ابي رايكم وحلولكم لاهنتو يالنشاما

[محمد الشلاحي]

السلام عليكم ورحمة الله وبركاته
كيف حالكم انشالله بخير
ياشباب كما تعلمون كلنا عندنا سلق انا عندي سلقه تغيرت علي بين عشيه وضحاها كنت امس ادربها مشي وبعدين هروله وبعدين جري ورجعتها من امس السلقه مرره متغيره الى درجة انها شافت ارنب ولا لحقته واجيب الارنب بين يدينها ماتسويله شي ابد والاكل ماتشتهيه ابد ماتاكل وتحب الجلوس واجد علمآ بانها في اول اسبوع من الحمل وهي اول حمل لها
ابي حل يالنشاما تكفون

[asseel]

اسمعني وانا اخوك


خليها تجوع

يومين او ثلاث ايام وبعدين هي تحس بالجوع وفك الارب وباذن الله تمسكه


اخوووووووووووك asseel

[محمد الشلاحي]

تشكر على المعلومه وجزاك الله خير يالغالي

[ذيب عتيبه]

وعليكم السلام ورحمه الله



أخوي محمد الشلاحي ..



ان شاء الله ماتشوف باس السلقه ..لكن من خلال الكلام اللي قلته عندك تقريبا كم خطأ ودي أنبهك عليه لو تسمحلي ..



السلقه حين تجعل وخلال هالفتره الى ان تجري بثلاث اسابيع ..حاول أنك ماتركضها أبدا .. لانه يأثر على السلقه في طردها وحتى نفسيتها ..



الخطأ لثاني على كلامك .. انك تفك الارنب من عند يدينها .. معروف الشي اذا عودته على شي يبرد عليه .. يعني مسأله انك تفك لها ارنب بين يدينها يوميا أو بأستمرار هذا وانا خوك يبرد السلقه فالارنب وماعاد تشتهيه




والله يوفقك وييسر امورك

[الشبح455]

يالغالي السلقه من كلامك انها حامل وطبيعي انها تبي تكون ثقيله ولا لها نفس لصيد


تقبل مروري

[محمد الشلاحي]

يالغالي السلقه من كلامك انها حامل وطبيعي انها تبي تكون ثقيله ولا لها نفس لصيد


تقبل مروري
بس يعني توها لاقح مصار عليها اسبوع

[سلطان العوني]

هل السلقه ضعيفه ...؟

اذا ضعيفه سلقتك فيها دود

أو

ان السلقه مريض وفيها فايرس

[نفاج]

الله يشفيها ونصيحه أربطها لين تولد ورح البيطري وبيفيدك وقله أنه مشبيه