لاتغامروتكشت لوحدك وتقول معي سياره جديده

[الأبرق2006]

بسم الله الرحمن الرحيم

رحلة الكتاوت

في يوم الإربعاء الموافق 12/12/ 1429هـ تحركنا من الرياض بسيارتين الأولى نيسان

ربع (سلقه )والثانيه فورد (اكسبلورر) وكلها موديل 2008والوجهه كانت احداثيه مع احد

ملاحي الرحله اتضح انها بالقرب من فيضة القراين في الصمان

وصلنا الموقع بسلامة الله وحفظه الساعه التاسعه مساءً ودرجة الحراره كانت (5) مع رياح

شماليه شرقيه وفي الصباح وبعد تناول وجبة الفطورقرر أمير الحمله أن المكان غير مناسب

وعلينا تغيير المكان فهب الجميع لتحميل العفش والتحرك لكن

.
.
.
.
.
.
.
.
.
.
.
.
.
.
.
.
.
.
.
.
السلقه قالت هذا مكاني

وهذا ماحصل والحمدلله الي ماجعلها أعظم والحمد لله أن معنا سياره أخرى وسحبناها الى

محطة البطيحان مسافة 40كم تقريباً وعند وصولنا الى المحطه ما كان فيها كهربائي يمكن

انه حاج واحترنا هل نشحنها بسطحه للرياض ونكتفي اونتركها في المحطه ونجتمع في

الفورد لكن ماتكفينا مع العفش ولكن ربك كريم أرسل لنا واحد من شباب( القصيم )جزاه الله

خير قال العله من الكتاوت الخاصه بطرنبة البنزين ولا تدورون غيرها تراي مجربها لكن انا

مستعجل واعذروني وجاء الآخر ايضاً من أرض الخير( القصيم ) وقام بفتح الديكور واخراج

الكتاوت وكان يأخذ التوجيهات عن طريق الجوال من المهندس /عبد الله من القصيم ودي

والله اذكر اسمه لكن أخاف انه مايرضى حتى شغل السياره صراحة الدنيا مازالت

بخيرفجزاهم الله عنا جميعاًخير الجزاء ورحم الله والديهم

واتجهنا بعدذلك الى ام عشر وشعيب الباطن وكان العشب لابأس لاكن المكاشيت واجد

واترككم الآن مع الصور التي تحكي المعانات





http://i472.photobucket.com/albums/rr83/alazi11612/PC111312.jpg
بداية مشوار السحب

http://i472.photobucket.com/albums/rr83/alazi11612/PC111315.jpg

http://i472.photobucket.com/albums/rr83/alazi11612/PC111318.jpg


http://i472.photobucket.com/albums/rr83/alazi11612/PC111319.jpg
البحث عن هرفي ينسينا التعب
http://i472.photobucket.com/albums/rr83/alazi11612/PC111321.jpg
البدء في اعداد وجبة الغداء
http://i472.photobucket.com/albums/rr83/alazi11612/PC111323.jpg
http://i472.photobucket.com/albums/rr83/alazi11612/PC111324.jpg

http://i472.photobucket.com/albums/rr83/alazi11612/PC111326.jpg

كبسة الشيف ابوعمر
http://i472.photobucket.com/albums/rr83/alazi11612/PC111332.jpg
من الجوع ابواحمدماصبر ينتهي الشيف من اعداد السفره بالهنى والشفاء

والسلام عليكم ورحمة الله وبركاته

[سنا البرق]

بارك الله فيكم
ولاتعبتوا يارجال
وعليكم بالعافيه

[رساوي مهاجر]

الحمد لله على سلامة الوصول
وشكرا على نشر النصيحة للجميع بعد المرور بالتجربة
وتعيشون ولا تاكلون غيرها بإذن الله
لكن تكفى لا تحقر الموتر لأن النيسان غالي ولا هي من عاداته
تحياتي لجميع أعضاء الرحلة

[سالم1111]

الله يعطيك الف عافيه

[الصمان 2]

شف هذا الرابط لأخونا : خشيمان ، حل مشكلة الكتاوت في النيسان

http://www.mekshat.com/vb/showthread.php?t=136877


والحمد لله على سلامتكم .


.

[سوبر152]

الحمد لله على سلامة الوصول
وشكرا على نشر النصيحة للجميع بعد المرور بالتجربة

[تــــوني]

الحمد لله على سلامتكم

اهل الخير واجد
ما ينفع بالحالك ..... <<< ما كنه يطلع بالحاله ابد

[راعي الفروه]

الله يعطيك الف عافيه والحمدلله على السلامه

[مطارد]

نصيحة في محلها والحمد لله على السلامة
والشكر موصول لمن ساعدكم ......

[aooa]

الباترول وقف عند موديل 1997

وما بعد هذا الموديل تعتبر سيارات للطرق المسفلته بشرط ان تكون قريب من منطقه صناعيه او على اقل تقدير حولك سطحـــه .

وانا اكتب هذا الكلام من وقع تجربه وليس كلام انشائي

[ابو الهيثم 1]

اشوى مهوب انا لحالي نفس المشكله ثاني العيد عيا سفاري 2008 -2 يشتغل وكنت قرأت عن المشكله وفكيت كتاوت المكيف وركبته مكان كتاوت الطرمبه واشتغل على طول والحل انك تشتري درزن شرابات قصدي درزن كتاوتات وتحطه بالدرج ومفك مربع ومفتاح 10و11 وبس.... الله لايوفق الحمراني.

[ولهان الصمان]

الحمد لله على سلامتكم ومن العايدين الفايزين وكل عام وأنتم بخير
وليست مغامرة حيث أن الصمان في هذا الوقت الذي هو فصل الشتاء يكثر فية الكشاته والبادية . ولو جيت في وسط الحر لم تجد أحداً أبداً.
تفضل
تفضل ثلاث خرائط مع الإحداثيات من بعض أفياض الصمان مرتبة بالتسلسل (http://75.126.184.24/~mekshat/vb/showthread.php?t=173378) ‏(http://75.126.184.24/~mekshat/vb/images/misc/multipage.gif 1 (http://75.126.184.24/~mekshat/vb/showthread.php?t=173378) 2 (http://75.126.184.24/~mekshat/vb/showthread.php?t=173378&page=2) 3 (http://75.126.184.24/~mekshat/vb/showthread.php?t=173378&page=3) 4 (http://75.126.184.24/~mekshat/vb/showthread.php?t=173378&page=4))

[كسول]

نعم كلام جميل
حصل لنا مثلك وذلك قبل العيد في نفود الدهناء
رفض الباترول 2008 سفاري ان يشتغل
وتم الاتصال على مهندس في بريدة واخبرنا ان نفك
اثنين من الفيوز ونركب كل واحد في مكان الاخر
والحمد لله اشتغل

[m1m]

رحلة موفقة ..

ونعنبوها سيارة تخليني أفتح كبوت وهي جديدة .. وشلون لا صارت طفية .. وسحب . وكتاوت ..

سبب خراب الكتاوت .. لا تشغل السيارة والطرمبة ( تزن ) انتظر 10 ثواني حتى تسكت ثم شغل

[مزون نجد]

مشكور على الصور

وهذي مشكله معروفه بالباترول ..........

[ابو غيوض]

الحمد لله على السلامه

[الزعيم 15]

يعطيك الف عافيه

[الكونترولCONTROL]

الباترول وقف عند موديل 1997

وما بعد هذا الموديل تعتبر سيارات للطرق المسفلته بشرط ان تكون قريب من منطقه صناعيه او على اقل تقدير حولك سطحـــه .

وانا اكتب هذا الكلام من وقع تجربه وليس كلام انشائي
----

يبدو أنك غير مجرب ..!! موديل 1999 اشتريته وكالة مشى معي 240,000
في سنتين و 10 شهور .... و بعته مثل الجديد و كنت متحسف على بيعته و لكن الظروف أجبرتني .... و البر كان يشتكي منه ما شاء الله ....
و يعلم الله ما حطيت به الا بنزين و زيت و فحمات فرامل 3 مرات فقط ..!!
و كفرات مرتين أحدهما لتغيير الجنوط !!!
---
و أعرف واحد راعي صيد أو قل مهووس صيد !!! موديل 1998 جلس معه 5 سنوات !!! بدون أي مشكلة !!

[F A H A D]

الحمد لله على السلامه ... والله دايم اصيح على الشباب ان الكشته ضروري تكون السيارات واجد ... ما تدري وش يصير في البر ....
علها تكون درس واقعي للجميع وبارك الله فيك على نقل التجربه والتذكير للجميع ......::::

[ابو الفهدة]

ماشاء الله صور جميلة والحمد لله على السلامة

[الأبرق2006]

حياك ربي يا/ سوبر152والله يسلمك

[الأبرق2006]

هلابك يا /تــــوني الله يسلمك وصدقت

[الأبرق2006]

الله يسلمك يا / راعي الفروه

[الأبرق2006]

الله يسلمك يا /مطارد وحياك ربي

[alsat3]

الحمد لله على سلامة الوصول

شكرا لهذا التقرير القيم والصور القيمة

وشكرا على نشر النصيحة للجميع

لك تقديري

[الأبرق2006]

حياك الله يا /aooa انا معك في ماتقوله بس أظن هذا ينطبق على جميع أنواع السيارات

[الأبرق2006]

الله يحييك ومن العايدين الفايزين يا / ولهان الصمان شرفني مرورك وشكراً على الخرائط

[أخو شيخة]

:( :( والله قهر يا الأبرق2006 سيارة 2008 وتخرب شي قهر لكن طلعة البر حلوه إذا فيه مثل هذي الأشكاليات وتصلح والله يعينكم وشكل الكبسة جات بعد( شيل وحط ) لكن الطعم رائع تقبل فائق تحياتي:( :(

[الأبرق2006]

حياك ربي يا / كسول


والله هالقصمان خيرهم عام للجميع الله يوفقهم ويجزاهم خير

[الأبرق2006]

هلابك يا / مزون نجد ولاشكر على واجب

[الأبرق2006]

الله يسلمك يا / ابو غيوض وياهلا

[طرقي سدير]

حياك ربي يا / كسول




والله هالقصمان خيرهم عام للجميع الله يوفقهم ويجزاهم خير



وانا خيك يقول الرسول عليه الصلاه والسلام ((مازال الخير في أمتي إلى ان تقوم الساعه))

يعني كلن فيه حقه وكلن عطاه الله من هبه الريح فالخير ليس حصرا على منطقه او قبيله او حموله

ولا هوب معنى كلامي ان ابخس حق اهل القصيم لا والله محشومين وهم انسباء واقارب لي ولاكن حبيت بس اذكر الابرق بأن الخير ليس محصورا على احد

[الأبرق2006]

هلابك يا / الزعيم 15

[الأبرق2006]

هلا بك ياخوي / F A H A D والله يسلمك
وشرفني مرورك


ومداخلتك

[الأبرق2006]

الله يسلمك يا اخي / ابو الفهدةتشرفت بمرورك

[Abo ziad]

اولا الحمدلله على سلامتكم ، وثانيا يجب توقع اي شيء في رحلات البر ، وجيد انكم عرفتوا المشكلة ما ضحك عليكم راعي ورشة ما يخاف الله وجعل من الحبة قبة ، ورحلة موفقة ويعوضكم الله ابرك منها ان شاء الله

[مقلع الرمث]

الحمد لله على سلامتكم ونعم والله بالقصمان وانا منهم ونعم بي انا بعد

[abumashal]

بارك الله فيك
والحمدلله على السلامه

[ولدالعم]

موفق لكل خير

[روعة الأيام]

الله يجزاهم خير إن شاء الله

[الأبرق2006]

هلابك ياخوي / alsat3 وحياك ربي والله يسلمك

[الأبرق2006]

تشرفت وانا اخوك يا / أخو شيخة وصدقت الرحله الي يكون فيها بعض المواقف تبقى عالقه في الذاكره

[جمر الغضاء]

الحمد لله على السلامه

ومشكور يالغالي لتقديمك للنصيحه

[الأبرق2006]

وانا خيك يقول الرسول عليه الصلاه والسلام ((مازال الخير في أمتي إلى ان تقوم الساعه))

يعني كلن فيه حقه وكلن عطاه الله من هبه الريح فالخير ليس حصرا على منطقه او قبيله او حموله

ولا هوب معنى كلامي ان ابخس حق اهل القصيم لا والله محشومين وهم انسباء واقارب لي ولاكن حبيت بس اذكر الابرق بأن الخير ليس محصورا على احد


والله العظيم وانا اخوك ماحصرت الخير على أهل القصيم ولا يهونون الباقين لكن فزعتهم

معنا خلتني اكتب ها الكلام والا انا عارف لو انك شايفنا ماقصرت

[الأبرق2006]

شرفني مرورك يا / Abo ziad الله يسلمك

وما كان ناقصنا الا وجودك

[الأبرق2006]

هلا ومسهلا يا / مقلع الرمث الله يسلمك ونعم بك وبالجميع

والله يجزاكم خير

[راعي العراجين]

غير ان تعطل السيارة مصيبة , برانا معاد تستامن من الحنشل , الله يكفينا الشر , فالله الله بالعزوة في هالرحلات البرية , الله يحمي كل مسلم من الشر,,,,

[.أبوعبدالرحمن]

الحمدلله على سلامتكم


والسيارتين في الكشتة البعيدة ضروووووووووووووووووووووووورية

[الأبرق2006]

الله يسلمك وانا اخوك يا/abumashal

[الأبرق2006]

الله يوفقنا وياك لكل خير ياخوي /ولدالعم

[قلم آخر]

مشكلتنا سواقين بس ما نعرف الفك ومن التركيب وياليت يدرس موضوع الصيانة الخفيفة للي بيجدد الرخصة .....


بالنسبة لي مرة وانا راجع من روضة الخفس ابي الخط ، إلا وأطيح في رمال قبل الزفلت والوقت ضيق قبل المغرب والحمد لله سلم وطلعت منها

[الأبرق2006]

آآآآآآآآآآآآآآآآآآآآآآآآآآآآمين وانا اخوك /روعة الأيام

[الأبرق2006]

صدقت وانا اخوك يا/ قلم آخر بس صيانة السيارات الحديثه

صعبه و لازم تخصص اوتفرغ وحنا ماحنا فاضين مخلينها

لاهل الإختصاص