شاص 2008 وخربت الكرونه فزعتكم يا اعضاء مكشات [الأرشيف]

مشاهدة النسخة كاملة : شاص 2008 وخربت الكرونه فزعتكم يا اعضاء مكشات

قمة الثلبوت

15/12/2008, 03:59 AM

السلام عليكم

القصه يا اخوان اتصل على احد الزملاء البارح ضايق خلقه
مشتري له شاص 2008 بريمي له معه من ست شهور تقريبا
والبارح يقول ان الكرونه خربت معه يطلع لها صوت المهم يا اخوان الرجال
اوضاعه الماديه الان ما تساعده واتصاله كان يبحث عن سلف فقلت له لاتستعجل
في تصليحها لاني اسمع انه لو ركبتها جديده ما رايح تضبط
الا وتغير الدفرنس
وابغى نصيحتكم يا اخوان والله انه كاسر الخاطري الله يعينه

هل هو يركبها جديده
ام يغير الدفرنس كامل
وياليت اذا احد يعرف ورشه تضبط شغل الكرونه
القصيم ولا حائل
وهل هو يقدر يسافر على الجيب لو يفصل العمود حق الدبل
تتوقف الكرونه عن العمل ولا تبقى تلف

اتمنى اشوف نصائحكم لأخيكم المسلم

ولد الهاااص

15/12/2008, 06:07 AM

وعليكم السلام ..

اولا الحمدلله على كل حال وهذا شي مهب غريب على كوارين الشيصان والارباع .. وخصوصا اللي قدام بحكم صغرها ..

وطريقة تعاملنا معها .. المهم .. الله يعوض على خويك .. ان شاء الله ..

بس حبيت اشارك معكم وان شاء الله افيدكم ..

.. واحب اطمنك ولد خالتي توه شاري شاص 2009 ماكمل شهر معه الا وهي طاقه كارونته اللي قدام ..
طبعاً وداه لعبداللطيف جميل .. وغيرو له الدفرنس كامل على كلامه .. تحت الضمان .. وموتره خليجي .. يعني ان عبداللطيف جميل استقبله عنده على الضمان فاأتوقع لو يروح خويك لمهم ويكلمهم عشان الضمان ..
يمكن يدخلونه .. ..

وبالنسبه للورش اللي اعرفها .. اغلب الورش في الرياض وغيرها .. بتعرف لها لان شغلتها سهله مهيب معقده مثل التوظيب ووزن البلوف والخ ....

واما من ناحية انه يفك العامود حق الدبل .. عشان ماتدور الكارونه .. مايحتاج يفكه خله يفك الفلنجات اللي على اليمين واليسار اللي يجي مكانهن الفرارات .. في وسط الجنط زي الاكواب بس صغييييره .. خله يفكها ويطلع التيله اللي ماسكه العكس بعدين يطلع الفلنجه .. وخلاص .. خله يمشي عليها مافيه مشكله .. لان الكارونه وقفت الحين .. بس لو فك العامود لحاله بس الكارونه بتدور عشان الكفر يدور ..

انا عارف اني طولت بالشرح .. بس هذا اقل اختصار ..

واذا احتجت شي انا تحت امركم ..

تحياتي ..

قمة الثلبوت

15/12/2008, 06:19 AM

وعليكم السلام ..

اول الحمدلله هذا شي مهب غريب على كوارين الشيصان والارباع .. وخصوصا اللي قدام بحكم صغرها ..

وطريقة تعاملنا معها .. المهم .. الله يعوض على خويك .. ان شاء الله ..

بس حبيت اشارك معكم وان شاء الله افيدكم ..

.. واحب اطمنك ولد خالتي توه شاري شاص 2009 ماكمل شهر معه الا وهي طاقه كارونته اللي قدام ..
طبعاً وداه لعبداللطيف جميل .. وغيرو له الدفرنس كامل على كلامه .. تحت الضمان .. وموتره خليجي .. يعني ان عبداللطيف جميل استقبله عنده على الضمان فاأتوقع لو يروح خويك لمهم ويكلمهم عشان الضمان ..
يمكن يدخلونه .. ..

وبالنسبه للورش اللي اعرفها .. اغلب الورش في الرياض وغيرها .. بتعرف لها لان شغلتها سهله مهيب معقده مثل التوظيب ووزن البلوف والخ ....

واما انه يفك العامود حق الدبل .. عشان ماتدور الكارونه .. اوكيه يفكه وخله يفك الفلنجات اللي على اليمين واليسار اللي يجي مكانهن الفرارات .. في وسط الجنط .. خله يفكها ويطلع التيله اللي ماسكه العكس بعدين يطلع الفلنجه .. وخلاص .. خله يمشي عليها مافيه مشكله .. لان الكارونه وقفت الحين .. بس لو فك العامود لحاله بس الكارونه بتدور عشان الكفر يدور ..

انا عارف اني طولت بالشرح .. بس هذا اقل اختصار ..

واذا احتجت شي انا تحت امركم ..

تحياتي ..

اخوي ولد الهاص اللهم يارب تجعل هذه النصيحه
في ميزان حسناتك والله يوفقك في دنياك واخرتك

بالنسبه للوكاله اعتقد يا اخي مايستقبلونه لو استقبلوه بياخذون
حقهم والوكاله معروفين في الغلاء لأن الموتر ماشي تقريبا حول 60 الف
وبيقولون هذا ناتج من سوء في الاستخدام لن راعيه الله يصلحه ويهديه
فيه شوية لقافه بس كل طقه بتعليمه ان شاءالله ... واعتقد انها ماخربت من فراغ

قمة الثلبوت

15/12/2008, 01:43 PM

ما احد اعطنا معلومه جديده تراء الرجال
والله اني قايل له لاتفكه الا لما اقولك وانا معتمد
على ارائكم ياليت نشوف اراء اكثر الله يسلمكم

غضنفر

15/12/2008, 01:51 PM

الله يعينه
الربع و الشاص
يبيله مداراة من ناحية الكارونة الامامية و الخلفية
المهم والمختصر المفيد
مواتر تايوتا 2008 ظمانها الى 100 الف
اذا خويك ما تعدى المية خله يسير على تايوتا
ويطول لسانه شوي
ان هذا عيب مصنعي و يكلف والموتر جديد وعلى الظمان
وان ما نفع
يقدر يركب كارونة جديدة (تقريبا 3000 ريال )
وشغل يد قرابة الــ 600 ريال
الدفرنس الامامي كامل
يكلف من 4000-7000
حسب النظافة و الممشى
والورش واجد بس يتحرى الافضل
وعندك بالقصيم
ورشة الصمعاني بالتشليح
مشهور وشغلته الكوارين
و
كحل مؤقت
1- يفصل عمود الدبل
2- يركب فرارات

ابوعقل

15/12/2008, 01:54 PM

السلام عليكم

الكلام على الدفرنس اللي ورا ولاقدام؟؟؟؟؟؟

اذا اللي قدام

خله يركب تحضيره ((فرارات))

ولا يستعجل

راعي الجيوب 1

15/12/2008, 02:06 PM

اخي العزيز كان الله في عونه وان شاء الله تتحسن اموره لاحسن
اخي العزيز انا سبق ان شريت جيب شاص 2003 فطيمي من الامارات ( العين ) ومن شريته وانا اسمع لها صوت مزعج رحت بدلت الزيت لاثقل من الاول وخف الصوت استخدمت السياره قرابه 4 شهور وهي علي ماهي عليه بحثت عن كارونه جيب هدد والحمد الله توفقت وحصلت موديل 2006 وركبتها بقيمه 2000 ريال بمافيها التركيب والحمد الله رجعت السياره اخف بكثر من قبل ,,,
اسف علي الاطاله
تقبل تحياتي

Abu Saad

15/12/2008, 02:13 PM

من متى هذا العيب في الشيصان والارباع من اي موديل ؟
وهل هو منتشر والا حالات شاذة؟
الرجاء الافادة للاهمية ..
وشكرا

السليطين

15/12/2008, 03:58 PM

من متى هذا العيب في الشيصان والارباع من اي موديل ؟
وهل هو منتشر والا حالات شاذة؟
الرجاء الافادة للاهمية ..
وشكرا

اللي انا اشوفه ان العيب من 2002 وطالع ...

كل يوم طالع لنا واحد بكارونه ..(((( خاصة الاماميه ))))

الحلم البعيد

15/12/2008, 04:20 PM

السلام عليكم ورحمة الله
اخوي قمه. الضمان على السياره ساري حتى 100.000 كيلو او ثلاث سنوات

قمة الثلبوت

15/12/2008, 04:35 PM

غضنفر ... ابو عقيل ...راعي الجيوي ... Abu Saad .. السليطين

ما اقول الا جزاكم الله خير وبيض الله وجيهكم على ها النصايح والله يا اخوان
اني مأخر الرجال مايشتغل فيه كله من شان اني ابعتمد على رايكم
وكل ساعه وانا مشيك على الموضوع
المهم انا سوف اخر الرجال يوم او يومين وابغى ابقى متابع لها الموضوع
نبي نشوف المزيد عشان بوجه الرجال على رايكم والكثير منكم
يمكن ماره عليه ها المشكله والمثل يقول اسمع من مجرب ولاتسمع من طبيب

قمة الثلبوت

15/12/2008, 04:37 PM

السلام عليكم ورحمة الله
اخوي قمه. الضمان على السياره ساري حتى 100.000 كيلو او ثلاث سنوات

اخوي الحلم البعيد اذا المعلومه صحيحه
نقول الحمدلله انحلت المشكله على العموم
انا باقوله يمر على الوكاله ونشوف وش يقولون

شكرا على مشاركتك وجزاك الله خير

for

15/12/2008, 04:53 PM

طيب وش الطريقه الصحيحه للمحافظه على الكرونه في الشاص ..

اخوي قمة الثلبوت الله يفرج لخويك ويصلحها الوكيل على الضمان

قمة الثلبوت

15/12/2008, 06:20 PM

طيب وش الطريقه الصحيحه للمحافظه على الكرونه في الشاص ..

اخوي قمة الثلبوت الله يفرج لخويك ويصلحها الوكيل على الضمان

والله يا خوك تبغى الصراحه اكثر ما تخرب مع محبي التطعيس
واكثر ماتخرب عند نقطة الانطلاق اذا كان داعس على المكينه
ورفع رجله فجئه عن الكلتش هذا اكثر ما يخربها .....
ولا انا معي شاص
من ثلاث سنوات والله كل مكان اصل فيه بالنفود حتي الصيانه قليل ما اشيك عليه
وزيت السوائل ماعمري شفته واحيان اتجاوز سرعة 120 والدبل شغال ولله الحمد
ماعمره خرب معي

مدير العمليات

15/12/2008, 07:11 PM

قمة الثبوت ... احييك
ابرسلك رسالة على الخاص فيها رقم واحد ميكانيكي مختص...

غضنفر

15/12/2008, 07:23 PM

طيب وش الطريقه الصحيحه للمحافظه على الكرونه في الشاص ..

اخوي قمة الثلبوت الله يفرج لخويك ويصلحها الوكيل على الضمان

- الشاص كارونته الامامية و الخلفية تخرب اكثر من الربع
والسبب الثقل والكارونة صغيرة مع مكينة جبارة

- للمحافظة على الكارونة
* التشييك باستمرار على الزيت لا يكون ناقص
* تنسيم الكفرات
* عدم لف الدركسون بقوة والدبل شغال
* عدم تعشيق الدبل للسرعة اكثر من 120
* عدم استخدام الدبل الثقيل للمراقى
* عدم القمز (النط , الطمر) بالموتر والدبل معشق
* عدم تشغيل الدبل في حال كون المرقى للطعس مكسر و به مطبات و حفر

لن أمل من العطاء

15/12/2008, 07:29 PM

معلومات اكيـــــــــــــــــده

اي سيارة توياوتا تم شرائها (تسجيل لوحاتها واستمارتها) من تاريخ 1-1-2007 يكون ضمانها 100 الف كم او ثلاث سنوات ايهما ياتي اولا وهذا ضمان مصانع تويوتا وليس شركة عبداللطيف جميل
وحتى لو كانت السيارة موديل 2006 لان عندي الهايلوكس 2006 وضمان 100 كم وثلاث سنوات

اخوي قمه
قل لخويك يروح الوكالة وهو رافع راسه وواثق ويقولهم ان سيارتهم خربانه ولو مافاد يحاول يشتكي اقصد بذلك للتخويف صدقني يغيرون الدفرنس كامل مو الكرونه فقط

انصحة لا يحاول يفك السيارة عند اي احد الا بعد ان يفقد الامل بالوكالة ويجرب مو خسران شيء
اعرف تويوتا
مايجون الا بالعين الحمراء

غضنفر

15/12/2008, 11:16 PM

- الشاص كارونته الامامية و الخلفية تخرب اكثر من الربع
والسبب الثقل والكارونة صغيرة مع مكينة جبارة

- للمحافظة على الكارونة
* التشييك باستمرار على الزيت لا يكون ناقص
* تنسيم الكفرات
* عدم لف الدركسون بقوة والدبل شغال
* عدم تعشيق الدبل للسرعة اكثر من 120
* عدم استخدام الدبل الثقيل للمراقى
* عدم القمز (النط , الطمر) بالموتر والدبل معشق
* عدم تشغيل الدبل في حال كون المرقى للطعس مكسر و به مطبات و حفر

ازيد ايضا

* المسايف على الطعس يمين و يسار يدمر العكوس والكارونة

باختصار النصيحة الذهبية
لا تشغل الدبل الا اذا اضطريت له
معك ما شاء الله مكينة قوية و قير ممتاز
ركب كفرات عريضة
ونسم الكفرات
ولا انت محتاج للدبل
الا للسحب او للمراقي الطويلة

Abu Saad

15/12/2008, 11:26 PM

شكرا اخو السليطين على الافادة .

اخوي غضنفر
هل هذا هو سر قلة المرهمات في ارباع التويوتا ؟ ان كوارينها ماتتحمل مكاين ال اس ؟
الاحظ 99% من المرهمات نياسين.

قمة الثلبوت

16/12/2008, 02:04 AM

قمة الثبوت ... احييك
ابرسلك رسالة على الخاص فيها رقم واحد ميكانيكي مختص...

اخوي مدير العمليات وصلني الرقم .. وجزاك الله خير
وبيض الله وجهك يا وجيه الخير
وان شاءالله بكره بعطيه الرقم يتصل عليه

قمة الثلبوت

16/12/2008, 02:07 AM

غضنفر

16/12/2008, 02:30 AM

شكرا اخو السليطين على الافادة .

اخوي غضنفر
هل هذا هو سر قلة المرهمات في ارباع التويوتا ؟ ان كوارينها ماتتحمل مكاين ال اس ؟
الاحظ 99% من المرهمات نياسين.

لا أبداء
السر طال عمرك
الرخص
الربع نيسان تقدر تأخذه لو مكينته مدمورة بــ 10 الالاف
التايوتا ما تقدر تقربه بأقل من 20 الف
الامر الاخر و المهم جدا
الرساوة
الربع نيسان ياي من الخلف
تقدر تلعب بالمرهم على كيفك
تنطل على المرقى بكل راحة
التايوتا عسر شوي ويبيله سواق

القحطاني 59

16/12/2008, 02:51 AM

السلام عليكم
كيف حالك
اخوي الكرونه خرابه من عدت اشياء يا انه مستعرض (ريوس ثنين) او انه مركب تواير اثقال او انه يحمل اشيا ثقيله فالموتر وان كانت الكرونه ليحين تطق مانكسرت يودي السياره قراج ويشوف الكرونه تتصلح او ماتتصلح لن بعض المرات ينكسر ترس فيها او يبدلها ولايستعجل وينصبون عليه او ان الايل يخر من الكرونه ونكسرت بس ان بغا يبله احسن شي يركب مستعمله لايركب جديده الي اعرفه دليتك عليه والسموحه على القصور
وخله يحاسب لا تقبض عليه ترا ناس واجد ماتو على هالشي تقبض الكرونه كنك ساحب هند وينقلب

for

16/12/2008, 08:20 AM

ازيد ايضا

* المسايف على الطعس يمين و يسار يدمر العكوس والكارونة

باختصار النصيحة الذهبية
لا تشغل الدبل الا اذا اضطريت له
معك ما شاء الله مكينة قوية و قير ممتاز
ركب كفرات عريضة
ونسم الكفرات
ولا انت محتاج للدبل
الا للسحب او للمراقي الطويلة

بيض الله وجهك على النصايح الذهبيه وفعلا صدقت الموتر ثقيل لكن وش رايك في الفرارات (تحضيره ) ماتخفف على الموتر وتقل الحنه وهل مالها دخل في تفكك الموتر جربتها في موتر خوي لي والفرق واجد في العزم والخفه لكن تحس بالمقامز اكثر ويهربد الموتر مهوب شاد عمره

for

16/12/2008, 08:26 AM

والله يا خوك تبغى الصراحه اكثر ما تخرب مع محبي التطعيس
واكثر ماتخرب عند نقطة الانطلاق اذا كان داعس على المكينه
ورفع رجله فجئه عن الكلتش هذا اكثر ما يخربها .....
ولا انا معي شاص
من ثلاث سنوات والله كل مكان اصل فيه بالنفود حتي الصيانه قليل ما اشيك عليه
وزيت السوائل ماعمري شفته واحيان اتجاوز سرعة 120 والدبل شغال ولله الحمد
ماعمره خرب معي
ماقصرت يالذيب ...
ابشرك ماني راعي تطعيس ولا مقاومات لكن عقب سالفه خويك الواحد قام يهوجس :D

طحنون

16/12/2008, 08:49 AM

صدقوني تغيرت الجوده في سيارات تويوتا
لانها تكسرت مقوله الجيش اللي مايقهر اقصد الموتر اللي مايخرب

اجل كارونا تخرب لسياره جديده
حتى لو من سوء الاستعمال ماتخرب بالسهوله والسرعه

Abu Saad

16/12/2008, 09:31 AM

شكرا اخوي غظنفر على الافادة وجزاك الله خير.

بيبسي

16/12/2008, 09:47 AM

قمة الثلبوت

16/12/2008, 05:34 PM

مشكله اذا كان من غير عبد اللطيف جميل ماعليه ضمان

خله يروح لواحد في الصناعيه القديمه سوري متخصص كرونات ودبلات ابدور رقمه واحطه ان شاء الله
بس هو معروف هناك اسمه ابو محمد او موسى

لي رجعه ان شاء الله

و نحن في انتظارك يا الغالي ...
وارسله لي على الخاص واعطني رايك بالصمعاني لاني اشوف الاعضاء
ينصحون بشغله وانت يمكن عندك راي ثاني
الرجال كلمني يقول انه حصل كرونه مستخدمه عند الصمعاني 1400 على ما اظن
ويقولون الجديده وكاله 2400 وانا والله قلت له الجديد وابعد عن المستخدم

قمة الثلبوت

16/12/2008, 05:37 PM

صدقوني تغيرت الجوده في سيارات تويوتا
لانها تكسرت مقوله الجيش اللي مايقهر اقصد الموتر اللي مايخرب

اجل كارونا تخرب لسياره جديده
حتى لو من سوء الاستعمال ماتخرب بالسهوله والسرعه

ياخوك هذه لعبة الاذكياء لو صنعو له قطع
ماتخرب كان ما ربحوا في سوق اقطع الغيار

قمة الثلبوت

16/12/2008, 05:50 PM

على فكره الوكاله راح لهم وقالو مانصلحه
لأنه خليجي ماهو من عبداللطيف جميل

قمة الثلبوت

17/12/2008, 06:01 PM

اليوم اتصل على الرجال يقول حصل
عند الصمعاني كرونه مستخدمه 1500
تنصحونه يركبها ولا لا وكيف يعرف صلاحيتها من عطالها

لن أمل من العطاء

17/12/2008, 07:48 PM

اليوم اتصل على الرجال يقول حصل
عند الصمعاني كرونه مستخدمه 1500
تنصحونه يركبها ولا لا وكيف يعرف صلاحيتها من عطالها

نصيحيتي لك وله

ان كان سعر الجديده 2400 والمستخدم 1500 ياخذ جديده اضمن وافضل

قمة الثلبوت

17/12/2008, 08:38 PM

نصيحيتي لك وله

ان كان سعر الجديده 2400 والمستخدم 1500 ياخذ جديده اضمن وافضل

والله مدري بصراحه اني محتار مدري انا اخليه يصمل
على الجديده ولا المستخدمه .. وعلى العموم يالغالي لن امل نصيحتك
لها دورها نبغى نشوف اكثر اراء من الاعضاء