جمساً حمر والرفارف سود بخمسة وثلاثين جديد لنج شد بلد !

[حمام أبيض]

بسم الله


السلام عليكم


أذكر أيام كان الجمس بخمسة وثلاثون ألف ريا ل
http://tbn3.google.com/images?q=tbn:qBrrzROy7F69OM:http://www4.0zz0.com/2008/06/30/17/334193136.jpg


والداتسون والهاي لكس بثلاثة عشر الف ريال
http://www5a.biglobe.ne.jp/~manabee/hilux%20photo/2nd.jpg


والكرسيدا بثلاثة وعشرون الف ريال
http://tbn3.google.com/images?q=tbn:2n-fAR9ea2UwRM:http://www.toyota4arab.com/forum/images/usersimages/6075_1136910017jpg


مين يذكر الاسعار الاولى يحط السعر والموديل ونحاول نجيب صورته ..

[كبسولة2]

عما قريب جداً سوف ترجع الأسعار القديمة بإذن الله

الددسن كان أول بــ 8000 ريال

وكانوا البدو ذيك الأيام إذا خرب الددسن وماعرفوا يصلحونه

يتركونه مكانه في البر ويشترون واحد جديد بقراطيسة

وأذكر أيضاً كيس الشعير كان بريالين وإذا شدوا ومالقوا لها مشيال

تركوها في المراح الله المستعان

هذا هو كفر النعمة بعينه نسأل العفو والمغفرة

[حمام أبيض]

ياابن الحلال اذكر الله .. باالله الددسن كان بثمانيه الآف ...يابلاش ...يابلاش .. :o
لعل بعض الرخص يعود ...

وبعدين القصمان وش كانوا يسوون مع الهايلكس :D

[حمام أبيض]

http://tbn0.google.com/images?q=tbn:cTSQtvnhHYQE5M:http://msoeeh.jeeran.com/photos/129303_o.jpg

والقعيه بكم كانت.. في العشرينات التوقع !

[كبسولة2]

ياابن الحلال اذكر الله .. باالله الددسن كان بثمانيه الآف ...يابلاش ...يابلاش .. :o
لعل بعض الرخص يعود ...

وبعدين القصمان وش كانوا يسوون مع الهايلكس :D


هههههههههه

القصمان كنا نروح لواحد من معارف الشايب في القصيم

كانوا حاطين الددسن والهايلكسات تشغل مواطير الكهرباء

يرفعون الموتر من وراء ويحطون سير في الكفر الخلفي موصول بسير

شابك في مولد كهربائي زي مكينة البير ويشغلون السيارة ويحطونها

في الرابع ويحطون حصاه على دعسة البنزين زي المثبت السرعة

ويا ليل يا عين البيت مولع المبات والدنيا فله يازين ذيك الأيام

[حمام أبيض]

أيوووووووووه هههههههههههههههه
كلهم فسقانين ...الله يرد الرخا ياشيخ ههههههههههههههههه

[Cyber]

عما قريب جداً سوف ترجع الأسعار القديمة بإذن الله

الددسن كان أول بــ 8000 ريال

وكانوا البدو ذيك الأيام إذا خرب الددسن وماعرفوا يصلحونه

يتركونه مكانه في البر ويشترون واحد جديد بقراطيسة

وأذكر أيضاً كيس الشعير كان بريالين وإذا شدوا ومالقوا لها مشيال

تركوها في المراح الله المستعان

هذا هو كفر النعمة بعينه نسأل العفو والمغفرة



شكلك شيبه ياكبسوله :D

[كبسولة2]

شكلك شيبه ياكبسوله :D


أييييييييييييه خلك ساكت وأنا جدك عفواً وأنا خوك

هههههههههههههه

مافيه كبير الا الله سبحانه

[Cyber]

أييييييييييييه خلك ساكت وأنا جدك عفواً وأنا خوك

هههههههههههههه

مافيه كبير الا الله سبحانه



طولة العمر بطاعته ان شاءالله ياكبسوله

[العتل]

بيض الله وجهك على هذا الموضوع
موضوع جيد وشيق

[حمام أبيض]

:

http://www.alashhabany.com/gallery/data/media/1/ddsn.jpg



http://www.alashhabany.com/gallery/data/media/1/ddsn2.jpg



http://www.alashhabany.com/gallery/data/media/1/ddsn4.jpg





http://www.alashhabany.com/gallery/data/media/1/ddsn3.jpg


الددســـــــــــــــــــــــــــــــــــــــــــــ ـــــن بثمانية ألآلاف ياحلولش :D

[حمام أبيض]

http://paris2003.jeeran.com/002.jpg


http://tbn1.google.com/images?q=tbn:MBhRCHKTbTN_sM:http://7odi.com/up/uploads1/d13a3edb98.jpg


بوسة على خشم الجمس
http://farm3.static.flickr.com/2350/2353993568_cfbed81c0c_m.jpg
بين البر والإبل والجمس الأحمر علاقة قديمة ، وهالناقة تقدر هالعلاقة وتبوسه على خشمه

http://tbn3.google.com/images?q=tbn:jl9ba0qhFCiKvM:http://up.x333x.com/uploads/1579994d8e.jpg

http://www.smanalhrj.com/vb/images/uploads/2_1026346e91581c723f.jpg

[مخطط 2008]

اذكر الدسن م 80 جديد ب 13 الف
الغمارتين ب 21 الف
اذكر شرينا انا والوالد هلي 82 ب 4 الف ماشي 50 الف فقط ويقول الوالد الله يرحمة غلبنا راعي المعارض
واذكر واحد قريبنا شراء مازدا م 80 ماشي 15 الف نظيف مرة ب 2000 ريال
واذكر مرة المخدرات حرجو على سيارات واشترى اخو ددسن 79 ب 200 ريال
وقعيا ب 350 ريال الي هي الان يسمونها صني كانت يسمونها قعياء

[النشمي11]

أنا فاك ددسن موديل 85 غمارتين أول ما تغير اسمها لنيسان بواحد وعشرين وخمس

كانت ال 200 ال في ذاك الوقت باربع وعشرين

وال 240 ال بسبع وعشرين

والكراون بثلاثين

واللاند كروزر شراه عمي موديل 86 ابو رفارف سود فل كامل بخمس واربعين .

[مقلع الرمث]

الله يرجع زماان اول

لكن حبيت اقولكم ان افلوس اول مهي زي اليوم يعني ممكن الخمسه والاربعين تقريبا تساوي ميه الان وعلى ذالك فقس لان الناس اول يشتغلون باليوميه ب ريالين والحين يوميك ب 150 واكثر اذا كنت موضف لذالك لا تقيس على اول

[assm100]

ذكريات زمان اخوي مشكور علي تذكيرنا بي الايام القديمه

[ابن صقيه]

الله يالدنيا ..

ما طار شيء وارتفع .. الا كما طار وقع ..


شكرا شايبنا على الموضوع ..

[حمام أبيض]

بيض الله وجهك على هذا الموضوع
موضوع جيد وشيق
ووجهك ابيض ياكنق

[حمام أبيض]

اذكر الدسن م 80 جديد ب 13 الف
الغمارتين ب 21 الف
اذكر شرينا انا والوالد هلي 82 ب 4 الف ماشي 50 الف فقط ويقول الوالد الله يرحمة غلبنا راعي المعارض
واذكر واحد قريبنا شراء مازدا م 80 ماشي 15 الف نظيف مرة ب 2000 ريال
واذكر مرة المخدرات حرجو على سيارات واشترى اخو ددسن 79 ب 200 ريال
وقعيا ب 350 ريال الي هي الان يسمونها صني كانت يسمونها قعياء

أيه قعيه صدقت ... كنا مستغربين الفريول أووووووول :D
يمسك جلنط ..ويهز الموتر هههههههههههه

عاد مانبي السيارات تطيح كذا مره :p

[حمام أبيض]

أنا فاك ددسن موديل 85 غمارتين أول ما تغير اسمها لنيسان بواحد وعشرين وخمس

كانت ال 200 ال في ذاك الوقت باربع وعشرين

وال 240 ال بسبع وعشرين

والكراون بثلاثين

واللاند كروزر شراه عمي موديل 86 ابو رفارف سود فل كامل بخمس واربعين .

أي الله كانت مطلوبه المائتين أل وين اللي معه ميتين أل :o

http://www.alhsa.com/forum/imgcache/5885.imgcache


الله يرحم ايام زمان ..اللاند كروزر ماكان أحد يطالع فيه
التويوتا كله والنيسان ماهم الا الددسن والهاي لوكس ..هذا أصلهم :D
لولا الله ثم الددسن والهاي لوكس كان قفلت تويوتا ونيسان ...هاذي هي الحقيقه هههههههه

[حمام أبيض]

الله يرجع زماان اول

لكن حبيت اقولكم ان افلوس اول مهي زي اليوم يعني ممكن الخمسه والاربعين تقريبا تساوي ميه الان وعلى ذالك فقس لان الناس اول يشتغلون باليوميه ب ريالين والحين يوميك ب 150 واكثر اذا كنت موضف لذالك لا تقيس على اول

والله القضيه نسبيه اخو مقلع الرمث ...وأذا قلت السيوله ترجع الاسعار القديمه ..

لكن تقدر تقول تنزل الاسعار الى النصف وهذا طيب بلحليل ...

يعني ترجع الددسن الى 25 ألف ريال :good:
والجمس الى نحو ستين أوكي

الآن في شركة دوج في أمريكا تشتري سياره تاخذ مثلها مجاناً :)

[حمام أبيض]

ذكريات زمان اخوي مشكور علي تذكيرنا بي الايام القديمه
حياك الله ياراعي الحصان ...

[حمام أبيض]

الله يالدنيا ..

ما طار شيء وارتفع .. الا كما طار وقع ..


شكرا شايبنا على الموضوع ..

هلا بك حتى إبن صقية الشاعر أمير الصفرات عنده جمساً حمر والسبعة أنعام والله ..

حياك الله وهاذي احدى قصائد ابن صقيه




ياسراب القيع مامن ورى قاعك حصيل الشجـاع مذلـلٍ والذليـل مدلـلـي
مايعدل ميل مـن لاتعـدل مستحيـل كود ضرب بالهوامـي بحـدّ مصقلـي
النمايـم يامهابيـل ماتبـرد غلـيـل مايزحزح راسي العقل هـرج مهبلـي

[حمام أبيض]

كل ماجيت ابنسى الهم والا نزعاجـه
شفت لي منظرً يحزن وكدر مزاجـي
ياهل الشرق الاوسط في بعضنا عواجه
المرض دب فينا ماوجد لـه علاجـي
نام حظ الفهود وقـام حـظ الخواجـه
رحمة الله عليكـم يافهـود الزراجـي



من توجد على عصر مضى مايلامي
ياوجود على جيل فنـى ياوجـودي
عيت العين من كثر البلاوي تنامـي
اسهر الليل كله والخلايق ارقـودي

[أبا مجاهد]

الله يرجع زماان اول

لكن حبيت اقولكم ان افلوس اول مهي زي اليوم يعني ممكن الخمسه والاربعين تقريبا تساوي ميه الان وعلى ذالك فقس لان الناس اول يشتغلون باليوميه ب ريالين والحين يوميك ب 150 واكثر اذا كنت موضف لذالك لا تقيس على اول

صدقت

اخبر واحد عندنا بالديره اسمه جار الله الله يغفر له كان يوصل مشاوير على سيارته مثل التاكسي بربع ريال;)

مهو مثل ابو هنود اليوم مشوار قريب يقلك 30 ريال

[كاشت وحداني]

فعلا موضوع جميل
اكيد له ذكريات جميله مع اللي لا حقين على السيارات اول واسعارها الرخيصه
بالنسبة لي اقدم موتر شفته هو ونيت داتسون
بس ما عرفت موديل كم اتمنى احد يفيدنا
بحاول انزل صورته واذا ما عرفت اعذرونيhttp://www5.0zz0.com/2008/12/13/15/308478368.jpg

[H I T L E R]

الله

الله

ايام راحت و اتمنى ان تعود لكن صعبه ترجع
الوالد كان شاري مازدا موديل 81 جديده دفع لهم 18الف ورجعو له 50 ريال

[قطب 999]

لكل زمان دولة ورجال

[الربذي]

طلعو الشيبان ههههههههههههه
وانا وش اقول ولا من جيل الي يقصون اثر الفرت (الفورد) ومعهم بنادقهم واستنفار كامل لفرسان القبيله
يقصون اثره يحسبوه حنش يروع (داب ) ثعبان

[راعي ساموده]

موضوع خمس نجوم
اكثر من رائع

[altheeeb79]

أذكر الوالد شراء لي جالنت سيدان زرقاء موديل 82 مخمل مكيف ب22500ريال0 وقبلها يمكن عام 80 أو 81 ميلادي شراء لي بيوك عودي تنده بيج وداخلي بيج مخمل موديل 78 أبو صدامات نيكل لماع أعتقد كان ب16000 أو 19000 ريال والله ماأذكر بالضبط00

الله يغفر لك ياوالدي ويسكنك فسيح جناته ويحسن لك الخاتمه وجميع المسلمين 0

[لن أمل من العطاء]

غفر الله للاحياء والاموات

هايلوكس 1985 مكيف غمارتين 21500 ريال وكالة

ويعلمني جدي الله يحسن لنا وله الخاتمه
يقول اول مره جانا اللوري في القرية والسواق مثل الامير ما احد يتكلم معاه
واول ما وصل من مشواره فتح الكبوت يبرد السيارة
الله يغفر لها عجوز جت بحزمه برسيم تفكر انه جوعان


زماااان الصمت