ابو شكاع
11/03/2004, 03:11 AM
يالله حيهم
ما ادري وراه جا على بالي اني اعلمكم هالقصه اللي صارت لي قبل تقريبا 6 سنين
وترى محاتسيكم مواقفه وقصصه واجد
الله العالم ان عندي مد من المواقف <<<< انت يالمد ياللي تقرب للصاع
ما اطول عليكم ونخششششششششششش بالسالفه
ما تقولون الله يطول باعماركم اني هكالسنه .... والظاهر انه كانت سنه مهيب كبيسه ......... عاد وش اللي ضد كبيسه مدري .... بس عاد انتم مشوووووهااااااا
كنت اتمشى على طريق الجنوب عصرا.......... وحنا نسميه يا اهل الرس طريق الجنوب ...... واللي مهوب من الرس يضحكون علينا ...يقولون وينكم ووين الجنوب .... سموه طريق دخنه ....... طريق نفي ......... طريق البجاديه ....... طريق الطايف ......... طريق مكه ...... بس الجنوب بعيـــــــد
عاد حنا يالرساويين ولا يهونون الشنانيين والحوطيين والمطييين .......... ما نحب المعاند ووجع الراس
سمينا بدال مهوب طريق الجنوب ....... سميناه الجنوب مرتن وحده
تعريف طريق الجنوب هو ......... عندما تتعدى القشيعين .......... ينحدر بك الخط ........ هذا هو طريق الجنوب <<<< من زين التوصيف
المهم .......... كان وقت امطار وعلى آخر الشتاء وبدايات الصيف
كان بوه راعي هكالسياره الخضراء الصغيره مرتن يروح يمين ومرتن يسار ............ وكل شوي اقول خلاص يبي صددم هالعالم اللي بالخط لان الناس كانوا طالعين يشوفون الامطار ......... والثلج اللي مغطين الارض بارتفاع متر
8
8
8
هذا جنوب سويسرا مهوب جنوب الرس
المهم الرجال وقف على جنب ......... واثر واقفن عنده واحد
انا تعديتهم ......... ومن اللقافه رجعت ابشوف وش السالفه <<< ما له بالبلاغه بس عاد صارت
المهم واثر اللي واقفن عنده يصوت لي .........
يابو صالح
يابو صالح
يابو صالح
والتفت لموه ........... واثره ياشر لي
وانا اللي اجي لمه
قلت عسا ماشر ........قال هذاابو فلان معشقن الدبل (يعني سكران)
وانا مثل ما تشوف موتري مليان حريم وبزارين ما اقدر آخذه معي
قلت انا طيب والمطلوب هالحين
قال خذه معك
قلت طيب هو مأمن على الرخصه او لا
قال وشو تامينه انت ......... وشو التامين على الرخصه ؟؟
قلت ايه صح .... ما عليك عادي ....خلاص انا آخذه معي
ويقعد ساعه يقنعه انه يركب معي .......... ويوم وافق جابه وركب معي
وقال وده لبيته ....... قلت وين هوبوه بيته انا ما اعرفه ؟؟
قال هو يدلك بيته
المهم ويوم ركب معي .......قال : يا فلان <<< يقصد خويه
قال فلان نعم ...قال: السياره به عشره آلاف ريال انتبه له
وانا اللي اتبعبس وانهبل ويتغير لوني لكل الوان الطيف ........ قلت تمام ارجع وآخذ القروش واسافر بهن لم اي ديرة بس بدون جواز........ 4 ايام وارجع
بس عاد المفتاح مهوب معي .مع الثاني ذاك
المهم ويوم حركنا ............. ويبدأ المطر ينزل بقوه يالله من فضلك ............. والرجال كل ماله يخثر .... وريحة العرق الله يعافيه ولا يبلانا تعطعط
وبالطريق هستر بي هسسسسسسسسسسستره ابن اللذينا
قال لي .......... وين يبون بنا
انا: مدري وش اقول ؟؟!!
قال : قل جليب الشيوخ
قلت جليب الشيوخ
المهم ردد هالكلمه كذا مره ........... وبالاخير قال وين يبون بنا
قلت :جليب الشيوخ ........ التفت علي وهو يالله يفتتح عيونه وقال : كل ز؟
انا
قلت بروحي هالحين شايلك وساترن عليك يابن اللذين وتوكلن ز؟ (منقهر بقوووووة)
ما اطول عليكم ......... وابختصر شوي ..... عيا يدلن بيته لانه ما يبي مرته وعياله يشوفونه سكران .........احتريت خويي بآخر السيدين ويوم جأ قلت له السالفه تسذا وتسذا ....... قال الحقن
وانا وراه لمين جينا لبيت واحدن من خوياه .......قال له تكفى وده لبيته ... تدله ...... قال هذاك اذكره بس ما ادله زين
وانا ورا هالرجال بحاره بيتهم ,,,,,,,, ومن شارع لشارع ويأذن المغرب ........ والمطر ينهمر <<<لا تفوتكم............ وبالاخير لقينا بيتهم ....... هنا الرجال اللي دلنا البيت كان يبي يسوي انه رجال قدام مرة السكران وانه راعي نخوه وش لون ؟؟ انا اقول لكم
يوم دلينا البيت ....... دق جرس البيت قالت المره مين ؟؟....قال انا فلان
وحنا اللي ننزله من السياره .......... ياجماعه الرجال كان رايح فيها بقوة الله يكفينا واياكم شر هالبلاوي ...معضدين له .......... وتفتح مرته ....ونسحبه لمين راكيناه على سياج الحديد حق الحديقه ........ وبناته صغيرات ويشوفنه بهالمنظر ...... انا بغيت الصراحه اصيح
مرته كانت لابستن شرشف ......... المهم الابضاي اللي ما له دخل بالسالفه الا مجرد انه دلنا البيت قال لمرة الرجال : هذا رجلتس لقيته بطريق الجنوب سكران
المره احس انه كبرت مرتين ......... وأخذت نفس ..... وقالت ........ الله ينعن ابوك يا ولد ﴿الفلانيين﴾ ما خرب رجلي الا ان واشكالك ...ياللي بك ما لابك ويا ويا ويا ويا ........... انا الصراحه قلت بس ........ هالحين دوري ......... ومير ازبن للسياج حق الحديقه وامسكه ....... قلت ياولد يمكن مثل المصارعه اذا مسكته يمنعه الحكم من انه تضربن
همن التفتت علي ........ واحس ان عيونه تقل شرار لحام من ورى الشرشف ......... وقال وانت من انت ولده
قلت انا فلان الفلاني .................... ومشارك بمنتدى مكشات <<<<< عنده احساس انه يوم من الأيام بيكون فيه منتدى بهالإسم خخخخخخخخ
قالت : والنعممممممممم عايلتن طيبه ......... وانا اللي يغدن مناخري تقل برابيخ سيل من الوناسه ........ لانه مهيب مهاوشتن ,,,,,,,,,, ومير ابلع ريدزي ,,,,,,,,, واقول بنفسي للي معي ....... قلعتك هذا اللي يسوي نفسه بطل زمانه خخخخخخخخخخخ
وتوته توته قضت الحتوته
السالفه صحيحه ميه بالميه ومثل ما قلته لكم
ما يستفاد من السالفه
* بهالوقت لا تركب معك احد ابد
* اذا لقيت واحدن مبنشر بالليل ......... احلت عليه شمعه وانت تمشي 180
* لا تركب معك احد الا الساعه 12 الظهر ......... ولا يصير بالسماخيال ابد ......... ولازم يكون مأمن على الرخصه والصحه ومأمن ضد اخطار الحريق والكوارث الطبيعيه والغير طبيعيه
وسلاااااااااام
:confused:
ما ادري وراه جا على بالي اني اعلمكم هالقصه اللي صارت لي قبل تقريبا 6 سنين
وترى محاتسيكم مواقفه وقصصه واجد
الله العالم ان عندي مد من المواقف <<<< انت يالمد ياللي تقرب للصاع
ما اطول عليكم ونخششششششششششش بالسالفه
ما تقولون الله يطول باعماركم اني هكالسنه .... والظاهر انه كانت سنه مهيب كبيسه ......... عاد وش اللي ضد كبيسه مدري .... بس عاد انتم مشوووووهااااااا
كنت اتمشى على طريق الجنوب عصرا.......... وحنا نسميه يا اهل الرس طريق الجنوب ...... واللي مهوب من الرس يضحكون علينا ...يقولون وينكم ووين الجنوب .... سموه طريق دخنه ....... طريق نفي ......... طريق البجاديه ....... طريق الطايف ......... طريق مكه ...... بس الجنوب بعيـــــــد
عاد حنا يالرساويين ولا يهونون الشنانيين والحوطيين والمطييين .......... ما نحب المعاند ووجع الراس
سمينا بدال مهوب طريق الجنوب ....... سميناه الجنوب مرتن وحده
تعريف طريق الجنوب هو ......... عندما تتعدى القشيعين .......... ينحدر بك الخط ........ هذا هو طريق الجنوب <<<< من زين التوصيف
المهم .......... كان وقت امطار وعلى آخر الشتاء وبدايات الصيف
كان بوه راعي هكالسياره الخضراء الصغيره مرتن يروح يمين ومرتن يسار ............ وكل شوي اقول خلاص يبي صددم هالعالم اللي بالخط لان الناس كانوا طالعين يشوفون الامطار ......... والثلج اللي مغطين الارض بارتفاع متر
8
8
8
هذا جنوب سويسرا مهوب جنوب الرس
المهم الرجال وقف على جنب ......... واثر واقفن عنده واحد
انا تعديتهم ......... ومن اللقافه رجعت ابشوف وش السالفه <<< ما له بالبلاغه بس عاد صارت
المهم واثر اللي واقفن عنده يصوت لي .........
يابو صالح
يابو صالح
يابو صالح
والتفت لموه ........... واثره ياشر لي
وانا اللي اجي لمه
قلت عسا ماشر ........قال هذاابو فلان معشقن الدبل (يعني سكران)
وانا مثل ما تشوف موتري مليان حريم وبزارين ما اقدر آخذه معي
قلت انا طيب والمطلوب هالحين
قال خذه معك
قلت طيب هو مأمن على الرخصه او لا
قال وشو تامينه انت ......... وشو التامين على الرخصه ؟؟
قلت ايه صح .... ما عليك عادي ....خلاص انا آخذه معي
ويقعد ساعه يقنعه انه يركب معي .......... ويوم وافق جابه وركب معي
وقال وده لبيته ....... قلت وين هوبوه بيته انا ما اعرفه ؟؟
قال هو يدلك بيته
المهم ويوم ركب معي .......قال : يا فلان <<< يقصد خويه
قال فلان نعم ...قال: السياره به عشره آلاف ريال انتبه له
وانا اللي اتبعبس وانهبل ويتغير لوني لكل الوان الطيف ........ قلت تمام ارجع وآخذ القروش واسافر بهن لم اي ديرة بس بدون جواز........ 4 ايام وارجع
بس عاد المفتاح مهوب معي .مع الثاني ذاك
المهم ويوم حركنا ............. ويبدأ المطر ينزل بقوه يالله من فضلك ............. والرجال كل ماله يخثر .... وريحة العرق الله يعافيه ولا يبلانا تعطعط
وبالطريق هستر بي هسسسسسسسسسسستره ابن اللذينا
قال لي .......... وين يبون بنا
انا: مدري وش اقول ؟؟!!
قال : قل جليب الشيوخ
قلت جليب الشيوخ
المهم ردد هالكلمه كذا مره ........... وبالاخير قال وين يبون بنا
قلت :جليب الشيوخ ........ التفت علي وهو يالله يفتتح عيونه وقال : كل ز؟
انا
قلت بروحي هالحين شايلك وساترن عليك يابن اللذين وتوكلن ز؟ (منقهر بقوووووة)
ما اطول عليكم ......... وابختصر شوي ..... عيا يدلن بيته لانه ما يبي مرته وعياله يشوفونه سكران .........احتريت خويي بآخر السيدين ويوم جأ قلت له السالفه تسذا وتسذا ....... قال الحقن
وانا وراه لمين جينا لبيت واحدن من خوياه .......قال له تكفى وده لبيته ... تدله ...... قال هذاك اذكره بس ما ادله زين
وانا ورا هالرجال بحاره بيتهم ,,,,,,,, ومن شارع لشارع ويأذن المغرب ........ والمطر ينهمر <<<لا تفوتكم............ وبالاخير لقينا بيتهم ....... هنا الرجال اللي دلنا البيت كان يبي يسوي انه رجال قدام مرة السكران وانه راعي نخوه وش لون ؟؟ انا اقول لكم
يوم دلينا البيت ....... دق جرس البيت قالت المره مين ؟؟....قال انا فلان
وحنا اللي ننزله من السياره .......... ياجماعه الرجال كان رايح فيها بقوة الله يكفينا واياكم شر هالبلاوي ...معضدين له .......... وتفتح مرته ....ونسحبه لمين راكيناه على سياج الحديد حق الحديقه ........ وبناته صغيرات ويشوفنه بهالمنظر ...... انا بغيت الصراحه اصيح
مرته كانت لابستن شرشف ......... المهم الابضاي اللي ما له دخل بالسالفه الا مجرد انه دلنا البيت قال لمرة الرجال : هذا رجلتس لقيته بطريق الجنوب سكران
المره احس انه كبرت مرتين ......... وأخذت نفس ..... وقالت ........ الله ينعن ابوك يا ولد ﴿الفلانيين﴾ ما خرب رجلي الا ان واشكالك ...ياللي بك ما لابك ويا ويا ويا ويا ........... انا الصراحه قلت بس ........ هالحين دوري ......... ومير ازبن للسياج حق الحديقه وامسكه ....... قلت ياولد يمكن مثل المصارعه اذا مسكته يمنعه الحكم من انه تضربن
همن التفتت علي ........ واحس ان عيونه تقل شرار لحام من ورى الشرشف ......... وقال وانت من انت ولده
قلت انا فلان الفلاني .................... ومشارك بمنتدى مكشات <<<<< عنده احساس انه يوم من الأيام بيكون فيه منتدى بهالإسم خخخخخخخخ
قالت : والنعممممممممم عايلتن طيبه ......... وانا اللي يغدن مناخري تقل برابيخ سيل من الوناسه ........ لانه مهيب مهاوشتن ,,,,,,,,,, ومير ابلع ريدزي ,,,,,,,,, واقول بنفسي للي معي ....... قلعتك هذا اللي يسوي نفسه بطل زمانه خخخخخخخخخخخ
وتوته توته قضت الحتوته
السالفه صحيحه ميه بالميه ومثل ما قلته لكم
ما يستفاد من السالفه
* بهالوقت لا تركب معك احد ابد
* اذا لقيت واحدن مبنشر بالليل ......... احلت عليه شمعه وانت تمشي 180
* لا تركب معك احد الا الساعه 12 الظهر ......... ولا يصير بالسماخيال ابد ......... ولازم يكون مأمن على الرخصه والصحه ومأمن ضد اخطار الحريق والكوارث الطبيعيه والغير طبيعيه
وسلاااااااااام
:confused: