمل جوالي موجود ياخذ العلم من الراس للراس وسلامتكم

[stewrd]

الاخي ابو سعد عندي رد على كلامك للأخ صقر البيداء
من ناحية الطير السبوق ما تروح حمامته انا عندي حمام والله لو تجيب اسبق طير في هالدنيا ما يجيبها اي طير
فما بالك اذا كان الطير حر !!!!

[khelan-qatar]

الله يوفقك بالبيعه الطيبه

[صقار البيداء]

stewrd خل حمامتك عندك ياخوي وانا ماعندي رد لك لانك شخص فاضي والفاضي يعمل قاضي :p
الاخ /khelan-qatar اشكرك على ردك والله يوفقنا وياك تقبل تحياتي عزيزي

[مصور متطور]

أخوي صقار البيداء أنا شراي ب7000 مع العلم والله العظيم هذا المبلغ اللي قدرة أجمعة وأبي طير فأن كانك بعتني جيتك اليوم

[الخرب الازرق]

الله يوفقك ياصقار البيداء بالبيعة الطيبه
وتقبل مروري وشكرا

[صقار البيداء]

مصور متطور / السوم يطلع ماينزل والله يوفقك بطير على قد قروشك تقبل تحياتي
الخرب الازرق / مشكور على مرورك

[ابرق آلريش]

الله يرزقك البيعه الطيبه وترا ماهنا بزران وثمن كلامك كلهم رياجيل ونشاما ونت تسب علشان سومت طير وهم قالو الي عندهم وهاذا المنتدى لناس الطيبين والرجال ونكان مااعجبك الله يستر عليك

[ابرق آلريش]

ولا تزعل انا ماقلت الا الحق

[ابو عناد999]

الله يرزقك البيعه الطيبه وترا ماهنا بزران وثمن كلامك كلهم رياجيل ونشاما ونت تسب علشان سومت طير وهم قالو الي عندهم وهاذا المنتدى لناس الطيبين والرجال ونكان مااعجبك الله يستر عليك



بيض الله وجهك
:good:

[أبو_خالد]

الرجال ما غلط بشيء
أما العضو اسمه "برزان" وهو يكلمه ولا قال "بزران"

ونعلم جميعا إن فيه حمام يعجز الطيور ، وبه واحد يجينا بالمدعى ويفك حمام ويقول الطير اللي فيه سبق يحاول يلحقه!! .. وكان حمامه زاجل ينحر الديرة على طول!!
مجرد تحدي


الله يرزقك يا أبو نايف .. وكل مسلم

[اللميموني]

7500 بعتني

[الــنــشــمــي]

[يالربع اذكروا الله وصلوا على النبي : والدعوه بيع وشراء والله يرزق الجميع
:no: بس الغلط لا:no2: :no2:

[صقار البيداء]

السلام عليكم ورحمه الله وبركاتــــه ,,,

عذا يالربع عن انقطاعي عن المنتدى لاني رحت للمقناص ومارجعت الا اليوم
هاوي قنص /// اقرى الرد وانا اخوك ولاتتسرع ولاتعجل في الرد في عضو الله يحيك اسمه برزان مهوب بزران وكلامي مثمن وانا مااغلط على احد بس نصيحه لاتتسرع عشان ماينقدون عليك الريجيل وتتطرق لامور كبيره فنصيحه لك لاتتسرع ....
ابو عناد 999 /// نفس الكلام موجه لك وبيض الله وجه الجميع
ابو خالد // مشكور على ردك وتقبل تحياتي عزيزي ..
الليموني // السوم وانا اخوك يطلع ماينزل وتقبل تحياتي عزيزي ..
البرنس النشمي // انا اشهد انك نشمي فعلن والدعوه بيع وشرى مااعجبتك السلعه قل الله يرزقه ويوفقه هذا الي نيته طيبه اما الي فيه حسد يبي يخرب الموضوع ويبيه جدل ونقير انا اطلب من المشرف الاشراف على هذي المواضيع واي رد يسي للاخر يحذف ويرسل له رساله بان لايكررها او تسحب عضويته وشكراااااا

[الغاط 623]

السلام عليكم
هلا بأخوي صقار البيداء والحمدلله على السلامه
بس ودي اسالك هل الطير فيه نسبة تفريخ ولا لأ

يعطيك الف عافية وأنا صامل بس أنتظر ردك

وشكراُ

[صقار البيداء]

الغاط 623 // الله يبقيك اخوي العزيز والله يسلمك من كل شر ويحفظك الطير طال عمرك مهوب تفريخ وشافه اكثر من صقار وملاحظوا عليه شي وتقبل تحياتي عزيزي

[صقار البيداء]

يالربع ترى الموضوع للرفع الي له شف يتصل على اليومين هذي حدى 13000 ريال والصامل مارح نختلف وياه
جوال / 0500833398 بعد اذن المشرف
ابو نايـــــف