المساعد الشخصي الرقمي

مشاهدة النسخة كاملة : ناوي أركب سلة خلف التاهو..نصيحتك من خلال تجربتك


هميم 1
14/12/2008, 04:10 PM
.
.
السلام عليكم وحي الله الجميع
مثل ماهو في العنوان ودي أركب سلة للتاهو ولا أستغني عن رأيكم وشوركم
والمواصفات الي أرغبها تكون عملية + خفيفة + مقبولة الشكل
علما بأن السيارة الي معي دفع رباعي -فأكيد فيه دخلات للبر- وأنا من سكان الرياض فوين أحصلها فيه.. وسعرها تقريبا
وهل يمكن أضيف عليها شيء من التجهيزات مع شكري وتقديري لكل من يفيدني
.
.
.
طبعي شمالي
14/12/2008, 04:53 PM
اخوي انت تقصد سله فوق سقف السياره ..

ولا الشبك اللي يتلحم في الشاص حق السياره من الخلف وتركب فيه شنط السفر ؟؟

بالنسبه للتاهو ال تي وال تي زد يجي فيه سله فوق السقف من الوكاله

اما اذا تبي تركب شبك وراء ماانصحك
كاشت المدن
14/12/2008, 05:43 PM
اخوي بالنسبه للسله العلويه شكلها ما اظن انها تكون مقبوله
لكن اذا كانت اغراضك ثقيله فمالك الا هي او قلص والقلص ماتقدر تسرع فيه ولاهو عملي بالبر

اما اذا تقصد السله الخلفيه بامكانك اذا رجعت للديره تفكها وفكها وتركيبها سهل
لكنها ماتتحمل وزن واجد لايزيد عن 300كيلو لانها تطيح الموتر من ورا ومشكلتها اذا لاقدر الله بنشرت ما تقدر تنزل الاستبنه لازم تفكها
عموما موجوده بعدة اشكال في الغرابي
وتقدر تركبها عند المصري حق المميز بصناعية الدائري(ما انصحك لانه نصاب)
وتقر تركبها عند المواهب بالصناعيه القديمه
واذا تبي وصف اي وحده ابشر
بواسامه
14/12/2008, 05:53 PM
اذا تبي مستعمله
خابر وحده كانها ما بيعت عن رفيقا لي
يطرب عليها من فتره
هميم 1
14/12/2008, 08:49 PM
ياهلا ومرحبا بالأخوان الغالين
طبعي شمالي
كاشت المدن
بواسامة
وبيض الله وجيهكم على الردود
.
.
التاهو عنديLT فجاي فوقه شبك ولا يصدق عليه اسم السلة فهو منظر أكثر من إنه عملي - في نظري -
والي أقصده السلة الخلفية الي تركب وتفك بسهولة كما جاء في ردودكم
الله يسلمكم والطمعة في الجديد أريح للنفس وأطيب للخاطر

إن شاء الله أمر على الغرابي نشوف الي عندهم
وعسى الله يوفقنا وإياكم إلى كل خير
باترول03
14/12/2008, 10:29 PM
الحمل 250 كيلو تقريبا

وانصحك ان تركب مساعدات هدروليك حقت الفل (ترفع الموتر اذا نزل)سعرها تقريبا 700 ريال للواحد
هميم 1
17/12/2008, 10:38 PM
حياك الله باترول 3
وشكرا لك على الإفادة وما قصرت يالغالي
ابوجود2009
17/12/2008, 11:09 PM
سلام عليكم انصحك وانا اخوك مرعلى المميز في الصناعيه مخرج18 يفصلون شغلهم نظيف اعرف كم واحد مفصل عندهم
تاهو ابو عزوز
15/01/2015, 05:08 PM
سلام عليكم حبيت اضيف معلومة عن السله العلويه بالتاهو هي مجرد منظر واكسسوار ولا تصلح للعفش ابدا ، المصدر مدير صيانه التوكيلات العالمية بحفرالباطن
مخ سعودي
15/01/2015, 08:35 PM
بالنسبه للسله العلويه اللي يقول لك ديكور ماعنده سالفه
السله اللي فوق ممصمه انها تشيل الى عند 500 كيلو وانا شايل اكثر من كذا وماسافر عليها من الجنوب ولكن الى الرياض والحمد لله عيبها الهواء يرد الموتر شوي ويخليه يرد نمره اذا مرتفعه زياده
اما اللي خلف الموتر اشوف ناس واجد يشتكون منها لكن انا ماجربتها عندنا جيب والوالد مركبها عليه ولاشفت منها خلاف لكن الموتر ينزل من ورى بزياده ويلعب في الخط لكن على الامريكي ماجربتها