مرثيه ناصر السعيد

[عنبري]

السلام عليكم ورحمة الله وبركاته
هذه القصيدة في رثاء احد اقاربنا
محمد بن عبد العزيز بن سعود السلطان وابنه عبد الله "رحمها الله " قالها الشاعر:ناصر السعيد
الذي وافاهما الأجل يوم الخميس 8/11/1429هـ

علم لفاني




علمٍ لفانـي يحـر الكبـد جزانـي
والعين عافت لذيذ النوم مـا جاهـا
الله يجبر عزاكـم يـا آل سلطانـي
فجيعةٍ مزعـت قلبـي ولا انساهـا
هلت دموعي على خدي و الاوجاني
اوجس بقلبي لهيب النـار يصلاهـا
لاراح قـرمٍ رفيـع القـدر بكانـي
يهز روحٍ طواهـا الهـم واشقاهـا
مير القدر لا حصل ما عنه هجراني
ما قدر الله يجي للنفس ما اخطاهـا
الموت لا بد ياتـي والعمـر فانـي
ذي سنه الله على المخلوق واجراها
سبحان من في يده دورات الازماني
الواحد اللي يقيم النـاس واحصاهـا
دنياك كـم فرقـت ربـعٍ وخلانـي
لو يبتسـم سنهـا ياسـرع مبكاهـا
العمر زهر نبت في جال غدرانـي
لو طال لابد شمس الصيـف تقفاهـا
مير الصبرواجبٍ لا جتك الاحزاني
والعين مـا ردت الاقـدار ببكاهـا
يالله يالمقتـدر ياعـالـي الشـانـي
يا عالمٍ بالخلايـق وانـت مولاهـا
تجزي محمد وعبـد الله بالاحسانـي
وتغمد ارواحهـم بالخيـر تجزاهـا
في ضل عرش الولي روح ورياحني
في جنة يا سعد مـن حـل مرباهـا
يا لله عسى قبورهم جنه وريضانـي
يالله ياعـالـمٍ نـفـسِ ونجـواهـا
و صلاة ربي عدد هطال الامزانـي
على نبي ٍ سنـا الدعـوة و جلاهـا
الرابط الصوتي,,,الحان ناصر المفرج
http://www.up-00.com/dldnaM79544.ram.html

[قاصد الصمان]

غفر الله لهما وأسكنهما فسيح الجنان