بخصوص الهايلكس لدبل

[صاحب هواجيس]

يا خوان بعد مشاورات فكرت اخذ هايلكس دبل بس ما ادري هي في الخط عادي والا ثقيلة وخايف اشريها واتورط فاللي عنده خبر لا يبخل علينا جعل ابوه في الجنة

وجزيتم خيرا

[فارس الفرسه]

الموتر نوعا ما جيد حدا
ولكن لا تخلو من ثقل العزم

[نفل نجد]

السلام عليكم السياره اللي تقول مع رفيقي غمارتين طبعا بالنسبه للازفلت ما عليها كويسه وخفيفه عيبها المطب جامد شوي اما بالنسبه للنفود وهو اللي عليه الكلام ماهي بقوة الجيب لكن الفرق انها اخف منه ومقبوله من حيث العزم وممشى السيارة با لنفود راجع الى ضغط الهواء بالكفرات بعض الناس يضغط بالكفر اربعين ويبي السيارة تمشي ارجوا اني افدتك

[صاحب هواجيس]

الموتر نوعا ما جيد حدا
ولكن لا تخلو من ثقل العزم


يعطيك العافية وتسلم يالغالي

وانا ناني خايف الا من ثقل العزم

واذا كشت بعد مع ناس اثقال لا والله الا زانت الطلعة

[صاحب هواجيس]

السلام عليكم السياره اللي تقول مع رفيقي غمارتين طبعا بالنسبه للازفلت ما عليها كويسه وخفيفه عيبها المطب جامد شوي اما بالنسبه للنفود وهو اللي عليه الكلام ماهي بقوة الجيب لكن الفرق انها اخف منه ومقبوله من حيث العزم وممشى السيارة با لنفود راجع الى ضغط الهواء بالكفرات بعض الناس يضغط بالكفر اربعين ويبي السيارة تمشي ارجوا اني افدتك


كفيت ووفيت والله انك نفل وورد وكادي وانك تاج راس

يعطيك العافية

[إعصار]

النفود لازم تطرح الهواء الى اقل من 20 وأشبك الخفيف وتوكل على الله ..

الخط يمشي 170 _180 .. بس الله الله في التمرين اول ماتخذه خله يجيب الفصلة 190ومرنه صح ..

اذا كان معك جيب 6سلندر قبل .. مايصلح لك .. منت متعود على 4سلندر ..

بس اذا خلاف ذلك بيرضيك بأذن الله ..

عليك وانا اخوك بالأستخارة .. والتجربة ..

أستاجر قبل لاتشري وجرب في الخط وفي النفود ..

بس لاتنس تنسم الكفرات ..

[لن أمل من العطاء]

http://www.mekshat.com/vb/showthread.php?t=171202

اضغط على الرابط
ومن المؤكد ستغير رأيك

[السليطين]

الهايلك بالنفود ماينفع بلخه ..

اتحداك تمشي فيه بالثاني الا وانت مسرع ... يعني بتتكسر من المطاب ..
ولا حطه بواحد وامش بشويش ...

خذلك ايسوزو دفرنسين ولا ددسن دفرنسين بس ديزل تراه مهبول .. فيه نشاط غير طبيعي..


ومانقول الا الله يوفقك ....

[ابومحمدالشرقي]

مع احترامي للجميع لا متسوبيشي ولا نيسان ولاجمس رح لليوتيوب وشف الهيلكس الحمرا السياره الوحيده الوصلت للقطب الجنوبي مودبل 2006 والثانيه حاول يخربه ماقدر رماها في بحر و من فوق عماره حرقه صدم ولافيه فايده شي مايصدق تقولون نصاب شوفو اليوتيوب

[لن أمل من العطاء]

مع احترامي للجميع لا متسوبيشي ولا نيسان ولاجمس رح لليوتيوب وشف الهيلكس الحمرا السياره الوحيده الوصلت للقطب الجنوبي مودبل 2006 والثانيه حاول يخربه ماقدر رماها في بحر و من فوق عماره حرقه صدم ولافيه فايده شي مايصدق تقولون نصاب شوفو اليوتيوب


وانا مع احترامي الشديد لك

الحمراء اللي انت تقول معدله
ونحن هنا نتحدث عن سيارة ما تغير فيها شيء من مصنعها

والحمراء كفرها مثل كفر الحراثة

طيب اش تقول عن الهامر اللي قطع الربع الخالي

[ابومحمدالشرقي]

ياولد الباحه طيب شف الثانيه الموديل اليحبه اهل الجنوب 84 اكتب في اليوتيوب kill the hillux وشف الجنان شي مو طبيعي ولاهي معدله